ಮುಂಬೈ: ಭಾರತದ ವಿಶ್ವಾಸಾರ್ಹ ಆನ್ಲೈನ್ ದಿನಸಿ ತಾಣ ಜಿಯೋಮಾರ್ಟ್, “ಟೈಮ್ ಔರ್ ಪೈಸೆ ದೋನೋ ಬಚಾಯೆ” (ಸಮಯ ಹಾಗೂ ಹಣ ಎರಡೂ ಉಳಿಸಿ) ಅಭಿಯಾನದ ಮುಂದಿನ ಹಂತವನ್ನು ಪ್ರಾರಂಭಿಸಿದೆ. ದೈನಂದಿನ ಉಳಿತಾಯದ ಕುರಿತು ಹೆಚ್ಚು ಸ್ಪಷ್ಟ ಚಿತ್ರಣ ನೀಡಲು ರಣವೀರ್ ಸಿಂಗ್ ಮತ್ತು ದೀಪಿಕಾ ಪಡುಕೋಣೆ ಅವರನ್ನು ಈ ಅಭಿಯಾನದಲ್ಲಿ ಮತ್ತೆ ಜೊತೆಗೂಡಿಸಲಾಗಿದೆ.
ಈ ಹೊಸ ಅಭಿಯಾನವು ಕೇವಲ ಉಳಿತಾಯದ ಮೌಲ್ಯ ತಿಳಿಸುವುದಲ್ಲದೆ, ಅದನ್ನು ಗ್ರಾಹಕರಿಗೆ ಪ್ರತ್ಯಕ್ಷವಾಗಿ ತೋರಿಸುವತ್ತ ಗಮನಹರಿಸಿದೆ. ಇದಕ್ಕಾಗಿ ‘ಫಾಯ್ದಾ ಮೀಟರ್’ ಎಂಬ ಸೃಜನಾತ್ಮಕ ಸಾಧನ ಪರಿಚಯಿಸಲಾಗಿದೆ. ಪ್ರತಿ ಆರ್ಡರ್ನಲ್ಲಿ ಬಳಕೆದಾರರು ಎಷ್ಟು ಹಣ ಉಳಿತಾಯ ಮಾಡುತ್ತಾರೆ ಎಂಬುದನ್ನು ಸ್ಪಷ್ಟವಾಗಿ ತೋರಿಸುವ ಮೂಲಕ, ಜಿಯೋಮಾರ್ಟ್ ಈ ಕಣ್ಣಿಗೆ ಕಾಣದ ಪ್ರಯೋಜನವನ್ನು ಗ್ರಾಹಕರು ನೈಜ ಸಮಯದಲ್ಲಿ ನೋಡುವಂತೆ ಮತ್ತು ಅನುಭವಿಸುವಂತೆ ಮಾಡಲು ಉದ್ದೇಶಿಸಿದೆ.
ಗ್ರಾಹಕರು ಡೀಲ್ಗಳಿಂದ ಪ್ರಯೋಜನ ಪಡೆಯುತ್ತಿದ್ದರೂ ತಮ್ಮ ಉಳಿತಾಯದ ಪ್ರಮಾಣವನ್ನು ಹಲವು ಬಾರಿ ಅರಿತುಕೊಳ್ಳುವುದಿಲ್ಲ ಎಂಬ ಒಳನೋಟದ ಆಧಾರದ ಮೇಲೆ ಈ ಅಭಿಯಾನವನ್ನು ರೂಪಿಸಲಾಗಿದೆ. ಅದು ಶೀಘ್ರವಾಗಿ ಮಾಡುವ ಸಣ್ಣ ಖರೀದಿಯಾಗಿರಲಿ ಅಥವಾ ಇಡೀ ತಿಂಗಳ ದಿನಸಿ ಖರೀದಿಯಾಗಿರಲಿ, ಜಿಯೋಮಾರ್ಟ್ ಕೇವಲ ಅನುಕೂಲತೆಯ ಪ್ಲಾಟ್ ಫಾರ್ಮ್ ಆಗಿ ಮಾತ್ರವಲ್ಲದೆ, ಕಣ್ಣಿಗೆ ಕಾಣುವ ಮತ್ತು ಅಳೆಯಬಹುದಾದ ‘ಫಾಯಿದೆ’ (ಲಾಭ) ನೀಡುವ ತಾಣವಾಗಿ ಗುರುತಿಸಿಕೊಂಡಿದೆ.
ಲವಲವಿಕೆಯ ಮತ್ತು ಸುಲಭವಾಗಿ ನೆನಪಿಟ್ಟುಕೊಳ್ಳಬಹುದಾದ ಜಿಂಗಲ್ನೊಂದಿಗೆ, ದೈನಂದಿನ ಜೀವನದ ಕ್ಷಣಗಳ ಮೂಲಕ ಈ ಜಾಹೀರಾತು ಚಿತ್ರವನ್ನು ರೂಪಿಸಲಾಗಿದೆ. ರಣವೀರ್ ಸಿಂಗ್ ಮತ್ತು ದೀಪಿಕಾ ಪಡುಕೋಣೆ ಅವರ ಕೆಮಿಸ್ಟ್ರಿಯು ಪೂರಕವಾಗಿದ್ದು, ಬ್ರ್ಯಾಂಡ್ನ ಉದ್ದೇಶವನ್ನು ಸೂಕ್ಷ್ಮವಾಗಿ ಜನರಿಗೆ ತಲುಪಿಸುತ್ತದೆ.
ಈ ಅಭಿಯಾನದ ಕುರಿತು ಮಾತನಾಡಿದ ಜಿಯೋ ಇಂಡಿಯಾದ ಮುಖ್ಯ ಸೃಜನಾತ್ಮಕ ಅಧಿಕಾರಿ ಸಚಿನ್ ಕಾಂಬ್ಳೆ, “ಈ ವರ್ಷ, ನಾವು ಕೇವಲ ‘ಸಮಯ ಮತ್ತು ಹಣವನ್ನು ಉಳಿಸಿ’ ಎಂದು ಹೇಳುವುದಕ್ಕಿಂತ ಹೆಚ್ಚಾಗಿ, ಆ ಉಳಿತಾಯವು ಗ್ರಾಹಕರಿಗೆ ಹೇಗಿರುತ್ತದೆ ಎಂಬುದನ್ನು ತೋರಿಸಲು ಬಯಸಿದ್ದೇವೆ. ಫಾಯ್ದಾ ಮೀಟರ್ ಪ್ರತಿ ಪ್ರಯೋಜನ ಕಾಣುವಂತೆ ಮಾಡುವ ಮೂಲಕ ಇದನ್ನು ಜೀವಂತಗೊಳಿಸುತ್ತದೆ. ರಣವೀರ್ ಮತ್ತು ದೀಪಿಕಾ ಅವರ ಜನಪ್ರಿಯತೆಯೊಂದಿಗೆ ಸೇರಿ, ಈ ಅಭಿಯಾನವು ನಮ್ಮ ಬಳಕೆದಾರರಿಗೆ ನಿಜವಾಗಿಯೂ ಮುಖ್ಯವಾದ ದೈನಂದಿನ ಗೆಲುವುಗಳನ್ನು ಸಂಭ್ರಮಿಸುವುದಾಗಿದೆ,” ಎಂದು ತಿಳಿಸಿದರು.
ಕಥೆ ಹೇಳುವ ಕಲೆ, ತಾರಾ ವರ್ಚಸ್ಸು ಮತ್ತು ಉಳಿತಾಯದ ಸ್ಪಷ್ಟ ಪ್ರದರ್ಶನವನ್ನು ಸಂಯೋಜಿಸುವ ಮೂಲಕ, ಜಿಯೋಮಾರ್ಟ್ನ ಇತ್ತೀಚಿನ ಅಭಿಯಾನವು ಪಾರದರ್ಶಕತೆ, ಕೈಗೆಟುಕುವ ದರ ಮತ್ತು ಅನುಕೂಲತೆ ಮೂಲಕ ದೈನಂದಿನ ಮೌಲ್ಯವನ್ನು ನೀಡುವ ವೇದಿಕೆಯಾಗಿ ತನ್ನ ಸ್ಥಾನವನ್ನು ಮತ್ತಷ್ಟು ಬಲಪಡಿಸಿದೆ.
