ಬೆಂಗಳೂರು: ಪ್ರಧಾನಿ ನರೇಂದ್ರ ಮೋದಿ ಅವರ ‘ಡಿಜಿಟಲ್ ಇಂಡಿಯಾ’ ಅಭಿಯಾನದ ಫಲವಾಗಿ, ಇತ್ತೀಚಿನ ವರ್ಷಗಳಲ್ಲಿ ಕೇಂದ್ರ ಬಜೆಟ್ ಸಂಪೂರ್ಣವಾಗಿ ಕಾಗದರಹಿತ (Paperless) ರೂಪ ಪಡೆದುಕೊಂಡಿದೆ. ಈಗ ಬಜೆಟ್ ಪ್ರತಿಯನ್ನು ಪಡೆಯಲು ಹರಸಾಹಸ ಪಡಬೇಕಿಲ್ಲ.
ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್ ಅವರ ಭಾಷಣ ಮುಗಿದ ಕೂಡಲೇ, ಸಾಮಾನ್ಯ ನಾಗರಿಕರಿಂದ ಹಿಡಿದು ವಿದ್ಯಾರ್ಥಿಗಳವರೆಗೆ ಎಲ್ಲರೂ ಅಧಿಕೃತ ಬಜೆಟ್ ದಾಖಲೆಯನ್ನು ತಮ್ಮ ಮೊಬೈಲ್ ಅಥವಾ ಕಂಪ್ಯೂಟರ್ನಲ್ಲಿ ಆನ್ಲೈನ್ ಮೂಲಕವೇ ಸುಲಭವಾಗಿ ಡೌನ್ಲೋಡ್ ಮಾಡಿಕೊಳ್ಳಬಹುದು.
ಸಂಪೂರ್ಣ ಬಜೆಟ್ PDF ಪಡೆಯಲು ಈ ಹಂತಗಳನ್ನು ಅನುಸರಿಸಿ
- ಅಧಿಕೃತ ವೆಬ್ಸೈಟ್ಗೆ ಭೇಟಿ ನೀಡಿ: ಮೊದಲು ಭಾರತ ಸರ್ಕಾರದ ಅಧಿಕೃತ ಬಜೆಟ್ ಪೋರ್ಟಲ್ www.indiabudget.gov.in ಗೆ ಭೇಟಿ ನೀಡಿ.
- ದಾಖಲೆಗಳ ವಿಭಾಗವನ್ನು ಆರಿಸಿ: ವೆಬ್ಸೈಟ್ನ ಮುಖಪುಟದಲ್ಲಿ ಕಾಣಿಸುವ ‘Budget Documents’ ಎಂಬ ಆಯ್ಕೆಯನ್ನು ಕ್ಲಿಕ್ ಮಾಡಿ.
- ವರ್ಷವನ್ನು ಆಯ್ಕೆ ಮಾಡಿ: ಅಲ್ಲಿ 2026-27ನೇ ಸಾಲಿನ ಬಜೆಟ್ ಆಯ್ಕೆಯನ್ನು ಆರಿಸಿಕೊಳ್ಳಿ.
- ಡೌನ್ಲೋಡ್ ಮಾಡಿ: ಇಲ್ಲಿ ನಿಮಗೆ ಹಣಕಾಸು ಸಚಿವರ ಭಾಷಣ, ಮುಖ್ಯಾಂಶಗಳು ಹಾಗೂ ಹಣಕಾಸು ಮಸೂದೆಯ ಪ್ರತಿಗಳು ಇಂಗ್ಲಿಷ್ ಅಥವಾ ಹಿಂದಿ ಭಾಷೆಯಲ್ಲಿ ಲಭ್ಯವಿರುತ್ತವೆ. ನಿಮಗೆ ಬೇಕಾದ ಫೈಲ್ ಮೇಲೆ ಕ್ಲಿಕ್ ಮಾಡಿ ಪಿಡಿಎಫ್ ರೂಪದಲ್ಲಿ ಸೇವ್ ಮಾಡಿಕೊಳ್ಳಬಹುದು.
- ಹಿಂದಿನ ವರ್ಷಗಳ ಬಜೆಟ್ ಇತಿಹಾಸವನ್ನು ತಿಳಿಯಲು ಇದೇ ವೆಬ್ಸೈಟ್ನಲ್ಲಿರುವ ‘Previous Union Budgets’ ಎಂಬ ಲಿಂಕ್ ಅನ್ನು ಬಳಸಬಹುದು.
ಈ ಬಾರಿಯ ಬಜೆಟ್ ಘೋಷಣೆಗಳು ನಮ್ಮ ರಾಜ್ಯಕ್ಕೆ ಹಾಗೂ ಜನಸಾಮಾನ್ಯರ ಮೇಲೆ ಎಂತಹ ಪರಿಣಾಮ ಬೀರಲಿವೆ ಎಂಬ ತಜ್ಞರ ವಿಶ್ಲೇಷಣೆ ಮತ್ತು ಲೈವ್ ಅಪ್ಡೇಟ್ಗಳಿಗಾಗಿ ‘ಸಂಯುಕ್ತ ಕರ್ನಾಟಕ’ ಯುಟ್ಯೂಬ್ ಚಾನೆಲ್ಗೆ ಭೇಟಿ ನೀಡಲು ಮರೆಯಬೇಡಿ. ಬಜೆಟ್ ಎನ್ನುವುದು ಕೇವಲ ಅಂಕಿ-ಅಂಶಗಳಲ್ಲ, ಅದು ದೇಶದ ಆರ್ಥಿಕ ಭವಿಷ್ಯದ ದಿಕ್ಸೂಚಿಯಾಗಿದೆ.
