ಪಣಜಿ: ಸದ್ಯ ಡೀಸೆಲ್ ದರ ಏರಿಕೆಯಿಂದಾಗಿ ಗೋವಾದ ಮೀನುಗಾರಿಕೆ ವಲಯಕ್ಕೆ ದೊಡ್ಡ ಪೆಟ್ಟು ಬಿದ್ದಿದೆ. ಡೀಸೆಲ್ ಬೆಲೆಯಲ್ಲಿನ ತೀವ್ರ ಏರಿಕೆ ರಾಜ್ಯಾದ್ಯಂತ ಮೀನುಗಾರಿಕೆ ಮತ್ತು ಮೀನು ಪೂರೈಕೆಯನ್ನು ತೀವ್ರವಾಗಿ ಅಡ್ಡಿಪಡಿಸಬಹುದು ಎಂದು ಪ್ರಮುಖ ಮೀನುಗಾರರ ಸಂಘಟನೆಗಳು ಎಚ್ಚರಿಸಿವೆ.
ಇಂಧನ ದರ ಏರಿಕೆಯಿಂದಾಗಿ ಸುಮಾರು 450 ಪರ್ಸ್-ಸೈನರ್ ಬೋಟ್ಗಳು ಮೀನುಗಾರಿಕೆ ಬಂದ್ ಮಾಡುವ ಪರಿಸ್ಥಿತಿಯಲ್ಲಿವೆ ಎಂದು ಆಲ್ ಗೋವಾ ಪರ್ಸ್-ಸೈನರ್ ಬೋಟ್ ಮಾಲೀಕರ ಸಂಘ ಎಚ್ಚರಿಕೆ ನೀಡಿದೆ.
ಈ ಬೋಟ್ಗಳು ಸ್ಥಳೀಯ ಮೀನು ಪೂರೈಕೆಯ ಸುಮಾರು 70% ಪಾಲು ಹೊಂದಿವೆ ಮತ್ತು ಮೀನುಗಾರಿಕೆ ಕಡಿಮೆಯಾದರೆ ತೀವ್ರ ಬೆಲೆ ಏರಿಕೆಗೆ ಕಾರಣವಾಗಬಹುದು. ಮಾಂಡವಿ ಮೀನುಗಾರರ ಮಾರ್ಕೆಟಿಂಗ್ ಸಹಕಾರ ಸಂಘವು ಇತ್ತೀಚೆಗೆ ಡೀಸೆಲ್ ಪ್ರತಿ ಲೀಟರ್ಗೆ 23 ರೂ. ಬೆಲೆಯಲ್ಲಿ ಹೆಚ್ಚಳವು ಮೀನುಗಾರಿಕೆಯನ್ನು ಆರ್ಥಿಕವಾಗಿ ದುಸ್ತರಗೊಳಿಸಿದೆ ಎಂದು ಹೇಳಿದೆ.
ಸುಮಾರು 275 ಟ್ರಾಲರ್ಗಳನ್ನು ಪ್ರತಿನಿಧಿಸುವ ಸೊಸೈಟಿಯು ತನ್ನ ಫ್ಲೀಟ್ನ ಸುಮಾರು 30% ಈಗಾಗಲೇ ಕಾರ್ಯನಿರ್ವಹಿಸುತ್ತಿಲ್ಲ ಎಂದು ಬಹಿರಂಗಪಡಿಸಿದೆ.
ಗೋವಾ ಸರ್ಕಾರ ತಕ್ಷಣ ಮಧ್ಯಪ್ರವೇಶಿಸಿ ಕೇಂದ್ರದೊಂದಿಗೆ ಈ ವಿಷಯ ಚರ್ಚಿಸಲು ಮೀನುಗಾರಿಕಾ ಸಂಘಟನೆ ಒತ್ತಾಯಿಸಿವೆ. ಗುಜರಾತ್ನ ಮೀನುಗಾರರಿಗೆ ನೀಡಲಾಗುವ ಪ್ರಯೋಜನಗಳಿಗೆ ಸಮಾನವಾಗಿ ಇಂಧನ ಬೆಲೆ ಪರಿಹಾರವನ್ನು ಸಹ ನೀಡುವಂತೆ ಒತ್ತಾಯಿಸಿದ್ದಾರೆ. ಸಮಯೋಚಿತ ಬೆಂಬಲವಿಲ್ಲದೆ, ಮೀನುಗಾರಿಕೆ ಉದ್ಯಮವನ್ನು ಅವಲಂಬಿಸಿರುವ ಸಾವಿರಾರು ಜನರ ಜೀವನೋಪಾಯವು ಅಪಾಯದಲ್ಲಿದೆ ಎಂದು ಹೇಳಿದ್ದಾರೆ.
