ಬೆಂಗಳೂರು: ಸಂಚಾರಿ ನಿಯಮ ಉಲ್ಲಂಘನೆಯ ಫೈನ್ 50 ಪರ್ಸೆಂಟ್ ಡಿಸ್ಕೌಂಟ್ ವಿಚಾರ ಗೊತ್ತಾಗ್ತಿದ್ದೇ ತಡ ಜನರು ತಂಡೋಪ ತಂಡವಾಗಿ ಬಂದು ಸಂಚಾರಿ ನಿಯಮ ಉಲ್ಲಂಘನೆಯ ಫೈನ್ ಕಟ್ಟಿದ್ದಾರೆ. ಇದರೊಂದಿಗೆ ಇಂದು ಒಂದೇ ದಿನ ಬರೋಬ್ಬರಿ 2.1 ಲಕ್ಷ ಕೇಸ್ಗಳಿಂದ 5 ಕೋಟಿ ರೂಪಾಯಿಗೂ ಅಧಿಕ ಮೊತ್ತದ ಹಣ ಸಂಗ್ರಹವಾಗಿದೆ. ಒಂದೇ ದಿನ ಸಾವಿರಾರು ಮಂದಿ ದಂಡ ಪಾವತಿ ಮಾಡಲು ಮುಂದಾದ ಕಾರಣ ಸಾರಿಗೆ ಇಲಾಖೆಯ ಸರ್ವರ್ ಕೂಡ ಡೌನ್ ಆಗಿ ಸಮಸ್ಯೆ ಎದುರಾಗಿತ್ತು.ಇನ್ನು ಸವಾರರಿಗೆ ಕರ್ನಾಟಕ ಒನ್ ವೆಬ್ ಸೈಟ್, ಪೇಟಿಎಂ, ಹತ್ತಿರದ ಸಂಚಾರಿ ಪೊಲೀಸ್ ಠಾಣೆಗಳಲ್ಲಿ ದಂಡ ಪಾವತಿಗೆ ಅವಕಾಶ ಮಾಡಿಕೊಟ್ಟಿದ್ದು, ಫೆಬ್ರವರಿ 11 ರವರೆಗೆ ಈ ಡಿಸ್ಕೌಂಟ್ ನಿಯಮ ಜಾರಿಯಲ್ಲಿರಲಿದೆ.
