ತೆರಿಗೆ ರಿಯಾಯಿತಿ ಸರಿ, ಉದ್ಯೋಗ ಮತ್ತು ಸಂಬಳ ಹೆಚ್ಚಳ ಎಷ್ಟಾಗಿದೆ? ಉದ್ಯಮ ವಲಯಕ್ಕೆ ಪ್ರಧಾನಿ ಮೋದಿ ನೇರ ಪ್ರಶ್ನೆ.
ನವದೆಹಲಿ: ಸರ್ಕಾರದಿಂದ ಹಲವು ತೆರಿಗೆ ರಿಯಾಯಿತಿಗಳು ಮತ್ತು ಸುಧಾರಣೆಗಳ ಪ್ರಯೋಜನ ಪಡೆದಿರುವ ಉದ್ಯಮ ವಲಯವು ಉದ್ಯೋಗ ಸೃಷ್ಟಿ ಹಾಗೂ ನೌಕರರ ವೇತನ ಹೆಚ್ಚಳಕ್ಕೆ ಎಷ್ಟರಮಟ್ಟಿಗೆ ಕೊಡುಗೆ ನೀಡಿದೆ? ಕಾರ್ಪೊರೇಟ್ ಸಂಸ್ಥೆಗಳು ಈ ಬಗ್ಗೆ ಆತ್ಮಾವಲೋಕನ ಮಾಡಿಕೊಳ್ಳಬೇಕು ಎಂದು ಪ್ರಧಾನಿ ನರೇಂದ್ರ ಮೋದಿ ಕರೆ ನೀಡಿದ್ದಾರೆ.
ನವದೆಹಲಿಯ ಭಾರತ್ ಮಂಟಪದಲ್ಲಿ ಇಂದು ನಡೆದ ಭಾರತೀಯ ವಾಣಿಜ್ಯ ಮತ್ತು ಕೈಗಾರಿಕಾ ಮಹಾಸಂಘದ (FICCI) ಶತಮಾನೋತ್ಸವ ವಾರ್ಷಿಕ ಸಮಾವೇಶದಲ್ಲಿ ಮಾತನಾಡಿದ ಅವರು, ಉದ್ಯಮ ವಲಯದ ಹೊಣೆಗಾರಿಕೆಯನ್ನು ನೇರವಾಗಿ ಪ್ರಶ್ನಿಸಿದರು. ದೇಶದಲ್ಲಿ ಉದ್ಯಮಗಳ ಬೆಳವಣಿಗೆಗೆ ಸರ್ಕಾರ ಹಲವು ನೀತಿ ಸುಧಾರಣೆಗಳನ್ನು ಜಾರಿಗೊಳಿಸಿದೆ. ಕಾರ್ಪೊರೇಟ್ ತೆರಿಗೆಯನ್ನು ಶೇ.30ರಿಂದ ಶೇ.22ಕ್ಕೆ ಇಳಿಸಲಾಗಿದೆ.
ವೈಯಕ್ತಿಕ ಆದಾಯ ತೆರಿಗೆ ವ್ಯವಸ್ಥೆಯಲ್ಲಿಯೂ ವಾರ್ಷಿಕ ₹12 ಲಕ್ಷದವರೆಗಿನ ಆದಾಯಕ್ಕೆ ತೆರಿಗೆ ವಿನಾಯಿತಿ ಕಲ್ಪಿಸಲಾಗಿದೆ. ಇಷ್ಟೆಲ್ಲ ಕ್ರಮಗಳ ಬಳಿಕ ಕಂಪನಿಗಳು ತಮ್ಮ ಉದ್ಯೋಗಿಗಳ ಸಂಖ್ಯೆಯನ್ನು ಹೆಚ್ಚಿಸಿವೆಯೇ? ನೌಕರರ ವೇತನವನ್ನು ಹೆಚ್ಚಿಸಿವೆಯೇ? ಎಂದು ಮೋದಿ ಪ್ರಶ್ನಿಸಿದರು.
ತೆರಿಗೆ ರಿಯಾಯಿತಿಗಳ ಪ್ರಯೋಜನ ಕೇವಲ ಕಂಪನಿಗಳ ಲಾಭಕ್ಕೆ ಸೀಮಿತವಾಗದೆ, ಉದ್ಯೋಗಾವಕಾಶಗಳು ಮತ್ತು ನೌಕರರ ಆದಾಯ ಹೆಚ್ಚಳದ ರೂಪದಲ್ಲಿಯೂ ಸಮಾಜಕ್ಕೆ ತಲುಪಬೇಕು ಎಂಬುದು ಪ್ರಧಾನಿಯವರ ಮಾತಿನ ಪ್ರಮುಖ ಆಶಯವಾಗಿತ್ತು. ಉದ್ಯಮಿಗಳು ಸರ್ಕಾರದಿಂದ ಮತ್ತಷ್ಟು ಸೌಲಭ್ಯಗಳನ್ನು ನಿರೀಕ್ಷಿಸುವುದರ ಜತೆಗೆ, ದೇಶದ ಆರ್ಥಿಕ ಬೆಳವಣಿಗೆಗೆ ತಾವೂ ಹೆಚ್ಚಿನ ಕೊಡುಗೆ ನೀಡಬೇಕು ಎಂದು ಅವರು ಒತ್ತಿ ಹೇಳಿದರು.
ಭಾರತದ ಆರ್ಥಿಕ ಪ್ರಗತಿಯ ಕುರಿತು ಮಾತನಾಡಿದ ಮೋದಿ, ಪ್ರಮುಖ ಜಾಗತಿಕ ಆರ್ಥಿಕತೆಗಳ ಪೈಕಿ ಭಾರತವು ವೇಗವಾಗಿ ಬೆಳೆಯುತ್ತಿರುವ ರಾಷ್ಟ್ರವಾಗಿದ್ದು, ಬೆಳವಣಿಗೆ ದರ ಸುಮಾರು ಶೇ.7ರ ಮಟ್ಟದಲ್ಲಿದೆ ಎಂದು ತಿಳಿಸಿದರು. ವಿಶ್ವ ಬ್ಯಾಂಕ್ನ ಇತ್ತೀಚಿನ ವರದಿಯನ್ನು ಉಲ್ಲೇಖಿಸಿದ ಅವರು, ಕಳೆದ 12ರಿಂದ 13 ವರ್ಷಗಳ ಅವಧಿಯಲ್ಲಿ ಸುಮಾರು 50 ಕೋಟಿ ಜನರು ಬಡತನದಿಂದ ಹೊರಬಂದಿದ್ದಾರೆ ಎಂದು ಹೇಳಿದರು.
ದೇಶದ ಆರ್ಥಿಕ ಪ್ರಗತಿಯಲ್ಲಿ ರೈತರು, ಕಾರ್ಮಿಕರು, ಸಣ್ಣ ಉದ್ಯಮಿಗಳು, ತೆರಿಗೆದಾರರು ಮತ್ತು ಉದ್ಯಮ ವಲಯದ ಪಾತ್ರವನ್ನು ಅವರು ಸ್ಮರಿಸಿದರು.
ಇದೇ ಸಂದರ್ಭದಲ್ಲಿ ಭಾರತೀಯ ಉದ್ಯಮಗಳು ಗುಣಮಟ್ಟದ ಉತ್ಪನ್ನಗಳ ತಯಾರಿಕೆಗೆ ಹೆಚ್ಚಿನ ಆದ್ಯತೆ ನೀಡಬೇಕು ಎಂಬ ಸಂದೇಶವನ್ನೂ ನೀಡಿದರು. 140 ಕೋಟಿ ಭಾರತೀಯರನ್ನು ಕಳಪೆ ಗುಣಮಟ್ಟದ ಸರಕುಗಳ ಖರೀದಿದಾರರನ್ನಾಗಿ ಪರಿಗಣಿಸುವ ಮನೋಭಾವ ಬದಲಾಗಬೇಕು. ದೇಶೀಯ ಮಾರುಕಟ್ಟೆಯ ದೊಡ್ಡ ಗಾತ್ರವನ್ನು ಮಾತ್ರ ಅವಲಂಬಿಸದೆ, ಜಾಗತಿಕ ಮಾರುಕಟ್ಟೆಯಲ್ಲಿಯೂ ಸ್ಪರ್ಧಿಸುವ ಸಾಮರ್ಥ್ಯ ಬೆಳೆಸಿಕೊಳ್ಳಬೇಕು ಎಂದು ಉದ್ಯಮಿಗಳಿಗೆ ಸೂಚಿಸಿದರು.
ಉತ್ಪನ್ನಗಳ ಗುಣಮಟ್ಟ, ತಂತ್ರಜ್ಞಾನ, ಸಂಶೋಧನೆ ಮತ್ತು ಅಂತರರಾಷ್ಟ್ರೀಯ ಮಾನದಂಡಗಳ ಪಾಲನೆಗೆ ಹೆಚ್ಚಿನ ಹೂಡಿಕೆ ಮಾಡುವಂತೆ ಕರೆ ನೀಡಿದರು.
ಮುಂದಿನ 20 ವರ್ಷಗಳ ಪ್ರತಿಯೊಂದು ದೀರ್ಘಕಾಲೀನ ಹೂಡಿಕೆ ನಿರ್ಧಾರದಲ್ಲೂ ‘ಇಂಡಿಯಾ ಫಸ್ಟ್’ ತತ್ವವನ್ನು ಆಧಾರವಾಗಿಟ್ಟುಕೊಳ್ಳಬೇಕು ಎಂದು ಮೋದಿ ಹೇಳಿದರು. ದೇಶದ ಸ್ವಾವಲಂಬನೆಗೆ ಪೂರಕವಾಗಿ ಉತ್ಪಾದನೆ, ಔಷಧ ಉದ್ಯಮ, ಆಹಾರ ಸಂಸ್ಕರಣೆ, ಯಂತ್ರೋಪಕರಣಗಳು ಮತ್ತು ಕೃಷಿ ಆಧಾರಿತ ವಲಯಗಳಲ್ಲಿ ಹೂಡಿಕೆ ಹೆಚ್ಚಿಸುವಂತೆ ಉದ್ಯಮಿಗಳಿಗೆ ಸಲಹೆ ನೀಡಿದರು. ದೇಶೀಯವಾಗಿ ಉತ್ಪಾದಿಸಬಹುದಾದ ವಸ್ತುಗಳಿಗಾಗಿ ವಿದೇಶಗಳ ಮೇಲಿನ ಅವಲಂಬನೆಯನ್ನು ಕಡಿಮೆ ಮಾಡುವ ಅಗತ್ಯವನ್ನೂ ಪ್ರಸ್ತಾಪಿಸಿದರು.
ಇದಲ್ಲದೆ, ಉದ್ಯಮ ವಲಯಕ್ಕೆ ಅಗತ್ಯವಿರುವ ಮತ್ತಷ್ಟು ಸುಧಾರಣೆಗಳ ಕುರಿತು ಮುಕ್ತವಾಗಿ ಸಲಹೆ ನೀಡುವಂತೆ ಪ್ರಧಾನಿ ಆಹ್ವಾನಿಸಿದರು. ಸರ್ಕಾರದ ನೀತಿಗಳಲ್ಲಿ ಸುಧಾರಣೆ ಅಗತ್ಯವಿರುವ ಕ್ಷೇತ್ರಗಳನ್ನು ನೇರವಾಗಿ ತಿಳಿಸಬಹುದು ಎಂದ ಅವರು, 2047ರ ವೇಳೆಗೆ ಭಾರತವನ್ನು ಅಭಿವೃದ್ಧಿ ಹೊಂದಿದ ರಾಷ್ಟ್ರವನ್ನಾಗಿ ರೂಪಿಸುವ ಗುರಿಯಲ್ಲಿ ಸರ್ಕಾರ ಮತ್ತು ಉದ್ಯಮ ವಲಯ ಪರಸ್ಪರ ಕೈಜೋಡಿಸಬೇಕು ಎಂದು ಕರೆ ನೀಡಿದರು.
- ಕ್ಷಣಕ್ಷಣಕ್ಕೂ ಪಾತಾಳಕ್ಕಿಳಿಯುತ್ತಿದೆ ಚಿನ್ನದ ಬೆಲೆ : 14 ತಿಂಗಳ ಕನಿಷ್ಠ ಮಟ್ಟಕ್ಕೆ ಕುಸಿದ ಬಂಗಾರ; ಬೆಳ್ಳಿ ದರದಲ್ಲೂ ಭಾರಿ ಇಳಿಕೆ!ಚಿನ್ನ ಮತ್ತು ಬೆಳ್ಳಿ ಖರೀದಿಸಲು ಕಾಯುತ್ತಿದ್ದ ಆಭರಣ ಪ್ರಿಯರು ಹಾಗೂ ಮದುವೆ ಸೀಸನ್… Read more: ಕ್ಷಣಕ್ಷಣಕ್ಕೂ ಪಾತಾಳಕ್ಕಿಳಿಯುತ್ತಿದೆ ಚಿನ್ನದ ಬೆಲೆ : 14 ತಿಂಗಳ ಕನಿಷ್ಠ ಮಟ್ಟಕ್ಕೆ ಕುಸಿದ ಬಂಗಾರ; ಬೆಳ್ಳಿ ದರದಲ್ಲೂ ಭಾರಿ ಇಳಿಕೆ!
- ಉದ್ಯೋಗ, ವೇತನ ಹೆಚ್ಚಿಸಿವೆಯೇ? ಕಾರ್ಪೊರೇಟ್ಗಳಿಗೆ ಮೋದಿ ನೇರ ಪ್ರಶ್ನೆತೆರಿಗೆ ರಿಯಾಯಿತಿ ಸರಿ, ಉದ್ಯೋಗ ಮತ್ತು ಸಂಬಳ ಹೆಚ್ಚಳ ಎಷ್ಟಾಗಿದೆ? ಉದ್ಯಮ ವಲಯಕ್ಕೆ… Read more: ಉದ್ಯೋಗ, ವೇತನ ಹೆಚ್ಚಿಸಿವೆಯೇ? ಕಾರ್ಪೊರೇಟ್ಗಳಿಗೆ ಮೋದಿ ನೇರ ಪ್ರಶ್ನೆ
- ಬುಲ್ಡೋಜರ್ ಮೇಲೆ ಬಂದ ವರ ; ಯೋಗಿ ಆದಿತ್ಯನಾಥ್ ಬಿಗ್ ಫ್ಯಾನ್ಸಾಮಾನ್ಯವಾಗಿ ಮದುವೆ ಮೆರವಣಿಗೆಯಲ್ಲಿ ವರರು ಕುದುರೆ, ಅಲಂಕೃತ ಕಾರು ಅಥವಾ ರಥದಲ್ಲಿ ಬರುವುದನ್ನು… Read more: ಬುಲ್ಡೋಜರ್ ಮೇಲೆ ಬಂದ ವರ ; ಯೋಗಿ ಆದಿತ್ಯನಾಥ್ ಬಿಗ್ ಫ್ಯಾನ್
- ಇಂದಿನ ಲೈಫ್ಸ್ಟೈಲ್, ಸಂಬಂಧಗಳ ಸುತ್ತ ‘ಪಾರ್ಟ್ನರ್’ ಕಥೆ; ಸಂಕ್ರಾಂತಿ ಹಬ್ಬಕ್ಕೆ ರಿಲೀಸ್!ಸಂಕ್ರಾಂತಿಗೆ ತೆರೆಗೆ ಬರಲು ‘ಪಾರ್ಟ್ನರ್’ ಸಜ್ಜು: ಅಜಯ್ ರಾವ್–ಬೃಂದಾ ಆಚಾರ್ಯ ಜೋಡಿಯ ಚಿತ್ರಕ್ಕೆ… Read more: ಇಂದಿನ ಲೈಫ್ಸ್ಟೈಲ್, ಸಂಬಂಧಗಳ ಸುತ್ತ ‘ಪಾರ್ಟ್ನರ್’ ಕಥೆ; ಸಂಕ್ರಾಂತಿ ಹಬ್ಬಕ್ಕೆ ರಿಲೀಸ್!
- ಬರ್ತ್ಡೇ ಪಾರ್ಟಿ ಮುಗಿಸಿ ಮರಳುತ್ತಿದ್ದ ಮೂವರು ಸ್ನೇಹಿತರ ದುರ್ಮರಣಸಂ.ಕ .ಸಮಾಚಾರ ಕಲಬುರಗಿ: ಸ್ನೇಹಿತನ ಹುಟ್ಟುಹಬ್ಬದ ಸಂಭ್ರಮ ಮುಗಿಸಿಕೊಂಡು ಮನೆಗೆ ಮರಳುತ್ತಿದ್ದ ಮೂವರು… Read more: ಬರ್ತ್ಡೇ ಪಾರ್ಟಿ ಮುಗಿಸಿ ಮರಳುತ್ತಿದ್ದ ಮೂವರು ಸ್ನೇಹಿತರ ದುರ್ಮರಣ
- 2 ಸಲ RCBಗೆ ಕಪ್: ಬೆಂಗಳೂರು ಫ್ಯಾನ್ಸ್ ಗೆ ಥ್ಯಾಂಕ್ಸ್ ಹೇಳಿ ಶಾಕ್ ಕೊಟ್ಟ ಆಲ್ ರೌಂಡರ್ ಜೇಕಬ್ ಬೆಥಲ್2 ಸಲ RCBಗೆ ಕಪ್: ಬೆಂಗಳೂರು ಫ್ಯಾನ್ಸ್ ಗೆ ಥ್ಯಾಂಕ್ಸ್ ಹೇಳಿ ಶಾಕ್… Read more: 2 ಸಲ RCBಗೆ ಕಪ್: ಬೆಂಗಳೂರು ಫ್ಯಾನ್ಸ್ ಗೆ ಥ್ಯಾಂಕ್ಸ್ ಹೇಳಿ ಶಾಕ್ ಕೊಟ್ಟ ಆಲ್ ರೌಂಡರ್ ಜೇಕಬ್ ಬೆಥಲ್




























