ಪ್ರಯಾಣಿಕರಿಗೆ 3% ರಿಯಾಯಿತಿಯೊಂದಿಗೆ ಹೊಸ RailOne ಆಪ್ : PNR, real-time ಟ್ರ್ಯಾಕಿಂಗ್, ಟಿಕೆಟ್ ಬುಕ್ಕಿಂಗ್ – ಎಲ್ಲವೂ RailOne ಆಪ್ನಲ್ಲಿ
ಹುಬ್ಬಳ್ಳಿ: ಭಾರತೀಯ ರೈಲ್ವೆ ತನ್ನ ಅಧಿಕೃತ ‘ಆಲ್-ಇನ್-ಒನ್’ ಸೂಪರ್ ಆ್ಯಪ್ ‘ರೈಲ್ಒನ್’ (RailOne) ಅನ್ನು ಅಧಿಕೃತವಾಗಿ ಬಿಡುಗಡೆ ಮಾಡಿದೆ. ರೈಲ್ಒನ್ ಆ್ಯಪ್ ಪ್ರಯಾಣಿಕರಿಗೆ ಎಲ್ಲಾ ಪ್ರಮುಖ ರೈಲ್ವೆ ಸೇವೆಗಳನ್ನು ಸುಲಭ, ವೇಗದ ಮತ್ತು ಅನುಕೂಲವನ್ನು ಒದಗಿಸುವ ಡಿಜಿಟಲ್ ವೇದಿಕೆಯಾಗಿ ಪರಿಣಮಿಸುತ್ತದೆ. ಈ ಹೊಸ ಆ್ಯಪ್ ಭಾರತದ ರೈಲು ಪ್ರಯಾಣವನ್ನು ಸಮಗ್ರವಾಗಿ ಸುಧಾರಿಸಲು ಮತ್ತು ಪ್ರಯಾಣಿಕರಿಗೆ ಒಟ್ಟಾರೆ ಅನುಭವವನ್ನು ಸುಗಮಗೊಳಿಸಲು ವಿನ್ಯಾಸಗೊಳ್ಳಲಾಗಿದೆ.
ರೈಲ್ಒನ್ ಆ್ಯಪ್ನಲ್ಲಿ ಪ್ರಯಾಣಿಕರು ಕಾಯ್ದಿರಿಸಿದ (Reserved) ಟಿಕೆಟ್ಗಳು, ಕಾಯ್ದಿರಿಸದ (Unreserved) ಟಿಕೆಟ್ಗಳು, ಪ್ಲಾಟ್ಫಾರ್ಮ್ ಟಿಕೆಟ್ಗಳು ಮತ್ತು ಸೀಸನ್ ಟಿಕೆಟ್ಗಳನ್ನು ಸಹ ಬುಕ್ ಮಾಡಬಹುದು. ಇದಲ್ಲದೆ PNR ಸ್ಥಿತಿ, ಕೋಚ್ ವಿವರ, ಈಗ ರೈಲು ಎಲ್ಲಿದೆ ಎನ್ನುವ ನೈಜ-ಸಮಯ (real-time) ಟ್ರ್ಯಾಕಿಂಗ್ ಮಾಹಿತಿ ಸೇರಿದಂತೆ ಹಲವು ಉತ್ತಮ ವೈಶಿಷ್ಟ್ಯಗಳನ್ನು ಈ ಆಪ್ ಒದಗಿಸುತ್ತದೆ.
ಇದನ್ನೂ ಓದಿ: ಹುಬ್ಬಳ್ಳಿಯಲ್ಲಿ ಮತ್ತೆ ಚಿರತೆ ಆತಂಕ: ಸಭಾಪತಿ ಹೊರಟ್ಟಿ ಅವರ ತೋಟದಲ್ಲಿ ಪ್ರತ್ಯಕ್ಷ
ಡಿಜಿಟಲ್ ಟಿಕೆಟ್ ಬುಕ್ಕಿಂಗ್ ಮೂಲಕ ಪ್ರಯಾಣಿಕರು ದೀರ್ಘ ಸರತಿಗಳಲ್ಲಿ ಕಾಯದೆ, ತಮ್ಮ ಟಿಕೆಟ್ಗಳನ್ನು ಕೆಲವೇ ಕ್ಷಣದಲ್ಲಿ ಪಡೆದುಕೊಳ್ಳಬಹುದು. ಇದರಿಂದ ಪ್ರಮುಖವಾಗಿ ಪ್ರಯಾಣಿಕರ ಸಂಖ್ಯೆ ಹೆಚ್ಚಿರುವ ಸಮಯಗಳಲ್ಲಿ ಇದು ಹೆಚ್ಚಿನ ಸಹಾಯಕ್ಕೆ ಬರಲಿದೆ.
ರೈಲ್ಒನ್ ಆಪ್ ಮೂಲಕ ಕಾಯ್ದಿರಿಸದ ಟಿಕೆಟ್ಗಳನ್ನು ಬುಕ್ ಮಾಡುವ ಪ್ರಯಾಣಿಕರಿಗೆ ಎಲ್ಲಾ ಪ್ರಮುಖ ಡಿಜಿಟಲ್ ಪಾವತಿ ವಿಧಾನಗಳಲ್ಲಿ – ಯುಪಿಐ, ಡೆಬಿಟ್ ಕಾರ್ಡ್, ಕ್ರೆಡಿಟ್ ಕಾರ್ಡ್, ನೆಟ್-ಬ್ಯಾಂಕಿಂಗ್ ಮತ್ತು ಇತರ ಪಾವತಿ ಆಯ್ಕೆಗಳಲ್ಲಿ 3% ರಿಯಾಯಿತಿ ನೀಡಲಾಗುತ್ತದೆ. ಈ ವಿಶೇಷ ರಿಯಾಯಿತಿ 14 ಜನವರಿ 2026ರಿಂದ ಜಾರಿಗೆ ಬಂದಿದೆ. ಈ ಕೊಡುಗೆಯು ಪ್ರಯಾಣಿಕರನ್ನು ಡಿಜಿಟಲ್ ಟಿಕೆಟ್ ಬುಕಿಂಗ್ಗಾಗಿ ಪ್ರೋತ್ಸಾಹಿಸುವುದರಲ್ಲಿ ಸಹ ಪ್ರಮುಖ ಪಾತ್ರ ವಹಿಸುತ್ತದೆ.
ಇದನ್ನೂ ಓದಿ: ಕಂಬಳದ ಇತಿಹಾಸಕ್ಕೆ ಜೀವ ತುಂಬಿದ ವೀರೇಂದ್ರ ಹೆಗ್ಗಡೆ: ವೀರ ಕಂಬಳ ಚಿತ್ರ ತೆರೆಗೆ ಸಿದ್ಧ
ರೈಲ್ಒನ್ ಆಪ್ ಗೂಗಲ್ ಪ್ಲೇ ಸ್ಟೋರ್ ಮತ್ತು ಐಒಎಸ್ ಆಪ್ ಸ್ಟೋರ್ನಲ್ಲಿ ಉಚಿತವಾಗಿ ಲಭ್ಯವಿದೆ. ಪ್ರಯಾಣಿಕರು ಈ ಆಪ್ ಅನ್ನು ಡೌನ್ಲೋಡ್ ಮಾಡಿ, ಅದರ ಬಳಕೆದಾರ ಸ್ನೇಹಿ ವೈಶಿಷ್ಟ್ಯಗಳು ಮತ್ತು ಪ್ರಯೋಜನಗಳ ಲಾಭವನ್ನು ಪಡೆದುಕೊಳ್ಳಬೇಕೆಂದು ರೈಲ್ವೆಯು ಪ್ರೋತ್ಸಾಹಿಸಿದೆ.
ಇದಕ್ಕೆ ಜೊತೆಗೆ, ಭಾರತೀಯ ರೈಲ್ವೆ ತನ್ನ ಹಳೆಯ ‘ಯುಟಿಎಸ್ ಆನ್ ಮೊಬೈಲ್’ (UTS on Mobile) ಆಪ್-ನ್ನು ಹಂತ ಹಂತವಾಗಿ ಮಾರ್ಚ್ 1, 2026ರಿಂದ ಸ್ಥಗಿತಗೊಳಿಸಲಿದೆ, ಅದರಲ್ಲಿ ಕೆಲವು ಸೇವೆಗಳು ಈಗಾಗಲೇ ಹಂತ ಹಂತವಾಗಿ ಸ್ಥಗಿತಗೊಂಡಿವೆ.
ಇದನ್ನೂ ಓದಿ: ಹಿರಿಯ ಪತ್ರಕರ್ತ, ಮಾಜಿ ವಿಧಾನ ಪರಿಷತ್ ಸದಸ್ಯ ಪಿ. ರಾಮಯ್ಯ ನಿಧನ
☑️ ಯುಟಿಎಸ್ ಆಪ್ನಲ್ಲಿ ಸೀಸನ್ ಟಿಕೆಟ್ ಬುಕ್ಕಿಂಗ್, ನವೀಕರಣ ಮತ್ತು ಹೊಸ ಬಳಕೆದಾರರ ನೋಂದಣಿ ಈಗಾಗಲೇ ಸ್ಥಗಿತವಾಗಿದೆ.
☑️ ಪ್ಲಾಟ್ಫಾರ್ಮ್ ಟಿಕೆಟ್ ಬುಕ್ಕಿಂಗ್ ಮತ್ತು ಆರ್-ವಾಲ್ಲೆಟ್ (R-Wallet) ಟಾಪ್-ಅಪ್ ಸೌಲಭ್ಯವೂ ಸ್ಥಗಿತವಾಗಿದೆ.
☑️ ಈಗಿನ ಯುಟಿಎಸ್ ಆಪ್ ಆವೃತ್ತಿಯನ್ನು ಅಪ್ಡೇಟ್ ಮಾಡಿದ ಅಥವಾ ಡೌನ್ಲೋಡ್ ಮಾಡಿದ ಬಳಕೆದಾರರು ಪ್ಲಾಟ್ಫಾರ್ಮ್ ಟಿಕೆಟ್ ಬುಕ್ ಅಥವಾ R-Wallet ರೀಚಾರ್ಜ್ ಮಾಡಲು ಅನುಮತಿ ಪಡೆಯುವುದಿಲ್ಲ.
ಇದನ್ನೂ ಓದಿ: ಶಾಲೆಯಲ್ಲಿ ಗುಂಡಿನ ದಾಳಿ: ಗನ್ಮ್ಯಾನ್ ಸೇರಿ 10 ಮಂದಿ ಸಾವು
ಈ ವಿಷಯವನ್ನು ಗಮನದಲ್ಲಿಟ್ಟುಕೊಂಡು, ರೈಲ್ವೆ ಪ್ರಯಾಣಿಕರು ತಮ್ಮ ಎಲ್ಲಾ ಟಿಕೆಟ್ ಸಂಬಂಧಿತ ಚಟುವಟಿಕೆಗಳಿಗೆ “ರೈಲ್ಒನ್” ಆಪ್ಗೆ ಬದಲಾಯಿಸಲು ಸೂಚಿಸಲಾಗಿದೆ. ಡಿಜಿಟಲ್ ಪರಿವರ್ತನೆ ಮತ್ತು ನವೀನ ತಂತ್ರಜ್ಞಾನ ಪರಿಹಾರಗಳ ಮೂಲಕ ಭಾರತೀಯ ರೈಲ್ವೆ ತನ್ನ ಸೇವೆಯನ್ನು ಮತ್ತಷ್ಟು ಸುಧಾರಿಸಲು ಬದ್ಧವಾಗಿದೆ.
