ಮುಂಬೈ: ಮಹಾರಾಷ್ಟ್ರದ ಥಾಣೆ ಜಿಲ್ಲೆಯ ಡೊಂಬಿವ್ಲಿ (Dombivli) ನಿಲ್ದಾಣದ ಸಮೀಪ ಸೋಮವಾರ ಬೆಳಿಗ್ಗೆ ಖಾಲಿ ಲೋಕಲ್ ರೈಲಿನ ಒಂದು ಬೋಗಿ ಹಳಿತಪ್ಪಿದ ಪರಿಣಾಮ, ಮುಂಬೈ ಉಪನಗರ ರೈಲು ಸೇವೆಯಲ್ಲಿ ಕೆಲಕಾಲ ವ್ಯತ್ಯಯ ಉಂಟಾಯಿತು.
ರೈಲ್ವೆ ಅಧಿಕಾರಿಗಳ ಮಾಹಿತಿ ಪ್ರಕಾರ, ಬೆಳಿಗ್ಗೆ ಸುಮಾರು 8:09ಕ್ಕೆ ಕಲ್ವಾ ಕಾರ್ ಶೆಡ್ನಿಂದ ಕಲ್ಯಾಣ್ ಕಡೆಗೆ ತೆರಳುತ್ತಿದ್ದ ಖಾಲಿ ಲೋಕಲ್ ರೈಲು ಹಳಿತಪ್ಪಿದೆ. ಘಟನೆಯ ವೇಳೆ ರೈಲಿನಲ್ಲಿ ಪ್ರಯಾಣಿಕರಿಲ್ಲದ್ದರಿಂದ ಯಾವುದೇ ಗಾಯಗಳು ಸಂಭವಿಸಿಲ್ಲ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
ಸೇವೆಗಳ ಮೇಲೆ ಪರಿಣಾಮ : ಈ ಘಟನೆಯ ನಂತರ, ಈ ಮಾರ್ಗದಲ್ಲಿ ಕನಿಷ್ಠ ಮೂರು ಸ್ಥಳೀಯ ರೈಲು ಸೇವೆಗಳು ವಿಳಂಬವಾದವು, ಬೆಳಗಿನ ಪೀಕ್ ಸಮಯದಲ್ಲಿ ಪ್ರಯಾಣಿಕರಿಗೆ ತೊಂದರೆಯಾಯಿತು. ಈ ಮಾರ್ಗವು Chhatrapati Shivaji Maharaj Terminus (CSMT) ನಿಂದ ಥಾಣೆ ಹಾಗೂ ಮುಂದಕ್ಕೆ ರಾಯಗಡ ಭಾಗಕ್ಕೆ ಸಂಪರ್ಕ ಕಲ್ಪಿಸುವ ಅತ್ಯಂತ ಬ್ಯುಸಿ ಲೈನ್ ಆಗಿದೆ.
ತುರ್ತು ಕ್ರಮಗಳು : ಘಟನೆಯ ನಂತರ ರೈಲ್ವೆ ಸಿಬ್ಬಂದಿ ತಕ್ಷಣ ಸ್ಥಳಕ್ಕೆ ಧಾವಿಸಿ ಹಳಿತಪ್ಪಿದ ಬೋಗಿಯನ್ನು ತೆರವುಗೊಳಿಸುವ ಕಾರ್ಯ ಕೈಗೊಂಡರು. ಶೀಘ್ರದಲ್ಲೇ ಮಾರ್ಗವನ್ನು ಸುಗಮಗೊಳಿಸಿ, ಸಂಚಾರವನ್ನು ಸಾಮಾನ್ಯ ಸ್ಥಿತಿಗೆ ತರುವ ಪ್ರಯತ್ನ ಮುಂದುವರಿದಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
