ಯೋಗಿ ಆದಿತ್ಯನಾಥ್ ಜೀವನಗಾಥೆಗೆ ಬಾಲಿವುಡ್ ಸ್ಪರ್ಶ: ‘ಅಜಯ್’ ಮೋಷನ್ ಪೋಸ್ಟರ್ ಬಿಡುಗಡೆ
ನವದೆಹಲಿ: ಉತ್ತರ ಪ್ರದೇಶದ ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥ್ ಅವರ ಜೀವನ ಚರಿತ್ರೆ ಆಧಾರಿತ ‘ಅಜಯ್- ದಿ ಅನ್‌ಟೋಲ್ಡ್ ಸ್ಟೋರಿ ಆಫ್ ಎ ಯೋಗಿ’ ಚಿತ್ರ ಬಯೋಪಿಕ್ ಆಗಿ ಬರುತ್ತಿದ್ದು ಇಂದು ಮೋಷನ್ ಪೋಸ್ಟರ್ ಅನಾವರಣಗೊಂಡಿತು.
ಯೋಗಿ ಆದಿತ್ಯನಾಥ್ ಅವರ ಸ್ಪೂರ್ತಿದಾಯಕ ರೂಪಾಂತರದ ಒಂದು ನೋಟವನ್ನು ನೀಡುತ್ತದೆ, ಅವರ ಆಧ್ಯಾತ್ಮಿಕ ಮತ್ತು ರಾಜಕೀಯ ಹಾದಿಯನ್ನು ರೂಪಿಸಿದ ನಿರ್ಣಾಯಕ ಕ್ಷಣಗಳನ್ನು ಪ್ರದರ್ಶಿಸುತ್ತದೆ. ಇದು ಅವರ ಆರಂಭಿಕ ವರ್ಷಗಳು, ನಾಥಪಂಥಿ ಯೋಗಿಯಾಗಿ ಸನ್ಯಾಸ ಸ್ವೀಕರಿಸುವ ನಿರ್ಧಾರ ಮತ್ತು ರಾಜಕಾರಣಿ ಮತ್ತು ನಾಯಕನಾಗಿ ಅವರ ವಿಕಸನವನ್ನು ತೋರಿಸುತ್ತದೆ. ಅನಂತ್ ಜೋಶಿ ಯೋಗಿ ಆದಿತ್ಯನಾಥ್ ಪಾತ್ರವನ್ನು ನಿರ್ವಹಿಸಲಿದ್ದಾರೆ. ಈ ಚಿತ್ರದಲ್ಲಿ ಪರೇಶ್ ರಾವಲ್, ದಿನೇಶ್ ಲಾಲ್ ಯಾದವ್ ‘ನಿರಹುವಾ’, ಅಜಯ್ ಮೆಂಗಿ, ಪವನ್ ಮಲ್ಹೋತ್ರಾ, ಗರಿಮಾ ಸಿಂಗ್, ರಾಜೇಶ್ ಖಟ್ಟರ್ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ. ರವೀಂದ್ರ ಗೌತಮ್ ಎನ್ನುವವರು ಈ ಚಿತ್ರವನ್ನು ನಿರ್ದೇಶನ ಮಾಡುತ್ತಿದ್ದು, ಈ ಚಿತ್ರವು ‘ದಿ ಮಾಂಕ್ ಹೂ ಬಿಕಮ್ ಚೀಫ್ ಮಿನಿಸ್ಟರ್..’ ಪುಸ್ತಕದಿಂದ ಪ್ರೇರಿತವಾಗಿದೆ. ಈ ಕೃತಿಯನ್ನು ಶಾಂತನು ಗುಪ್ತಾ ಬರೆದಿದ್ದಾರೆ.
