ಪಶ್ಚಿಮ ಬಂಗಾಳ ವಿಧಾನಸಭಾ ಚುನಾವಣೆಗೆ ಮತದಾನದ ಬಳಿಕ ಪ್ರಕಟವಾದ ಎಕ್ಸಿಟ್ ಪೋಲ್ಗಳು ರಾಜ್ಯದ ರಾಜಕೀಯ ಪರಿಸ್ಥಿತಿಯ ಬಗ್ಗೆ ಮಿಶ್ರ ಚಿತ್ರಣ ನೀಡಿವೆ. ರಾಜ್ಯದ ಒಟ್ಟು 294 ಕ್ಷೇತ್ರಗಳಿಗೆ ಎರಡು ಹಂತಗಳಲ್ಲಿ ಮತದಾನ ಪೂರ್ಣಗೊಂಡಿದ್ದು, ಅಧಿಕಾರ ವಹಿಸಿಕೊಳ್ಳಲು ಮ್ಯಾಜಿಕ್ ಸಂಖ್ಯೆ 148 ಅವಶ್ಯವಿದೆ.
ಹಲವು ಸಮೀಕ್ಷಾ ಸಂಸ್ಥೆಗಳು ಪ್ರಕಟಿಸಿದ ಅಂಕಿಅಂಶಗಳಲ್ಲಿ ತೃಣಮೂಲ ಕಾಂಗ್ರೆಸ್ (TMC), ಭಾರತೀಯ ಜನತಾ ಪಕ್ಷ (BJP) ಮತ್ತು ಎಡಪಕ್ಷಗಳ ಮೈತ್ರಿ (LEFT+) ನಡುವೆ ತೀವ್ರ ಪೈಪೋಟಿ ಕಂಡುಬಂದಿದೆ. ಆದರೆ, 6 ಏಜೆನ್ಸಿಗಳ ಪ್ರಕಾರ ಟಿಎಂಸಿ ಅಧಿಕಾರಕ್ಕೆ ಬರುವುದು ನಿಶ್ಚಿತ ಎಂದು ವರದಿ ಮಾಡಿದ್ದು, 5 ಸಮೀಕ್ಷಾ ವರದಿಗಳು ಬಿಜೆಪಿ ಅಧಿಕಾರಕ್ಕೆ ಬರುವುದು ಖಚಿತ ಎಂದು ಹೇಳಿವೆ.
ABP-C Voter ಸಮೀಕ್ಷೆಯ ಪ್ರಕಾರ, TMCಗೆ 152-164 ಸ್ಥಾನಗಳು ಸಿಗುವ ಸಾಧ್ಯತೆ ಇದೆ. BJPಗೆ 109-121 ಸ್ಥಾನಗಳು ಲಭಿಸುವ ಅಂದಾಜು ಮಾಡಲಾಗಿದೆ. LEFT+ಗೆ 14-25 ಸ್ಥಾನಗಳು ದೊರೆಯಬಹುದು ಎಂದು ಹೇಳಲಾಗಿದೆ.
Republic-CNX ಸಮೀಕ್ಷೆಯಲ್ಲಿ BJPಗೆ ಮುನ್ನಡೆ ಸಿಕ್ಕಿದ್ದು, 138-148 ಸ್ಥಾನಗಳು ಸಿಗಬಹುದು ಎಂದು ಸೂಚಿಸಿದೆ. TMCಗೆ 128-138 ಸ್ಥಾನಗಳು ಲಭಿಸುವ ಸಾಧ್ಯತೆ ಇದೆ.
Times Now-C Voter ಸಮೀಕ್ಷೆಯು TMCಗೆ 158 ಸ್ಥಾನಗಳು ಮತ್ತು BJPಗೆ 115 ಸ್ಥಾನಗಳು ಸಿಗುವ ನಿರೀಕ್ಷೆ ವ್ಯಕ್ತಪಡಿಸಿದೆ. LEFT+ಗೆ 19 ಸ್ಥಾನಗಳು ದೊರೆಯಬಹುದು ಎಂದು ಹೇಳಿದೆ.
Republic-Jan Ki Baat ಮತ್ತು India News-JKB ಸಮೀಕ್ಷೆಗಳು BJPಗೆ ಸ್ಪಷ್ಟ ಮುನ್ನಡೆ ನೀಡಿದ್ದು, 162-185 ಸ್ಥಾನಗಳವರೆಗೆ ಸಿಗಬಹುದು ಎಂದು ಅಂದಾಜು ಮಾಡಿವೆ. ಈ ಸಮೀಕ್ಷೆಗಳ ಪ್ರಕಾರ TMCಗೆ 104-121 ಸ್ಥಾನಗಳು ಮಾತ್ರ ಸಿಗುವ ಸಾಧ್ಯತೆ ಇದೆ.
P-MARQ ಮತ್ತು ETG Research ಸಮೀಕ್ಷೆಗಳು TMCಗೆ ಮೇಲುಗೈ ನೀಡಿದ್ದು, ಕ್ರಮವಾಗಿ 152-172 ಮತ್ತು 164-176 ಸ್ಥಾನಗಳ ಅಂದಾಜು ನೀಡಿವೆ.
India Today-Axis My India ಸಮೀಕ್ಷೆಯಲ್ಲಿ ಎರಡೂ ಪಕ್ಷಗಳ ನಡುವೆ ಸಮಪಾಲು ಪೈಪೋಟಿ ಕಂಡುಬಂದಿದ್ದು, TMCಗೆ 130-156 ಮತ್ತು BJPಗೆ 134-160 ಸ್ಥಾನಗಳು ಸಿಗಬಹುದು ಎಂದು ಹೇಳಿದೆ.
India TV-Peoples Pulse ಸಮೀಕ್ಷೆಯಲ್ಲಿ BJPಗೆ ಭಾರೀ ಮುನ್ನಡೆ ನೀಡಿದ್ದು, 173-192 ಸ್ಥಾನಗಳವರೆಗೆ ಸಿಗಬಹುದು ಎಂದು ಹೇಳಿದೆ. TMCಗೆ 64-88 ಸ್ಥಾನಗಳು ಸಿಗುವ ಸಾಧ್ಯತೆ ಇದೆ.
Poll Strat ಸಮೀಕ್ಷೆಯು TMCಗೆ 142-152 ಮತ್ತು BJPಗೆ 125-135 ಸ್ಥಾನಗಳು ಸಿಗಬಹುದು ಎಂದು ಸೂಚಿಸಿದೆ.
ಒಟ್ಟಾರೆ, ಎಕ್ಸಿಟ್ ಪೋಲ್ ಫಲಿತಾಂಶಗಳು ಒಂದೇ ರೀತಿಯ ನಿರ್ಧಾರವನ್ನು ನೀಡದೆ, ರಾಜ್ಯದಲ್ಲಿ ತೀವ್ರ ಪೈಪೋಟಿ ಇರುವುದನ್ನು ತೋರಿಸಿವೆ. ಅಂತಿಮ ಫಲಿತಾಂಶ ಪ್ರಕಟವಾದ ಬಳಿಕವೇ ಯಾರು ಅಧಿಕಾರಕ್ಕೆ ಬರಲಿದ್ದಾರೆ ಎನ್ನುವುದು ಸ್ಪಷ್ಟವಾಗಲಿದೆ.
