ಮಾರ್ಚ್ 3ರಂದು ಪೂರ್ಣ ಚಂದ್ರಗ್ರಹಣ: ಹೋಳಿ ಸಂಯೋಗ, ಕರ್ನಾಟಕದಲ್ಲಿ ಅಂತಿಮ ಹಂತ ಮಾತ್ರ ಗೋಚರ
ನವದೆಹಲಿ/ಬೆಂಗಳೂರು: 2026ರ ಮಾರ್ಚ್ 3ರಂದು ಅಪರೂಪದ ಪೂರ್ಣ ಚಂದ್ರಗ್ರಹಣ ಸಂಭವಿಸಲಿದೆ. ಈ ಗ್ರಹಣವು ಫಾಲ್ಗುಣ ಪೂರ್ಣಿಮೆಯಂದು, ಅಂದರೆ ಹೋಳಿ ಹಬ್ಬದ ದಿನವೇ ಸಂಭವಿಸುವುದರಿಂದ ವಿಶೇಷ ಮಹತ್ವ ಪಡೆದುಕೊಂಡಿದೆ. ವಿಜ್ಞಾನಿಗಳ ಪ್ರಕಾರ, ಇಂತಹ ಸಂಯೋಗವು ದಶಕಗಳ ಬಳಿಕ ಕಾಣಿಸಿಕೊಳ್ಳುವ ಅಪರೂಪದ ಖಗೋಳೀಯ ಘಟನೆ.
ಗ್ರಹಣದ ಸಮಯ (IST)
ಪಾರ್ಶ್ವ ಗ್ರಹಣ ಆರಂಭ: ಮಧ್ಯಾಹ್ನ 3:20, ಪೂರ್ಣ ಗ್ರಹಣ (Totality) ಆರಂಭ: ಸಂಜೆ 4:34, ಪೂರ್ಣ ಗ್ರಹಣ ಅಂತ್ಯ: ಸಂಜೆ 5:33, ಪಾರ್ಶ್ವ ಗ್ರಹಣ ಅಂತ್ಯ: ಸಂಜೆ 6:46
ಇದನ್ನೂ ಓದಿ: ಸುಪ್ರೀಂ ಕೋರ್ಟ್ನಲ್ಲಿ ವಿನಯ ಕುಲಕರ್ಣಿಗೆ ಬಿಗ್ ರಿಲೀಫ್
ದಕ್ಷಿಣ ಭಾರತ, ವಿಶೇಷವಾಗಿ ಕರ್ನಾಟಕದಲ್ಲಿ ಚಂದ್ರೋದಯ ಸಂಜೆ 6:20ರ ನಂತರವಾಗುವ ಹಿನ್ನೆಲೆಯಲ್ಲಿ, ಗ್ರಹಣದ ಅಂತಿಮ ಹಂತ (ಸುಮಾರು 20–25 ನಿಮಿಷಗಳು) ಮಾತ್ರ ಗೋಚರಿಸಲಿದೆ. ಚಂದ್ರನು ಈ ವೇಳೆಗೆ ಭೂಮಿಯ ನೆರಳಿನಿಂದ ಹೊರಬರುತ್ತಿರುವ ಸ್ಥಿತಿಯಲ್ಲಿ ಕಾಣಿಸಿಕೊಳ್ಳುತ್ತಾನೆ.
ಈಶಾನ್ಯ ಭಾರತದ ರಾಜ್ಯಗಳಾದ ಅಸ್ಸಾಂ ಮತ್ತು ಅರುಣಾಚಲ ಪ್ರದೇಶಗಳಲ್ಲಿ ಗ್ರಹಣ ಹೆಚ್ಚು ಸಮಯ ಮತ್ತು ಸ್ಪಷ್ಟವಾಗಿ ಗೋಚರಿಸುವ ಸಾಧ್ಯತೆ ಇದೆ.
ಇದನ್ನೂ ಓದಿ: ಬಾಗೇಪಲ್ಲಿ ಶಾಸಕ ಸ್ಥಾನ ರದ್ದು ಆದೇಶಕ್ಕೆ ಸುಪ್ರೀಂ ಕೋರ್ಟ್ ತಡೆ
ವೈಜ್ಞಾನಿಕ ಹಿನ್ನೆಲೆ – ‘ಬ್ಲಡ್ ಮೂನ್’ ಹೇಗೆ?: ಪೂರ್ಣ ಚಂದ್ರಗ್ರಹಣವು ಭೂಮಿ, ಚಂದ್ರ ಮತ್ತು ಸೂರ್ಯ ಒಂದೇ ಸರಳ ರೇಖೆಯಲ್ಲಿ ಬರುವಾಗ ಸಂಭವಿಸುತ್ತದೆ. ಭೂಮಿ ಸೂರ್ಯನ ಬೆಳಕನ್ನು ಚಂದ್ರನ ಮೇಲೆ ಬೀಳದಂತೆ ತಡೆಯುತ್ತದೆ. ಈ ಸಂದರ್ಭದಲ್ಲಿ ಭೂಮಿಯ ವಾತಾವರಣದ ಮೂಲಕ ಹರಡುವ ಸೂರ್ಯಕಿರಣಗಳ ಕೆಂಪು ಅಲೆದೈರ್ಘ್ಯದ ಬೆಳಕು ಚಂದ್ರನ ಮೇಲೆ ಬೀಳುವುದರಿಂದ ಚಂದ್ರನು ತಾಮ್ರದ ಕೆಂಪು ಬಣ್ಣದಲ್ಲಿ ಕಾಣಿಸುತ್ತಾನೆ. ಇದನ್ನೇ ಸಾಮಾನ್ಯವಾಗಿ “ಬ್ಲಡ್ ಮೂನ್” ಎಂದು ಕರೆಯಲಾಗುತ್ತದೆ.
ಸೂರ್ಯಗ್ರಹಣದಂತೆ ವಿಶೇಷ ಕನ್ನಡ ಅಥವಾ ಕಣ್ಣಜ್ಜಿಗಳ ಅವಶ್ಯಕತೆ ಇಲ್ಲ. ಚಂದ್ರಗ್ರಹಣವನ್ನು ಬರಿಗಣ್ಣಿನಿಂದಲೇ ಸುರಕ್ಷಿತವಾಗಿ ವೀಕ್ಷಿಸಬಹುದು.
ಇದನ್ನೂ ಓದಿ: ದೆಹಲಿ ಮದ್ಯ ನೀತಿ ಪ್ರಕರಣ: ಕೇಜ್ರಿವಾಲ್, ಸಿಸೋಡಿಯಾ ಸೇರಿ 23 ಮಂದಿಗೆ ಖುಲಾಸೆ
ಧಾರ್ಮಿಕ ಹಿನ್ನೆಲೆ ಮತ್ತು ಸೂತಕ ಕಾಲ: ಹಿಂದೂ ಧಾರ್ಮಿಕ ನಂಬಿಕೆಗಳ ಪ್ರಕಾರ, ಚಂದ್ರಗ್ರಹಣಕ್ಕೂ 9 ಗಂಟೆಗಳ ಮೊದಲು ಸೂತಕ ಕಾಲ ಆರಂಭವಾಗುತ್ತದೆ. ಈ ಅವಧಿಯಲ್ಲಿ ದೇವಸ್ಥಾನಗಳಲ್ಲಿ ಪೂಜೆ-ಪಠಣ ನಿಲ್ಲಿಸುವುದು, ಆಹಾರ ಸೇವನೆ ತಪ್ಪಿಸುವುದು, ಮಂತ್ರ ಜಪ, ಧ್ಯಾನ ಇತ್ಯಾದಿಗಳನ್ನು ಮಾಡುವ ಪದ್ಧತಿ ಇದೆ.
ಫಾಲ್ಗುಣ ಪೂರ್ಣಿಮೆಯಂದು ಹೋಳಿ ಹಬ್ಬದ ಸಂಭ್ರಮದ ನಡುವೆ ಗ್ರಹಣ ಸಂಭವಿಸುವುದರಿಂದ ಕೆಲವೆಡೆ ಧಾರ್ಮಿಕ ಆಚರಣೆಗಳಲ್ಲಿ ಬದಲಾವಣೆ ಕಂಡುಬರುವ ಸಾಧ್ಯತೆ ಇದೆ.
ಇದನ್ನೂ ಓದಿ: ₹9.34 ಬಾಕಿಗೆ ಬ್ಯಾಂಕ್ ಕರೆ: 66 ಪೈಸೆ ವಾಪಸ್ ಕೇಳಿದ ರೈತ
ಖಗೋಳ ಶಾಸ್ತ್ರಜ್ಞರ ಪ್ರಕಾರ, ಇದು 2026ರಲ್ಲಿ ಗೋಚರಿಸುವ ಪ್ರಮುಖ ಖಗೋಳೀಯ ಘಟನೆಗಳಲ್ಲಿ ಒಂದಾಗಿದೆ. ಶಾಲಾ-ಕಾಲೇಜುಗಳ ವಿಜ್ಞಾನ ವಿಭಾಗಗಳು ವಿದ್ಯಾರ್ಥಿಗಳಿಗೆ ನೇರ ವೀಕ್ಷಣಾ ಕಾರ್ಯಕ್ರಮಗಳನ್ನು ಆಯೋಜಿಸುವ ಸಾಧ್ಯತೆ ಇದೆ.
ವೈಜ್ಞಾನಿಕ ಸಮುದಾಯದ ಸಲಹೆ ಏನೆಂದರೆ – ಗ್ರಹಣವನ್ನು ಭಯ ಅಥವಾ ಮೂಢನಂಬಿಕೆಯಿಂದ ನೋಡದೆ, ಪ್ರಕೃತಿಯ ಅದ್ಭುತ ಘಟನೆ ಎಂದು ಅರ್ಥೈಸಿಕೊಳ್ಳಬೇಕು.
ಇದನ್ನೂ ಓದಿ: ರಾಜಕೀಯ ಕಾದಾಟ ತೀವ್ರ: ಮಾಜಿ CM ಪನ್ನೀರ ಸೆಲ್ವಂ DMK ಸೇರ್ಪಡೆ
ಮುಂಬರುವ ಪೂರ್ಣ ಚಂದ್ರಗ್ರಹಣಗಳು: ಸೆಪ್ಟೆಂಬರ್ 7-8, 2025 ರಂದು ಸಂಭವಿಸುವ ಸುದೀರ್ಘ ಪೂರ್ಣ ಚಂದ್ರಗ್ರಹಣವಾಗಿದ್ದು, ಕರ್ನಾಟಕ ಸೇರಿದಂತೆ ಭಾರತದಾದ್ಯಂತ ಗೋಚರಿಸಲಿದೆ.
