ಬೆಂಗಳೂರು: ರಿಲಯನ್ಸ್ ಇಂಡಸ್ಟ್ರೀಸ್ನ ಎಫ್ಎಂಸಿಜಿ ವಿಭಾಗವಾದ ರಿಲಯನ್ಸ್ ಕನ್ಸ್ಯೂಮರ್ ಪ್ರಾಡಕ್ಟ್ಸ್ ಲಿಮಿಟೆಡ್ (ಆರ್ಸಿಪಿಎಲ್) ತಮಿಳುನಾಡಿನ ಪ್ರಮುಖ ಆರೋಗ್ಯ ಆಹಾರ ಕಂಪನಿಯಾದ ಸದರ್ನ್ ಹೆಲ್ತ್ ಫುಡ್ಸ್ ಪ್ರೈವೇಟ್ ಲಿಮಿಟೆಡ್ ಅನ್ನು ಸ್ವಾಧೀನಪಡಿಸಿಕೊಂಡಿದೆ.
ಕಂಪನಿಯು ತನ್ನ ಪ್ರಮುಖ ಬ್ರಾಂಡ್ ‘ಮನ್ನಾ’ಗೆ ಹೆಸರುವಾಸಿಯಾಗಿದೆ. ಇದು ಕಳೆದ ಎರಡು ದಶಕಗಳಿಂದ ಆರೋಗ್ಯಕರ ಮತ್ತು ಪೌಷ್ಟಿಕ ಆಹಾರ ಉತ್ಪನ್ನಗಳನ್ನು ತಯಾರಿಸುತ್ತಿದೆ. ಈ ಸ್ವಾಧೀನದೊಂದಿಗೆ, ಮನ್ನಾ ಈಗ ಆರ್ಸಿಪಿಎಲ್ನ ಫುಡ್ಸ್ ಮತ್ತು ಸ್ಟೇಪಲ್ಸ್ ಪೋರ್ಟ್ಫೋಲಿಯೊದ ಭಾಗವಾಗಿದೆ.
ಇದು ಈಗಾಗಲೇ ಉದಯಂ, ಇಂಡಿಪೆಂಡೆನ್ಸ್ ಮತ್ತು ಎಸ್ಐಎಲ್ ನಂತಹ ಬ್ರಾಂಡ್ಗಳನ್ನು ಒಳಗೊಂಡಿದೆ. ಇದು ಸಿರಿಧಾನ್ಯ ಆಧಾರಿತ ಮತ್ತು ಆರೋಗ್ಯ ಆಹಾರ ವಿಭಾಗದಲ್ಲಿ ರಿಲಯನ್ಸ್ನ ಉಪಸ್ಥಿತಿಯನ್ನು ಮತ್ತಷ್ಟು ಬಲಪಡಿಸುತ್ತದೆ.
ಆರ್ಸಿಪಿಎಲ್ ನಿರ್ದೇಶಕ ಟಿ. ಕೃಷ್ಣಕುಮಾರ್ ಮಾತನಾಡಿ, ಮನ್ನಾ ತಮಿಳುನಾಡು ಮತ್ತು ಸುತ್ತಮುತ್ತಲಿನ ರಾಜ್ಯಗಳಲ್ಲಿ ವಿಶ್ವಾಸಾರ್ಹ ಆರೋಗ್ಯ ಆಹಾರ ಬ್ರಾಂಡ್ ಆಗಿದೆ. ರಿಲಯನ್ಸ್ನ ಬಲವಾದ ವಿತರಣೆ ಮತ್ತು ಪೂರೈಕೆ ಸರಪಳಿ ನೆಟ್ವರ್ಕ್ ಮೂಲಕ, ಮನ್ನಾ ಅವರ ಪೌಷ್ಟಿಕ ಉತ್ಪನ್ನಗಳನ್ನು ದೇಶದ ಇತರ ಭಾಗಗಳಿಗೆ ಸಾಗಿಸಿ ರಾಷ್ಟ್ರೀಯ ಬ್ರ್ಯಾಂಡ್ ಆಗಿ ಮಾಡಲಾಗುವುದು” ಎಂದರು.
