ಬರದನಾಡು ಈಗ ಮಲೆನಾಡು!
ಬೆಂಗಳೂರು: ನಮ್ಮ ಬಸವನಾಡು ಮತ್ತಷ್ಟು ಹಸಿರು ಸಿರಿ ಹೊದ್ದು, ಮಲೆನಾಡಿನ ಮುದವನ್ನು ನೀಡಲಿದೆ! ಎಂದು ಬೃಹತ್ ಕೈಗಾರಿಕಾ ಸಚಿವ ಎಂ.ಬಿ.ಪಾಟೀಲ್ ಹೇಳಿದ್ದಾರೆ.
ಈ ಕುರಿತಂತೆ ಸಾಮಾಜಿಕ ಜಾಲತಾಣದಲ್ಲಿ ಪೋಸ್ಟ್‌ ಮಾಡಿರುವ ಅವರು ರಾಜ್ಯದ 3ನೇ ಅತಿದೊಡ್ಡ ಕೆರೆ ಎಂಬ ಹೆಗ್ಗಳಿಕೆಯ #ಮಮದಾಪುರ ಕೆರೆ ಅಂಗಳದಲ್ಲಿ ರಾಜ್ಯಕ್ಕೇ ಮಾದರಿ ಎನಿಸುವ ಅರಣ್ಯ ಅರಳಿಸುವ ಕಾರ್ಯ ನಿರಂತರವಾಗಿ ನಡೆದಿದೆ. ಕೋಟಿ ವೃಕ್ಷ ಅಭಿಯಾನದಡಿ ಕಳೆದ ವರ್ಷ ಸುಮಾರು 60 ಸಾವಿರ ಗಿಡಗಳನ್ನು ನೆಟ್ಟು ಮರಗಳನ್ನಾಗಿಸುವ ಕಾರ್ಯವಾಗಿತ್ತು. ಈ ಬಾರಿ ಮಳೆಗಾಲಕ್ಕೂ ಮುನ್ನವೇ ಗಿಡಗಳನ್ನು ನೆಡಲು ಅನುಕೂಲವಾಗುವಂತೆ ಗುಂಡಿಗಳನ್ನು ತೋಡಲಾಗಿದೆ. ಸಹಸ್ರಾರು ಗಿಡಗಳು ಅರಳಿ, ಪ್ರಾಣವಾಯುವನ್ನು ಉತ್ಪಾದಿಸಲಿದೆ. ನಮ್ಮ ಬಸವನಾಡು ಮತ್ತಷ್ಟು ಹಸಿರು ಸಿರಿ ಹೊದ್ದು, ಮಲೆನಾಡಿನ ಮುದವನ್ನು ನೀಡಲಿದೆ! ಎಂದಿದ್ದಾರೆ.
