ನವದೆಹಲಿ: ದೇಶದ ವಿವಿಧ ರಾಜ್ಯಗಳಲ್ಲಿ ಖಾಲಿಯಾಗಿರುವ ರಾಜ್ಯಸಭಾ ಸ್ಥಾನಗಳಿಗೆ ಇಂದು ಮತದಾನ ನಡೆಯುತ್ತಿದೆ. ಒಟ್ಟು 10 ರಾಜ್ಯಗಳ 37 ಸ್ಥಾನಗಳಿಗೆ ಚುನಾವಣೆ ನಡೆಯಲಿದ್ದು, ಇದರಲ್ಲಿನ 26 ಅಭ್ಯರ್ಥಿಗಳು ಈಗಾಗಲೇ ಅವಿರೋಧವಾಗಿ ಆಯ್ಕೆಯಾಗಿದ್ದಾರೆ.
Election Commission of India ನಿಗದಿಪಡಿಸಿದ ವೇಳಾಪಟ್ಟಿಯಂತೆ ಬೆಳಗ್ಗೆ 9 ಗಂಟೆಯಿಂದ ಸಂಜೆ 4 ಗಂಟೆಯವರೆಗೆ ಮತದಾನ ನಡೆಯಲಿದೆ. ನಂತರ ಸಂಜೆ 5 ಗಂಟೆಗೆ ಮತ ಎಣಿಕೆ ಆರಂಭವಾಗಲಿದೆ.
ಈ ಚುನಾವಣೆಯಲ್ಲಿ ಮಹಾರಾಷ್ಟ್ರದಲ್ಲಿ 7, ತಮಿಳುನಾಡಿನಲ್ಲಿ 6, ಪಶ್ಚಿಮ ಬಂಗಾಳದಲ್ಲಿ 5, ಬಿಹಾರದಲ್ಲಿ 5, ಒಡಿಶಾದಲ್ಲಿ 4, ಅಸ್ಸಾಂನಲ್ಲಿ 3, ಛತ್ತೀಸ್ಗಢದಲ್ಲಿ 2, ಹರ್ಯಾಣದಲ್ಲಿ 2, ತೆಲಂಗಾಣದಲ್ಲಿ 2 ಮತ್ತು ಹಿಮಾಚಲ ಪ್ರದೇಶದಲ್ಲಿ 1 ಸ್ಥಾನಗಳಿಗೆ ಚುನಾವಣೆ ನಡೆಯುತ್ತಿದೆ.
ಏಳು ರಾಜ್ಯಗಳ 26 ಸ್ಥಾನಗಳಿಗೆ ಅಭ್ಯರ್ಥಿಗಳು ಅವಿರೋಧವಾಗಿ ಆಯ್ಕೆ: ಅವಿರೋಧವಾಗಿ ಆಯ್ಕೆಯಾಗಿರುವವರಲ್ಲಿ ಪ್ರಮುಖವಾಗಿ ಶರದ್ ಪವಾರ್ (Sharad Pawar) ಹಾಗೂ (ರಾಮದಾಸ್ ಅಥಾವ್ಲೆ) Ramdas Athawale ಸೇರಿದಂತೆ ಹಲವು ಹಿರಿಯ ರಾಜಕೀಯ ನಾಯಕರು ಸೇರಿದ್ದಾರೆ.
ಉಳಿದ 11 ಸ್ಥಾನಗಳ ಫಲಿತಾಂಶ ಮತದಾನದ ಮೂಲಕ ನಿರ್ಧಾರವಾಗಲಿದೆ: ಸಂಬಂಧಿತ ರಾಜ್ಯಗಳ ವಿಧಾನಸಭಾ ಸದಸ್ಯರು ಮತದಾನದಲ್ಲಿ ಪಾಲ್ಗೊಳ್ಳುತ್ತಿದ್ದು, ರಾಜಕೀಯ ಪಕ್ಷಗಳ ಬಲಾಬಲದ ಆಧಾರದಲ್ಲಿ ಫಲಿತಾಂಶ ನಿರ್ಧಾರವಾಗುವ ಸಾಧ್ಯತೆ ಇದೆ.
ಚುನಾವಣೆ ನಡೆಯುತ್ತಿರುವ ರಾಜ್ಯಗಳು: ಬಿಹಾರ, ಹರಿಯಾಣ ಮತ್ತು ಒಡಿಶಾ ಸೇರಿದಂತೆ ಪ್ರಮುಖ ರಾಜ್ಯಗಳಲ್ಲಿ ಎನ್ಡಿಎ ಮತ್ತು ಇಂಡಿಯಾ ಬಣಗಳ ನಡುವೆ ತೀವ್ರ ಪೈಪೋಟಿ ಏರ್ಪಟ್ಟಿದೆ.
ಇಂದಿನ ಪೈಪೋಟಿ: ಉಳಿದ 11 ಸ್ಥಾನಗಳಿಗೆ ಇಂದು (ಮಾರ್ಚ್ 16) ಬಿಹಾರ (5), ಒಡಿಶಾ (4) ಮತ್ತು ಹರಿಯಾಣ (2) ರಾಜ್ಯಗಳಲ್ಲಿ ಮತದಾನ ನಡೆಯುತ್ತಿದೆ. ಬಿಹಾರದಲ್ಲಿ ಮುಖ್ಯಮಂತ್ರಿ ನಿತೀಶ್ ಕುಮಾರ್ ಮತ್ತು ಬಿಜೆಪಿಯ ನಿತಿನ್ ನಬಿನ್ ಪ್ರಮುಖ ಅಭ್ಯರ್ಥಿಗಳಾಗಿದ್ದಾರೆ.
ರಾಜ್ಯಸಭೆ ದೇಶದ ಸಂಸತ್ತಿನ ಮೇಲ್ಮನೆ ಆಗಿದ್ದು, ಪ್ರತಿ ರಾಜ್ಯದಿಂದ ಸದಸ್ಯರನ್ನು ವಿಧಾನಸಭಾ ಸದಸ್ಯರು ಆಯ್ಕೆ ಮಾಡುತ್ತಾರೆ. ಇಂದು ನಡೆಯುತ್ತಿರುವ ಚುನಾವಣೆ ಬಳಿಕ ರಾಜ್ಯಸಭೆಯ ಹಲವು ಸ್ಥಾನಗಳು ಹೊಸ ಸದಸ್ಯರಿಂದ ಭರ್ತಿಯಾಗಲಿವೆ.
