ನವದೆಹಲಿ: ಪ್ರತಿಷ್ಠಿತ ೯೭ನೇ ಆಸ್ಕರ್ ಪ್ರಶಸ್ತಿಗೆ ಭಾರತದಿಂದ ಒಟ್ಟು ೨೯ ಚಿತ್ರಗಳು ನಾಮನಿರ್ದೇಶನಗೊಂಡಿವೆ.
ಫಿಲ್ಮ್ ಫೆಡರೇಶನ್ ಆಫ್ ಇಂಡಿಯಾ ಸಂಸ್ಥೆಯು ಪ್ರತಿವರ್ಷವೂ ದೇಶದ ವಿವಿಧ ರಾಜ್ಯಗಳಿಂದ ಆಯ್ಕೆಯಾದ ಚಿತ್ರಗಳಿಂದ ಒಂದು ಚಲನಚಿತ್ರವನ್ನು ಅತ್ಯುತ್ತಮ ವಿದೇಶಿ ಚಿತ್ರ ವಿಭಾಗಕ್ಕೆ ನಾಮನಿರ್ದೇಶನ ಮಾಡುತ್ತದೆ. ಈ ಬಾರಿ ಹಿಂದಿಯಲ್ಲಿ ಬಿಡುಗಡೆಯಾಗಿರುವ ಲಾಪತಾ ಲೇಡಿಸ್ ಚಿತ್ರವನ್ನು ಕಳುಹಿಸುವುದಾಗಿ ಅದು ತಿಳಿಸಿದೆ. ಈ ಪ್ರಶಸ್ತಿಗೆ ಚಿತ್ರಗಳ ಆಯ್ಕೆ ಹಾಗೂ ಪ್ರಶಸ್ತಿ ಪ್ರದಾನ ಕಾರ್ಯಕ್ರಮ ಮುಂದಿನ ವರ್ಷ ನಡೆಯುತ್ತದೆ. ತಮಿಳಿನ ಮಹಾರಾಜ, ಜಿಗರ್ತಂಡ ಡಬಲ್ ಎಕ್ಸ್, ಕೋಟುಕ್ಕುಲಿ, ವಜ್ರೆ, ತಂಗಳನ್ ಹಾಗೂ ಜಮಾ ಎನ್ನುವ ಆರು ಚಿತ್ರಗಳು ನಾಮನಿರ್ದೇಶನಗೊಂಡಿವೆ. ಇತ್ತೀಚೆಗೆ ಬಿಡುಗಡೆಯಾದ ಕಲ್ಕಿ, ೨೮೯೮ ಎಡಿ, ಆಡು ಜೀವಿದಂ, ಆಟಂ, ಸ್ಯಾಮ್ ಬಹಾದ್ದೂರ್, ಆರ್ಟಿಕಲ್ ೩೭೦., ಅನಿಮಲ್, ಉನೊಲುಕ್ಕು, ವೀರ್ ಸಾರ್ವಕರ್ ಚಿತ್ರಗಳೂ ನಾಮನಿರ್ದೇಶನಗೊಂಡ ೨೯ ಚಿತ್ರಗಳಲ್ಲಿ ಸೇರಿವೆ.
