ಮಹಿಳೆಯರ ಋತುಚಕ್ರದ (Period) ಸಮಯದಲ್ಲಿ ಸರಿಯಾದ ಆಹಾರ ಕ್ರಮವನ್ನು ಪಾಲಿಸುವುದು ದೈಹಿಕ ಮತ್ತು ಮಾನಸಿಕ ಆರೋಗ್ಯದ ದೃಷ್ಟಿಯಿಂದ ಅತ್ಯಂತ ಅವಶ್ಯಕ. ಈ ಅವಧಿಯಲ್ಲಿ ಎದುರಾಗುವ ಹೊಟ್ಟೆ ನೋವು, ಆಯಾಸ ಮತ್ತು ಮೂಡ್ ಸ್ವಿಂಗ್ಗಳನ್ನು ನಿಯಂತ್ರಿಸಲು ಪೌಷ್ಟಿಕಾಂಶಯುಕ್ತ ಆಹಾರಗಳನ್ನು ಸೇವಿಸುವುದು ಬಹಳ ಒಳ್ಳಯದ್ದು. ಇಂತಹ ಸಮಯದಲ್ಲಿ ಯಾವ ರೀತಿ ಪದಾರ್ಥಗಳು ಸೂಕ್ತ ಇಲ್ಲಿದೆ ಮಾಹಿತಿ.
ಸೇವಿಸಬೇಕಾದ ಪದಾರ್ಥಗಳು: ಋತುಚಕ್ರದ ಸಮಯದಲ್ಲಿ ದೇಹವು ರಕ್ತವನ್ನು ಕಳೆದುಕೊಳ್ಳುವುದರಿಂದ ಕಬ್ಬಿಣಾಂಶ (Iron) ಹೆಚ್ಚಿರುವ ಪಾಲಕ್, ಮೆಂತೆ ಸೊಪ್ಪಿನಂತಹ ಹಸಿರು ತರಕಾರಿಗಳು ಮತ್ತು ಬೀಟ್ ರೂಟ್ ಸೇವಿಸುವುದು ಉತ್ತಮ. ಸ್ನಾಯುಗಳ ಸೆಳೆತ ಹಾಗೂ ಹೊಟ್ಟೆ ನೋವು ಕಡಿಮೆ ಮಾಡಲು ಮೆಗ್ನೀಸಿಯಮ್ ಸಮೃದ್ಧವಾಗಿರುವ ಬಾಳೆಹಣ್ಣು ಮತ್ತು ಡಾರ್ಕ್ ಚಾಕೊಲೇಟ್ ಸಹಕಾರಿ. ಅಲ್ಲದೆ ಪ್ರೋಟೀನ್ ಮತ್ತು ಒಮೆಗಾ-3 ಫ್ಯಾಟಿ ಆಸಿಡ್ಗಾಗಿ ಮೊಟ್ಟೆ, ಮೀನು ಹಾಗೂ ಒಣ ಹಣ್ಣುಗಳನ್ನು (Dry fruits) ಆಹಾರದಲ್ಲಿ ಸೇರಿಸಿಕೊಳ್ಳಬೇಕು. ಶುಂಠಿ ಚಹಾ ಅಥವಾ ಜೀರಿಗೆ ನೀರು ಸೇವಿಸುವುದರಿಂದ ಜೀರ್ಣಕ್ರಿಯೆ ಸುಧಾರಿಸಿ, ಕಿಬ್ಬೊಟ್ಟೆಯ ನೋವು ಕಡಿಮೆಯಾಗುತ್ತದೆ.
ಪಾಲಿಸಬೇಕಾದ ನಿಯಮಗಳು: ಈ ಸಮಯದಲ್ಲಿ ದೇಹವನ್ನು ಹೈಡ್ರೇಟ್ ಆಗಿಡುವುದು ಬಹಳ ಮುಖ್ಯ. ದಿನಕ್ಕೆ ಕನಿಷ್ಠ 3-4 ಲೀಟರ್ ನೀರು ಕುಡಿಯುವುದರಿಂದ ದೇಹದಲ್ಲಿನ ನೀರಿನಂಶ ಕಡಿಮೆಯಾಗುವುದಿಲ್ಲ ಮತ್ತು ಮುಖದ ಮೇಲಾಗುವ ಮೊಡವೆಗಳನ್ನು ತಡೆಯಬಹುದು. ಅತಿಯಾದ ಕಾಫಿ, ಚಹಾ ಹಾಗೂ ಉಪ್ಪಿನಂಶವಿರುವ ಸಂಸ್ಕರಿಸಿದ ಆಹಾರಗಳಿಂದ ದೂರವಿರುವುದು ಒಳಿತು. ಇವು ದೇಹದಲ್ಲಿ ಉರಿಯೂತ ಮತ್ತು ಹೊಟ್ಟೆ ಉಬ್ಬರವನ್ನು (Bloating) ಉಂಟುಮಾಡುತ್ತವೆ.
ಏನೆಲ್ಲಾ ಪ್ರಯೋಜನಗಳು: ಸರಿಯಾದ ಆಹಾರ ಕ್ರಮ ಪಾಲಿಸುವುದರಿಂದ ರಕ್ತಹೀನತೆ ತಡೆಯಬಹುದು ಮತ್ತು ದಿನವಿಡೀ ಚೈತನ್ಯದಿಂದ ಇರಲು ಸಾಧ್ಯವಾಗುತ್ತದೆ. ನಾರಿನಂಶವಿರುವ ಆಹಾರಗಳು ಮಲಬದ್ಧತೆಯನ್ನು ನಿವಾರಿಸಿದರೆ, ಹಣ್ಣು-ತರಕಾರಿಗಳು ಹಾರ್ಮೋನುಗಳ ಏರುಪೇರನ್ನು ಸರಿದೂಗಿಸಿ ಮನಸ್ಸನ್ನು ಶಾಂತವಾಗಿಡಲು ಸಹಾಯ ಮಾಡುತ್ತವೆ. ಒಟ್ಟಾರೆಯಾಗಿ, ಈ ನೈಸರ್ಗಿಕ ಕ್ರಮಗಳು ಋತುಚಕ್ರದ ಆ ದಿನಗಳನ್ನು ಸುಲಭವಾಗಿಸುತ್ತವೆ.
ಓದುಗರ ಗಮನಕ್ಕೆ: ಮಹಿಳೆಯರು ಮುಟ್ಟಿನ ಸಮಯದಲ್ಲಿ ಶುಚಿಯಾಗಿರು ಪದಾರ್ಥ ಮತ್ತು ರಕ್ತ ಶುದ್ದಿಗೆ ಸಹಾಯಕವಾಗುವಂತಹ ತಿಂಡಿಗಳನ್ನು ತಿನ್ನುವುದು ಪ್ರಮುಖ ಅಂಶ. ಹಾಗೇ ನೀವು ಋತುಚಕ್ರದ ವೇಳೆ ಹೆಚ್ಚು ಹೊಟ್ಟೆ ನೋವು ಸಮಸ್ಯ ಅನುಭವಿಸುತ್ತಿದ್ದರೆ ವೈಧ್ಯರ ಸಲಹೆ ಪಡೆದು, ಆಹಾರ ಪದ್ದತಿಯನ್ನು ಪಾಲಿಸಿ.
