ಪದ್ಮಶ್ರೀ ಪುರಸ್ಕೃತ ತಮಿಳು ವಿದ್ವಾಂಸ, ನಿರೂಪಕ ಸೊಲೊಮನ್ ಪಪ್ಪಯ್ಯ ಇನ್ನಿಲ್ಲ : ತಮಿಳಿನ ಜನಪ್ರಿಯ ವಾಗ್ಮಿ, ನಿರೂಪಕ, ಪದ್ಮಶ್ರೀ ಪುರಸ್ಕೃತ ಪ್ರೊ. ಸೊಲೊಮನ್ ಪಪ್ಪಯ್ಯ ಅವರು ಶುಕ್ರವಾರ ಮಧುರೈನಲ್ಲಿ ನಿಧನರಾಗಿದ್ದಾರೆ. ಅವರಿಗೆ 90 ವರ್ಷ ವಯಸ್ಸಾಗಿತ್ತು. ವಯೋಸಹಜ ಆರೋಗ್ಯ ಸಮಸ್ಯೆಗಳಿಂದ ಬಳಲುತ್ತಿದ್ದ ಅವರು ಖಾಸಗಿ ಆಸ್ಪತ್ರೆಯಲ್ಲಿ ಕೊನೆಯುಸಿರೆಳೆದಿದ್ದಾರೆ. ಪೂರ್ಣ ಸುದ್ದಿ ಓದಲು ಇಲ್ಲಿ ಕ್ಲಿಕ್ ಮಾಡಿ
‘ಅಮೆರಿಕಾ ಅಮೆರಿಕಾ–2’: ಇದು ಸೀಕ್ವೆಲ್ ಅಲ್ಲ, ಹೊಸ ತಲೆಮಾರಿನ ಪ್ರೀತಿ–ಸಂಬಂಧಗಳ ಕಥೆ : ಕನ್ನಡ ಚಿತ್ರರಂಗದ ನೆನಪಿನ ಅಂಗಲದಲ್ಲಿ ವಿಶೇಷ ಸ್ಥಾನ ಪಡೆದಿರುವ ‘ಅಮೆರಿಕಾ ಅಮೆರಿಕಾ’ ಚಿತ್ರದ ಹೆಸರನ್ನು ಹೊತ್ತು ‘ಅಮೆರಿಕಾ ಅಮೆರಿಕಾ–2’ ಇಂದು (ಸೆಪ್ಟೆಂಬರ್ 11) ಚಿತ್ರಮಂದಿರಗಳಿಗೆ ಬಂದಿದೆ. ಸುಮಾರು ಮೂರು ದಶಕಗಳ ಬಳಿಕ ಅದೇ ನಿರ್ದೇಶಕ ನಾಗತಿಹಳ್ಳಿ ಚಂದ್ರಶೇಖರ್ ಮತ್ತೊಮ್ಮೆ ‘ಅಮೆರಿಕಾ’ ಹೆಸರಿನೊಂದಿಗೆ ಪ್ರೇಕ್ಷಕರ ಮುಂದೆ ಬಂದಿರುವುದು ಚಿತ್ರದ ಮೇಲಿನ ಕುತೂಹಲಕ್ಕೆ ಪ್ರಮುಖ ಕಾರಣವಾಗಿದೆ. ಆದರೆ ಮೊದಲೇ ಸ್ಪಷ್ಟಪಡಿಸಬೇಕಾದ ವಿಷಯವೆಂದರೆ, ‘ಅಮೆರಿಕಾ ಅಮೆರಿಕಾ–2’ 1997ರ ‘ಅಮೆರಿಕಾ ಅಮೆರಿಕಾ’ ಚಿತ್ರದ ನೇರ ಸೀಕ್ವೆಲ್ ಅಲ್ಲ. ನಿರ್ದೇಶಕರೇ ಇದು ಸಂಪೂರ್ಣ ಹೊಸ ಕಥೆ, ಹೊಸ ಪಾತ್ರಗಳು ಮತ್ತು ಹೊಸ ಭಾವನಾತ್ಮಕ ಪಯಣ ಎಂದು ಸ್ಪಷ್ಟಪಡಿಸಿದ್ದಾರೆ. ಚಿತ್ರವು ಸಾಹನಾ ವಿಜಯಕುಮಾರ್ ಅವರ ಕಾದಂಬರಿ ಆಧಾರಿತ ಕಥೆಯಿಂದ ರೂಪುಗೊಂಡಿದೆ. ಪೂರ್ಣ ಸುದ್ದಿ ಓದಲು ಇಲ್ಲಿ ಕ್ಲಿಕ್ ಮಾಡಿ
ಪುಟಿನ್ ಕೈ ಸೇರಿದ ತಿರುವಳ್ಳುವರ್‌ರ ಜ್ಞಾನ – ರಷ್ಯನ್ ಭಾಷೆಯಲ್ಲಿ ‘ತಿರುಕ್ಕುರಲ್’ ಉಡುಗೊರೆ ನೀಡಿದ ಮೋದಿ : ಭಾರತ ಮತ್ತು ರಷ್ಯಾ ನಡುವಿನ ದೀರ್ಘಕಾಲದ ಸ್ನೇಹ ಸಂಬಂಧಕ್ಕೆ ಮತ್ತೊಂದು ಸಾಂಸ್ಕೃತಿಕ ಸ್ಪರ್ಶ ದೊರೆತಿದೆ. ಪ್ರಧಾನಿ ನರೇಂದ್ರ ಮೋದಿ ಅವರು ರಷ್ಯಾ ಅಧ್ಯಕ್ಷ ವ್ಲಾದಿಮಿರ್ ಪುಟಿನ್ ಅವರಿಗೆ ತಮಿಳಿನ ಮಹಾನ್ ಕವಿ ಹಾಗೂ ತತ್ವಜ್ಞಾನಿ ತಿರುವಳ್ಳುವರ್ ರಚಿಸಿರುವ ‘ತಿರುಕ್ಕುರಲ್’ನ ರಷ್ಯನ್ ಭಾಷೆಯ ಅನುವಾದದ ಪ್ರತಿಯನ್ನು ಉಡುಗೊರೆಯಾಗಿ ನೀಡಿದ್ದಾರೆ. ಸೆಪ್ಟೆಂಬರ್ 11ರಂದು ನವದೆಹಲಿಯಲ್ಲಿ ಮೋದಿ ಮತ್ತು ಪುಟಿನ್ ದ್ವಿಪಕ್ಷೀಯ ಮಾತುಕತೆ ನಡೆಸಿದ ಸಂದರ್ಭದಲ್ಲಿ ಈ ಉಡುಗೊರೆಯನ್ನು ನೀಡಲಾಗಿದೆ. ಬ್ರಿಕ್ಸ್ ಶೃಂಗಸಭೆಯ ಮುನ್ನ ನಡೆದ ಈ ಭೇಟಿಯಲ್ಲಿ ಉಭಯ ನಾಯಕರು ಭಾರತ–ರಷ್ಯಾ ಸಂಬಂಧಗಳ ಹಲವು ಪ್ರಮುಖ ಆಯಾಮಗಳ ಕುರಿತು ಚರ್ಚಿಸಿದರು. ಭಾಷೆ ಬದಲಾದರೂ ಸಂದೇಶ ಒಂದೇ : ತಿರುವಳ್ಳುವರ್ ಅವರ ತಿರುಕ್ಕುರಲ್ ತಮಿಳು ಸಾಹಿತ್ಯದ ಅತ್ಯಂತ ಪ್ರಮುಖ ಕೃತಿಗಳಲ್ಲಿ ಒಂದಾಗಿದೆ. ಮಾನವ ಜೀವನ, ನೈತಿಕತೆ, ಆಡಳಿತ, ಪ್ರೀತಿ, ಸಾಮಾಜಿಕ ಹೊಣೆಗಾರಿಕೆ ಮತ್ತು ಉತ್ತಮ ಬದುಕಿನ ಕುರಿತು ಸಂಕ್ಷಿಪ್ತವಾದರೂ ಆಳವಾದ ಚಿಂತನೆಗಳನ್ನು ಈ ಕೃತಿ ಒಳಗೊಂಡಿದೆ. ತಮಿಳಿನಲ್ಲಿ ರಚಿಸಲ್ಪಟ್ಟ ಈ ಕೃತಿಯ ವಿಚಾರಗಳು ಒಂದು ಭಾಷೆ ಅಥವಾ ಒಂದು ಪ್ರದೇಶಕ್ಕೆ ಮಾತ್ರ ಸೀಮಿತವಾಗಿಲ್ಲ ಎಂಬ ಸಂದೇಶವನ್ನೇ ರಷ್ಯನ್ ಅನುವಾದದ ಉಡುಗೊರೆ ಮತ್ತೊಮ್ಮೆ ಮುಂದಿಟ್ಟಿದೆ. ಪೂರ್ಣ ಸುದ್ದಿ ಓದಲು ಇಲ್ಲಿ ಕ್ಲಿಕ್ ಮಾಡಿ
‘ಬಳ್ಳಾರಿ ಚಲೋ’ ಮುಗಿದರೂ ಹೋರಾಟ ನಿಲ್ಲದು – ವಿಜಯೇಂದ್ರ ಹೊಸ ಸಂದೇಶ : ಹತ್ತು ದಿನಗಳ ಕಾಲ ನಡೆದ ಬಿಜೆಪಿ ರಾಜ್ಯ ಘಟಕದ ‘ಬಳ್ಳಾರಿ ಚಲೋ’ ಪಾದಯಾತ್ರೆ ಸಮಾರೋಪಗೊಂಡ ಬೆನ್ನಲ್ಲೇ, ಪಾದಯಾತ್ರೆಯನ್ನು ಯಶಸ್ವಿಗೊಳಿಸಿದ ಪಕ್ಷದ ಕಾರ್ಯಕರ್ತರು, ಮುಖಂಡರು ಹಾಗೂ ಸಾರ್ವಜನಿಕರಿಗೆ ಬಿಜೆಪಿ ರಾಜ್ಯಾಧ್ಯಕ್ಷ ಬಿ.ವೈ. ವಿಜಯೇಂದ್ರ ಕೃತಜ್ಞತೆ ಸಲ್ಲಿಸಿದ್ದಾರೆ. ‘ಐತಿಹಾಸಿಕ, ಅಭೂತಪೂರ್ವ ಬಳ್ಳಾರಿ ಚಲೋ ಜನಾಂದೋಲನ ಪಾದಯಾತ್ರೆಯನ್ನು ಯಶಸ್ವಿಗೊಳಿಸಿದ ಪ್ರತಿಯೊಬ್ಬರಿಗೂ ತಲೆಬಾಗಿ ಕೃತಜ್ಞತಾಪೂರ್ವಕ ಧನ್ಯವಾದಗಳನ್ನು ಸಲ್ಲಿಸುತ್ತೇನೆ’ ಎಂದು ವಿಜಯೇಂದ್ರ ಸಾಮಾಜಿಕ ಜಾಲತಾಣದ ಮೂಲಕ ತಿಳಿಸಿದ್ದಾರೆ. ಪೂರ್ಣ ಸುದ್ದಿ ಓದಲು ಇಲ್ಲಿ ಕ್ಲಿಕ್ ಮಾಡಿ
ಗಣೇಶೋತ್ಸವದ ಸಿಹಿತಿಂಡಿಗಳಿಗೂ ಕಲಬೆರಕೆ ಕಾಟ : ಗಣೇಶೋತ್ಸವದ ಹಿನ್ನೆಲೆಯಲ್ಲಿ ಮಹಾರಾಷ್ಟ್ರದಲ್ಲಿ ಸಿಹಿತಿಂಡಿ, ಹಾಲಿನ ಉತ್ಪನ್ನಗಳು ಹಾಗೂ ಇತರ ಆಹಾರ ಪದಾರ್ಥಗಳ ಬೇಡಿಕೆ ಹೆಚ್ಚುತ್ತಿರುವ ನಡುವೆಯೇ, ಆಹಾರ ಕಲಬೆರಕೆ ವಿರುದ್ಧ ಮಹಾರಾಷ್ಟ್ರದ ಆಹಾರ ಮತ್ತು ಔಷಧ ಆಡಳಿತ (FDA) ಕಾರ್ಯಾಚರಣೆ ತೀವ್ರಗೊಳಿಸಿದೆ. ಇದರ ಭಾಗವಾಗಿ ಪುಣೆಯ ಪ್ರಮುಖ ವ್ಯಾಪಾರ ಪ್ರದೇಶವಾದ ಬುಧವಾರ ಪೇಠೆಯಲ್ಲಿ ನಡೆಸಿದ ದಾಳಿಯಲ್ಲಿ ಭಾರಿ ಪ್ರಮಾಣದ ಪನೀರ್ ಮತ್ತು ಖೋಯಾವನ್ನು ವಶಪಡಿಸಿಕೊಳ್ಳಲಾಗಿದೆ. ಪೂರ್ಣ ಸುದ್ದಿ ಓದಲು ಇಲ್ಲಿ ಕ್ಲಿಕ್ ಮಾಡಿ
ಮೆಣಸಿನ ಪುಡಿ ಎರಚಿ SBI ಹಣ ದೋಚಿದ ಆರೋಪಿ ಬಂಧನ : ಬ್ಯಾಂಕ್‌ಗೆ ಸಾಮಾನ್ಯ ಗ್ರಾಹಕರಂತೆ ಪ್ರವೇಶಿಸಿದ ಯುವಕನೊಬ್ಬ ಏಕಾಏಕಿ ಸಿಬ್ಬಂದಿಯ ಮೇಲೆ ಮೆಣಸಿನ ಪುಡಿ ಎರಚಿ, ಕೌಂಟರ್‌ನಿಂದ ಲಕ್ಷಾಂತರ ರೂಪಾಯಿ ನಗದು ದೋಚಿಕೊಂಡು ಪರಾರಿಯಾಗಿದ್ದಾನೆ. ಆದರೆ ಘಟನೆ ನಡೆದ ಕೆಲವೇ ಸಮಯದಲ್ಲಿ ಪೊಲೀಸರು ಆತನನ್ನು ಬೆನ್ನಟ್ಟಿ ಬಂಧಿಸುವಲ್ಲಿ ಯಶಸ್ವಿಯಾಗಿದ್ದು, ದೋಚಿದ್ದ ₹4.53 ಲಕ್ಷ ಹಣವನ್ನೂ ಸಂಪೂರ್ಣವಾಗಿ ವಶಪಡಿಸಿಕೊಂಡಿದ್ದಾರೆ. ಪೂರ್ಣ ಸುದ್ದಿ ಓದಲು ಇಲ್ಲಿ ಕ್ಲಿಕ್ ಮಾಡಿ VIDEO ವೈರಲ್
ರೋಬೋಟ್‌ಗಳ ವಿಶಿಷ್ಟ ಪ್ರತಿಭಟನೆಯ ಹಿಂದಿನ ಮರ್ಮವೇನು? : ತಕ ಬುದ್ಧಿಮತ್ತೆ (AI) ಮತ್ತು ರೋಬೋಟಿಕ್ಸ್‌ ವೇಗವಾಗಿ ಬೆಳೆಯುತ್ತಿರುವ ಸಂದರ್ಭದಲ್ಲಿ, ಅದರ ಪರಿಣಾಮ ಮನುಷ್ಯರ ಉದ್ಯೋಗ ಮತ್ತು ಸಮಾಜದ ಮೇಲೆ ಹೇಗಿರಲಿದೆ ಎಂಬ ಚರ್ಚೆ ತೀವ್ರಗೊಳ್ಳುತ್ತಿದೆ. ಇದೇ ಸಂದರ್ಭದಲ್ಲಿ ಪೋಲೆಂಡ್‌ನ ರಾಜಧಾನಿ ವಾರ್ಸಾದಲ್ಲಿ ಇತ್ತಿಚೆಗೆ ನಡೆದ ಒಂದು ವಿಶಿಷ್ಟ ಪ್ರತಿಭಟನೆ ಜಾಗತಿಕ ಗಮನ ಸೆಳೆದಿದೆ. ಸುಮಾರು 30 ರೋಬೋಟ್‌ಗಳು ಪೋಲೆಂಡ್‌ನ ಡಿಜಿಟಲ್ ವ್ಯವಹಾರಗಳ ಸಚಿವಾಲಯದ ಹೊರಗೆ ಜಮಾಯಿಸಿ AIಗೆ ಬಲವಾದ ನಿಯಂತ್ರಣ ಮತ್ತು ಸ್ಪಷ್ಟ ಕಾನೂನುಗಳ ಅಗತ್ಯವಿದೆ ಎಂದು ಒತ್ತಾಯಿಸಿವೆ. AI ಮತ್ತು ರೋಬೋಟಿಕ್ಸ್‌ನ ಅತಿವೇಗದ ಬೆಳವಣಿಗೆಗೆ ಸ್ಪಷ್ಟ ಕಾನೂನುಗಳು ಹಾಗೂ ನಿಯಂತ್ರಣಗಳು ಎಷ್ಟು ಅನಿವಾರ್ಯ. ಮನುಷ್ಯರ ಉದ್ಯೋಗಗಳ ರಕ್ಷಣೆ, ಹಾಗೂ ಬದಲಾಗುತ್ತಿರುವ ಕಾಲಘಟ್ಟದಲ್ಲಿ ಸಾಮಾಜಿಕ ಭದ್ರತೆಯ ಅಗತ್ಯತೆಯ ಕುರಿತು ಸಾರ್ವಜನಿಕ ಮತ್ತು ಗಂಭೀರ ಚರ್ಚೆಯನ್ನು ಹುಟ್ಟುಹಾಕುವ ಈ ವರದಿಯ ಮೂಲ ಆಶಯ. ಪೂರ್ಣ ಸುದ್ದಿ ಓದಲು ಇಲ್ಲಿ ಕ್ಲಿಕ್ ಮಾಡಿ
AIಯಿಂದ ಬದಲಾಗಲಿದೆ ಹಣಕಾಸು ಕ್ಷೇತ್ರ – GFF 2026ರಲ್ಲಿ RBI ಗವರ್ನರ್ ಮಹತ್ವದ ಸಂದೇಶ : ಭಾರತದಲ್ಲಿ ಫಿನ್‌ಟೆಕ್‌ ಕ್ಷೇತ್ರದ ಬೆಳವಣಿಗೆ ಮುಂದುವರಿದಿರುವ ಬೆನ್ನಲ್ಲೇ, ಕೃತಕ ಬುದ್ಧಿಮತ್ತೆ (AI) ಸೇರಿದಂತೆ ಹೊಸ ತಂತ್ರಜ್ಞಾನಗಳನ್ನು ಹಣಕಾಸು ಸೇವೆಗಳಲ್ಲಿ ಹೇಗೆ ಜವಾಬ್ದಾರಿಯುತವಾಗಿ ಬಳಸಬೇಕು ಎಂಬ ಚರ್ಚೆ ಪ್ರಮುಖವಾಗಿದೆ. ಮುಂಬೈನಲ್ಲಿ ನಡೆಯುತ್ತಿರುವ Global Fintech Fest (GFF) 2026 – ಸೆಪ್ಟೆಂಬರ್ 8ರಿಂದ 11ರವರೆಗೆ GFF 2026 ನಡೆಯುತ್ತದೆ. RBI ಗವರ್ನರ್ ಸಂಜಯ್ ಮಲ್ಹೋತ್ರಾ ಅವರು ಫಿನ್‌ಟೆಕ್‌ ಕ್ಷೇತ್ರದ ಮುಂದಿನ ದಿಕ್ಕು, ಗ್ರಾಹಕರ ನಂಬಿಕೆ, ಡೇಟಾ ಸುರಕ್ಷತೆ ಮತ್ತು ಹಣಕಾಸು ಒಳಗೊಳ್ಳುವಿಕೆ ಕುರಿತು ಮಹತ್ವದ ಸಂದೇಶ ನೀಡಿದ್ದಾರೆ. ಪೂರ್ಣ ಸುದ್ದಿ ಓದಲು ಇಲ್ಲಿ ಕ್ಲಿಕ್ ಮಾಡಿ
ಸಮುದ್ರದ ಬಣ್ಣದಲ್ಲೇ ಎಲ್ ನಿನೊದ ಸುಳಿವು – ISRO EOS-06 ಗಮನಿಸಿದ ಮಹತ್ವದ ಬದಲಾವಣೆ : 2026ರಲ್ಲಿ ರೂಪುಗೊಳ್ಳುತ್ತಿರುವ ಎಲ್ ನಿನೊ ಜಾಗತಿಕ ಹವಾಮಾನ ವ್ಯವಸ್ಥೆಯ ಮೇಲೆ ಪರಿಣಾಮ ಬೀರುವ ಸಾಧ್ಯತೆಗಳ ನಡುವೆಯೇ, ಭಾರತೀಯ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆ (ISRO)ಯ EOS-06/Oceansat-3 ಉಪಗ್ರಹವು ಸಮುದ್ರದ ಜೀವೋತ್ಪಾದಕತೆಯಲ್ಲಿ ಉಂಟಾಗುತ್ತಿರುವ ಮಹತ್ವದ ಬದಲಾವಣೆಯನ್ನು ಪತ್ತೆಹಚ್ಚಿದೆ. ಸಮಭಾಜಕ ಪೆಸಿಫಿಕ್ ಸಾಗರದಲ್ಲಿ ಮೇಲ್ಮೈಯಲ್ಲಿನ ಕ್ಲೋರೋಫಿಲ್-ಎ ಪ್ರಮಾಣದಲ್ಲಿ ಇಳಿಕೆ ಕಂಡುಬಂದಿದ್ದು, ಇದು ಫೈಟೋಪ್ಲ್ಯಾಂಕ್ಟನ್ ಪ್ರಮಾಣ ಕಡಿಮೆಯಾಗುತ್ತಿರುವುದನ್ನು ಸೂಚಿಸುತ್ತದೆ ಎಂದು ISRO ತಿಳಿಸಿದೆ. ಪೂರ್ಣ ಸುದ್ದಿ ಓದಲು ಇಲ್ಲಿ ಕ್ಲಿಕ್ ಮಾಡಿ
ಅರಣ್ಯ ಹುತಾತ್ಮರ ದಿನ – ಕಾಡು ಉಳಿಸಲು ಪ್ರಾಣ ತ್ಯಾಗ ಮಾಡಿದವರಿಗೆ ದೇಶದ ನಮನ : ದೇಶದ ಅರಣ್ಯ, ವನ್ಯಜೀವಿ ಮತ್ತು ನೈಸರ್ಗಿಕ ಸಂಪತ್ತಿನ ರಕ್ಷಣೆಯಲ್ಲಿ ಕರ್ತವ್ಯ ನಿರ್ವಹಿಸುತ್ತಾ ಜೀವ ಕಳೆದುಕೊಂಡ ಅರಣ್ಯ ಸಿಬ್ಬಂದಿ, ಅರಣ್ಯ ಕಾವಲುಗಾರರು ಹಾಗೂ ಸಂರಕ್ಷಣಾ ಕಾರ್ಯಕರ್ತರನ್ನು ಸ್ಮರಿಸಲು ಭಾರತವು ಸೆಪ್ಟೆಂಬರ್ 11ರಂದು ರಾಷ್ಟ್ರೀಯ ಅರಣ್ಯ ಹುತಾತ್ಮರ ದಿನವನ್ನು ಆಚರಿಸುತ್ತಿದೆ. ಅರಣ್ಯ ರಕ್ಷಣೆಯ ಕರ್ತವ್ಯದಲ್ಲಿ ಎದುರಾಗುವ ಕಾಡ್ಗಿಚ್ಚು, ಅಕ್ರಮ ಬೇಟೆ, ಮರಗಳ ಅಕ್ರಮ ಕಡಿತ ಹಾಗೂ ಇತರ ಅಪಾಯಗಳ ನಡುವೆಯೂ ಸೇವೆ ಸಲ್ಲಿಸುವ ಸಿಬ್ಬಂದಿಯ ತ್ಯಾಗವನ್ನು ಈ ದಿನ ಸ್ಮರಿಸುತ್ತದೆ. ಖೇಜರ್ಲಿಯ ಅಮೃತಾ ದೇವಿ ಬಿಷ್ಣೋಯಿ ತ್ಯಾಗದಿಂದ ಇಂದಿನ ಅರಣ್ಯ ಸಂರಕ್ಷಣೆಯವರೆಗೆ ವಿಶೇಷ ವರದಿ. ಪೂರ್ಣ ಸುದ್ದಿ ಓದಲು ಇಲ್ಲಿ ಕ್ಲಿಕ್ ಮಾಡಿ
ವಿವೇಕಾನಂದರ ಚಿಕಾಗೋ ಭಾಷಣ ಸ್ಮರಿಸಿದ ಪ್ರಧಾನಿ ಮೋದಿ : ಸೆಪ್ಟೆಂಬರ್ 11ರ ದಿನಾಂಕವು ಇತಿಹಾಸದಲ್ಲಿ ಎರಡು ವಿಭಿನ್ನ ಆದರೆ ಜಾಗತಿಕವಾಗಿ ಮಹತ್ವದ ಘಟನೆಗಳನ್ನು ನೆನಪಿಸುವ ದಿನವಾಗಿದೆ. 1893ರಲ್ಲಿ ಇದೇ ದಿನ ಅಮೆರಿಕದ ಚಿಕಾಗೋದಲ್ಲಿ ಸ್ವಾಮಿ ವಿವೇಕಾನಂದರು ವಿಶ್ವ ಧರ್ಮ ಸಂಸತ್ತಿನಲ್ಲಿ ಐತಿಹಾಸಿಕ ಭಾಷಣ ಮಾಡಿದ್ದರು. ಮತ್ತೊಂದೆಡೆ, 2001ರ ಸೆಪ್ಟೆಂಬರ್ 11ರಂದು ಅಮೆರಿಕದಲ್ಲಿ ನಡೆದ ಭಯೋತ್ಪಾದಕ ದಾಳಿ ಸಾವಿರಾರು ಜೀವಗಳನ್ನು ಬಲಿ ಪಡೆದ ದುರಂತವಾಗಿ ಇತಿಹಾಸದಲ್ಲಿ ದಾಖಲಾಗಿದೆ. ಈ ಹಿನ್ನೆಲೆಯಲ್ಲಿ ಪ್ರಧಾನಿ ನರೇಂದ್ರ ಮೋದಿ ಶುಕ್ರವಾರ ಸ್ವಾಮಿ ವಿವೇಕಾನಂದರ ಚಿಕಾಗೋ ಭಾಷಣವನ್ನು ಸ್ಮರಿಸಿಕೊಂಡಿದ್ದಾರೆ. ಪ್ರಧಾನಿ ಮೋದಿ ತಮ್ಮ ಸಾಮಾಜಿಕ ಮಾಧ್ಯಮ ಪೋಸ್ಟ್‌ನಲ್ಲಿ ವಿವೇಕಾನಂದರ ಭಾಷಣದ ಪ್ರಮುಖ ಅಂಶಗಳನ್ನು ಉಲ್ಲೇಖಿಸಿ, ಸಹಿಷ್ಣುತೆ, ಸಾರ್ವತ್ರಿಕ ಸ್ವೀಕಾರ, ಧಾರ್ಮಿಕ ಸಾಮರಸ್ಯ ಮತ್ತು ಮಾನವೀಯತೆಯ ಸಂದೇಶ ಇಂದಿಗೂ ಪ್ರಸ್ತುತವಾಗಿದೆ ಎಂಬುದನ್ನು ಒತ್ತಿಹೇಳಿದ್ದಾರೆ. ಪೂರ್ಣ ಸುದ್ದಿ ಓದಲು ಇಲ್ಲಿ ಕ್ಲಿಕ್ ಮಾಡಿ
ಪ್ರತಿ ಹೊಸ ಅಪ್‌ಡೇಟ್‌ಗಾಗಿ ಇಲ್ಲಿ ಕ್ಲಿಕ್ ಮಾಡಿರಿ 👉 ಇಂದಿನ ಪ್ರಮುಖ ಲೈವ್ ಅಪ್‌ಡೇಟ್‌ಗಳನ್ನು ‘ಸಂಯುಕ್ತ ಕರ್ನಾಟಕ’ ಜಾಲತಾಣದಲ್ಲಿ ನಿರಂತರವಾಗಿ ಓದಿರಿ.
(ಮಾಹಿತಿ ಅಪ್ಡೇಟ್ ಆಗಲಿದೆ)
