ಬೆಂಗಳೂರು: ರಾಜ್ಯ ಪೊಲೀಸ್ ಇಲಾಖೆಯಲ್ಲಿ ಮಹತ್ವದ ವರ್ಗಾವಣೆ ಆದೇಶ ಹೊರಬಿದ್ದಿದ್ದು, ಹಲವು ಹಿರಿಯ ಐಪಿಎಸ್ ಅಧಿಕಾರಿಗಳಿಗೆ ಹೊಸ ಜವಾಬ್ದಾರಿ ವಹಿಸಲಾಗಿದೆ.
ಬೆಳಗಾವಿ ನಗರ ಪೊಲೀಸ್ ಆಯುಕ್ತರಾಗಿದ್ದ ಬೋರಸೆ ಭೂಷಣ್ ಗುಲಾಬ್ರಾವ್ ಅವರನ್ನು ಹುಬ್ಬಳ್ಳಿ-ಧಾರವಾಡ ಪೊಲೀಸ್ ಆಯುಕ್ತರಾಗಿ ವರ್ಗಾವಣೆ ಮಾಡಲಾಗಿದೆ. ಅವರ ಸ್ಥಾನಕ್ಕೆ ನಿಕಮ್ ಪ್ರಕಾಶ್ ಅಮೃತ್ ಅವರನ್ನು ಬೆಳಗಾವಿ ನಗರ ಪೊಲೀಸ್ ಆಯುಕ್ತರನ್ನಾಗಿ ನೇಮಿಸಲಾಗಿದೆ.
ಅದೇ ರೀತಿ ರಾಮನಗರ, ಗದಗ, ಚಿಕ್ಕಬಳ್ಳಾಪುರ, ಕೊಪ್ಪಳ ಸೇರಿದಂತೆ ಹಲವು ಜಿಲ್ಲೆಗಳ ಎಸ್ಪಿ ಹುದ್ದೆಗಳಲ್ಲೂ ಬದಲಾವಣೆ ಮಾಡಲಾಗಿದೆ.
ವರ್ಗಾವಣೆಗೊಂಡ ಪ್ರಮುಖ ಅಧಿಕಾರಿಗಳ ವಿವರ ಹೀಗಿದೆ:
ಹರಿಶೇಖರನ್ ಪಿ., ಐಪಿಎಸ್ (1996) – ಹೆಚ್ಚುವರಿ ಪೊಲೀಸ್ ಮಹಾನಿರ್ದೇಶಕರು, ಅಪರಾಧ ಮತ್ತು ತಾಂತ್ರಿಕ ಸೇವೆಗಳಿಂದ ನಾಗರಿಕ ಹಕ್ಕುಗಳ ಜಾರಿ ನಿರ್ದೇಶನಾಲಯದ ಹೆಚ್ಚುವರಿ ಪೊಲೀಸ್ ಮಹಾನಿರ್ದೇಶಕರಾಗಿ ವರ್ಗಾವಣೆ.
ಎಂ. ನಂಜುಂಡಸ್ವಾಮಿ, ಐಪಿಎಸ್ (1997) – ಕರ್ನಾಟಕ ರಾಜ್ಯ ಅಗ್ನಿಶಾಮಕ ಮತ್ತು ತುರ್ತು ಸೇವೆಗಳು ಹಾಗೂ ಎಸ್ಡಿಆರ್ಎಫ್ನ ಎಡಿಜಿಪಿಯಿಂದ ಎಡಿಜಿಪಿ, ಪೊಲೀಸ್, ಕುಂದುಕೊರತೆ ಮತ್ತು ಮಾನವ ಹಕ್ಕುಗಳ ವಿಭಾಗಕ್ಕೆ ವರ್ಗಾವಣೆ.
ದೇವಜ್ಯೋತಿ ರೇ, ಐಪಿಎಸ್ (1999) – ಎಡಿಜಿಪಿ, ಪೊಲೀಸ್, ಕುಂದುಕೊರತೆ ಮತ್ತು ಮಾನವ ಹಕ್ಕುಗಳ ವಿಭಾಗದಿಂದ ಎಡಿಜಿಪಿ, ಅಪರಾಧ ಮತ್ತು ತಾಂತ್ರಿಕ ಸೇವೆಗಳು, ಬೆಂಗಳೂರು ಹುದ್ದೆಗೆ ವರ್ಗಾವಣೆ.
ಅಮಿತ್ ಸಿಂಗ್, ಐಪಿಎಸ್ (2007) – ಪಶ್ಚಿಮ ವಲಯ ಐಜಿಪಿ, ಮಂಗಳೂರಿನಿಂದ ಐಜಿಪಿ, ಕರ್ನಾಟಕ ರಾಜ್ಯ ಮೀಸಲು ಪೊಲೀಸ್ ಪಡೆಗೆ ವರ್ಗಾವಣೆ.
ಬೋರಸೆ ಭೂಷಣ್ ಗುಲಾಬ್ರಾವ್, ಐಪಿಎಸ್ (2009) – ಬೆಳಗಾವಿ ನಗರ ಡಿಐಜಿ ಹಾಗೂ ಪೊಲೀಸ್ ಆಯುಕ್ತರಿಂದ ಡಿಐಜಿ ಹಾಗೂ ಹುಬ್ಬಳ್ಳಿ-ಧಾರವಾಡ ಪೊಲೀಸ್ ಆಯುಕ್ತರಾಗಿ ವರ್ಗಾವಣೆ.
ಆರ್. ಚೇತನ್, ಐಪಿಎಸ್ (2010) – ಕಾಯುವಿಕೆಯಲ್ಲಿದ್ದ ಅಧಿಕಾರಿಯಾಗಿದ್ದ ಇವರನ್ನು ಡಿಐಜಿ, ಪಶ್ಚಿಮ ವಲಯ, ಮಂಗಳೂರು ಹುದ್ದೆಗೆ ನೇಮಿಸಲಾಗಿದೆ.
ನಿಕಮ್ ಪ್ರಕಾಶ್ ಅಮೃತ್, ಐಪಿಎಸ್ (2012) – ಕಾಯುವಿಕೆಯಲ್ಲಿದ್ದ ಇವರನ್ನು ಡಿಐಜಿ ಹಾಗೂ ಬೆಳಗಾವಿ ನಗರ ಪೊಲೀಸ್ ಆಯುಕ್ತರಾಗಿ ನೇಮಿಸಲಾಗಿದೆ.
ಶಿವಪ್ರಕಾಶ್ ದೇವರಾಜು, ಐಪಿಎಸ್ (2014) – ಎಸ್ಪಿ, ಆ್ಯಂಟಿ ನಾರ್ಕೋಟಿಕ್ ಟಾಸ್ಕ್ ಫೋರ್ಸ್ ಹುದ್ದೆಗೆ ನೇಮಕ.
ಪದ್ಮಿನಿ ಸಾಹೂ, ಐಪಿಎಸ್ (2015) – ಬೆಂಗಳೂರು ಡಿಸಿಪಿ (ಆಡಳಿತ) ಹುದ್ದೆಯಿಂದ ಎಸ್ಪಿ, ಚಿಕ್ಕಬಳ್ಳಾಪುರ ಜಿಲ್ಲೆಗೆ ವರ್ಗಾವಣೆ.
ಆರ್. ಶ್ರೀನಿವಾಸ ಗೌಡ, ಐಪಿಎಸ್ (2016) – ರಾಮನಗರ ಎಸ್ಪಿಯಿಂದ ಡಿಸಿಪಿ, ಸಿಟಿ ಕ್ರೈಂ ಬ್ರಾಂಚ್-1, ಬೆಂಗಳೂರುಗೆ ವರ್ಗಾವಣೆ.
ಡಿ. ಶಿವಕುಮಾರ್, ಐಪಿಎಸ್ (2016) – ಬೆಂಗಳೂರು ಮಹಾನಗರ ಪ್ರದೇಶ ಅಭಿವೃದ್ಧಿ ಪ್ರಾಧಿಕಾರದ ಟಾಸ್ಕ್ಫೋರ್ಸ್ನಿಂದ ಎಸ್ಪಿ, ಕರ್ನಾಟಕ ಲೋಕಾಯುಕ್ತ ಹುದ್ದೆಗೆ ನೇಮಕ.
ಕುಶಾಲ್ ಚೌಕ್ಸೆ, ಐಪಿಎಸ್ (2018) – ಚಿಕ್ಕಬಳ್ಳಾಪುರ ಎಸ್ಪಿಯಿಂದ ಡಿಸಿಪಿ, ಆಡಳಿತ, ಬೆಂಗಳೂರು ನಗರ ಹುದ್ದೆಗೆ ವರ್ಗಾವಣೆ.
ಸಾಹಿಲ್ ಬಗ್ಲಾ, ಐಪಿಎಸ್ (2018) – ಬೆಂಗಳೂರು ಟ್ರಾಫಿಕ್ ಪೂರ್ವ ವಿಭಾಗದ ಡಿಸಿಪಿಯಿಂದ ಎಸ್ಪಿ, ಕೊಪ್ಪಳ ಹುದ್ದೆಗೆ ವರ್ಗಾವಣೆ.
ರೋಹನ್ ಜಗದೀಶ್, ಐಪಿಎಸ್ (2019) – ಗದಗ್ ಎಸ್ಪಿಯಿಂದ ಎಸ್ಪಿ, ಬೆಂಗಳೂರು ದಕ್ಷಿಣ ಜಿಲ್ಲೆ (ರಾಮನಗರ) ಹುದ್ದೆಗೆ ವರ್ಗಾವಣೆ.
ಮಿಥುನ್ ಎಚ್.ಎನ್., ಐಪಿಎಸ್ (2020) – ಡಿಸಿಪಿ, ಕಾನೂನು ಮತ್ತು ಸುವ್ಯವಸ್ಥೆ, ಮಂಗಳೂರು ನಗರದಿಂದ ಎಸ್ಪಿ, ಗದಗ್ ಜಿಲ್ಲೆಗೆ ವರ್ಗಾವಣೆ.
ಆದೇಶದನ್ವಯ ಎಲ್ಲ ಅಧಿಕಾರಿಗಳು ತಕ್ಷಣದಿಂದ ಜಾರಿಗೆ ಬರುವಂತೆ ಹಾಗೂ ಮುಂದಿನ ಆದೇಶದವರೆಗೆ ಹೊಸ ಹುದ್ದೆಗಳಲ್ಲಿ ಕರ್ತವ್ಯ ನಿರ್ವಹಿಸಲಿದ್ದಾರೆ.
