ಪ್ಯಾರಿಸ್ ಫ್ಯಾಷನ್ ವೀಕ್ನಲ್ಲಿ ಮಿಂಚಿದ ಇಶಾ ಅಂಬಾನಿ; ಭಾರತೀಯ ಕರಕುಶಲತೆಗೆ ಜಾಗತಿಕ ಮನ್ನಣೆ
ಪ್ಯಾರಿಸ್: ರಿಲಯನ್ಸ್ ರಿಟೇಲ್ನ ಕಾರ್ಯನಿರ್ವಾಹಕ ನಿರ್ದೇಶಕಿ ಹಾಗೂ ಉದ್ಯಮಿ ಇಶಾ ಅಂಬಾನಿ ಪ್ಯಾರಿಸ್ ಹಾಟ್ ಕೌಚರ್ ವೀಕ್ನಲ್ಲಿ ಭಾಗವಹಿಸುವ ಮೂಲಕ ಮತ್ತೊಮ್ಮೆ ಜಾಗತಿಕ ಫ್ಯಾಷನ್ ವೇದಿಕೆಯಲ್ಲಿ ಭಾರತೀಯ ಸಂಸ್ಕೃತಿ ಮತ್ತು ಕರಕುಶಲತೆಯ ವೈಭವವನ್ನು ಅನಾವರಣಗೊಳಿಸಿದ್ದಾರೆ.
ಪ್ರತಿಷ್ಠಿತ ಪ್ಯಾರಿಸ್ ಫ್ಯಾಷನ್ ವೀಕ್ನಲ್ಲಿ ಖ್ಯಾತ ವಿನ್ಯಾಸಕರಾದ ಮನೀಶ್ ಮಲ್ಹೋತ್ರಾ ಮತ್ತು ರಾಹುಲ್ ಮಿಶ್ರಾ ಅವರ ಕೌಚರ್ ಪ್ರದರ್ಶನಗಳಲ್ಲಿ ಇಶಾ ಅಂಬಾನಿ ವಿಶೇಷ ಅತಿಥಿಯಾಗಿ ಭಾಗವಹಿಸಿದ್ದರು. ಭಾರತೀಯ ಫ್ಯಾಷನ್, ವಿನ್ಯಾಸಕರು ಹಾಗೂ ಕುಶಲಕರ್ಮಿಗಳನ್ನು ಜಾಗತಿಕ ವೇದಿಕೆಗೆ ಕೊಂಡೊಯ್ಯುವ ಅವರ ದೃಷ್ಟಿಕೋನ ಮತ್ತೊಮ್ಮೆ ಇಲ್ಲಿ ಸ್ಪಷ್ಟವಾಗಿ ಗೋಚರಿಸಿತು.
ಇದನ್ನೂ ಓದಿ: ವಿಯೆಟ್ನಾಂನಲ್ಲಿ ಭಾರತೀಯರಿದ್ದ ಬೋಟ್ ಮುಳುಗಡೆ: 15 ಸಾವು!
700 ಗಂಟೆಗಳ ಕಸೂತಿಯ ಚಿನ್ನದ ಗೌನ್ : ಈ ವೇಳೆ ಇಶಾ ಅಂಬಾನಿ ಧರಿಸಿದ್ದ ಚಿನ್ನದ ವಿಶೇಷ ಗೌನ್ ಎಲ್ಲರ ಗಮನ ಸೆಳೆಯಿತು. ಖ್ಯಾತ ವಿನ್ಯಾಸಕ ಮನೀಶ್ ಮಲ್ಹೋತ್ರಾ ಅವರ ಆಟಮ್/ವಿಂಟರ್ 2026 ಹಾಟ್ ಕೌಚರ್ ಕಲೆಕ್ಷನ್ನ ಭಾಗವಾಗಿದ್ದ ಈ ಗೌನ್ ಅನ್ನು ಮುಂಬೈನಲ್ಲಿ 700 ಗಂಟೆಗಳಿಗೂ ಹೆಚ್ಚು ಕಾಲ ಶ್ರಮಿಸಿ ತಯಾರಿಸಲಾಗಿತ್ತು.
ಈ ಗೌನ್ನಲ್ಲಿ ಭಾರತದ ಸಾಂಪ್ರದಾಯಿಕ ಜರಿ-ಜರ್ದೋಸಿ ಕಲೆ, ‘ಸಾಲಿ’ ಮತ್ತು ‘ತಾಬನ್’ ಕಸೂತಿ ಶೈಲಿಗಳನ್ನು ಬಳಸಲಾಗಿದ್ದು, ಕೈಯಿಂದ ಅಳವಡಿಸಲಾದ ಸ್ಫಟಿಕಗಳಿಂದ ಅದನ್ನು ಇನ್ನಷ್ಟು ಆಕರ್ಷಕವಾಗಿ ರೂಪಿಸಲಾಗಿದೆ.
ಇದನ್ನೂ ಓದಿ: ರಾಜ್ಯ ಪೊಲೀಸ್ ಇಲಾಖೆಗೆ 107 ಹೊಸ ವಾಹನಗಳ ಬಲ ನೀಡಿದ CM
‘ಮಾ’ ಪರಿಕಲ್ಪನೆಯಿಂದ ಪ್ರೇರಿತ ವಿನ್ಯಾಸ : ಈ ವಿಶೇಷ ವಿನ್ಯಾಸಕ್ಕೆ ‘ಮಾ’ (ತಾಯಿ) ಎಂಬ ಪರಿಕಲ್ಪನೆ ಸ್ಫೂರ್ತಿಯಾಗಿದ್ದು, ಪ್ರೀತಿ, ಶಕ್ತಿ ಮತ್ತು ಘನತೆಯಿಂದ ಹಲವು ಪೀಳಿಗೆಗಳನ್ನು ರೂಪಿಸಿದ ಮಹಿಳೆಯರಿಗೆ ಗೌರವ ಸಲ್ಲಿಸುವ ಉದ್ದೇಶದಿಂದ ಈ ಗೌನ್ ಅನ್ನು ವಿನ್ಯಾಸಗೊಳಿಸಲಾಗಿದೆ. ಸ್ಟೈಲಿಸ್ಟ್ ಆಂಡ್ರ್ಯೂ ಮುಕಮಲ್ ಅವರ ಸಹಯೋಗದಲ್ಲಿ ಮನೀಶ್ ಮಲ್ಹೋತ್ರಾ ವಿಶೇಷವಾಗಿ ಇಶಾ ಅಂಬಾನಿಗಾಗಿ ಈ ವಿನ್ಯಾಸವನ್ನು ರೂಪಿಸಿದ್ದರು.
ವಜ್ರಾಭರಣದೊಂದಿಗೆ ಮೆರಗು: ಚಿನ್ನದ ಗೌನ್ಗೆ ಪೂರಕವಾಗಿ ಇಶಾ ಅಂಬಾನಿ 50 ಕ್ಯಾರೆಟ್ ನ್ಯೂಡ್ ಡೈಮಂಡ್ ಕಿವಿಯೋಲೆಗಳು ಹಾಗೂ 12 ಕ್ಯಾರೆಟ್ ಪಿಯರ್ ಆಕಾರದ ವಜ್ರದ ಉಂಗುರ ಧರಿಸಿದ್ದರು. ಈ ಸಂಯೋಜನೆ ಭಾರತೀಯ ಸಾಂಪ್ರದಾಯಿಕ ಕರಕುಶಲತೆ ಮತ್ತು ಆಧುನಿಕ ಐಷಾರಾಮಿ ಫ್ಯಾಷನ್ನ ಅದ್ಭುತ ಮಿಶ್ರಣವನ್ನು ಪ್ರದರ್ಶಿಸಿತು.
ಇದನ್ನೂ ಓದಿ: Pocso ಪ್ರಕರಣದ ಆರೋಪಿಯ ಭೀಕರ ಪ್ರತೀಕಾರ: 6 ಜೀವ ಬಲಿ
ಜಾಗತಿಕ ವೇದಿಕೆಯಲ್ಲಿ ಭಾರತೀಯ ಫ್ಯಾಷನ್ಗೆ ಬೆಂಬಲ : ಇಶಾ ಅಂಬಾನಿ ಅವರ ಪ್ಯಾರಿಸ್ ಫ್ಯಾಷನ್ ವೀಕ್ನ ಉಪಸ್ಥಿತಿಯನ್ನು ಭಾರತೀಯ ವಿನ್ಯಾಸಕರು, ಐಷಾರಾಮಿ ಬ್ರಾಂಡ್ಗಳು ಮತ್ತು ಕುಶಲಕರ್ಮಿಗಳನ್ನು ಜಾಗತಿಕ ಮಟ್ಟದಲ್ಲಿ ಗುರುತಿಸಲು ಕೈಗೊಂಡಿರುವ ಪ್ರಯತ್ನದ ಭಾಗವಾಗಿ ನೋಡಲಾಗುತ್ತಿದೆ. ರಿಲಯನ್ಸ್ ರಿಟೇಲ್ ಮೂಲಕ ಭಾರತೀಯ ಸೃಜನಶೀಲತೆ ಮತ್ತು ಫ್ಯಾಷನ್ ಪ್ರತಿಭೆಗೆ ಅಂತರರಾಷ್ಟ್ರೀಯ ಮನ್ನಣೆ ದೊರಕುವಂತೆ ಮಾಡಲು ಅವರು ನಿರಂತರವಾಗಿ ಕೆಲಸ ಮಾಡುತ್ತಿರುವುದು ಗಮನಾರ್ಹ.
ಪ್ಯಾರಿಸ್ನ ಪ್ರತಿಷ್ಠಿತ ಫ್ಯಾಷನ್ ವೇದಿಕೆಯಲ್ಲಿ ಇಶಾ ಅಂಬಾನಿ ಮಿಂಚಿರುವುದು ಭಾರತೀಯ ಫ್ಯಾಷನ್ ಕ್ಷೇತ್ರಕ್ಕೆ ಮತ್ತೊಂದು ಹೆಮ್ಮೆಯ ಕ್ಷಣವಾಗಿ ಪರಿಣಮಿಸಿದೆ.
