ಕನ್ನಡ ಕಿರುತೆರೆಯ ಅತೀ ದೊಡ್ಡ ರಿಯಾಲಿಟಿ ಶೋ ‘ಬಿಗ್ ಬಾಸ್ ಕನ್ನಡ ಸೀಸನ್ 13’ ಆರಂಭಕ್ಕೆ ಈಗ ಕೌಂಟ್ಡೌನ್ ಶುರುವಾಗಿದೆ. ಅಭಿನಯ ಚಕ್ರವರ್ತಿ ಕಿಚ್ಚ ಸುದೀಪ್ ಅವರ ಖಡಕ್ ನಿರೂಪಣೆಯಲ್ಲಿ ಮೂಡಿಬರಲಿರುವ ಈ ಶೋ ಬಗ್ಗೆ ಪ್ರೇಕ್ಷಕರಲ್ಲಿ ಭಾರಿ ಕುತೂಹಲ ಮನೆಮಾಡಿದೆ.
ಸೆಪ್ಟೆಂಬರ್ 6 ರಂದು ಅದ್ಧೂರಿಯಾಗಿ ಚಾಲನೆ ಸಿಗಲಿದ್ದು, ಈ ಬಾರಿ ಯಾರೆಲ್ಲ ದೊಡ್ಮನೆ ಸೇರಲಿದ್ದಾರೆ ಎಂಬ ಸಂಭಾವ್ಯ ಪಟ್ಟಿ ಈಗ ಸಾಮಾಜಿಕ ಜಾಲತಾಣಗಳಲ್ಲಿ ಭಾರಿ ವೈರಲ್ ಆಗಿದೆ.
ಈ ಸೀಸನ್ನಲ್ಲಿ ಒಟ್ಟು 18 ಸ್ಪರ್ಧಿಗಳು ಭಾಗವಹಿಸಲಿದ್ದಾರೆ. ವಿಶೇಷವೆಂದರೆ, ಇದರಲ್ಲಿ ಮೂವರು ‘ಅಗ್ನಿಪರೀಕ್ಷೆ’ಯಲ್ಲಿ ಗೆದ್ದು ಬಂದ ಸಾಮಾನ್ಯ ಜನರಿಂದ ಆಯ್ಕೆಯಾದವರಾದರೆ, ಉಳಿದ 15 ಮಂದಿ ವಿವಿಧ ರಂಗದ ಸೆಲೆಬ್ರಿಟಿಗಳಾಗಿದ್ದಾರೆ.
ಕಿರುತೆರೆ ಮತ್ತು ಕಾಮಿಡಿ ಲೋಕದಿಂದ ‘ಗಿಚ್ಚಿ ಗಿಲಿಗಿಲಿ’ ಖ್ಯಾತಿಯ ಹುಲಿ ಕಾರ್ತಿಕ್, ಪ್ರಶಾಂತ್ ಮತ್ತು ಅನನ್ಯ ಅಮರ್ ಅವರ ಹೆಸರುಗಳು ಮುಂಚೂಣಿಯಲ್ಲಿವೆ. ಇವರ ಕಾಮಿಡಿ ಟೈಮಿಂಗ್ ಬಿಗ್ ಬಾಸ್ ಮನೆಗೆ ಭರ್ಜರಿ ಮನರಂಜನೆ ನೀಡಲಿದೆ ಎಂಬ ನಿರೀಕ್ಷೆಯಿದೆ.
ಇನ್ನು ಸೀರಿಯಲ್ ಲೋಕದ ತಾರೆಯರಾದ ‘ಅಣ್ಣಯ್ಯ’ ಖ್ಯಾತಿಯ ಸುಶ್ಮಿತ್ ಜೈನ್ (ಜಿಮ್ ಸೀನ), ‘ಭಾಗ್ಯಲಕ್ಷ್ಮಿ’ ಧಾರಾವಾಹಿಯ ತಾಂಡವ್ ಖ್ಯಾತಿಯ ಸುದರ್ಶನ್ ರಂಗಪ್ರಸಾದ್, ‘ಗಂಧದ ಗುಡಿ’ ಹೀರೋ ಭವಿಷ್ ಗೌಡ ಮತ್ತು ‘ಅಗ್ನಿಸಾಕ್ಷಿ’ ಖ್ಯಾತಿಯ ರಾಜೇಶ್ ಧ್ರುವ ದೊಡ್ಮನೆ ಪ್ರವೇಶಿಸುವುದು ಬಹುತೇಕ ಖಚಿತ ಎನ್ನಲಾಗುತ್ತಿದೆ.
ಸಿನಿಮಾ ವಿಭಾಗದಿಂದ ರಿಷಬ್ ಶೆಟ್ಟಿ ನಾಯಕಿ ತಪಸ್ವಿನಿ ಪೂಣಚ್ಚ, ‘ಭಾರ್ಗವಿ ಎಲ್ಎಲ್ಬಿ’ ಖ್ಯಾತಿಯ ರಾಧಾ ಭಗವತಿ ಮತ್ತು ಮಾಡೆಲ್ ಸೌಂದರ್ಯ ಶೆಟ್ಟಿ ಹೆಸರುಗಳು ಕೇಳಿಬರುತ್ತಿವೆ. ‘ಮಹಾನಟಿ’ ಖ್ಯಾತಿಯ ಗಗನ ಭಾರಿ ಕೂಡ ಈ ಬಾರಿ ಕಂಟೆಸ್ಟೆಂಟ್ ಆಗಿ ಕಾಣಿಸಿಕೊಳ್ಳುವ ಸಾಧ್ಯತೆಯಿದೆ.
ವಿಶೇಷವಾಗಿ ಉತ್ತರ ಕರ್ನಾಟಕದ ಜನಪ್ರಿಯ ಸೋಶಿಯಲ್ ಮೀಡಿಯಾ ಸ್ಟಾರ್ ಪ್ರಕಾಶ್ ಆರ್.ಕೆ ಅವರ ಎಂಟ್ರಿ ಬಗ್ಗೆ ಭಾರಿ ಚರ್ಚೆ ನಡೆಯುತ್ತಿದೆ. ಅವರ ಅಭಿಮಾನಿಗಳು ಈಗಾಗಲೇ ಸಾಮಾಜಿಕ ಜಾಲತಾಣಗಳಲ್ಲಿ ಅವರಿಗೆ ಶುಭ ಹಾರೈಸುತ್ತಿದ್ದಾರೆ. ಒಟ್ಟಿನಲ್ಲಿ ಯುವ ಪ್ರತಿಭೆಗಳು ಮತ್ತು ಅನುಭವಿಗಳ ಸಮ್ಮಿಶ್ರಣವಾಗಿರುವ ಈ ಬಾರಿಯ ಬಿಗ್ ಬಾಸ್ ಮನೆ, ಮನರಂಜನೆಯ ಹೊಸ ಉತ್ತುಂಗಕ್ಕೇರಲು ಸಜ್ಜಾಗಿದೆ. ಸೆಪ್ಟೆಂಬರ್ 6 ರಂದು ನಡೆಯಲಿರುವ ಗ್ರ್ಯಾಂಡ್ ಓಪನಿಂಗ್ನಲ್ಲಿ ಈ ಎಲ್ಲಾ ಸಸ್ಪೆನ್ಸ್ಗಳಿಗೆ ಅಧಿಕೃತವಾಗಿ ತೆರೆಬೀಳಲಿದೆ.
