ಟೋಕಿಯೊ: ಪೂರ್ವ ಏಷ್ಯಾದಲ್ಲಿ ಮತ್ತೊಮ್ಮೆ ಉದ್ವಿಗ್ನತೆ ಹೆಚ್ಚಾಗಿದೆ. ಕಿಮ್ ಜಾಂಗ್ ಉನ್ ನೇತೃತ್ವದ ಉತ್ತರ ಕೊರಿಯಾ ಶನಿವಾರ ಶಂಕಿತ ಬ್ಯಾಲಿಸ್ಟಿಕ್ ಕ್ಷಿಪಣಿಯನ್ನು ಉಡಾಯಿಸಿದೆ ಎಂದು Ministry of Defense Japan ತಿಳಿಸಿದೆ.
ಜಪಾನ್ ಸರ್ಕಾರದ ಪ್ರಕಾರ, ಉಡಾಯಿಸಲಾದ ಕ್ಷಿಪಣಿ ಬಳಿಕ ಸಮುದ್ರದಲ್ಲಿ ಬಿದ್ದಿದ್ದು, ಅದು ಜಪಾನ್ನ ವಿಶೇಷ ಆರ್ಥಿಕ ವಲಯ (EEZ)ದ ಹೊರಭಾಗದಲ್ಲಿ ಬಿದ್ದಿರಬಹುದು ಎಂದು ಅಂದಾಜಿಸಲಾಗಿದೆ. ಈ ಘಟನೆಯ ಹಿನ್ನೆಲೆಯಲ್ಲಿ ಜಪಾನ್ ಪ್ರಧಾನಿ ಕಚೇರಿ ಸಾರ್ವಜನಿಕರಿಗೆ ತುರ್ತು ಎಚ್ಚರಿಕೆ ಸಂದೇಶ ನೀಡಿದೆ.
ದಕ್ಷಿಣ ಕೊರಿಯಾದಿಂದ ದೃಢೀಕರಣ : South Korea ಸೇನೆಯೂ ಈ ಕ್ಷಿಪಣಿ ಉಡಾವಣೆಯನ್ನು ದೃಢಪಡಿಸಿದ್ದು, ಅದು ಪೂರ್ವ ಸಮುದ್ರ (Sea of Japan) ದಿಕ್ಕಿನತ್ತ ಉಡಾಯಿಸಲಾದ ಗುರುತಿಸಲಾಗದ ಉತ್ಕ್ಷೇಪಕ ಎಂದು ತಿಳಿಸಿದೆ.
ಈ ವರ್ಷದ ನಂತರದ ಮೊದಲ ಉಡಾವಣೆ: ಜನವರಿ 27ರಂದು ಎರಡು ಬ್ಯಾಲಿಸ್ಟಿಕ್ ಕ್ಷಿಪಣಿಗಳನ್ನು ಉಡಾಯಿಸಿದ ನಂತರ ಉತ್ತರ ಕೊರಿಯಾ ನಡೆಸಿರುವ ಮೊದಲ ಕ್ಷಿಪಣಿ ಪರೀಕ್ಷೆ ಇದಾಗಿದೆ. ಪರಮಾಣು ಶಸ್ತ್ರಾಸ್ತ್ರ ಹೊಂದಿರುವ ಉತ್ತರ ಕೊರಿಯಾದ ಈ ಕ್ರಮದಿಂದ ಪೂರ್ವ ಏಷ್ಯಾ ಪ್ರದೇಶದಲ್ಲಿ ಭದ್ರತಾ ಆತಂಕ ಮತ್ತೆ ಹೆಚ್ಚಾಗಿದೆ.
ಟ್ರಂಪ್ – ಕಿಮ್ ಭೇಟಿ ಊಹಾಪೋಹಗಳ ನಡುವೆ ಉಡಾವಣೆ : ಈ ಘಟನೆ ಅಮೆರಿಕ ಮತ್ತು ಉತ್ತರ ಕೊರಿಯಾ ನಡುವಿನ ಮಾತುಕತೆಗಳ ಬಗ್ಗೆ ಹೆಚ್ಚುತ್ತಿರುವ ಊಹಾಪೋಹಗಳ ಮಧ್ಯೆ ನಡೆದಿದೆ. ಇತ್ತೀಚೆಗೆ ಡೊನಾಲ್ಡ್ ಟ್ರಂಪ್ ಮತ್ತು ಕಿಮ್ ಜಾಂಗ್ ಉನ್ ನಡುವಿನ ಸಾಧ್ಯವಾದ ಭೇಟಿಯ ಕುರಿತು ಚರ್ಚೆಗಳು ನಡೆಯುತ್ತಿವೆ. ವಾಷಿಂಗ್ಟನ್ಗೆ ಭೇಟಿ ನೀಡಿದ್ದ ದಕ್ಷಿಣ ಕೊರಿಯಾದ ಪ್ರಧಾನಿ ಕಿಮ್ ಮಿನ್-ಸಿಯೋಕ್ ಟ್ರಂಪ್ ಅವರು ಉತ್ತರ ಕೊರಿಯಾದೊಂದಿಗೆ ಮತ್ತೆ ಮಾತುಕತೆ ನಡೆಸುವ ಬಗ್ಗೆ ಸಕಾರಾತ್ಮಕ ದೃಷ್ಟಿಕೋನ ಹೊಂದಿದ್ದಾರೆ ಎಂದು ತಿಳಿಸಿದ್ದಾರೆ.
ಕಳೆದ ತಿಂಗಳು ನಡೆದ ಆಡಳಿತ ಪಕ್ಷದ ಕಾಂಗ್ರೆಸ್ನಲ್ಲಿ ಕಿಮ್ ಜಾಂಗ್ ಉನ್, ಅಮೆರಿಕದೊಂದಿಗೆ ಸಂಬಂಧಗಳು “ಸುಧಾರಿಸಬಹುದು” ಎಂಬ ಸೂಚನೆ ನೀಡಿದ್ದರು.
ಪೂರ್ವ ಏಷ್ಯಾದಲ್ಲಿ ಹೆಚ್ಚಿದ ಭದ್ರತಾ ಆತಂಕ : ಉತ್ತರ ಕೊರಿಯಾದ ಈ ಕ್ಷಿಪಣಿ ಉಡಾವಣೆ ಜಪಾನ್, ದಕ್ಷಿಣ ಕೊರಿಯಾ, ಅಮೆರಿಕ ಈ ದೇಶಗಳ ಭದ್ರತಾ ಚಿಂತೆಯನ್ನು ಹೆಚ್ಚಿಸಿದೆ.
ಜಪಾನ್ ಪ್ರಧಾನಿ ಕಚೇರಿ ಸಾಮಾಜಿಕ ಜಾಲತಾಣದಲ್ಲಿ ಪ್ರಕಟಿಸಿದ ಎಚ್ಚರಿಕೆಯಲ್ಲಿ, “ಉತ್ತರ ಕೊರಿಯಾ ಶಂಕಿತ ಬ್ಯಾಲಿಸ್ಟಿಕ್ ಕ್ಷಿಪಣಿಯನ್ನು ಉಡಾಯಿಸಿದೆ, ಪರಿಸ್ಥಿತಿಯ ಬಗ್ಗೆ ಹೆಚ್ಚಿನ ಮಾಹಿತಿ ನೀಡಲಾಗುತ್ತದೆ” ಎಂದು ತಿಳಿಸಿದೆ.
