‘ತೇರಾ ಸಾಯಿ’ಗೆ ರಿಲೀಸ್ ಡೇಟ್ ಫಿಕ್ಸ್ : ಶಿರಡಿ ಸಾಯಿ ಬಾಬಾ ಅವರ ಜೀವನ, ಬೋಧನೆಗಳು ಹಾಗೂ ಮಾನವೀಯತೆಯ ಸಂದೇಶವನ್ನು ಆಧರಿಸಿರುವ ಬಹುನಿರೀಕ್ಷಿತ ಆಧ್ಯಾತ್ಮಿಕ ಚಿತ್ರ ‘ತೇರಾ ಸಾಯಿ’ ಚಿತ್ರದ ಬಿಡುಗಡೆ ದಿನಾಂಕ ಘೋಷಣೆಯಾಗಿದೆ. ಚಿತ್ರದಲ್ಲಿ ಹಿರಿಯ ನಟ ಸಂಜಯ್ ಮಿಶ್ರಾ ಅವರು ಸಾಯಿ ಬಾಬಾ ಪಾತ್ರದಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ. ಈ ಹಿಂದೆ ‘ಹನುಮಾನ್ ಅಂಶ್’ ಚಿತ್ರದೊಂದಿಗೆ ಕೆಲಸ ಮಾಡಿದ್ದ ಸಿನೆಪೊಲಿಸ್, ಇದೀಗ ‘ತೇರಾ ಸಾಯಿ’ಯ ವಿತರಣೆಯಲ್ಲೂ ಕೈಜೋಡಿಸಿರುವುದು ಚಿತ್ರದ ಥಿಯೇಟ್ರಿಕಲ್ ರೀಚ್ ಬಗ್ಗೆ ನಿರೀಕ್ಷೆ ಹೆಚ್ಚಿಸಿದೆ. ಪೂರ್ಣ ಸುದ್ದಿ ಓದಲು ಇಲ್ಲಿ ಕ್ಲಿಕ್ ಮಾಡಿ
1,453 ನಿವೇಶನ ಹಂಚಿಕೆ ಕಾನೂನುಬದ್ಧವೇ? ಸಿಎಂ ಡಿಕೆಶಿಗೆ ದೇವೇಗೌಡರ ಬಹಿರಂಗ ಪತ್ರ : ಬೆಂಗಳೂರು-ಮೈಸೂರು ಮೂಲಸೌಕರ್ಯ ಕಾರಿಡಾರ್ ಯೋಜನೆ (BMICP/NICE) ಮತ್ತೆ ರಾಜ್ಯ ರಾಜಕೀಯದಲ್ಲಿ ಚರ್ಚೆಗೆ ಬಂದಿದೆ. ಯೋಜನೆಗಾಗಿ ಭೂಮಿ ಕಳೆದುಕೊಂಡವರಿಗೆ ಪರಿಹಾರವಾಗಿ 1,453 ನಿವೇಶನಗಳನ್ನು ಹಂಚಿಕೆ ಮಾಡಲು ರಾಜ್ಯ ಸಚಿವ ಸಂಪುಟ ಕೈಗೊಂಡಿರುವ ನಿರ್ಧಾರವನ್ನು ಪ್ರಶ್ನಿಸಿ ಮಾಜಿ ಪ್ರಧಾನಿ ಹಾಗೂ ಜೆಡಿಎಸ್ ವರಿಷ್ಠ ಎಚ್.ಡಿ. ದೇವೇಗೌಡರು ಮುಖ್ಯಮಂತ್ರಿ ಡಿ.ಕೆ. ಶಿವಕುಮಾರ್ ಅವರಿಗೆ ಬಹಿರಂಗ ಪತ್ರ ಬರೆದಿದ್ದಾರೆ. ಪೂರ್ಣ ಸುದ್ದಿ ಓದಲು ಇಲ್ಲಿ ಕ್ಲಿಕ್ ಮಾಡಿ
ಮೋದಿ ಕಾರ್ಯಕ್ರಮಕ್ಕೆ ಜನಸಾಗರದ ಉತ್ಸಾಹ – ಬುಕ್‌ಮೈಶೋ ಮೂಲಕ ನೋಂದಣಿ : ಪ್ರಧಾನಿ ನರೇಂದ್ರ ಮೋದಿ ಅವರ ನಾಳಿನ ವಡೋದರಾ ಕಾರ್ಯಕ್ರಮಕ್ಕೆ ಸಾರ್ವಜನಿಕರಿಂದ ಭರ್ಜರಿ ಪ್ರತಿಕ್ರಿಯೆ ವ್ಯಕ್ತವಾಗಿದೆ. ಇದೇ ಮೊದಲ ಬಾರಿಗೆ ಪ್ರಧಾನಿ ಕಾರ್ಯಕ್ರಮವೊಂದಕ್ಕೆ ಸಾರ್ವಜನಿಕರ ನೋಂದಣಿಯನ್ನು ಖಾಸಗಿ ಡಿಜಿಟಲ್ ವೇದಿಕೆಯಾದ ಬುಕ್‌ಮೈಶೋ ಮೂಲಕ ನಿರ್ವಹಿಸಲಾಗಿದ್ದು, ನೋಂದಣಿ ಆರಂಭಿಸಿದ ಕೇವಲ ಒಂದು ಗಂಟೆಯಲ್ಲೇ ಲಭ್ಯವಿದ್ದ 35 ಸಾವಿರ ಆಸನಗಳು ಭರ್ತಿಯಾಗಿವೆ. ಬಳಿಕ ನೋಂದಣಿ ಪ್ರಕ್ರಿಯೆ ಮುಚ್ಚಲಾಗಿದ್ದು, 42 ಸಾವಿರಕ್ಕೂ ಹೆಚ್ಚು ಅರ್ಜಿದಾರರನ್ನು ವೇಟಿಂಗ್ ಲಿಸ್ಟ್‌ನಲ್ಲಿ ಇರಿಸಲಾಗಿದೆ. ಪೂರ್ಣ ಸುದ್ದಿ ಓದಲು ಇಲ್ಲಿ ಕ್ಲಿಕ್ ಮಾಡಿ
ಮೆಗಾಸ್ಟಾರ್ ಮಮ್ಮುಟ್ಟಿಗೆ 75ರ ಸಂಭ್ರಮ – ‘ಮೇಳ’ ಫಸ್ಟ್‌ಲುಕ್, ಧನುಷ್ ‘Om’ನಲ್ಲಿ ಹೊಸ ಲುಕ್: ಮಲಯಾಳಂ ಮೆಗಾಸ್ಟಾರ್ ಮಮ್ಮುಟ್ಟಿ 75ನೇ ವಯಸ್ಸಿಗೆ ಕಾಲಿಟ್ಟಿದ್ದಾರೆ. ಮೋಹನ್‌ಲಾಲ್ ವಿಶೇಷ ಶುಭಾಶಯ ತಿಳಿಸಿದ್ದು, ಇಬ್ಬರೂ ಐದು ದಶಕಗಳಿಗೂ ಹೆಚ್ಚು ಕಾಲದ ಸಿನಿ ಪಯಣದಲ್ಲಿ ತಮ್ಮದೇ ಆದ ವಿಶಿಷ್ಟ ಸ್ಥಾನವನ್ನು ನಿರ್ಮಿಸಿಕೊಂಡಿದ್ದಾರೆ. ಮಮ್ಮುಟ್ಟಿ ಅವರ ಹೊಸ ಚಿತ್ರಗಳಾದ ‘ಮೇಳ’ ಚಿತ್ರದ ಫಸ್ಟ್‌ಲುಕ್ ಹಾಗೂ ಧನುಷ್ ಜೊತೆ ಅಭಿನಯಿಸಿರುವ ‘Om’ ಚಿತ್ರದ ಹೊಸ ಅಪ್ಡೇಟ್ ಇಲ್ಲಿದೆ. ಪೂರ್ಣ ಸುದ್ದಿ ಓದಲು ಇಲ್ಲಿ ಕ್ಲಿಕ್ ಮಾಡಿ
ಗ್ಲೋಬಲ್ ಫಿನ್‌ಟೆಕ್ ಫೆಸ್ಟ್‌ಗೆ ನಾಳೆ ಮೋದಿ ಚಾಲನೆ : AI–ಕ್ವಾಂಟಂ ತಂತ್ರಜ್ಞಾನಗಳ ಚರ್ಚೆ – ಭಾರತದ ಡಿಜಿಟಲ್ ಹಣಕಾಸು ಕ್ಷೇತ್ರದ ಭವಿಷ್ಯ ಹಾಗೂ ಜಾಗತಿಕ ಫಿನ್‌ಟೆಕ್ ವ್ಯವಸ್ಥೆಯ ಮುಂದಿನ ದಿಕ್ಕಿನ ಕುರಿತು ಚರ್ಚೆ ನಡೆಯಲಿರುವ 7ನೇ ಗ್ಲೋಬಲ್ ಫಿನ್‌ಟೆಕ್ ಫೆಸ್ಟ್ (GFF) 2026ಕ್ಕೆ ಪ್ರಧಾನಿ ನರೇಂದ್ರ ಮೋದಿ ಸೆಪ್ಟೆಂಬರ್ 8ರಂದು ಮುಂಬೈನಲ್ಲಿ ಚಾಲನೆ ನೀಡಲಿದ್ದಾರೆ. ನಾಲ್ಕು ದಿನಗಳ ಈ ಜಾಗತಿಕ ಸಮಾವೇಶ ಸೆಪ್ಟೆಂಬರ್ 8ರಿಂದ 11ರವರೆಗೆ ಜಿಯೋ ವರ್ಲ್ಡ್ ಸೆಂಟರ್ ಮತ್ತು ಟ್ರೈಡೆಂಟ್ ಬಿಕೆಸಿಯಲ್ಲಿ ನಡೆಯಲಿದೆ. Agentic AI, Tokenisation ಮತ್ತು Quantum ತಂತ್ರಜ್ಞಾನಗಳು ಪ್ರಮುಖ ಚರ್ಚೆಯಾಗಲಿವೆ. ಪೂರ್ಣ ಸುದ್ದಿ ಓದಲು ಇಲ್ಲಿ ಕ್ಲಿಕ್ ಮಾಡಿ
ಮೂತ್ರ, ಇಂಧನದಿಂದ ಹಿಮನದಿಗೆ ಹೆಚ್ಚುತ್ತಿರುವ ಒತ್ತಡ : ಶ್ವದ ಅತಿ ಎತ್ತರದ ಶಿಖರ ಮೌಂಟ್ ಎವರೆಸ್ಟ್ ಮೇಲೆ ಹವಾಮಾನ ಬದಲಾವಣೆಯ ಪರಿಣಾಮದ ನಡುವೆಯೇ, ಅಲ್ಲಿನ ಮಾನವ ಚಟುವಟಿಕೆಗಳು ಕೂಡ ಹಿಮನದಿಯ ಮೇಲೆ ಹೆಚ್ಚುವರಿ ಒತ್ತಡ ಉಂಟುಮಾಡುತ್ತಿವೆ ಎಂಬ ಆತಂಕಕಾರಿ ಸಂಗತಿ ಹೊಸ ಅಧ್ಯಯನವೊಂದರಿಂದ ಬೆಳಕಿಗೆ ಬಂದಿದೆ. ನೇಪಾಳದ ಖಿಮ್ ಲಾಲ್ ಗೌತಮ್ ನೇತೃತ್ವದ ಸಂಶೋಧಕರ ತಂಡ ನಡೆಸಿದ ಅಧ್ಯಯನದಲ್ಲಿ, 2023ರ ವಸಂತಕಾಲದ ಎವರೆಸ್ಟ್ ಬೇಸ್ ಕ್ಯಾಂಪ್ ಚಟುವಟಿಕೆಗಳಿಂದ ಉತ್ಪತ್ತಿಯಾದ ಶಾಖವು ಸುಮಾರು 2,492 ± 528 ಟನ್ ಹಿಮ ಮತ್ತು ಹಿಮಪದರವನ್ನು ಕರಗಿಸುವಷ್ಟು ಇತ್ತು ಎಂದು ಅಂದಾಜಿಸಲಾಗಿದೆ. ಪೂರ್ಣ ಸುದ್ದಿ ಓದಲು ಇಲ್ಲಿ ಕ್ಲಿಕ್ ಮಾಡಿ
ಕಟ್ಟಡ ಕುಸಿತದಲ್ಲಿ 7 ಸಾವು – ಡೆಪ್ಯುಟಿ ಕಮಿಷನರ್ ಸೇರಿ 5 ಅಧಿಕಾರಿಗಳ ವಿರುದ್ಧ ಕ್ರಮ : ದೆಹಲಿಯ ಸತ್ಯ ನಿಕೇತನ ಕಟ್ಟಡ ಕುಸಿತದಲ್ಲಿ 7 ಮಂದಿ ಮೃತಪಟ್ಟಿದ್ದು, 12 ಮಂದಿಯನ್ನು ರಕ್ಷಿಸಲಾಗಿದೆ. ಘಟನೆ ಬೆನ್ನಲ್ಲೇ ಡೆಪ್ಯುಟಿ ಕಮಿಷನರ್ ಸೇರಿ 5 MCD ಅಧಿಕಾರಿಗಳನ್ನು ಅಮಾನತುಗೊಳಿಸಲಾಗಿದೆ. ಪೂರ್ಣ ಸುದ್ದಿ ಓದಲು ಇಲ್ಲಿ ಕ್ಲಿಕ್ ಮಾಡಿ
ಅಧಿಕಾರದ ಅಹಂ ಇಲ್ಲ… ಭಕ್ತಿಯ ಮುಂದೆ ಸಚಿವರೂ ಸಾಮಾನ್ಯ ಭಕ್ತನೇ! : ಕರ್ನಾಟಕದ ಸಚಿವ ಕೆ.ಎಸ್. ಬಸವಂತಪ್ಪ ಅವರು ಆನಗೋಡಿನ ಮರಳುಸಿದ್ದೇಶ್ವರ ದೇವಸ್ಥಾನದಲ್ಲಿ ಶ್ರಾವಣ ಸೋಮವಾರದ ವಿಶೇಷ ಪೂಜೆಯ ಸಮಯದಲ್ಲಿ ಸಾಮಾನ್ಯ ಭಕ್ತರಂತೆ ಭಕ್ತರೊಂದಿಗೆ ಕುಳಿತು ದೇವಾಲಯದ ಪ್ರಸಾದವನ್ನು ಸ್ವೀಕರಿಸುವ ಮೂಲಕ ಸರಳತೆಯನ್ನು ಪ್ರದರ್ಶಿಸಿದರು. ಪೂರ್ಣ ಸುದ್ದಿ ಓದಲು ಇಲ್ಲಿ ಕ್ಲಿಕ್ ಮಾಡಿ
ಶಾಲೆಯೊಳಗೆ ಯೂಟ್ಯೂಬರ್ ಪ್ರವೇಶ: ಅನುಮತಿ ನೀಡಿದವರು ಯಾರು? : ದಾಂಡೇಲಿಯ ಬಾಂಗೂರನಗರ ಮಾದರಿ ಹಿರಿಯ ಕನ್ನಡ ಪ್ರಾಥಮಿಕ ಶಾಲೆಯಲ್ಲಿ ಶಿಕ್ಷಕರ ದಿನಾಚರಣೆ ಸಂದರ್ಭದಲ್ಲಿ ನಡೆದ ಘಟನೆಯು ಇದೀಗ ಪೊಲೀಸ್ ದೂರು–ಪ್ರತಿದೂರಿನ ಹಂತ ತಲುಪಿದ್ದು, ಶಾಲಾ ಅಭಿವೃದ್ಧಿ ಮತ್ತು ಮೇಲ್ವಿಚಾರಣಾ ಸಮಿತಿ (SDMC) ನಿಷ್ಪಕ್ಷಪಾತ ಇಲಾಖಾ ತನಿಖೆಗೆ ಆಗ್ರಹಿಸಿದೆ. ಪೂರ್ಣ ಸುದ್ದಿ ಓದಲು ಇಲ್ಲಿ ಕ್ಲಿಕ್ ಮಾಡಿ
DJ ಸೌಂಡ್ ವಿರುದ್ಧ ಹು-ಧಾ ಪೊಲೀಸ್ ಆಯುಕ್ತ ಭೂಷಣ ಬೋರಸೆ ಎಚ್ಚರಿಕೆ ಸಂದೇಶ : ಅತಿಯಾದ ಡಿಜೆ ಶಬ್ದದಿಂದ ಆರೋಗ್ಯದ ಮೇಲೆ ಬೀರುವ ದುಷ್ಪರಿಣಾಮಗಳ ಕುರಿತು ಹುಬ್ಬಳ್ಳಿ-ಧಾರವಾಡ ಪೊಲೀಸ್ ಆಯುಕ್ತ ಭೂಷಣ ಬೋರಸೆ ಜಾಗೃತಿ ಸಂದೇಶ ನೀಡಿದ್ದಾರೆ. ಡಿಜೆ ಸದ್ದು ಹೆಚ್ಚಿಸಿ ಸಂಭ್ರಮದ ಸಂತಸವು ಸೂತಕವಾಗದಿರಲಿ ಮಿತವಾದ ಶಬ್ದದಲ್ಲಿ ಸುರಕ್ಷಿತವಾಗಿ ಆಚರಿಸುವುದೇ ಜವಾಬ್ದಾರಿಯುತ ಸಂಭ್ರಮ ಎಂಬ ಸಂದೇಶವನ್ನು ಹು-ಧಾ ಪೊಲೀಸ್ ಆಯುಕ್ತರ ಜಾಗೃತಿ ಸಂದೇಶ ನೀಡಿದ್ದಾರೆ. ಪೂರ್ಣ ಸುದ್ದಿ ಓದಲು ಇಲ್ಲಿ ಕ್ಲಿಕ್ ಮಾಡಿ
ಮೂರ್ನಾರ್‌ನಲ್ಲಿ ಪ್ರಕೃತಿಯ ಅದ್ಭುತ – 12 ವರ್ಷಗಳ ಬಳಿಕ ಅರಳಿದ ನೀಲಕುರಿಂಜಿ : ಕೇರಳದ ಇಡುಕ್ಕಿ ಜಿಲ್ಲೆಯ ಮೂರ್ನಾರ್ ಬೆಟ್ಟಗಳು ಇದೀಗ ಅಪರೂಪದ ನೈಸರ್ಗಿಕ ಸೌಂದರ್ಯಕ್ಕೆ ಸಾಕ್ಷಿಯಾಗುತ್ತಿವೆ. ಸುಮಾರು 12 ವರ್ಷಗಳ ಬಳಿಕ ನೀಲಕುರಿಂಜಿ (Strobilanthes kunthiana) ಹೂವುಗಳು ಸಾಮೂಹಿಕವಾಗಿ ಅರಳಿದ್ದು, ಮಟ್ಟುಪೆಟ್ಟಿ, ಕೊರಂಡಕಾಡು ಹಾಗೂ ಚೋಕ್ರಮುಡಿ ಬೆಟ್ಟಗಳ ಇಳಿಜಾರುಗಳು ನೀಲಿ–ನೇರಳೆ ಬಣ್ಣದ ಹೂವಿನ ಹಾಸಿನಿಂದ ಕಂಗೊಳಿಸುತ್ತಿವೆ. ಪೂರ್ಣ ಸುದ್ದಿ ಓದಲು ಇಲ್ಲಿ ಕ್ಲಿಕ್ ಮಾಡಿ
ಬರ ಘೋಷಣೆಯಲ್ಲಿ ಮುದ್ದೇಬಿಹಾಳಕ್ಕೆ ಅನ್ಯಾಯ? ವಿಜಯೇಂದ್ರ ವಾಗ್ದಾಳಿ : ಮುದ್ದೇಬಿಹಾಳ ಕ್ಷೇತ್ರಕ್ಕೆ ಬರ ಘೋಷಣೆಯಲ್ಲಿ ಅನ್ಯಾಯವಾಗಿದೆ ಎಂದು ಕಾಂಗ್ರೆಸ್ ಶಾಸಕ ಸಿ.ಎಸ್. ಅಪ್ಪಾಜಿ ನಾಡಗೌಡ ಹೇಳಿರುವ ಬೆನ್ನಲ್ಲೇ ಬಿ.ವೈ. ವಿಜಯೇಂದ್ರ ಸರ್ಕಾರದ ವಿರುದ್ಧ ವಾಗ್ದಾಳಿ ನಡೆಸಿದ್ದಾರೆ. ಪೂರ್ಣ ಸುದ್ದಿ ಓದಲು ಇಲ್ಲಿ ಕ್ಲಿಕ್ ಮಾಡಿ
ಇಸ್ರೋ ಮುಂದುವರಿಯಲಿದೆ – ಸಂಸ್ಥೆಯಿಂದ ಸ್ಪಷ್ಟನೆ : ಇಸ್ರೋ ಖಾಸಗೀಕರಣಗೊಳ್ಳುತ್ತಿದೆ ಎಂಬ ವರದಿಗ ಕುರಿತಂತೆ ಸಂಸ್ಥೆ ಸ್ಪಷ್ಟನೆ ನೀಡಿದ್ದು. ಖಾಸಗಿ ಕಂಪನಿಗಳಿಗೆ ಪ್ರಬುದ್ಧ ತಂತ್ರಜ್ಞಾನ ಹಾಗೂ ಉತ್ಪಾದನಾ ಅವಕಾಶ ನೀಡಲಾಗುತ್ತಿದ್ದು, ಇಸ್ರೋ ಸುಧಾರಿತ ಸಂಶೋಧನೆ ಮತ್ತು ಸಂಕೀರ್ಣ ಬಾಹ್ಯಾಕಾಶ ಕಾರ್ಯಾಚರಣೆಗಳತ್ತ ಗಮನಹರಿಸಲಿದೆ ಎಂದು ತಿಳಿಸಿದೆ. ಪೂರ್ಣ ಸುದ್ದಿ ಓದಲು ಇಲ್ಲಿ ಕ್ಲಿಕ್ ಮಾಡಿ
ಉಪಗ್ರಹದಿಂದ AIವರೆಗೆ – $100 ಮಿಲಿಯನ್ ನಿಧಿಯೊಂದಿಗೆ Pixxelನ ಮಹತ್ವಾಕಾಂಕ್ಷೆ ಏನು? : ಬಾಹ್ಯಾಕಾಶದಿಂದ ಭೂಮಿಯ ಕುರಿತ ಸೂಕ್ಷ್ಮ ಮಾಹಿತಿಯನ್ನು ಸಂಗ್ರಹಿಸುವ ತಂತ್ರಜ್ಞಾನದಲ್ಲಿ ಗಮನ ಸೆಳೆದಿರುವ Pixxel ಇದೀಗ ತನ್ನ ವ್ಯಾಪ್ತಿಯನ್ನು ಮತ್ತಷ್ಟು ವಿಸ್ತರಿಸಲು ಸಜ್ಜಾಗಿದೆ. ಕಂಪನಿ $100 ಮಿಲಿಯನ್ ಸರಣಿ-C ನಿಧಿ ಸಂಗ್ರಹಿಸಿದ್ದು, ಈ ಹಣವನ್ನು ಉಪಗ್ರಹಗಳ ಸಮೂಹ, ಹೆಚ್ಚಿನ ರೆಸಲ್ಯೂಷನ್ ಚಿತ್ರಣ ಮತ್ತು Earth Intelligence ಸಾಫ್ಟ್‌ವೇರ್ ಅಭಿವೃದ್ಧಿಗೆ ಬಳಸಲಿದೆ. ಪೂರ್ಣ ಸುದ್ದಿ ಓದಲು ಇಲ್ಲಿ ಕ್ಲಿಕ್ ಮಾಡಿ
$100 ಮಿಲಿಯನ್ ಸಂಗ್ರಹಿಸಿದ ಬೆಂಗಳೂರು Pixxel : ಬೆಂಗಳೂರು ಮೂಲದ ಸ್ಪೇಸ್‌ಟೆಕ್ ಸ್ಟಾರ್ಟ್‌ಅಪ್ Pixxel $100 ಮಿಲಿಯನ್ ಸರಣಿ-C ನಿಧಿ ಸಂಗ್ರಹಿಸಿದೆ. Temasek ಮತ್ತು Seraphim ನೇತೃತ್ವದಲ್ಲಿ ನಡೆದ ಈ ಹೂಡಿಕೆ ಸುತ್ತು, ಭಾರತದ ಬಾಹ್ಯಾಕಾಶ ತಂತ್ರಜ್ಞಾನ ಕ್ಷೇತ್ರದ ಅತಿದೊಡ್ಡ ಏಕೈಕ ಫಂಡಿಂಗ್ ರೌಂಡ್ ಆಗಿದೆ. ಹೊಸ ಹೂಡಿಕೆದಾರರಾದ 360 ONE Asset ಮತ್ತು IMM Investment ಸೇರಿದಂತೆ ಹಳೆಯ ಹೂಡಿಕೆದಾರರೂ ಈ ಸುತ್ತಿನಲ್ಲಿ ಭಾಗವಹಿಸಿದ್ದಾರೆ. ಇದರೊಂದಿಗೆ Pixxelನ ಒಟ್ಟು ನಿಧಿ $195 ಮಿಲಿಯನ್‌ಗೆ ಏರಿಕೆಯಾಗಿದೆ. Honeybee ಉಪಗ್ರಹ ಸಮೂಹ, ಹೈ-ರೆಸಲ್ಯೂಷನ್ ಆಪ್ಟಿಕಲ್ ಇಮೇಜಿಂಗ್ ಮತ್ತು Aurora Earth Intelligence ವೇದಿಕೆಯ ವಿಸ್ತರಣೆಗೆ ಹೊಸ ಬಂಡವಾಳ ಬಳಸಲಾಗುವುದು. ಪೂರ್ಣ ಸುದ್ದಿ ಓದಲು ಇಲ್ಲಿ ಕ್ಲಿಕ್ ಮಾಡಿ
ಶಿವಮೊಗ್ಗದಲ್ಲಿ ಬೆಳ್ಳಂಬೆಳಗ್ಗೆ ಗುಂಡಿನ ಸದ್ದು – ರೌಡಿಶೀಟರ್ ಹತ್ಯೆ : ರೌಡಿಶೀಟರ್ ಕಿರಣ್ ಅಲಿಯಾಸ್ ಕುಳ್ಳಿ ಕಿರಣ್ ಹತ್ಯೆ ಪ್ರಕರಣದ ಪ್ರಮುಖ ಆರೋಪಿ ಕಾಲಿಗೆ ಪೊಲೀಸರು ಗುಂಡು ಹಾರಿಸಿ ಬಂಧಿಸಿರುವ ಘಟನೆ ಸೋಮವಾರ ಬೆಳಗ್ಗೆ ಶಿವಮೊಗ್ಗದಲ್ಲಿ ನಡೆದಿದೆ. ಎನ್‌.ಆರ್‌.ಪುರ ರಸ್ತೆಯ ಲಿಂಗಾಪುರ ಗ್ರಾಮದ ಬಳಿ ಪೊಲೀಸರು ಕಾರ್ಯಾಚರಣೆ ನಡೆಸಿದ್ದು, ಆರೋಪಿ ಉಮೇಶ್ ನಾಯ್ಕ್ (27) ಗಾಯಗೊಂಡಿದ್ದಾನೆ. ಪೂರ್ಣ ಸುದ್ದಿ ಓದಲು ಇಲ್ಲಿ ಕ್ಲಿಕ್ ಮಾಡಿ
ಸತ್ಯ ನಿಕೇತನ ಕಟ್ಟಡ ಕುಸಿತ – ಮೃತರ ಸಂಖ್ಯೆ 6ಕ್ಕೆ ಏರಿಕೆ : ನವದೆಹಲಿಯ ಸತ್ಯ ನಿಕೇತನ ಕಟ್ಟಡ ಕುಸಿತ ಪ್ರಕರಣದಲ್ಲಿ ಸಾವಿನ ಸಂಖ್ಯೆ 6ಕ್ಕೆ ಏರಿಕೆಯಾಗಿದೆ. ಅವಶೇಷಗಳಡಿ ಸಿಲುಕಿದ್ದ ಮತ್ತೊಬ್ಬರನ್ನು ರಕ್ಷಿಸಿದರೂ ಅವರು ಮೃತಪಟ್ಟ ಸ್ಥಿತಿಯಲ್ಲಿ ಆಸ್ಪತ್ರೆಗೆ ದಾಖಲಾಗಿದ್ದಾರೆ. ಇದುವರೆಗೆ 11 ಮಂದಿಯನ್ನು ರಕ್ಷಿಸಲಾಗಿದೆ. ಏಮ್ಸ್ ಟ್ರಾಮಾ ಸೆಂಟರ್‌ಗೆ 11 ಗಾಯಾಳುಗಳನ್ನು ದಾಖಲಿಸಲಾಗಿದ್ದು, ಐವರು ಮೃತಪಟ್ಟ ಸ್ಥಿತಿಯಲ್ಲಿ ಆಸ್ಪತ್ರೆಗೆ ಬಂದಿದ್ದರು. ಗಂಭೀರ ಸ್ಥಿತಿಯಲ್ಲಿದ್ದ ಮತ್ತೊಬ್ಬರು ಚಿಕಿತ್ಸೆ ವೇಳೆ ಮೃತಪಟ್ಟಿದ್ದಾರೆ. ಮೂವರು ಚಿಕಿತ್ಸೆ ಪಡೆಯುತ್ತಿದ್ದು, ಒಬ್ಬರಿಗೆ ಅಂಗ ಶಸ್ತ್ರಚಿಕಿತ್ಸೆ ನಡೆಸಲಾಗಿದೆ. ಮತ್ತೊಬ್ಬರನ್ನು ಸಣ್ಣ ಗಾಯಗಳ ಹಿನ್ನೆಲೆಯಲ್ಲಿ ವೀಕ್ಷಣೆಯ ಬಳಿಕ ಬಿಡುಗಡೆ ಮಾಡಲಾಗಿದೆ. ಘಟನೆಗೆ ಸಂಬಂಧಿಸಿದಂತೆ ದೆಹಲಿ ಸರ್ಕಾರ ಮ್ಯಾಜಿಸ್ಟೀರಿಯಲ್ ತನಿಖೆಗೆ ಆದೇಶಿಸಿದ್ದು, ಕಟ್ಟಡ ಮಾಲೀಕರ ವಿರುದ್ಧ ಎಫ್‌ಐಆರ್ ದಾಖಲಿಸಲಾಗಿದೆ. ಕಟ್ಟಡ ಕುಸಿತದ ನಿಖರ ಕಾರಣದ ಕುರಿತು ತನಿಖೆ ಮುಂದುವರಿದಿದೆ. ಪೂರ್ಣ ಸುದ್ದಿ ಓದಲು ಇಲ್ಲಿ ಕ್ಲಿಕ್ ಮಾಡಿ
(ಮಾಹಿತಿ ಅಪ್ಡೇಟ್ ಆಗಲಿದೆ)
ಪ್ರತಿ ಹೊಸ ಅಪ್‌ಡೇಟ್‌ಗಾಗಿ ಇಲ್ಲಿ ಕ್ಲಿಕ್ ಮಾಡಿರಿ 👉 ಇಂದಿನ ಪ್ರಮುಖ ಲೈವ್ ಅಪ್‌ಡೇಟ್‌ಗಳನ್ನು ‘ಸಂಯುಕ್ತ ಕರ್ನಾಟಕ’ ಜಾಲತಾಣದಲ್ಲಿ ನಿರಂತರವಾಗಿ ಓದಿರಿ.
