ಚಿತ್ರದುರ್ಗ: ಕರ್ನಾಟಕ ಲೋಕಸೇವಾ ಆಯೋಗ (KPSC) ನೇಮಕಾತಿ ಹಗರಣಕ್ಕೆ ಸಂಬಂಧಿಸಿದಂತೆ ಜಾರಿ ನಿರ್ದೇಶನಾಲಯದ (ED) ಅಧಿಕಾರಿಗಳು ಚಿತ್ರದುರ್ಗ ಜಿಲ್ಲೆಯ ಹೊಳಲ್ಕೆರೆ ತಾಲೂಕಿನ ತಾಳಿಕಟ್ಟೆ ಗ್ರಾಮದಲ್ಲಿ ದಾಳಿ ನಡೆಸಿ ಪರಿಶೀಲನೆ ನಡೆಸಿದ್ದಾರೆ.
ಕೆಪಿಎಸ್ಸಿ ಹಗರಣ ಪ್ರಕರಣದಲ್ಲಿ ಎ13 ಆರೋಪಿಯಾಗಿರುವ ನವೀನ್ ಕುಮಾರ್, ತಂದೆ ನಾಗರಾಜಪ್ಪ ಅವರ ನಿವಾಸದ ಮೇಲೂ ಅಧಿಕಾರಿಗಳು ತಪಾಸಣೆ ನಡೆಸಿದ್ದಾರೆ. ಎರಡು ವಾಹನಗಳಲ್ಲಿ ಆಗಮಿಸಿದ ED ತಂಡದಲ್ಲಿ ಮೂವರು ಅಧಿಕಾರಿಗಳು ಹಾಗೂ ಇಬ್ಬರು CRPF ಸಿಬ್ಬಂದಿ ಇದ್ದರು.
ಪಶುವೈದ್ಯಾಧಿಕಾರಿ ಹುದ್ದೆ ಕೊಡಿಸುವುದಾಗಿ ಹೇಳಿ ₹70ರಿಂದ ₹80 ಲಕ್ಷ ಹಣ ಪಡೆದು ವಂಚನೆ ಮಾಡಲಾಗಿದೆ ಎಂಬ ಆರೋಪ ಪ್ರಕರಣಕ್ಕೆ ಸಂಬಂಧಿಸಿದೆ. ಈ ಕುರಿತು ಬೆಂಗಳೂರಿನ ವಿಧಾನಸೌಧ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ಹಾಸನ ಮೂಲದ ಮಂಜುನಾಥ್ ಎಂಬವರು ದೂರು ನೀಡಿದ್ದರು.
ಈ ಪ್ರಕರಣದ ಭಾಗವಾಗಿ ಜುಲೈ 25, 2026ರಂದು ಒಟ್ಟು 29 ಮಂದಿ ವಿರುದ್ಧ ದೂರು ದಾಖಲಾಗಿತ್ತು ಎನ್ನಲಾಗಿದ್ದು, ತನಿಖೆಯ ಮುಂದುವರಿದ ಭಾಗವಾಗಿ ED ಅಧಿಕಾರಿಗಳು ನವೀನ್ ಕುಮಾರ್ ಅವರ ಮನೆಯಲ್ಲಿ ದಾಖಲೆಗಳು ಹಾಗೂ ಇತರ ಮಾಹಿತಿಗಳ ಪರಿಶೀಲನೆ ನಡೆಸಿದ್ದಾರೆ.
KPSC ನೇಮಕಾತಿ ಹಗರಣದ ಕುರಿತು ಈಗಾಗಲೇ ಚಿತ್ರದುರ್ಗದಲ್ಲೂ ತನಿಖೆಗೆ ಆಗ್ರಹಿಸಿ ಪ್ರತಿಭಟನೆಗಳು ನಡೆದಿವೆ.
- ಹಲವು ರಾಜ್ಯಗಳಿಗೆ ಭಾರೀ ಮಳೆ ಎಚ್ಚರಿಕೆ: ದೆಹಲಿ, ಪಂಜಾಬ್ನಲ್ಲಿ ದಟ್ಟ ಮಂಜಿನ ಮುನ್ಸೂಚನೆ
- ಚಿನ್ನದ ಬೆಲೆ ಪಾತಾಳಕ್ಕೆ; 24 ಕ್ಯಾರೆಟ್ ದರ ಎಷ್ಟಾಗಿದೆ? ಬಂಗಾರ ಖರೀದಿದಾರರಿಗೆ ಸುವರ್ಣ ಅವಕಾಶ
- ಆರ್ಡರ್ ಕಾಪಿ ಕೊಡೊವರೆಗೂ ಥರಣಿ ನಿಲ್ಲಲ್ಲ; ಮೂರನೆ ದಿನಕ್ಕೆ ಕಾಲಿಟ್ಟ ಆಶಾ ಕಾರ್ಯಕರ್ತೆಯರ ಪ್ರತಿಭಟನೆ
- ಅಂಕಣ ಬರಹ | ಸಿಎಂ ಮಾತಿಗೆ ಸಣ್ಣ ಪ್ರತಿಕ್ರಿಯೆಯೂ ಬೇಡ್ವೇ ಪಿಎಂ ಸರ್!?
- ಮೂರು ಮನೆ, ಹಲವು ಜಮೀನು; ಸಾರಿಗೆ ಚಾಲಕನ ಆಸ್ತಿ ಮೂಲ ಕೆದಕಿದ ಲೋಕಾಯುಕ್ತ






















