ಹುಬ್ಬಳ್ಳಿ: ಹೋಳಿ ಹಬ್ಬದ ಹಿನ್ನೆಲೆಯಲ್ಲಿ ಪ್ರಯಾಣಿಕರ ಹೆಚ್ಚಿದ ಸಂಚಾರವನ್ನು ಗಮನದಲ್ಲಿಟ್ಟುಕೊಂಡು South Western Railway (ನೈಋತ್ಯ ರೈಲ್ವೆ) ವಿಶೇಷ ವ್ಯವಸ್ಥೆಗಳನ್ನು ಕೈಗೊಂಡಿದೆ. ಮಾರ್ಚ್ 1ರಿಂದ ಮಾರ್ಚ್ 31ರವರೆಗೆ ಒಂದು ತಿಂಗಳ ಅವಧಿಯಲ್ಲಿ ಒಟ್ಟು 56 ಹೋಳಿ ವಿಶೇಷ ರೈಲುಗಳನ್ನು 856 ಟ್ರಿಪ್ಗಳೊಂದಿಗೆ ಕಾರ್ಯಾಚರಣೆಗೊಳಿಸಲಾಗುತ್ತಿದೆ ಎಂದು ಪ್ರಕಟಣೆ ತಿಳಿಸಿದೆ.
ಹಬ್ಬದ ಸಂದರ್ಭಗಳಲ್ಲಿ ಪ್ರಯಾಣಿಕರ ಸಂಖ್ಯೆ ಗಣನೀಯವಾಗಿ ಹೆಚ್ಚಾಗುವ ಹಿನ್ನೆಲೆ, ಸುರಕ್ಷಿತ ಹಾಗೂ ಸುಗಮ ಪ್ರಯಾಣಕ್ಕೆ ಆದ್ಯತೆ ನೀಡಲಾಗಿದೆ ಎಂದು ರೈಲ್ವೆ ಇಲಾಖೆ ಸ್ಪಷ್ಟಪಡಿಸಿದೆ.
ಇದನ್ನೂ ಓದಿ: ಹುಬ್ಬಳ್ಳಿಯಲ್ಲಿ 59 ಲಕ್ಷ ಮೌಲ್ಯದ 24 ಕೆ.ಜಿ. ಬೆಳ್ಳಿ ಆಭರಣ ಕಳವು
ವಿಶೇಷ ರೈಲುಗಳ ವಿವರ: 28 ಹೋಳಿ ವಿಶೇಷ ರೈಲುಗಳು (130 ಟ್ರಿಪ್ಗಳು): ಇತರ ರೈಲ್ವೆ ವಲಯಗಳಿಗೆ, 28 ಇಂಟ್ರಾ-ರೈಲ್ವೆ ವಿಶೇಷ ರೈಲುಗಳು (726 ಟ್ರಿಪ್ಗಳು): ನೈಋತ್ಯ ರೈಲ್ವೆ ವ್ಯಾಪ್ತಿಯಲ್ಲಿ, ಇತರ ವಲಯಗಳ ಸಹಯೋಗದಲ್ಲಿ 14 ವಿಶೇಷ ರೈಲುಗಳು (134 ಟ್ರಿಪ್ಗಳು)
ಪ್ರಮುಖ ಜಂಕ್ಷನ್ಗಳಿಗೆ ಸಂಚಾರ: ವಿಶೇಷ ರೈಲುಗಳು ದೇಶದ ಪ್ರಮುಖ ಜಂಕ್ಷನ್ಗಳಾದ ಮದರ ಜಂಕ್ಷನ್, ಕೋಲಂ ಜಂಕ್ಷನ್, ತಿರುವನಂತಪುರಂ ನಾರ್ತ್, ಕಲಬುರಗಿ, ಬೀದರ್, ಧನ್ಬಾದ್ ಜಂಕ್ಷನ್, ಯೋಗ ನಗರಿ ರಿಷಿಕೇಶ್, ಮಾಲ್ಡಾ ಟೌನ್, ಹಜರತ್ ನಿಜಾಮುದ್ದೀನ್ ಜಂಕ್ಷನ್, ಮುಜಾಫರ್ಪುರ ಜಂಕ್ಷನ್, ದಾನಾಪುರ, ಜೋಧ್ಪುರ ಸೇರಿದಂತೆ ವಿವಿಧ ಕಡೆಗಳಿಗೆ ಸಂಚರಿಸಲಿವೆ.
ಇದನ್ನೂ ಓದಿ: ಸಾಮಾಜಿಕ ಜಾಲತಾಣಕ್ಕೆ ವೀಲಿಂಗ್ : ಪೊಲೀಸ್ ಬಲೆಗೆ ಸಿಕ್ಕ ಸವಾರ
ಇಂಟ್ರಾ-ರೈಲ್ವೆ ಮಾರ್ಗಗಳು: ನೈಋತ್ಯ ರೈಲ್ವೆ ವ್ಯಾಪ್ತಿಯೊಳಗೆ ಹುಬ್ಬಳ್ಳಿ–ವಿಜಯಪುರ, ಯಶವಂತಪುರ ಜಂಕ್ಷನ್–ಹಿಂಡುಪುರ, ಕೆಎಸ್ಆರ್ ಬೆಂಗಳೂರು ಸಿಟಿ ಜಂಕ್ಷನ್–ಅಶೋಕಪುರಂ, ಬೆಂಗಳೂರು ಸಿಟಿ–ಹಾಸನ್ ಸೇರಿದಂತೆ ಹಲವು ಮಾರ್ಗಗಳಲ್ಲಿ ವಿಶೇಷ ರೈಲುಗಳನ್ನು ಓಡಿಸಲಾಗುತ್ತಿದೆ.
ರೈಲ್ವೆ ಅಧಿಕಾರಿಗಳು ಹೋಳಿ ಹಬ್ಬದ ದಿನಗಳಲ್ಲಿ ಹೆಚ್ಚುವರಿ ಆರ್ಪಿಎಫ್ ಸಿಬ್ಬಂದಿ ನಿಯೋಜನೆ, ಪ್ರಮುಖ ನಿಲ್ದಾಣಗಳಲ್ಲಿ ತಾತ್ಕಾಲಿಕ ಸಹಾಯ ಕೌಂಟರ್ಗಳು, ಮತ್ತು ಪ್ರಯಾಣಿಕರಿಗೆ ಕುಡಿಯುವ ನೀರು ಹಾಗೂ ಸ್ವಚ್ಛತಾ ಸೌಲಭ್ಯಗಳನ್ನು ಹೆಚ್ಚಿಸುವ ಕ್ರಮಗಳನ್ನು ಕೈಗೊಂಡಿದ್ದಾರೆ. ಟಿಕೆಟ್ ಬುಕ್ಕಿಂಗ್ ವೇಗಗೊಳಿಸಲು ಹೆಚ್ಚುವರಿ ಕೌಂಟರ್ಗಳನ್ನೂ ತೆರೆಯಲಾಗಿದೆ.
ಇದನ್ನೂ ಓದಿ: ಕಲಬುರಗಿ: ಹುಸಿ ಬಾಂಬ್ ಬೆದರಿಕೆ – ಕೋರ್ಟ್ ಕಲಾಪ ರದ್ದು
ಪ್ರಯಾಣಿಕರು ತಮ್ಮ ಟಿಕೆಟ್ಗಳನ್ನು ಮುಂಗಡವಾಗಿ ಕಾಯ್ದಿರಿಸಿಕೊಂಡು, ನಿಗದಿತ ಸಮಯಕ್ಕೆ ನಿಲ್ದಾಣಗಳಿಗೆ ಆಗಮಿಸುವಂತೆ ನೈಋತ್ಯ ರೈಲ್ವೆ ಮನವಿ ಮಾಡಿದೆ.
