ನವದೆಹಲಿ: ಕೋಲ್ಕತಾದಲ್ಲಿ ನಿರ್ಮಾಣವಾಗಿರುವ ದೇಶದ ಮೊದಲ ನದಿಯೊಳಗಿನ ಸುರಂಗಮಾರ್ಗವನ್ನು ಬುಧವಾರ ಪ್ರಧಾನಿ ನರೇಂದ್ರ ಮೋದಿ ಉದ್ಘಾಟಿಸಲಿದ್ದಾರೆ. ಹೂಗ್ಲಿ ನದಿಯೊಳಗೆ ಸಾಗುವ ಈ ಸುರಂಗ ಮಾರ್ಗವು ಹೌರಾ ಮೈದಾನ ಮತ್ತು ಎಸ್ಪ್ಲಾನೇಡ್ ಮೆಟ್ರೋ ವಿಭಾಗ ಮಧ್ಯೆ ಸಂಪರ್ಕ ಕಲ್ಪಿಸುತ್ತದೆ. ಈ ಜಲಸುರಂಗ ಮಾರ್ಗ ಮಾತ್ರವಲ್ಲದೆ, ಕವಿ ಸುಭಾಸ್-ಹೇಮಂತ ಮುಖ್ಯೋಪಾಧ್ಯಾಯ ಮತ್ತು ತಾರಾತಲಾ-ಮಜೆರ್ಹಟ್ ಮೆಟ್ರೋ ವಿಭಾಗಗಳಿಗೂ ಪ್ರಧಾನಿ ನಾಳೆ ಚಾಲನೆ ನೀಡಲಿದ್ದಾರೆ.
