ಶ್ರೀರಂಗಪಟ್ಟಣ: ನೀರು ತುಂಬಿದ್ದ ಕ್ವಾರಿಗೆ ಬಿದ್ದು ಇಬ್ಬರು ಯುವತಿಯರು ಸಾವನ್ನಪ್ಪಿರುವ ಘಟನೆ ಗ್ರಾಮಾಂತರ ಠಾಣಾ ವ್ಯಾಪ್ತಿಯ ಕಳೇನಹಳ್ಳಿ ಶೆಡ್ ಬಳಿ ಸಂಭವಿಸಿದೆ. ಲೀನಾಮತಿ (19 ವರ್ಷ) ಮತ್ತು ಮೀನಾ (17 ವರ್ಷ) ನೀರಿನಲ್ಲಿ ಮುಳುಗಿ ಸಾವನ್ನಪ್ಪಿರುವ ದುರ್ದೈವಿಗಳು.
ಒಟ್ಟು 4 ಮಕ್ಕಳು ಬಟ್ಟೆ ತೊಳೆಯಲೆಂದು ಈ ಹಿಂದೆ ಗಣಿಗಾರಿಕೆ ಮಾಡಿ ನೀರು ತುಂಬಿದ್ದ ಕ್ವಾರಿಯ ಹತ್ತಿರ ಹೋಗಿದ್ದು, ಅದರಲ್ಲಿ ಆರು ವರ್ಷದ ಒಂದು ಮಗು ನೀರಿಗೆ ಕಾಲುಜಾರಿ ಬಿದ್ದಿದೆ. ಆ ಮಗುವನ್ನು ಕಾಪಾಡಲು ಹೋಗಿ ಈ ಇಬ್ಬರು ಯುವತಿಯರು ನೀರಿನಲ್ಲಿ ಮುಳುಗಿ ಮೃತಪಟ್ಟಿರುವುದಾಗಿ ತಿಳಿದು ಬಂದಿದೆ. ಘಟನಾ ಸ್ಥಳಕ್ಕೆ ವೃತ್ತ ನಿರೀಕ್ಷಕ ಬಿ.ಜಿ.ಕುಮಾರ್ ಮತ್ತು ಸಿಬ್ಬಂದಿ ತೆರಳಿ ಪ್ರಕರಣ ದಾಖಲಿಸಿಕೊಂಡಿದ್ದಾರೆ.
