‘ಡಿ’ 5 ರಂದು ಡೆವಿಲ್ ದರ್ಶನ

ಬೆಂಗಳೂರು: ಸ್ಯಾಂಡಲ್‌ವುಡ್ ಸ್ಟಾರ್‌ ದರ್ಶನ್ ನಟನೆಯ ಬಹುನಿರೀಕ್ಷಿತ ಚಿತ್ರ ‘ಡೆವಿಲ್’ ಡಿಸೆಂಬರ್ 12ರಂದು ವಿಶ್ವಾದ್ಯಂತ ಬೃಹತ್ ಮಟ್ಟದಲ್ಲಿ ತೆರೆಗೆ ಬರಲು ಸಿದ್ಧವಾಗಿದೆ. ವಿಶೇಷವಂದರೆ — ದರ್ಶನ್ ಅವರು ಪ್ರಸ್ತುತ ಜೈಲಿನಲ್ಲಿರುವ ಸಮಯದಲ್ಲೇ ಅವರ ಸಿನಿಮಾ ಬಿಡುಗಡೆಯಾಗುತ್ತಿದೆ. ಇದರಿಂದಾಗಿ, ಚಿತ್ರದ ಪ್ರಚಾರಕ್ಕಾಗಿ ಅವರ ಅಭಿಮಾನಿಗಳು ಮುಂದಾಗಿ ಜವಾಬ್ದಾರಿ ಹೊತ್ತಿದ್ದಾರೆ.

ಈ ನಡುವೆ, ಈಗ ಮತ್ತೊಂದು ದೊಡ್ಡ ಅಪ್‌ಡೇಟ್ ಹೊರಬಿದ್ದಿದೆ. ‘ಡೆವಿಲ್’ ಚಿತ್ರದ ಟ್ರೇಲರ್ ಡಿಸೆಂಬರ್ 5ರಂದು ಬೆಳಿಗ್ಗೆ 10.05ಕ್ಕೆ ಬಿಡುಗಡೆ ಆಗಲಿದೆ ಎಂದು ತಂಡ ಅಧಿಕೃತವಾಗಿ ಘೋಷಿಸಿದೆ. ಟ್ರೇಲರ್ ಅನ್ನು ಸರಿಗಮ ಯೂಟ್ಯೂಬ್ ಚಾನೆಲ್‌ನಲ್ಲಿ ಬಿಡುಗಡೆಯಾಗಲಿದ್ದು, ಈ ಸುದ್ದಿ ಕೇಳಿದ ಅಭಿಮಾನಿಗಳು ಸಾಮಾಜಿಕ ಜಾಲತಾಣಗಳಲ್ಲಿ ಸಂಭ್ರಮ ವ್ಯಕ್ತಪಡಿಸುತ್ತಿದ್ದಾರೆ.

ಟ್ರೇಲರ್ ಬಗ್ಗೆ ಈಗಾಗಲೇ ಸಂಚಲನ ಮೂಡಿದ್ದು ರಿಲೀಸ್ ಮಾಡಲಾದ ಟೀಸರ್ ನೋಡಿದ ಅಭಿಮಾನಿಗಳು ದರ್ಶನ್ ಅವರ ಹೊಸ ಲುಕ್‌ ಬಗ್ಗೆ ಭಾರೀ ಮೆಚ್ಚುಗೆ ವ್ಯಕ್ತಪಡಿಸಿದ್ದರು. ಟೀಸರ್‌ನಲ್ಲಿ ದರ್ಶನ್ ಅವರ ಬಲಗೈ ಸ್ಲೋ-ಮೋಷನ್ ಎಂಟ್ರಿ, ಹಾಗೂ ಡೆವಿಲ್ ಸ್ಟೈಲ್ ನಗುವಿನೊಂದಿಗೆ ಚಿಟಿಕೆ ಹೊಡೆಯುವ ದೃಶ್ಯ ಮತ್ತು “ನಾನು ಬರ್ತಿದ್ದೀನಿ ಚಿನ್ನಾ…” ಎಂಬ ಡೈಲಾಗ್ ಎಲ್ಲವೂ ಸಂಚಲನ ಸೃಷ್ಟಿಸಿದೆ.

ಟ್ರೇಲರ್ ಮೂಲಕ ಚಿತ್ರದ ಕಥೆ, ಟೇಕಿಂಗ್, ಆಕ್ಷನ್ ಮತ್ತು ದರ್ಶನ್ ಅವರ ಪಾತ್ರದ ಅಡಗಿರುವ ಅಂಶಗಳು ಬಹಿರಂಗವಾಗುವ ನಿರೀಕ್ಷೆಯಿದೆ.

ಅಭಿಮಾನಿಗಳ ಜೋರಾದ ಪ್ರಚಾರ : ವಿಜಯಲಕ್ಷ್ಮೀ ದರ್ಶನ್ ಕೂಡ ಇತ್ತೀಚೆಗೆ ಅಭಿಮಾನಿಗಳನ್ನು ಸೇರಿಸಿ, ಸಿನಿಮಾದ ಪ್ರಚಾರದ ಕುರಿತು ವಿಶೇಷ ಸಭೆ ನಡೆಸಿದ್ದಾರೆ ಎನ್ನಲಾಗುತ್ತಿದೆ. ದರ್ಶನ್ ಅವರ ಗೈರುಹಾಜರಿಯನ್ನು ಭರ್ತಿ ಮಾಡುವಂತೆ ಅಭಿಮಾನಿಗಳು ದೇಶದಾದ್ಯಂತ ಪ್ರಚಾರ ಯೋಜನೆಗಳನ್ನು ರೂಪಿಸಿದ್ದಾರೆ.

ಚಿತ್ರದ ಕುತೂಹಲ ಹುಟ್ಟಿಸುವ ಆಸನ ಪ್ರದರ್ಶನ: ಚಿತ್ರತಂಡವು ದರ್ಶನ್ ಅವರು ಬಳಸಿರುವ ವಿಶೇಷ ‘ಡೆವಿಲ್ ಚೇರ್’ ಅನ್ನು ಬೆಂಗಳೂರಿನ ಓರಿಯನ್ ಮಾಲ್‌ನಲ್ಲಿ ಸಾರ್ವಜನಿಕ ಪ್ರದರ್ಶನಕ್ಕೆ ಇಟ್ಟಿದೆ. ಅಭಿಮಾನಿಗಳು ಈ ಚೇರ್ ಮೇಲೆ ಕುಳಿತು – ಫೋಟೋ ಕ್ಲಿಕ್ಕಿಸಿಕೊಳ್ಳಬಹುದು
ವಿಡಿಯೋ ಮಾಡಬಹುದು ಹಾಗೂ ಚಿತ್ರತಂಡಕ್ಕೆ ಟ್ಯಾಗ್ ಮಾಡಿ ಹಂಚಿಕೊಳ್ಳಬಹುದು ಈ ಹೊಸ ಪ್ರಚಾರ ವಿಧಾನ ಅಭಿಮಾನಿಗಳಲ್ಲಿ ಮತ್ತಷ್ಟು ಉತ್ಸಾಹ ಮೂಡಿಸಿದೆ.

ಚಿತ್ರಮಂದಿರಗಳಲ್ಲಿ ಕಟೌಟ್ ಸಂಭ್ರಮ: ರಾಜ್ಯದ ಹಲವು ಚಿತ್ರಮಂದಿರಗಳಲ್ಲಿ ಈಗಾಗಲೇ ದೊಡ್ಡ ಮಟ್ಟದ ಡೆವಿಲ್ ಕಟೌಟ್‌ಗಳು ಅಳವಡಿಸಲಾಗಿದ್ದು, ಫಸ್ಟ್ ಡೇ–ಫಸ್ಟ್ ಶೋಗೆ ಅಭಿಮಾನಿಗಳು ಸಜ್ಜಾಗುತ್ತಿದ್ದಾರೆ. ಸಾಮಾಜಿಕ ಜಾಲತಾಣಗಳಲ್ಲಿ ಹ್ಯಾಶ್‌ಟ್ಯಾಗ್‌ಗಳ ಮೂಲಕ ಪ್ರಚಾರ ಈಗಾಗಲೇ ಟ್ರೆಂಡ್ ಆಗಿದೆ.

ಮಿಲನ ಪ್ರಕಾಶ್ ನಿರ್ದೇಶನದ ಈ ಚಿತ್ರದಲ್ಲಿ ನಟಿ ರಚನಾ ರೈ ನಾಯಕಿ ಪಾತ್ರದಲ್ಲಿ ಕಾಣಿಸಲಿದ್ದಾರೆ. ಜೊತೆಗೆ ಅಚ್ಯುತ್ ಕುಮಾರ್, ಗಿಲ್ಲಿ, ಶೋಭರಾಜ್ ಮತ್ತು ಇತರರು ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ. ಸಂಗೀತ ಸಂಯೋಜನೆಗೆ ಅಜನೀಶ್ ಲೋಕನಾಥ್ ವಿಶ್ವಾಸಾರ್ಹತೆ ನೀಡಿದ್ದಾರೆ.

ಡಿಸೆಂಬರ್ 12ರಂದು ಸ್ಯಾಂಡಲ್‌ವುಡ್‌ನ ಈ ವರ್ಷದ ಬಹುತೇಕ ದೊಡ್ಡ ರಿಲೀಸ್ ಆಗಲಿರುವ ‘ಡೆವಿಲ್’ ಚಿತ್ರಕ್ಕಾಗಿ ಅಭಿಮಾನಿಗಳಿಂದ ಭಾರೀ ರೆಸ್ಪಾನ್ಸ್ ನಿರೀಕ್ಷಿಸಲಾಗಿದೆ.