ಏಷ್ಯಾದ ಅತಿ ಉದ್ದದ ಸರಕು ರೈಲು ಭಾರತದಲ್ಲಿ: ವಿವರಗಳು

ನವದೆಹಲಿ: ಭಾರತೀಯ ರೈಲು ವಿಶ್ವದ ಅತಿದೊಡ್ಡ ರೈಲ್ವೇ ಜಾಲಗಳಲ್ಲಿ ಒಂದಾಗಿದೆ ಸದಾ ಹೊಸತನದ ಮೂಲಕ ಭಾರತೀಯ ರೈಲ್ವೆಯು ದೇಶದ ಆರ್ಥಿಕತೆ ಮತ್ತು ಜನರ ಜೀವನದಲ್ಲಿ ಪ್ರಮುಖ ಪಾತ್ರ ವಹಿಸುತ್ತದೆ. ಭಾರತೀಯ ರೈಲ್ವೆಯನ್ನು ಭಾರತ ಸರ್ಕಾರದ ರೈಲ್ವೆ ಸಚಿವಾಲಯವು ನಿರ್ವಹಿಸುತ್ತದೆ. ಇದು ದೇಶದಾದ್ಯಂತ ಪ್ರಯಾಣಿಕರು ಮತ್ತು ಸರಕುಗಳನ್ನು ಸಾಗಿಸುವ ಒಂದು ಪ್ರಮುಖ ಸಾರಿಗೆ ವ್ಯವಸ್ಥೆ ಆಗಿದೆ. ಭಾರತೀಯ ರೈಲ್ವೆ ನಾಲ್ಕೂವರೆ ಕಿಲೋ ಮೀಟರ್ ಉದ್ದದ ಏಷ್ಯಾದ ಅತಿ ದೊಡ್ಡ ಸರಕು ರೈಲು ನಿರ್ಮಿಸುವುದರ ಮೂಲಕ, ಹೊಸ ಮೈಲಿಗಲ್ಲು ಸಾಧಿಸಿದೆ.

ಭಾರತದ ಅತಿ ಉದ್ದದ ಸರಕು ರೈಲು: ರುದ್ರಾಸ್ತ್ರವು ಭಾರತದ 4.5 ಕಿ.ಮೀ ಉದ್ದದ ಅತಿ ಉದ್ದದ ಸರಕು ರೈಲಾಗಿದೆ. ಏಷ್ಯಾದ ಅತಿದೊಡ್ಡ 4.5 ಕಿ.ಮೀ ಉದ್ದದ ಸರಕು ರೈಲು ‘ರುದ್ರಾಸ್ತ್ರ’ದ ಪ್ರಾಯೋಗಿಕ ಓಟವನ್ನು ಯಶಸ್ವಿಯಾಗಿ ನಡೆಸುವ ಮೂಲಕ ಭಾರತೀಯ ರೈಲ್ವೆ ಹೊಸ ಮೈಲಿಗಲ್ಲು ಸಾಧಿಸಿದೆ ಇದು ಭಾರತೀಯ ರೈಲ್ವೆಯು ಇದುವರೆಗೆ ಓಡಿಸಿದ ಅತಿ ಉದ್ದದ ಸರಕು ರೈಲು ಎಂಬ ಹೆಗ್ಗಳಿಕೆಗೆ ಪಾತ್ರವಾಯಿತು ಎಂದಿದ್ದಾರೆ.

ಅಧಿಕ ಪ್ರಮಾಣದ ಸರಕು ಸಾಗಾಣಿಕೆಗೆ ಅನುಕೂಲ: ಹೊಸ ರೈಲು, ಅಧಿಕ ಪ್ರಮಾಣದ ಸರಕು ಸಾಗಾಣಿಕೆಗೆ ಅನುಕೂಲವಾಗಲಿದ್ದು, ರೈಲಿಗೆ ಬಹುಬೇಗನೆ ಲೋಡಿಂಗ್ ಮಾಡಬಹುದಾಗಿದೆ. ಇದರಲ್ಲಿ ಒಟ್ಟು 345 ವ್ಯಾಗನ್‌ಗಳು ಸೇರಿದ್ದು, ಒಂದು ಖಾಲಿ ವ್ಯಾಗನ್‌ನಲ್ಲಿ 72 ಟನ್ ಸರಕುಗಳನ್ನು ಲೋಡ್ ಮಾಡಲಾಗಿದೆ. ಪ್ರತಿ 59 ಬೋಗಿಗಳ ನಂತರ ಎರಡು ಎಂಜಿನ್‌ಗಳನ್ನು ಮುಂಭಾಗದಲ್ಲಿ ಮತ್ತು ಪ್ರತಿ ರ‍್ಯಾಕ್‌ನೊಂದಿಗೆ ಒಂದನ್ನು ಜೋಡಿಸಲಾಗಿದೆ. ಒಟ್ಟಾರೆಯಾಗಿ, ಏಳು ಎಂಜಿನ್‌ಗಳನ್ನು ಬಳಸಲಾಗಿದೆ. ಒಂದು ರ‍್ಯಾಕ್‌ನಲ್ಲಿ 59 ಬೋಗಿಗಳಿದ್ದವು.

ಒಂದು ರೀತಿಯಲ್ಲಿ, ಐದು ಸರಕು ರೈಲುಗಳು ಒಂದರ ನಂತರ ಒಂದರಂತೆ ಸಾಲಾಗಿ ನಿಂತಿದ್ದವು ಮತ್ತು ಮೊದಲ ಸರಕು ರೈಲು ಎರಡು ಎಂಜಿನ್‌ಗಳನ್ನು ಹೊಂದಿತ್ತು. ಈ ರೈಲಿನಿಂದ ಸಮಯ ಮಾತ್ರವಲ್ಲದೆ, ಸಂಪನ್ಮೂಲಗಳು ಉಳಿತಾಯವಾಗಲಿವೆ. ಈ ರೈಲು, 345 ವ್ಯಾಗನ್ ಗಳನ್ನು ಹೊಂದಿದ್ದು, ಒಂದೊಂದು ವ್ಯಾಗನ್‌ನಲ್ಲು 72 ಟನ್ ಸರಕು ತುಂಬ ಬಹುದಾಗಿದೆ. ರೈಲು 7 ಇಂಜಿನ್‌ಗಳನ್ನು ಒಳಗೊಂಡಿದೆ.

ಸರಕು ಸಾಗಣೆಯಲ್ಲಿ ವೇಗ, ಅಧಿಕ-ವೆಚ್ಚದಲ್ಲಿ ಕಡಿಮೆ: ಆರು ರೇಕ್‌ಗಳನ್ನು ಪ್ರತ್ಯೇಕವಾಗಿ ಓಡಿಸಿದ್ದರೆ, ಪ್ರತಿಯೊಂದಕ್ಕೂ ಪುನರಾವರ್ತಿತ ಸಿಬ್ಬಂದಿ ವ್ಯವಸ್ಥೆ, ವೇಳಾಪಟ್ಟಿ ಮತ್ತು ಮಾರ್ಗನಿರ್ದೇಶನ ಅಗತ್ಯವಿತ್ತು ಆದರೆ ‘ರುದ್ರಾಸ್ತ್ರ’ ಒಂದೇ ರೈಲಿನಲ್ಲಿ ಅವುಗಳನ್ನು ಸಂಯೋಜಿಸುವ ಮೂಲಕ, ರೈಲ್ವೆಗಳು ಸಮಯ, ಮಾನವಶಕ್ತಿ ಮತ್ತು ಕಾರ್ಯಾಚರಣೆಯ ವೆಚ್ಚಗಳನ್ನು ಕಡಿತಗೊಳಿಸಬಹುದು. ಈ ವಿಧಾನವು ಸರಕು ಸಾಗಣೆಯನ್ನು ವೇಗಗೊಳಿಸುತ್ತದೆ ಮತ್ತು ಅದನ್ನು ಹೆಚ್ಚು ವೆಚ್ಚ-ಪರಿಣಾಮಕಾರಿಯನ್ನಾಗಿ ಮಾಡುತ್ತದೆ, ಇದು ಭಾರತದ ಲಾಜಿಸ್ಟಿಕ್ಸ್ ವಲಯಕ್ಕೆ ಗಮನಾರ್ಹ ಉತ್ತೇಜನವನ್ನು ನೀಡುತ್ತದೆ ಎಂದು ರೈಲು ಅಧಿಕಾರಿಗಳು ಹೇಳಿದ್ದಾರೆ.

ಪ್ರಾಯೋಗಿಕ ಸಂಚಾರ: ಉತ್ತರ ಪ್ರದೇಶದ ಚಾಂಡೌಲಿಯಲ್ಲಿನ, ಗಂಜ್ ಕವಾಝಾ ರೈಲು ನಿಲ್ದಾಣದಿಂದ, ಜಾರ್ಖಂಡ್‌ನ ಗರ್ವಾ ರೈಲು ನಿಲ್ದಾಣದವರೆಗೆ, 209 ಕಿಲೋ ಮೀಟರ್ ದೂರವನ್ನು ಈ ರೈಲು 5 ಗಂಟೆ 10 ನಿಮಿಷದಲ್ಲಿ, ಸರಾಸರಿ ಗಂಟೆಗೆ 40.50 ಕಿ.ಮೀ ವೇಗದಲ್ಲಿ ಕ್ರಮಿಸಿದೆ. ಎಂದು ಸಚಿವರು ರೈಲಿನ ಪ್ರಾಯೋಗಿಕ ಸಂಚಾರದ ಬಗ್ಗೆ ತಿಳಿಸಿದ್ದಾರೆ.