ಧಾರವಾಡ: ಹೈಕೋರ್ಟ್ನಿಂದ ಜಾಮೀನು ಪಡೆದುಕೊಂಡ ಬಳಿಕ ಸುಮಾರು ಆರು ವರ್ಷಗಳ ನಂತರ ಧಾರವಾಡಕ್ಕೆ ಆಗಮಿಸಿದ ಧಾರವಾಡ ಗ್ರಾಮೀಣ ಶಾಸಕ ವಿನಯ್ ಕುಲಕರ್ಣಿ ಅವರು ಇಂದು ಮುಂಜಾನೆ ಮೂರುಘಾ ಮಠಕ್ಕೆ ಭೇಟಿ ನೀಡಿ ವಿಶೇಷ ಪೂಜೆ ಸಲ್ಲಿಸಿದರು.
ಅಪಾರ ಸಂಖ್ಯೆಯ ಕಾರ್ಯಕರ್ತರು ಹಾಗೂ ಅಭಿಮಾನಿಗಳೊಂದಿಗೆ ಮೂರುಘಾ ಮಠಕ್ಕೆ ಆಗಮಿಸಿದ ಶಾಸಕ ವಿನಯ್ ಕುಲಕರ್ಣಿ ಅವರನ್ನು ಕಾರ್ಯಕರ್ತರು ಆತ್ಮೀಯವಾಗಿ ಸ್ವಾಗತಿಸಿದರು. ಬಳಿಕ ಮಠದಲ್ಲಿ ವಿಶೇಷ ಪೂಜೆ ಸಲ್ಲಿಸಿ, ಕ್ಷೇತ್ರದ ಜನರು ಹಾಗೂ ರಾಜ್ಯದ ಒಳಿತಿಗಾಗಿ ಪ್ರಾರ್ಥಿಸಿದರು. ಇದೇ ವೇಳೆ ರಕ್ಷಾ ಬಂಧನದ ಹಿನ್ನೆಲೆಯಲ್ಲಿ ಮಹಿಳಾ ಕಾರ್ಯಕರ್ತರು ಹಾಗೂ ಅಭಿಮಾನಿಗಳು ಶಾಸಕ ವಿನಯ್ ಕುಲಕರ್ಣಿ ಅವರಿಗೆ ರಾಖಿ ಕಟ್ಟಿ, ಸಿಹಿ ತಿನ್ನಿಸಿ ಶುಭಾಶಯ ಕೋರಿದರು.
ಮಹಿಳೆಯರ ಆತ್ಮೀಯತೆಗೆ ವಿನಯ್ ಕುಲಕರ್ಣಿ ಅವರು ಕೃತಜ್ಞತೆ ಸಲ್ಲಿಸಿದರು. ಹೈಕೋರ್ಟ್ನಿಂದ ಧಾರವಾಡ ಪ್ರವೇಶಕ್ಕೆ ಅನುಮತಿ ಹಾಗೂ ಜಾಮೀನು ದೊರೆತ ಹಿನ್ನೆಲೆಯಲ್ಲಿ ಹಲವು ವರ್ಷಗಳ ಬಳಿಕ ತವರು ಕ್ಷೇತ್ರಕ್ಕೆ ಆಗಮಿಸಿರುವ ವಿನಯ್ ಕುಲಕರ್ಣಿ ಅವರನ್ನು ಕಾರ್ಯಕರ್ತರು ಅದ್ಧೂರಿಯಾಗಿ ಬರಮಾಡಿಕೊಂಡರು. ಈ ವೇಳೆ ಕಾರ್ಯಕರ್ತರಲ್ಲಿ ಸಂಭ್ರಮದ ವಾತಾವರಣ ಕಂಡುಬಂತು.
ಬಳಿಕ ಮೂರುಘಾ ಮಠದ ಶಾಲೆಯ ಕಾಮಗಾರಿ ವೀಕ್ಷಣೆ ಮಾಡಿದರು. ಮೂರುಘಾ ಮಠದ ಭೇಟಿಯ ಸಂದರ್ಭದಲ್ಲಿ ಹುಬ್ಬಳ್ಳಿ ಧಾರವಾಡ ಮಹಾನಗರ ಮಹಿಳಾ ಕಾಂಗ್ರೆಸ್ ಜಿಲ್ಲಾಧ್ಯಕ್ಷೆ ಗೌರಮ್ಮಾ ಬಲೋಗಿ, ಮಾದೇವಿ ಬ್ಯಾಳಿ, ಮಂಜುಳಾ ಸುರಣ್ಣವರ, ಶೋಭಾ ಕರಿಸುಬ್ಬನವರ, ವಿಜಯಲಕ್ಷ್ಮಿ ಮಲ್ಲಿಗವಾಧ, ಸುಶೀಲ ಹಿರೇಮಠ, ಉಮಾ ಅಂಗಡಿ, ವಿಜಯಲಕ್ಷ್ಮಿ ಅನಾಡ್, ಪದ್ಮಾ ಕಮ್ಮಾರ್, ಶಾರದಾ ನಿಗದಿ, ಆಶಾ ಕದಂ,ಸವಿತಾ ಶಿಂದೆ ಆಕಾಶ್ ಅನಾಡ್, ದಯಾನಂದ್ ಮೇಟಿ,ಗಿರೀಶ್ ಗೌಡ ಪಾಟೀಲ್,ಕಲ್ಮೇಶ ಮಲ್ಲಿಗವಾಡ,ಅಶೋಕ್ ಗಾಣಿಗೇರ ಹಾಗೂ, ಕಾಂಗ್ರೆಸ್ ಮುಖಂಡರು, ಕಾರ್ಯಕರ್ತರು, ಅಭಿಮಾನಿಗಳು ಹಾಗೂ ಮಹಿಳಾ ಕಾರ್ಯಕರ್ತರು ಸೇರಿದಂತೆ ಹಲವರು ಉಪಸ್ಥಿತರಿದ್ದರು.
- YouTube ಕ್ರಿಯೇಟರ್ಸ್ ಆದಾಯಕ್ಕೆ ಹೊಸ ದಾರಿ: ಯಾರಿಗೆ ಈ ಸೌಲಭ್ಯ?
- ‘ಟಾಕ್ಸಿಕ್’ ಸುಂಟರಗಾಳಿ: ಚಿತ್ರತಂಡಕ್ಕೆ ಹ್ಯಾಟ್ಸ್ ಆಫ್ ಎಂದ ಉಪೇಂದ್ರ!
- ಕಲಬುರಗಿ ಬರ ಪೀಡಿತ ಪಟ್ಟಿಯಲ್ಲಿ ಕಡೆಗಣನೆ : ರೈತರ ಪ್ರತಿಭಟನೆ
- ಅಂಬಾರಿ ಆನೆ ಆಯ್ಕೆ ಬಗ್ಗೆ ಸಚಿವ ರಾಮಲಿಂಗಾರೆಡ್ಡಿ ಮಹತ್ವದ ಹೇಳಿಕೆ
- ಬದಲಿ ನಿವೇಶನ ಪಡೆದವರಿಗೆ ಮತ್ತೆ ಶಾಕ್: 50:50 ಸೈಟ್ಗಳು ರದ್ದು
