ಭಾರತದಲ್ಲಿ 5.2 ಲಕ್ಷ ಮೆಗಾವ್ಯಾಟ್ ವಿದ್ಯುತ್ ಸಾಮರ್ಥ್ಯ: ನವೀಕರಿಸಬಹುದಾದ ಇಂಧನದ ದೊಡ್ಡ ಪಾಲು
ನವ ದೆಹಲಿ: ದೇಶದ ವಿದ್ಯುತ್ ಉತ್ಪಾದನಾ ಕ್ಷೇತ್ರದಲ್ಲಿ ಮಹತ್ವದ ಬದಲಾವಣೆ ಕಂಡುಬರುತ್ತಿದ್ದು, ಭಾರತದ ಒಟ್ಟು ಸ್ಥಾಪಿತ ವಿದ್ಯುತ್ ಸಾಮರ್ಥ್ಯದಲ್ಲಿ ಪಳೆಯುಳಿಕೆಯೇತರ ಹಾಗೂ ನವೀಕರಿಸಬಹುದಾದ ಇಂಧನ ಮೂಲಗಳ ಪಾಲು ಈಗ ಪಳೆಯುಳಿಕೆ ಇಂಧನಕ್ಕಿಂತ ಹೆಚ್ಚಾಗಿದೆ ಎಂದು ಕೇಂದ್ರ ಹೊಸ ಮತ್ತು ನವೀಕರಿಸಬಹುದಾದ ಇಂಧನ ಸಚಿವ ಪ್ರಲ್ಹಾದ ಜೋಶಿ ತಿಳಿಸಿದ್ದಾರೆ.
ಒಟ್ಟು ವಿದ್ಯುತ್ ಸಾಮರ್ಥ್ಯ 5.20 ಲಕ್ಷ ಮೆಗಾವ್ಯಾಟ್ : ಜನವರಿ 31ರ ವೇಳೆಗೆ ದೇಶದ ಒಟ್ಟು ಸ್ಥಾಪಿತ ವಿದ್ಯುತ್ ಉತ್ಪಾದನಾ ಸಾಮರ್ಥ್ಯ 5,20,511 ಮೆಗಾವ್ಯಾಟ್ ಆಗಿದೆ.
ಇದರಲ್ಲಿ ಪಳೆಯುಳಿಕೆ ಇಂಧನ ಮೂಲಗಳು – 2,48,542 ಮೆಗಾವ್ಯಾಟ್ (ಶೇ.47.7), ಪಳೆಯುಳಿಕೆಯೇತರ ಇಂಧನ ಮೂಲಗಳು – 2,71,969 ಮೆಗಾವ್ಯಾಟ್ (ಶೇ.52.3), ಒಟ್ಟು ಸಾಮರ್ಥ್ಯದಲ್ಲಿ ನವೀಕರಿಸಬಹುದಾದ ಇಂಧನ ಮೂಲಗಳ ಪಾಲು 2,63,189 ಮೆಗಾವ್ಯಾಟ್ (ಶೇ.50.6) ಆಗಿದೆ. 2025–26ರಲ್ಲಿ 52,536 ಮೆಗಾವ್ಯಾಟ್ ಸೇರ್ಪಡೆ
2025–26ರ ಆರ್ಥಿಕ ವರ್ಷದಲ್ಲಿ ದೇಶದಲ್ಲಿ ಒಟ್ಟು 52,536.49 ಮೆಗಾವ್ಯಾಟ್ ಹೊಸ ವಿದ್ಯುತ್ ಉತ್ಪಾದನಾ ಸಾಮರ್ಥ್ಯ ಸೇರಿಸಲಾಗಿದೆ. ಇದರಲ್ಲಿ ನವೀಕರಿಸಬಹುದಾದ ಇಂಧನ – 43,026.49 ಮೆಗಾವ್ಯಾಟ್, ಕಲ್ಲಿದ್ದಲು ಆಧಾರಿತ ಉಷ್ಣಶಕ್ತಿ – 8,810 ಮೆಗಾವ್ಯಾಟ್, ಪರಮಾಣು ವಿದ್ಯುತ್ – 700 ಮೆಗಾವ್ಯಾಟ್, ಅನಿಲ ಆಧಾರಿತ ವಿದ್ಯುತ್ ಉತ್ಪಾದನೆಯಲ್ಲಿ ಯಾವುದೇ ಹೊಸ ಸೇರ್ಪಡೆ ಆಗಿಲ್ಲ.
ಸೌರಶಕ್ತಿ ದೊಡ್ಡ ಕೊಡುಗೆ: ನವೀಕರಿಸಬಹುದಾದ ಇಂಧನ ಕ್ಷೇತ್ರದಲ್ಲಿ ಸೌರಶಕ್ತಿಯೇ ಅಗ್ರಸ್ಥಾನದಲ್ಲಿದೆ. ಸೇರಿಸಲಾದ ಸಾಮರ್ಥ್ಯದಲ್ಲಿ ಸೌರಶಕ್ತಿ – 34,955.24 ಮೆಗಾವ್ಯಾಟ್, ಗಾಳಿ ಶಕ್ತಿ – 4,612.58 ಮೆಗಾವ್ಯಾಟ್, ಹೈಡ್ರೋ ವಿದ್ಯುತ್ – 3,370 ಮೆಗಾವ್ಯಾಟ್, ಜೈವಿಕ ಶಕ್ತಿ – 30.61 ಮೆಗಾವ್ಯಾಟ್, ಸಣ್ಣ ಜಲ ವಿದ್ಯುತ್ – 58.06 ಮೆಗಾವ್ಯಾಟ್ ಸೇರಿದೆ.
ಪಳೆಯುಳಿಕೆ ಇಂಧನ ಸ್ಥಿತಿ: ಪಳೆಯುಳಿಕೆ ಇಂಧನ ಮೂಲಗಳಲ್ಲಿ ಕಲ್ಲಿದ್ದಲು – 2,21,210 ಮೆಗಾವ್ಯಾಟ್ (ಶೇ.42.5), ಲಿಗ್ನೈಟ್ – 6,620 ಮೆಗಾವ್ಯಾಟ್ (ಶೇ.1.3), ಅನಿಲ – 20,122 ಮೆಗಾವ್ಯಾಟ್ (ಶೇ.3.9), ಡೀಸೆಲ್ – 589 ಮೆಗಾವ್ಯಾಟ್ (ಶೇ.0.1) ಒಟ್ಟು ಪಳೆಯುಳಿಕೆ ಇಂಧನದಿಂದ 2,48,542 ಮೆಗಾವ್ಯಾಟ್ ವಿದ್ಯುತ್ ಉತ್ಪಾದನಾ ಸಾಮರ್ಥ್ಯ ಇದೆ.
ಹಸಿರು ಇಂಧನದ ಬೆಳವಣಿಗೆ: ನವೀಕರಿಸಬಹುದಾದ ಇಂಧನದಲ್ಲಿ ಗಾಳಿ – 54,650 ಮೆಗಾವ್ಯಾಟ್, ಸೌರ – 1,40,602 ಮೆಗಾವ್ಯಾಟ್, ಜೈವಿಕ ಶಕ್ತಿ – 10,757 ಮೆಗಾವ್ಯಾಟ್, ತ್ಯಾಜ್ಯದಿಂದ ವಿದ್ಯುತ್ – 857 ಮೆಗಾವ್ಯಾಟ್, ಸಣ್ಣ ಹೈಡ್ರೋ – 5,159 ಮೆಗಾವ್ಯಾಟ್ ಇದರಿಂದ ದೇಶದಲ್ಲಿ ಹಸಿರು ಇಂಧನ ಬಳಕೆ ವೇಗವಾಗಿ ಹೆಚ್ಚುತ್ತಿರುವುದು ಸ್ಪಷ್ಟವಾಗಿದೆ.
ಸಚಿವ ಪ್ರಲ್ಹಾದ ಜೋಶಿ ಅವರ ಪ್ರಕಾರ, ನವೀಕರಿಸಬಹುದಾದ ಇಂಧನದ ಬಳಕೆಯನ್ನು ಹೆಚ್ಚಿಸುವ ಮೂಲಕ ಭಾರತ ಸ್ವಚ್ಛ ಇಂಧನ ಹಾಗೂ ಪರಿಸರ ಸ್ನೇಹಿ ವಿದ್ಯುತ್ ಉತ್ಪಾದನೆಗೆ ಹೆಚ್ಚಿನ ಆದ್ಯತೆ ನೀಡುತ್ತಿದೆ.
