ನವದೆಹಲಿ: ಅಂತರರಾಷ್ಟ್ರೀಯ ಮಾದಕವಸ್ತು ಜಾಲದ ಪ್ರಮುಖ ವ್ಯಕ್ತಿ ಹಾಗೂ ಭೂಗತ ಪಾತಕಿ ದಾವೂದ್ ಇಬ್ರಾಹಿಂನ ಆಪ್ತ ಸಹಚರ ಸಲೀಂ ಡೋಲಾನನ್ನು ಇಂದು ಮುಂಜಾನೆ ಭಾರತಕ್ಕೆ ಗಡೀಪಾರು ಮಾಡಲಾಗಿದೆ.
ಟರ್ಕಿಯ ಇಸ್ತಾನ್ಬುಲ್ ನಗರದಲ್ಲಿ ಇತ್ತೀಚೆಗೆ ಬಂಧಿಸಲ್ಪಟ್ಟಿದ್ದ ಡೋಲಾನನ್ನು ಭಾರತೀಯ ಹಾಗೂ ಅಂತರರಾಷ್ಟ್ರೀಯ ಗುಪ್ತಚರ ಸಂಸ್ಥೆಗಳ ಸಂಯುಕ್ತ ಕಾರ್ಯಾಚರಣೆಯ ಮೂಲಕ ಭಾರತಕ್ಕೆ ತರಲಾಗಿದೆ. ಈ ಕಾರ್ಯಾಚರಣೆ ಅತ್ಯಂತ ರಹಸ್ಯವಾಗಿ ನಡೆಯಿದ್ದು, ವಿಶೇಷ ವಿಮಾನದ ಮೂಲಕ ಡೋಲಾ ನವದೆಹಲಿ ತಾಂತ್ರಿಕ ವಿಮಾನ ನಿಲ್ದಾಣಕ್ಕೆ ಭಾರೀ ಭದ್ರತೆಯಲ್ಲಿ ಬಂದಿಳಿದನು.
ಡೋಲಾ ಯಾರು? ಏನು ಆರೋಪ? : ಸಲೀಂ ಡೋಲಾ ಅಂತರರಾಷ್ಟ್ರೀಯ ಮಟ್ಟದಲ್ಲಿ ಕಾರ್ಯನಿರ್ವಹಿಸುತ್ತಿದ್ದ ಮಾದಕವಸ್ತು ವ್ಯಾಪಾರ ಜಾಲದ ಪ್ರಮುಖ ಸಂಚಾಲಕರಲ್ಲಿ ಒಬ್ಬನಾಗಿದ್ದು, ಸುಮಾರು ₹5,000 ಕೋಟಿ ಮೌಲ್ಯದ ಸಿಂಥಟಿಕ್ ಡ್ರಗ್ಸ್ ಸಾಮ್ರಾಜ್ಯವನ್ನು ನಡೆಸುತ್ತಿದ್ದನೆಂದು ಅಧಿಕಾರಿಗಳು ತಿಳಿಸಿದ್ದಾರೆ.
ಅವನು ಡಿ-ಕಂಪನಿಗೆ ಆಪ್ತ ಸಂಬಂಧ ಹೊಂದಿದ್ದು, ಜಾಗತಿಕ ಮಟ್ಟದಲ್ಲಿ ಡ್ರಗ್ಸ್ ವಿತರಣೆ, ಹಣ ವರ್ಗಾವಣೆ (money laundering) ಹಾಗೂ ಅಕ್ರಮ ಚಟುವಟಿಕೆಗಳಲ್ಲಿ ತೊಡಗಿಸಿಕೊಂಡಿದ್ದನೆಂಬ ಆರೋಪವಿದೆ.
ಭಾರತಕ್ಕೆ ಆಗಮನದ ನಂತರ ಏನು ನಡೆಯಿತು? : ನವದೆಹಲಿ ತಲುಪಿದ ಕೂಡಲೇ ಡೋಲಾನನ್ನು ಗುಪ್ತಚರ ಅಧಿಕಾರಿಗಳು ವಶಕ್ಕೆ ಪಡೆದುಕೊಂಡಿದ್ದು, ಈಗ ಅವನನ್ನು ರಹಸ್ಯ ಸ್ಥಳದಲ್ಲಿ ತೀವ್ರ ವಿಚಾರಣೆಗೆ ಒಳಪಡಿಸಲಾಗಿದೆ.
ಅವನ ವಿರುದ್ಧ ಹಲವು ಪ್ರಕರಣಗಳು ಬಾಕಿಯಿವೆ. ಡ್ರಗ್ಸ್ ಕಳ್ಳಸಾಗಣೆ ಹಾಗೂ ಹಣ ಸುಳಿವು ಪ್ರಕರಣಗಳಲ್ಲಿ ಅವನ ಪಾತ್ರ ಪರಿಶೀಲನೆ ನಡೆಸಲಾಗುತ್ತಿದೆ, ಅವನನ್ನು ಶೀಘ್ರದಲ್ಲೇ ಮಾದಕ ದ್ರವ್ಯ ನಿಯಂತ್ರಣ ಬ್ಯೂರೋ ಅಥವಾ ಮುಂಬೈ ಪೊಲೀಸರುಗೆ ಹಸ್ತಾಂತರಿಸುವ ಸಾಧ್ಯತೆ
ಈ ಗಡೀಪಾರು ಕಾರ್ಯಾಚರಣೆಯನ್ನು ಭಾರತೀಯ ಭದ್ರತಾ ವ್ಯವಸ್ಥೆಯ ಮಹತ್ವದ ಯಶಸ್ಸಾಗಿ ಪರಿಗಣಿಸಲಾಗಿದೆ. ವಿಶೇಷವಾಗಿ ಜಾಗತಿಕ ಡ್ರಗ್ಸ್ ನೆಟ್ವರ್ಕ್ಗೆ ದೊಡ್ಡ ಹೊಡೆತ ಬಿಳಲಿದ್ದು, ಇತ್ತೀಚೆಗೆ ಹಲವಾರು ಸಹಚರರ ಬಂಧನದ ನಂತರ ಭಾರತದಲ್ಲಿ ಕಾರ್ಯನಿರ್ವಹಿಸುತ್ತಿರುವ ಸಂಘಟಿತ ಮಾದಕವಸ್ತು ಸಿಂಡಿಕೇಟ್ಗಳಿಗೆ ಎಚ್ಚರಿಕೆ ನೀಡಿದಂತಾಗಿದೆ.
