ಸಂ.ಕ .ಸಮಾಚಾರ ಕಲಬುರಗಿ: ಸ್ನೇಹಿತನ ಹುಟ್ಟುಹಬ್ಬದ ಸಂಭ್ರಮ ಮುಗಿಸಿಕೊಂಡು ಮನೆಗೆ ಮರಳುತ್ತಿದ್ದ ಮೂವರು ಯುವಕರು ರಸ್ತೆ ಅಪಘಾತದಲ್ಲಿ ಪ್ರಾಣ ಕಳೆದುಕೊಂಡಿರುವ ಹೃದಯವಿದ್ರಾವಕ ಘಟನೆ ಕಲಬುರಗಿ ಜಿಲ್ಲೆಯ ಆಳಂದ ಪಟ್ಟಣದಲ್ಲಿ ನಡೆದಿದೆ. ಹಳೇ ಆರ್ಟಿಒ ಕಚೇರಿ ಬಳಿ ತಡರಾತ್ರಿ ಬೈಕ್ಗೆ ಟ್ರಕ್ ಹಿಂದಿನಿಂದ ಡಿಕ್ಕಿ ಹೊಡೆದ ಪರಿಣಾಮ ಈ ದುರ್ಘಟನೆ ಸಂಭವಿಸಿದೆ ಎಂದು ಪ್ರಾಥಮಿಕ ಮಾಹಿತಿ ತಿಳಿಸಿದೆ.
ಮೃತರನ್ನು ಆಳಂದ ಪಟ್ಟಣದ ನಿವಾಸಿಗಳಾದ ಶ್ರೀಕಾಂತ (25) ಮತ್ತು ಗುರುನಾಥ (26) ಎಂದು ಗುರುತಿಸಲಾಗಿದೆ. ಅಪಘಾತದ ತೀವ್ರತೆಗೆ ಇಬ್ಬರೂ ಸ್ಥಳದಲ್ಲೇ ಮೃತಪಟ್ಟಿದ್ದಾರೆ. ಬೈಕ್ನಲ್ಲಿದ್ದ ಮತ್ತೊಬ್ಬ ಯುವಕ ಶಶಿಕಾಂತ್ ಗಂಭೀರವಾಗಿ ಗಾಯಗೊಂಡಿದ್ದು, ತಕ್ಷಣವೇ ಕಲಬುರಗಿ ಜಿಲ್ಲಾಸ್ಪತ್ರೆಗೆ ದಾಖಲಿಸಿ ಚಿಕಿತ್ಸೆ ನೀಡಲಾಗುತ್ತಿತ್ತು. ಆದರೆ, ಚಿಕಿತ್ಸೆ ಫಲಕಾರಿಯಾಗದೆ ಶಶಿಕಾಂತ್ ಕೂಡ ಮೃತಪಟ್ಟಿದ್ದಾರೆ ಎಂದು ವೈದ್ಯರು ದೃಢಪಡಿಸಿದ್ದಾರೆ. ಇದರೊಂದಿಗೆ ಅಪಘಾತದಲ್ಲಿ ಮೃತಪಟ್ಟವರ ಸಂಖ್ಯೆ ಮೂರಕ್ಕೆ ಏರಿಕೆಯಾಗಿದೆ.
ಮೂವರು ಯುವಕರು ತಮ್ಮ ಸ್ನೇಹಿತ ದರ್ಶನ ಅವರ ಹುಟ್ಟುಹಬ್ಬದ ಪಾರ್ಟಿಯಲ್ಲಿ ಪಾಲ್ಗೊಂಡು ಬಳಿಕ ಬೈಕ್ನಲ್ಲಿ ಮನೆಗೆ ವಾಪಸ್ ಆಗುತ್ತಿದ್ದರು ಎನ್ನಲಾಗಿದೆ. ಈ ವೇಳೆ ಹಳೇ ಆರ್ಟಿಒ ಕಚೇರಿ ಸಮೀಪ ಹಿಂದಿನಿಂದ ವೇಗವಾಗಿ ಬಂದ ಟ್ರಕ್ ಬೈಕ್ಗೆ ಡಿಕ್ಕಿ ಹೊಡೆದಿದೆ ಎಂದು ಹೇಳಲಾಗುತ್ತಿದೆ. ಡಿಕ್ಕಿಯ ರಭಸಕ್ಕೆ ಬೈಕ್ನಲ್ಲಿದ್ದವರು ರಸ್ತೆಗೆ ಬಿದ್ದಿದ್ದು, ಇಬ್ಬರು ಸ್ಥಳದಲ್ಲೇ ಕೊನೆಯುಸಿರೆಳೆದಿದ್ದಾರೆ. ಗಂಭೀರವಾಗಿ ಗಾಯಗೊಂಡಿದ್ದ ಮತ್ತೊಬ್ಬ ಯುವಕನನ್ನೂ ಉಳಿಸಿಕೊಳ್ಳಲು ಸಾಧ್ಯವಾಗಿಲ್ಲ.
ಘಟನೆಯಿಂದ ಆಳಂದ ಪಟ್ಟಣದಲ್ಲಿ ದುಃಖದ ವಾತಾವರಣ ನಿರ್ಮಾಣವಾಗಿದ್ದು, ಯುವಕರ ಅಕಾಲಿಕ ಸಾವಿನಿಂದ ಕುಟುಂಬಸ್ಥರು ಹಾಗೂ ಸ್ನೇಹಿತರು ಆಘಾತಕ್ಕೊಳಗಾಗಿದ್ದಾರೆ. ಹುಟ್ಟುಹಬ್ಬದ ಸಂಭ್ರಮ ಮುಗಿಸಿ ಮನೆಗೆ ಮರಳುತ್ತಿದ್ದವರು ದುರಂತಕ್ಕೆ ಬಲಿಯಾಗಿರುವುದು ಸ್ಥಳೀಯರಲ್ಲಿ ಕಳವಳ ಮೂಡಿಸಿದೆ.
ಘಟನೆಗೆ ಸಂಬಂಧಿಸಿದಂತೆ ಆಳಂದ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
- ಇಂದಿನ ಲೈಫ್ಸ್ಟೈಲ್, ಸಂಬಂಧಗಳ ಸುತ್ತ ‘ಪಾರ್ಟ್ನರ್’ ಕಥೆ; ಸಂಕ್ರಾಂತಿ ಹಬ್ಬಕ್ಕೆ ರಿಲೀಸ್!ಸಂಕ್ರಾಂತಿಗೆ ತೆರೆಗೆ ಬರಲು ‘ಪಾರ್ಟ್ನರ್’ ಸಜ್ಜು: ಅಜಯ್ ರಾವ್–ಬೃಂದಾ ಆಚಾರ್ಯ ಜೋಡಿಯ ಚಿತ್ರಕ್ಕೆ… Read more: ಇಂದಿನ ಲೈಫ್ಸ್ಟೈಲ್, ಸಂಬಂಧಗಳ ಸುತ್ತ ‘ಪಾರ್ಟ್ನರ್’ ಕಥೆ; ಸಂಕ್ರಾಂತಿ ಹಬ್ಬಕ್ಕೆ ರಿಲೀಸ್!
- ಬರ್ತ್ಡೇ ಪಾರ್ಟಿ ಮುಗಿಸಿ ಮರಳುತ್ತಿದ್ದ ಮೂವರು ಸ್ನೇಹಿತರ ದುರ್ಮರಣಸಂ.ಕ .ಸಮಾಚಾರ ಕಲಬುರಗಿ: ಸ್ನೇಹಿತನ ಹುಟ್ಟುಹಬ್ಬದ ಸಂಭ್ರಮ ಮುಗಿಸಿಕೊಂಡು ಮನೆಗೆ ಮರಳುತ್ತಿದ್ದ ಮೂವರು… Read more: ಬರ್ತ್ಡೇ ಪಾರ್ಟಿ ಮುಗಿಸಿ ಮರಳುತ್ತಿದ್ದ ಮೂವರು ಸ್ನೇಹಿತರ ದುರ್ಮರಣ
- GTA 6 ಕ್ರೇಜ್: 13 ವರ್ಷಗಳ ಅಭಿವೃದ್ಧಿಗೆ ಗೇಮಿಂಗ್ ಶೈಲಿಯ ಸ್ಪರ್ಶ ನೀಡಿದ ಮೋದಿಗೇಮಿಂಗ್ ಶೈಲಿಯಲ್ಲಿ ಅಭಿವೃದ್ಧಿ ಅಂಕಿ-ಅಂಶ: GTA 6 ಬಿಡುಗಡೆ ದಿನ ಮೋದಿ ಪೋಸ್ಟ್ಗೆ… Read more: GTA 6 ಕ್ರೇಜ್: 13 ವರ್ಷಗಳ ಅಭಿವೃದ್ಧಿಗೆ ಗೇಮಿಂಗ್ ಶೈಲಿಯ ಸ್ಪರ್ಶ ನೀಡಿದ ಮೋದಿ
- ಮೌನದ ಒತ್ತಡದಿಂದ ಸಮಾನತೆಯತ್ತ: ಪುರುಷರ ದಿನ 2026ರ ವಿಶೇಷನವೆಂಬರ್ 19 ಅಂತಾರಾಷ್ಟ್ರೀಯ ಪುರುಷರ ದಿನದ ಆಚರಣೆಯ ವಿಶೇಷ ವರದಿ: ಪುರುಷ ಎಂದರೆ… Read more: ಮೌನದ ಒತ್ತಡದಿಂದ ಸಮಾನತೆಯತ್ತ: ಪುರುಷರ ದಿನ 2026ರ ವಿಶೇಷ
- ಇಂದು ವಿಶ್ವ ಶೌಚಾಲಯ ದಿನ: ಮಹಿಳೆಯರ ಗೌರವ, ಆರೋಗ್ಯಕ್ಕೂ ಶೌಚಾಲಯವೇ ಆಧಾರನವೆಂಬರ್ 19ರ ವಿಶ್ವ ಶೌಚಾಲಯ ದಿನದ ಆಚರಣೆಯ ವಿಶೇಷ ವರದಿ, ಶೌಚಾಲಯದ ಸೌಲಭ್ಯವು… Read more: ಇಂದು ವಿಶ್ವ ಶೌಚಾಲಯ ದಿನ: ಮಹಿಳೆಯರ ಗೌರವ, ಆರೋಗ್ಯಕ್ಕೂ ಶೌಚಾಲಯವೇ ಆಧಾರ



























