ಮುಂಬೈ: ಮಹಿಳಾ ಐಪಿಎಲ್ ನಲ್ಲಿ ಇಂದು ಸ್ಮೃತಿ ಮಂಧನಾ ನೇತೃತ್ವದ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡ ಮೊದಲ ಪಂದ್ಯವಾಡಲಿದೆ. ಡೆಲ್ಲಿ ಕ್ಯಾಪಿಟಲ್ಸ್ ವಿರುದ್ಧ ಇಂದು ಆರ್ಸಿಬಿ ಮೊದಲ ಪಂದ್ಯವಾಡುತ್ತಿದೆ. ಮಹಿಳೆಯರ ಆರ್ಸಿಬಿ ತಂಡ ಸ್ಟ್ರಾಂಗ್ ಆಗಿದ್ದು, ಕಪ್ ಗೆಲ್ಲುವ ಸಾಧನೆ ಮಹಿಳೆಯರು ಮಾಡಲಿದ್ದಾರೆ ಎಂಬ ವಿಶ್ವಾಸ ಅಭಿಮಾನಿಗಳಲ್ಲಿದೆ.
ಆರ್ಸಿಬಿ ತಂಡದಲ್ಲಿ ಸ್ಮೃತಿ ಮಂಧನಾ ಜೊತೆಗೆ ಎಲ್ಸಿ ಪೆರಿ, ಎರಿನ್ ಬರ್ನ್ಸ್,ಹೀದರ್ ನೈಟ್, ಸೋಫೀ ಡಿವೈನ್, ರಿಚಾ ಘೋಷ್ ಮುಂತಾದ ಘಟಾನುಘಟಿ ಆಟಗಾರರಿದ್ದಾರೆ. ಅತ್ತ ಡೆಲ್ಲಿ ತಂಡಕ್ಕೆ ಮೆಗ್ ಲ್ಯಾನಿಂಗ್ ನಾಯಕತ್ವವಿದ್ದು, ಜೆಮಿಮಾ ರೊಡ್ರಿಗಸ್, ಶಫಾಲಿ ವರ್ಮ, ಜೈಶಾ ಅಖ್ತರ್, ಲೌರಾ ಹ್ಯಾರಿಸ್ ಮುಂತಾದ ಸ್ಟಾರ್ ಆಟಗಾರರ ಬಲವಿದೆ. ಈ ಪಂದ್ಯ ಅಪರಾಹ್ನ 3.30 ಕ್ಕೆ ಆರಂಭವಾಗಲಿದೆ.
