ಪಣಜಿ: ಪಣಜಿಯ ಜನನಿಬಿಡ ನೈಟ್‌ಲೈಫ್‌ನಲ್ಲಿರುವ ನೈಟ್‌ಕ್ಲಬ್‌ನ ಹೊರಗೆ ಪಾರ್ಟಿ ಸನ್ನಿವೇಶ ಹಿಂಸಾತ್ಮಕ ಬೀದಿ ಜಗಳವಾಗಿ ಪರಿವರ್ತನೆಗೊಂಡ ಘಟನೆ ನಡೆದಿದೆ. ಘರ್ಷಣೆಯ ವೀಡಿಯೊ ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆದ ನಂತರ ಗೋವಾದ ಎಂಟು ಯುವಕರನ್ನು ಪೋಲಿಸರು ಬಂಧಿಸಿದ್ದಾರೆ.
ಸೋಹೊ ನೈಟ್ ಕ್ಲಬ್ ಹೊರಗೆ ಭಾನುವಾರ ಬೆಳಗಿನ ಜಾವ 4.45 ರ ಸುಮಾರಿಗೆ ಭುಗಿಲೆದ್ದ ಘರ್ಷಣೆಯಲ್ಲಿ, ಪಾರ್ಟಿಗೆ ಹೋದ ಮಹಿಳೆಯೊಬ್ಬರು ಕಾರಿನ ಚಾಲಕನಿಗೆ ಅವಾಚ್ಯ ಶಬ್ದ ಬಳಸಿದ ಕಾರಣ ಘರ್ಷಣೆ ಸಂಭವಿಸಿದೆ ಎಂದು ಪೊಲೀಸ್ ಮೂಲಗಳು ತಿಳಿಸಿವೆ.
ಮೊದಲು ಇಬ್ಬರ ನಡುವೆ ಶುರುವಾದ ಮಾತಿನ ಚಕಮಕಿಗೆ ನಂತರ ಇಬ್ಬರು ಸ್ನೇಹಿತರು ಸೇರಿಕೊಂಡರು, ಇದು ಹಿಂಸಾತ್ಮಕ ಘರ್ಷಣೆಗೆ ಕಾರಣವಾಯಿತು ಎಂದು ಮೂಲಗಳು ತಿಳಿಸಿವೆ.
ಪ್ರಚೇ ಕೊಲಾಪ್ಟೆ, ಜೇಡನ್ ರೆಬೆಲ್ಲೊ, ಅಲ್ರಾಯ್ ವೀಗಾಸ್, ಆಶ್ಬೆಲ್ ಫೆರಾವ್, ಮುಖೇಶ್ ಸಿಂಗ್, ರಾಯ್ಡನ್ ಮಿಸ್ಕ್ವಿಟಾ, ಜಾಯ್ ಫೆರ್ನಾಂಡಿಸ್ ಮತ್ತು ಜೋಸೆಫ್ ಕಾರ್ಡೋಜೊ ಬಂಧಿತರಲ್ಲಿ ಸೇರಿದ್ದಾರೆ. ಆರೋಪಿಗಳಲ್ಲಿ ಒಬ್ಬರು ವಿದೇಶದಲ್ಲಿ ಕೆಲಸ ಮಾಡುತ್ತಿದ್ದಾರೆ ಎಂದು ಮೂಲಗಳು ತಿಳಿಸಿವೆ.
