ಜೀ ಕನ್ನಡದ ಕಿರುತೆರೆಯ ಜನಪ್ರಿಯ ಧಾರಾವಾಹಿ ‘ಕರ್ಣ’ ಈಗ ಅತ್ಯಂತ ರೋಚಕ ಘಟ್ಟಕ್ಕೆ ಬಂದು ತಲುಪಿದೆ. ಪ್ರೀತಿ, ದ್ವೇಷ, ಕುತಂತ್ರ ಹಾಗೂ ತ್ಯಾಗದ ನಡುವೆ ಸಿಲುಕಿರುವ ಕರ್ಣ, ನಿತ್ಯಾ ಮತ್ತು ನಿಧಿ ಎಂಬ ಮೂರು ಜೀವಿಗಳ ಭವಿಷ್ಯ ಈಗ ಅಯೋಮಯವಾಗಿದೆ.
ದಿನಕ್ಕೊಂದು ತಿರುವು ಪಡೆಯುತ್ತಿರುವ ಈ ಕಥೆಯಲ್ಲಿ ಈಗ ಸತ್ಯ ಮತ್ತು ಸುಳ್ಳಿನ ನಡುವೆ ದೊಡ್ಡ ಯುದ್ಧವೇ ಆರಂಭವಾಗಲಿದೆ.
ನಿತ್ಯಾಳ ಬದುಕಲ್ಲಿ ಅನುಮಾನದ ಕಿಚ್ಚು: ಸದ್ಯದ ಸಂಚಿಕೆಗಳಲ್ಲಿ ನಿತ್ಯಾಳ ಸ್ಥಿತಿ ‘ನಡು ನೀರಲ್ಲಿ ಬಿಟ್ಟಂತಾಗಿದೆʼ. ಅತ್ತ ತೇಜಸ್ನ ಅನುಮಾನದ ಬೆಂಕಿ ಸಂಸಾರವನ್ನು ಸುಡುತ್ತಿದ್ದರೆ, ಇತ್ತ ಮನೆಯವರ ಸಂಭ್ರಮ ಅವಳ ಗಾಯದ ಮೇಲೆ ಉಪ್ಪು ಸವರಿದಂತಿದೆ. ತಾನು ಮಾಡದ ತಪ್ಪಿಗೆ ನಿತ್ಯಾ ದಿನ ನಿತ್ಯ ಕಣ್ಣೀರು ಹಾಕುತ್ತಿದ್ದಾಳೆ.
ತೇಜಸ್ ತನ್ನ ಅತಿಯಾದ ಸಂಶಯದಿಂದ ನಿತ್ಯಾಳ ಪ್ರತಿ ನಡೆಯನ್ನೂ ಪ್ರಶ್ನಿಸಿದ್ದು, ಸಂಬಂಧವನ್ನು ಪ್ರಪಾತದ ಅಂಚಿಗೆ ತಂದು ನಿಲ್ಲಿಸಿದೆ. ನಿತ್ಯಾಳ ಈ ನರಕಯಾತನೆಗೆ ಕಾರಣವಾಗಿರುವ ರಮೇಶನ ಕುತಂತ್ರಗಳು ಒಂದೊಂದಾಗಿ ಬಯಲಾಗುವ ಕಾಲ ಹತ್ತಿರ ಬಂದಿದೆ.
ಕರ್ಣನ ಅಬ್ಬರ – ರಮೇಶನಿಗೆ ತಕ್ಕ ಶಾಸ್ತಿ: ಇನ್ನೊಂದೆಡೆ, ಕಥೆಯ ನಾಯಕ ಕರ್ಣ ಈಗ ಆಕ್ಷನ್ ಮೋಡ್ಗೆ ಇಳಿದಿದ್ದಾನೆ. ತನ್ನ ತಂದೆ ರಮೇಶ ಮಾಡುತ್ತಿರುವ ಅನ್ಯಾಯ ಮತ್ತು ಕುತಂತ್ರಗಳು ಕರ್ಣನಿಗೆ ಅರಿವಾಗತೊಡಗಿದೆ.
ರಮೇಶನ ಅಟ್ಟಹಾಸಕ್ಕೆ ಬ್ರೇಕ್ ಹಾಕಲು ಕರ್ಣ ಈಗ ತಕ್ಕ ಶಾಸ್ತಿ ಮಾಡುತ್ತಿದ್ದಾನೆ. ಮನೆಯವರ ಶಾಂತಿ ಕೆಡಿಸಿ, ಪ್ರೀತಿಪಾತ್ರರ ಬದುಕಲ್ಲಿ ಆಟವಾಡುತ್ತಿರುವ ತಂದೆಯ ವಿರುದ್ಧವೇ ಸಿಡಿದೆದ್ದಿರುವ ಕರ್ಣನ ನಡೆ ಪ್ರೇಕ್ಷಕರಲ್ಲಿ ಹರ್ಷ ತಂದಿದೆ. ಆದರೆ ಈ ಹೋರಾಟದಲ್ಲಿ ಕರ್ಣ ತನ್ನ ಪ್ರೀತಿಯನ್ನು ಉಳಿಸಿಕೊಳ್ಳುತ್ತಾನಾ ಎಂಬುದು ದೊಡ್ಡ ಪ್ರಶ್ನೆ.
ನಿಧಿಯ ತ್ಯಾಗ ಮತ್ತು ಸುಳ್ಳಿನ ಮದುವೆ: ಈ ಎಲ್ಲ ಗೊಂದಲಗಳ ನಡುವೆ ನಿಧಿ ಎಂಬ ‘ತ್ಯಾಗಮಯಿ’ ಪಾತ್ರ ಎಲ್ಲರ ಗಮನ ಸೆಳೆಯುತ್ತಿದೆ. ಕರ್ಣನನ್ನು ಮನಸಾರೆ ಪ್ರೀತಿಸಿದರೂ, ಅಕ್ಕ ನಿತ್ಯಾಳ ಬದುಕು ಸರಿಯಾಗಲಿ ಎಂಬ ಕಾರಣಕ್ಕೆ ತನ್ನ ಪ್ರೀತಿಯನ್ನು ಬಲಿ ಕೊಡಲು ಸಿದ್ಧಳಾಗಿದ್ದಾಳೆ.
“ನಮ್ಮ ಪ್ರೀತಿಗಿಂತ ಅಕ್ಕನ ಸುಖವೇ ಮುಖ್ಯ” ಎಂಬ ನಿಧಿಯ ನಿರ್ಧಾರ ಕಥೆಗೆ ಭಾವನಾತ್ಮಕ ಸ್ಪರ್ಶ ನೀಡಿದೆ. ಆದರೆ, ಇಡೀ ಮನೆಯನ್ನು ನಂಬಿಸಿರುವ ಈ ‘ಸುಳ್ಳಿನ ಮದುವೆ’ಯ ರಹಸ್ಯ ಬಯಲಾಗುವ ಕ್ಷಣ ಹತ್ತಿರವಾಗುತ್ತಿದೆ. ಸತ್ಯ ಹೊರಬಂದಾಗ ತೇಜಸ್ನ ಪ್ರತಿಕ್ರಿಯೆ ಏನಾಗಿರಬಹುದು? ಕರ್ಣ ಮತ್ತು ನಿಧಿ ಒಂದಾಗುತ್ತಾರಾ? ಅಥವಾ ನಿತ್ಯಾಳ ಬದುಕು ಮತ್ತಷ್ಟು ಕಷ್ಟಕ್ಕೆ ಸಿಲುಕುತ್ತಾ? ಎಂಬ ಪ್ರಶ್ನೆಗಳು ವೀಕ್ಷಕರಲ್ಲಿ ಕುತೂಹಲ ಮೂಡಿಸಿವೆ.
ಮುಂದಿನ ಸಂಚಿಕೆಗಳ ಹೈಲೈಟ್ಸ್:
- ರಮೇಶನ ಅಸಲಿ ಮುಖವಾಡ ಕಳಚಲಿರುವ ಕರ್ಣ.
- ತೇಜಸ್ನ ಅನುಮಾನಕ್ಕೆ ತೆರೆ ಬಿದ್ದು ನಿತ್ಯಾ ಗೆಲ್ಲುತ್ತಾಳಾ?
- ನಿಧಿ ತನ್ನ ಪ್ರೀತಿಯನ್ನು ಮನೆಯವರಿಗೆ ತಿಳಿಸುವ ಧೈರ್ಯ ಮಾಡುತ್ತಾಳಾ?
ಒಟ್ಟಿನಲ್ಲಿ, ವೀಕ್ಷಕರೆಲ್ಲರೂ ಕಾದಿರುವಂತ ಕ್ಷಣಗಳು ಬಂದೆ ಬಿಟ್ಟಿತಾ? ಹಾಗೇ ಎಲ್ಲರೂ ಜೋಡಿಯಾಗಿ ನೋಡಬೇಕು ಅನ್ನುತ್ತಿರುವ ನಿಧಿ ಮತ್ತು ಕರ್ಣ ಒಂದಾಗತಾರಾ? ಅನ್ನೂದನ್ನ ಕಾದುನೋಡ್ಬೇಕಿದೆ. ಆದ್ರೆ ಈ ‘ಕರ್ಣ’ ಧಾರಾವಾಹಿಯು ಈಗ ಭಾವನೆಗಳ ಸಂಘರ್ಷದ ಕೇಂದ್ರಬಿಂದುವಾಗಿದ್ದು, ಮುಂದಿನ ದಿನಗಳಲ್ಲಿ ಕಥೆ ಯಾವ ದಿಕ್ಕಿನಲ್ಲಿ ಸಾಗಲಿದೆ ಎಂಬುವುದೆ ದೂಡ್ಡ ಟ್ವಿಸ್ಟ್.
