‘ಬಿಗ್‌ ಬಾಸ್’ ಮನೆಯಲ್ಲಿ ನಡೆಯುತ್ತಿರುವ ರೋಚಕ ಟಾಸ್ಕ್‌ಗಳು, ಸ್ಪರ್ಧಿಗಳ ಗೇಮ್ ಪ್ಲಾನ್ ಹಾಗೂ ತಂತ್ರ-ಪ್ರತಿತಂತ್ರಗಳನ್ನು ಗಮನಿಸುತ್ತಿರುವ ವೀಕ್ಷಕರು ಈಗಲೇ ಫಿನಾಲೆ ಲೆಕ್ಕಾಚಾರಗಳನ್ನು ಹಾಕಲು ಶುರು ಮಾಡಿದ್ದಾರೆ. ಸೋಶಿಯಲ್ ಮೀಡಿಯಾದಲ್ಲಿ ಹರಿದಾಡುತ್ತಿರುವ ಸದ್ಯದ ಟ್ರೆಂಡ್ ಹಾಗೂ ಚರ್ಚೆಗಳ ಪ್ರಕಾರ, ಸೌಂದರ್ಯ, ತಾಂಡವ್ ಮತ್ತು ಆಸಿಯಾ ಈ ಮೂವರು ಟಾಪ್ 3 ತಲುಪುವುದು ಬಹುತೇಕ ಖಚಿತ ಎನ್ನಲಾಗುತ್ತಿದೆ.
ಸೌಂದರ್ಯ ಅವರ ತಾಳ್ಮೆ ಹಾಗೂ ಸೈಲೆಂಟ್ ಗೇಮ್ ಪ್ಲಾನ್ ವೀಕ್ಷಕರಿಗೆ ಆರಂಭದಿಂದಲೂ ಇಷ್ಟವಾಗಿದೆ. ಅನಗತ್ಯ ಜಗಳಗಳಿಗೆ ಹೋಗದೆ, ಮನೆಯಲ್ಲಿ ಎಷ್ಟೇ ಗಲಾಟೆ ನಡೆದರೂ ತಟಸ್ಥವಾಗಿ ನಿಂತು ಸೂಕ್ತ ಸಮಯದಲ್ಲಿ ಸರಿಯಾದ ನಿರ್ಧಾರ ತೆಗೆದುಕೊಳ್ಳುವುದು ಅವರ ಪ್ಲಸ್ ಪಾಯಿಂಟ್ ಆಗಿದೆ. ದೈಹಿಕ ಹಾಗೂ ಮಾನಸಿಕ ಟಾಸ್ಕ್‌ಗಳಲ್ಲಿ ಅವರು ತೋರುತ್ತಿರುವ ಶ್ರದ್ಧೆ ಅವರನ್ನು ಫಿನಾಲೆ ರೇಸ್‌ನಲ್ಲಿ ಮುಂಚೂಣಿಯಲ್ಲಿ ನಿಲ್ಲಿಸಿದೆ.
ಇನ್ನೊಂದೆಡೆ, ತಾಂಡವ್ ಅವರ ಅಗ್ರೆಸಿವ್ ಹಾಗೂ ಆಲ್‌ರೌಂಡರ್ ಪರ್ಫಾರ್ಮೆನ್ಸ್ ವೀಕ್ಷಕರ ಗಮನ ಸೆಳೆದಿದೆ. ಡೈಮಂಡ್ ಟಾಸ್ಕ್‌ನಲ್ಲಿ ಭರ್ಜರಿ ಕಂಬ್ಯಾಕ್ ಮಾಡಿರುವ ಅವರ ಆಟದ ವೈಖರಿಗೆ ಅಭಿಮಾನಿಗಳು ಫಿದಾ ಆಗಿದ್ದಾರೆ. ಇನ್ನು ಆಸಿಯಾ ತಮ್ಮ ಚುರುಕಿನ ಆಟ ಹಾಗೂ ಸ್ಪಷ್ಟ ನಿಲುವುಗಳಿಂದ ಪ್ರಬಲ ಸ್ಪರ್ಧಿಯಾಗಿ ಹೊರಹೊಮ್ಮಿದ್ದಾರೆ. ಇತರ ಸ್ಪರ್ಧಿಗಳಿಂದ ಕಠಿಣ ಪೈಪೋಟಿ ಇದ್ದರೂ, ಈ ಮೂವರ ಆಟದ ವೈಖರಿ ಇವರನ್ನು ಫಿನಾಲೆಗೆ ಕೊಂಡೊಯ್ಯಲಿದೆ ಎಂದು ವಿಶ್ಲೇಷಿಸಲಾಗುತ್ತಿದೆ.
