ಜಾಗತಿಕ ವಲಯದಲ್ಲಿ ಭಾರತೀಯ ಪ್ರತಿಭೆಯ ಮತ್ತೊಂದು ಮೈಲುಗಲ್ಲು

Microsoft ಗೇಮಿಂಗ್ Xbox ವಿಭಾಗದ ಉನ್ನತ ಹುದ್ದೆಗೆ ಭಾರತೀಯ ಮೂಲದ ಆಶಾ ಶರ್ಮಾ ನೇಮಕ

ವಿಶ್ವದ ಅಗ್ರ ತಂತ್ರಜ್ಞಾನ ಕಂಪನಿಗಳಲ್ಲೊಂದಾದ Microsoft ತನ್ನ ಗೇಮಿಂಗ್ ವಿಭಾಗದ ನೇತೃತ್ವವನ್ನು ಭಾರತೀಯ ಮೂಲದ ಉನ್ನತಾಧಿಕಾರಿ ಆಶಾ ಶರ್ಮಾ ಅವರಿಗೆ ವಹಿಸಿದೆ. Xbox ಬ್ರ್ಯಾಂಡ್ ಇತಿಹಾಸದಲ್ಲಿ ಇದು ಮಹತ್ವದ ತಿರುವು ಎಂದು ಪರಿಗಣಿಸಲಾಗಿದೆ.

38 ವರ್ಷಗಳ ಸುದೀರ್ಘ ಸೇವೆ ಸಲ್ಲಿಸಿದ ಫಿಲ್ ಸ್ಪೆನ್ಸರ್ ನಿವೃತ್ತಿ ಘೋಷಿಸಿದ ಹಿನ್ನೆಲೆಯಲ್ಲಿ ಈ ನೇಮಕಾತಿ ನಡೆದಿದೆ. ಅವರು ಈ ಬೇಸಿಗೆವರೆಗೆ ಸಲಹೆಗಾರರಾಗಿ ಮುಂದುವರಿದು ನಂತರ ಸಂಪೂರ್ಣ ನಿವೃತ್ತಿಯಾಗಲಿದ್ದಾರೆ.

ಇದನ್ನೂ ಓದಿ: ಕನ್ನಡದ ಮೊದಲ AI ಅನುವಾದಿತ ಪುಸ್ತಕ ಗೌಹರ್ ಜಾನ್

EVP & CEO ಆಗಿ ನೇಮಕ : ಆಶಾ ಶರ್ಮಾ ಅವರನ್ನು ಮೈಕ್ರೋಸಾಫ್ಟ್ ಗೇಮಿಂಗ್‌ನ ಕಾರ್ಯನಿರ್ವಾಹಕ ಉಪಾಧ್ಯಕ್ಷ ಹಾಗೂ ಮುಖ್ಯ ಕಾರ್ಯನಿರ್ವಾಹಕ ಅಧಿಕಾರಿ (EVP & CEO) ಆಗಿ ನೇಮಿಸಲಾಗಿದೆ. ಅವರು ನೇರವಾಗಿ ಮೈಕ್ರೋಸಾಫ್ಟ್ ಅಧ್ಯಕ್ಷ ಹಾಗೂ ಸಿಇಒ ಸತ್ಯ ನಾಡೆಲ್ಲಾ ಅವರಿಗೆ ವರದಿ ಮಾಡಿಕೊಳ್ಳಲಿದ್ದಾರೆ.

ಇದೇ ವೇಳೆ ಮ್ಯಾಟ್ ಬೂಟಿ ಅವರನ್ನು ಗೇಮ್ ಕಂಟೆಂಟ್ ಮತ್ತು ಸ್ಟುಡಿಯೋಸ್ ಅಧ್ಯಕ್ಷರಾಗಿ ನೇಮಕ ಮಾಡಲಾಗಿದೆ. ‘Call of Duty’ ಮತ್ತು ‘Halo’ ಸೇರಿದಂತೆ 40ಕ್ಕೂ ಹೆಚ್ಚು ಸ್ಟುಡಿಯೋಗಳ ಸೃಜನಶೀಲ ನಿರ್ದೇಶನ ಅವರ ಹೊಣೆಗಾರಿಕೆಯಾಗಲಿದೆ.

ಇದನ್ನೂ ಓದಿ: AI ಇಂಪ್ಯಾಕ್ಟ್ ಶೃಂಗಸಭೆ: ಭಾರತದ ನಾಯಕತ್ವಕ್ಕೆ ಜಾಗತಿಕ ಮಾನ್ಯತೆ

ಡಿಜಿಟಲ್ ಪ್ಲಾಟ್‌ಫಾರ್ಮ್ ಅನುಭವ: ಆಶಾ ಶರ್ಮಾ 2024ರಲ್ಲಿ ಮೈಕ್ರೋಸಾಫ್ಟ್‌ಗೆ ಸೇರ್ಪಡೆಯಾಗಿದ್ದರು. ಸೇರ್ಪಡೆಗೂ ಮುನ್ನ ಅವರು ಇನ್‌ಸ್ಟಾ ಕಾರ್ಟ್‌ನಲ್ಲಿ ಮುಖ್ಯ ಕಾರ್ಯಾಚರಣಾ ಅಧಿಕಾರಿ (COO) ಆಗಿ ಸೇವೆ ಸಲ್ಲಿಸಿದ್ದರು. ಅದಕ್ಕೂ ಮೊದಲು ಮೆಟಾ (ಫೇಸ್‌ಬುಕ್) ಸಂಸ್ಥೆಯಲ್ಲಿ ಮೆಸೆಂಜರ್ ಮತ್ತು ಇನ್‌ಸ್ಟಾಗ್ರಾಮ್ ಡೈರೆಕ್ಟ್ ಸೇವೆಗಳ ಅಭಿವೃದ್ಧಿಯಲ್ಲಿ ಪ್ರಮುಖ ಪಾತ್ರವಹಿಸಿದ್ದರು.

ಸಾಂಪ್ರದಾಯಿಕ ಗೇಮಿಂಗ್ ಉದ್ಯಮದ ಹಿನ್ನೆಲೆ ಇಲ್ಲದಿದ್ದರೂ, ಕೋಟ್ಯಂತರ ಬಳಕೆದಾರರನ್ನು ಹೊಂದಿದ ಡಿಜಿಟಲ್ ಪ್ಲಾಟ್‌ಫಾರ್ಮ್‌ಗಳನ್ನು ನಿರ್ವಹಿಸಿದ ಅನುಭವವು ಅವರ ಬಲವಾಗಿದೆ.

ಇದನ್ನೂ ಓದಿ: YUVIKA-2026: ಮಕ್ಕಳಿಗೆ ISROದಿಂದ ಬಾಹ್ಯಾಕಾಶ ತರಬೇತಿ ಅವಕಾಶ

CEO ಸತ್ಯ ನಾಡೆಲ್ಲಾವಿಶ್ವಾಸ : ಸಿಇಒ ಸತ್ಯ ನಾಡೆಲ್ಲಾ ಅವರು ಶರ್ಮಾ ಅವರ “ಪ್ಲಾಟ್‌ಫಾರ್ಮ್ ನಿರ್ಮಾಣ ಸಾಮರ್ಥ್ಯ” ಹಾಗೂ ಬಳಕೆದಾರರ ಕುರಿತು ಇರುವ “ನೈಜ ಕುತೂಹಲ”ವನ್ನು ನೇಮಕಾತಿಯ ಪ್ರಮುಖ ಕಾರಣವೆಂದು ಹೇಳಿದ್ದಾರೆ.

AI ಮತ್ತು ಕ್ಲೌಡ್ ಒಕ್ಕೂಟ: ತಂತ್ರಜ್ಞಾನ ವಲಯದ ತಜ್ಞರ ಪ್ರಕಾರ, ಮೈಕ್ರೋಸಾಫ್ಟ್‌ನ ಕ್ಲೌಡ್ ಹಾಗೂ ಕೃತಕ ಬುದ್ಧಿಮತ್ತೆ ತಂತ್ರಜ್ಞಾನವನ್ನು Xbox ವ್ಯವಸ್ಥೆಯಲ್ಲಿ ಆಳವಾಗಿ ಅಳವಡಿಸುವುದು ಶರ್ಮಾ ಅವರ ಮೊದಲ ಆದ್ಯತೆಯಾಗಲಿದೆ.

ಇದನ್ನೂ ಓದಿ: ಹುಬ್ಬಳ್ಳಿಯಲ್ಲಿ ರಣಜಿ ಫೈನಲ್: ಕರ್ನಾಟಕ ತಂಡ ಪ್ರಕಟ-ಭರ್ಜರಿ ಸಿದ್ಧತೆ

ಗೇಮ್ ಅಭಿವೃದ್ಧಿ – ವೆಚ್ಚ ಕಡಿತ: AI ಆಧಾರಿತ ಕಸ್ಟಮೈಸ್ ಆಟಗಾರರ ಅನುಭವ, ಕ್ಲೌಡ್ ಗೇಮಿಂಗ್ ವಿಸ್ತರಣೆ, ಡೆವಲಪರ್‌ಗಳಿಗೆ ಸುಧಾರಿತ ಸಾಧನಗಳು ಈ ದಿಕ್ಕಿನಲ್ಲಿ ಹೊಸ ಘೋಷಣೆಗಳು ಶೀಘ್ರದಲ್ಲೇ ಬರಬಹುದೆಂಬ ನಿರೀಕ್ಷೆ ಇದೆ.

ಜಾಗತಿಕ ಭಾರತೀಯ ನಾಯಕತ್ವ : ಇದೀಗ Google ಸಿಇಒ ಸುಂದರ್ ಪಿಚೈ ಹಾಗೂ Adobe ಸಿಇಒ ಶಂತನು ನಾರಾಯಣ್ ಸೇರಿದಂತೆ ಅನೇಕ ಜಾಗತಿಕ ತಂತ್ರಜ್ಞಾನ ಕಂಪನಿಗಳ ನೇತೃತ್ವ ಭಾರತೀಯ ಮೂಲದವರ ಕೈಯಲ್ಲಿರುವ ಹಿನ್ನೆಲೆ, ಆಶಾ ಶರ್ಮಾ ಅವರ ನೇಮಕ ಮತ್ತೊಮ್ಮೆ ಭಾರತೀಯ ಪ್ರತಿಭೆಯ ಜಾಗತಿಕ ಪ್ರಭಾವವನ್ನು ಒತ್ತಿ ಹೇಳುತ್ತಿದೆ.

500 ದಶಲಕ್ಷಕ್ಕೂ ಹೆಚ್ಚು ಬಳಕೆದಾರರನ್ನು ಹೊಂದಿರುವ Xbox ಪರಿಸರ ವ್ಯವಸ್ಥೆ ಈಗ ಒಬ್ಬ ಭಾರತೀಯ ಮೂಲದ ಮಹಿಳಾ ನಾಯಕಿಯ ದೂರದೃಷ್ಟಿಯ ಮಾರ್ಗದರ್ಶನದಲ್ಲಿ ಸಾಗಲಿದೆ.