ಗುವಾಹಟಿ: ವೆಸ್ಟ್ ಇಂಡೀಸ್ ವಿರುದ್ಧದ ಎರಡನೇ ಏಕದಿನ ಪಂದ್ಯದಲ್ಲಿ ಭಾರತದ ನಾಯಕ ಶುಭಮನ್ ಗಿಲ್ ಸ್ಫೋಟಕ ದ್ವಿಶತಕ ಸಿಡಿಸುವ ಮೂಲಕ ಹೊಸ ದಾಖಲೆ ಬರೆದಿದ್ದಾರೆ.
ಗಿಲ್ ಕೇವಲ 117 ಎಸೆತಗಳಲ್ಲಿ ದ್ವಿಶತಕ ಪೂರೈಸಿದ್ದು, ಏಕದಿನ ಕ್ರಿಕೆಟ್ನಲ್ಲಿ ಅತಿ ವೇಗದ ದ್ವಿಶತಕ ಬಾರಿಸಿದ ಬ್ಯಾಟರ್ ಎನಿಸಿಕೊಂಡಿದ್ದಾರೆ. ಈ ಮೂಲಕ ವೇಗದ ದ್ವಿಶತಕಗಳ ಪಟ್ಟಿಯಲ್ಲೂ ಅಗ್ರಸ್ಥಾನಕ್ಕೇರಿದ್ದಾರೆ.
ಭಾರತದ ಇಶಾನ್ ಕಿಶನ್ 2022ರಲ್ಲಿ ಬಾಂಗ್ಲಾದೇಶ ವಿರುದ್ಧ ಕೇವಲ 126 ಎಸೆತಗಳಲ್ಲಿ ದ್ವಿಶತಕ ಬಾರಿಸಿದ್ದರು. ಈ ಮೂಲಕ ವೇಗದ ದ್ವಿಶತಕ ಬಾರಿಸಿದವರ ಪಟ್ಟಿಯಲ್ಲಿ ಇದುವರೆಗೆ ಅಗ್ರಸ್ಥಾನವನ್ನು ಪಡೆದಿದ್ದರು.
ನಂತರದ ಸ್ಥಾನಗಳಲ್ಲಿ ಆಸ್ಟ್ರೇಲಿಯಾದ ಗ್ಲೆನ್ ಮ್ಯಾಕ್ಸ್ವೆಲ್ 128 ಎಸೆತಗಳಲ್ಲಿ (2023, ಅಫ್ಘಾನಿಸ್ತಾನ ವಿರುದ್ಧ), ಶ್ರೀಲಂಕಾದ ಪತುಮ್ ನಿಸ್ಸಾಂಕ 136 ಎಸೆತಗಳಲ್ಲಿ (2024, ಅಫ್ಘಾನಿಸ್ತಾನ ವಿರುದ್ಧ) ಹಾಗೂ ವೆಸ್ಟ್ ಇಂಡೀಸ್ನ ಕ್ರಿಸ್ ಗೇಲ್ 138 ಎಸೆತಗಳಲ್ಲಿ (2015, ಜಿಂಬಾಬ್ವೆ ವಿರುದ್ಧ) ದ್ವಿಶತಕ ದಾಖಲಿಸಿದ್ದರು.
ಏಕದಿನ ಕ್ರಿಕೆಟ್ನಲ್ಲಿ ವೇಗದ ದ್ವಿಶತಕ ದಾಖಲಿಸಿದ ಟಾಪ್ 5 ಆಟಗಾರರು
- ಶುಭಮನ್ ಗಿಲ್ – 117 ಎಸೆತ, ವೆಸ್ಟ್ ಇಂಡೀಸ್, 2026
- ಇಶಾನ್ ಕಿಶನ್ – 126 ಎಸೆತ, ಬಾಂಗ್ಲಾದೇಶ, 2022
- ಗ್ಲೆನ್ ಮ್ಯಾಕ್ಸ್ವೆಲ್ – 128 ಎಸೆತ, ಅಫ್ಘಾನಿಸ್ತಾನ, 2023
- ಪತುಮ್ ನಿಸ್ಸಾಂಕ – 136 ಎಸೆತ, ಅಫ್ಘಾನಿಸ್ತಾನ, 2024
- ಕ್ರಿಸ್ ಗೇಲ್ – 138 ಎಸೆತ, ಜಿಂಬಾಬ್ವೆ, 2015
