ಪುಟ್ಟ ಸ್ಟಿಕ್ಕಿ ನೋಟ್ನಲ್ಲಿ 150 ಪದ! ದುಬೈನಲ್ಲಿ ಭಾರತೀಯ ಮಹಿಳೆಯ ವಿಶ್ವ ದಾಖಲೆ
ದುಬೈ: ಸಾಮಾನ್ಯವಾಗಿ ಒಂದು ಸ್ಟಿಕ್ಕಿ ನೋಟ್ನಲ್ಲಿ ಕೆಲವೇ ಪದಗಳನ್ನು ಬರೆಯಲು ಸಾಧ್ಯ. ಆದರೆ ಯುಎಇಯಲ್ಲಿ ನೆಲೆಸಿರುವ ಪುಷ್ಪಜ್ಯೋತಿ ರವಿಕುಮಾರ್ ಎಂಬ 29 ವರ್ಷದ ಮಹಿಳೆ ಒಂದೇ ಪುಟ್ಟ ಸ್ಟಿಕ್ಕಿ ನೋಟ್ನಲ್ಲಿ ಬರೋಬ್ಬರಿ 150 ವಿಭಿನ್ನ ಪದಗಳನ್ನು ಬರೆದು ಗಿನ್ನೆಸ್ ವಿಶ್ವ ದಾಖಲೆಗೆ ಪಾತ್ರರಾಗಿದ್ದಾರೆ.
ಹಿರಿಯ ಕ್ಲೌಡ್ ಎಂಜಿನಿಯರ್ ಆಗಿ ಕೆಲಸ ಮಾಡುತ್ತಿರುವ ಪುಷ್ಪಜ್ಯೋತಿ, ಬಾಲ್ಯದಿಂದಲೂ ಗಿನ್ನೆಸ್ ವರ್ಲ್ಡ್ ರೆಕಾರ್ಡ್ಸ್ ಸಾಧನೆಗಳನ್ನು ಗಮನಿಸುತ್ತಿದ್ದರು. ತಾನೂ ಒಂದು ದಿನ ವಿಶ್ವ ದಾಖಲೆಯ ಭಾಗವಾಗಬೇಕು ಎಂಬ ಕನಸನ್ನು ಹೊಂದಿದ್ದ ಅವರು, ಆ ಕನಸನ್ನು ನನಸು ಮಾಡಿಕೊಳ್ಳಲು ದುಬೈನಲ್ಲಿ ಈ ವಿಶಿಷ್ಟ ಸವಾಲನ್ನು ಸ್ವೀಕರಿಸಿದ್ದರು.
ಒಂದೇ ಸ್ಟಿಕ್ಕಿ ನೋಟ್ನಲ್ಲಿ ಗರಿಷ್ಠ ಸಂಖ್ಯೆಯ ಪದಗಳನ್ನು ಬರೆಯುವುದು ಅವರ ಸವಾಲಾಗಿತ್ತು. ಜಾಗದ ಕೊರತೆಯಿಂದಾಗಿ ಪದಗಳು ಅಸ್ಪಷ್ಟವಾಗದಂತೆ ನೋಡಿಕೊಳ್ಳುವುದು ಕೂಡ ಪ್ರಮುಖವಾಗಿತ್ತು. ಹೀಗಾಗಿ ಅವರು ಸಾಧ್ಯವಾದಷ್ಟು ಚಿಕ್ಕ ಪದಗಳನ್ನು ಆಯ್ಕೆ ಮಾಡಿಕೊಂಡರು. ಬಹುತೇಕ ಪದಗಳು ಮೂರು ಅಕ್ಷರಗಳದ್ದಾಗಿದ್ದವು.
ವಿಶೇಷವೆಂದರೆ, ಪುಷ್ಪಜ್ಯೋತಿ ತಮ್ಮ ಮೊದಲ ಪ್ರಯತ್ನದಲ್ಲೇ ದಾಖಲೆಯನ್ನು ಮುರಿಯುವಲ್ಲಿ ಯಶಸ್ವಿಯಾದರು. ವಿಭಿನ್ನ ರೀತಿಯ ಕೈಬರಹದ ಶೈಲಿಗಳನ್ನು ಪ್ರಯೋಗಿಸುವುದು ತಮ್ಮ ಆಸಕ್ತಿ ಎಂದು ಅವರು ಹೇಳಿದ್ದಾರೆ.
ಅವರ ಸಾಧನೆಯ ವಿಡಿಯೋವನ್ನು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡ ಬಳಿಕವೂ ಭಾರೀ ಪ್ರತಿಕ್ರಿಯೆ ವ್ಯಕ್ತವಾಯಿತು. ಇನ್ಸ್ಟಾಗ್ರಾಂನಲ್ಲಿ ಅವರು ಪ್ರಕಟಿಸಿದ ವಿಡಿಯೋ ಸುಮಾರು 10 ಲಕ್ಷ ವೀಕ್ಷಣೆಗಳ ಸಮೀಪ ತಲುಪಿದ್ದು, ಕುಟುಂಬ, ಸ್ನೇಹಿತರು ಮತ್ತು ಕಾಲೇಜಿನವರಿಂದಲೂ ಮೆಚ್ಚುಗೆ ವ್ಯಕ್ತವಾಗಿದೆ.
ತಮ್ಮ ಸಾಧನೆ ಕೆಲವರಿಗೆ ಸಣ್ಣದಾಗಿ ಕಾಣಬಹುದು. ಆದರೆ ತನ್ನೊಳಗಿನ ವಿಶೇಷ ಪ್ರತಿಭೆಯನ್ನು ಹೊರತರುವ ಅವಕಾಶ ಇದಾಗಿದೆ ಎಂದು ಪುಷ್ಪಜ್ಯೋತಿ ಹೇಳಿದ್ದಾರೆ. ಈ ವಿಶ್ವ ದಾಖಲೆ ತಮಗೆ ಆತ್ಮವಿಶ್ವಾಸವನ್ನು ಹೆಚ್ಚಿಸಿದ್ದು, ಮುಂದೆಯೂ ಮತ್ತಷ್ಟು ದಾಖಲೆಗಳನ್ನು ನಿರ್ಮಿಸುವ ಆಸಕ್ತಿ ಹೊಂದಿರುವುದಾಗಿ ಅವರು ತಿಳಿಸಿದ್ದಾರೆ.
- ಹಣ ಅಕ್ರಮ: ನಾಗೇಂದ್ರ ಸೇರಿದಂತೆ ಪ್ರಭಾವಿಗಳ ಮೇಲೂ ತನಿಖೆಯಾಗಲಿ
- ಬಾಗೇವಾಡಿ ನಿಲ್ದಾಣದಲ್ಲಿ ರೈಲಿಗೆ ಪ್ರಾಯೋಗಿಕ ನಿಲುಗಡೆ
- ‘BRB’ ಚಿತ್ರದ ಟೀಸರ್ ಯಾವಾಗ? ಇಲ್ಲಿದೆ ಸಂಪೂರ್ಣ ಅಪ್ಡೇಟ್
- ಕಣ್ಣೀರಿನ ನಾಟಕ ಇಲ್ಲಿ ನಡೆಯಲ್ಲ: ನಾಗೇಂದ್ರ ವಿರುದ್ಧ ರೆಡ್ಡಿ ಕಿಡಿ
- ಮಳೆಗಾಲದಲ್ಲಿ ಎಚ್ಚರ; ಈ ತಿಂಡಿಗಳನ್ನೂ ತಿಂದರೆ ಗ್ಯಾರಂಟಿ ಸಮಸ್ಯೆ ತಪ್ಪಿದಲ್ಲ
