ಬೆಳಗಾವಿ: ಭೀಕರ ಬರಗಾಲದಿಂದ ತತ್ತರಿಸಿ ಹೋಗಿದ್ದ ಗಡಿ ಜಿಲ್ಲೆ ಬೆಳಗಾವಿಯಲ್ಲಿ ನಿನ್ನೆ ತಡರಾತ್ರಿಯಿಂದಲೂ ಧಾರಾಕಾರ ಮಳೆಯಾಗುತ್ತಿದೆ.
ಮುಂಗಾರು ಮಳೆ ಇಲ್ಲದ ಬರದಿಂದ ಬಳಲಿದ್ದ ರೈತರಿಗೆ ಈ ಬಾರಿ ಉತ್ತಮ ಹಿಂಗಾರು ಮಳೆಯ ಲಕ್ಷಣ ಕಾಣುತ್ತಿದ್ದು, ಕಂಗೆಟ್ಟಿದ್ದ ಅನ್ನದಾತರ ಮುಖದಲ್ಲಿ ಮುಗುಳ್ನಗು ಮೂಡಿದೆ.
ಗುಡುಗು ಮಿಂಚಿನ ಸಹಿತ ಉತ್ತಮ ಮಳೆಯಾಗುತ್ತಿದ್ದು, ಕಾರ್ಮೋಡ ಕವಿದಿರುವುದರಿಂದ ಇನ್ನೂ ಕತ್ತಲಿದ್ದು, ಬೆಳಗಾದಂತೆ ಕಾಣುವುದೇ ಇಲ್ಲ. ಈ ಬಾರಿ ಹಿಂಗಾರು ಉತ್ತಮ ಮಳೆಯಾದರೆ ರೈತರಿಗೆ ಒಂದಿಷ್ಟು ನೆಮ್ಮದಿ ಸಿಗಬಹುದು. ಸರ್ಕಾರ ಬರದಿಂದ ಬೆಳೆ ಕಳೆದುಕೊಂಡ ರೈತರಿಗೆ ಶೀಘ್ರ ಪರಿಹಾರ ಒದಗಿಸಿದರೆ ಹಿಂಗಾರು ಬೆಳೆಯನ್ನು ಬೆಳೆದು ಪರಿಸ್ಥಿತಿ ಸುಧಾರಿಸಿಕೊಳ್ಳಲು ಸಾಧ್ಯವಾದೀತು.
