ವಿಶ್ವ ಅಥ್ಲೆಟಿಕ್ಸ್ ಚಾಂಪಿಯನ್ಶಿಪ್ ಐದನೇ ದಿನಕ್ಕೆ ಕಾಲಿಡುತ್ತಿದ್ದಂತೆ, ಎಲ್ಲರ ಕಣ್ಣುಗಳು ಭಾರತದಲ್ಲಿ ನಡೆಯುವ ಜಾವೆಲಿನ್ ಥ್ರೋ ಅರ್ಹತಾ ಸ್ಪರ್ಧೆಯ ಮೇಲೆ ಇದ್ದವು. ಭಾರತದ ಹೆಮ್ಮೆ ಆಗಿರುವ ಒಲಿಂಪಿಕ್ ಚಿನ್ನದ ಪದಕ ವಿಜೇತ ಮತ್ತು ಪ್ರಸ್ತುತ ವಿಶ್ವ ಚಾಂಪಿಯನ್ ನೀರಜ್ ಚೋಪ್ರಾ, ಹಂಗೇರಿಯ ಬುಡಾಪೆಸ್ಟ್‌ನಲ್ಲಿ ನಡೆಯುತ್ತಿರುವ ವಿಶ್ವ ಅಥ್ಲೆಟಿಕ್ಸ್ ಚಾಂಪಿಯನ್‌ಶಿಪ್‌ನ ಪುರುಷರ ಜಾವೆಲಿನ್ ತ್ರೋ ಸ್ಪರ್ಧೆಯ ಫೈನಲ್‌ಗೆ ಪ್ರವೇಶ ಪಡೆದಿದ್ದಾರೆ.
ಇಂದು ನಡೆದ ಅರ್ಹತಾ ಸುತ್ತಿನಲ್ಲಿ ನೀರಜ್ ಚೋಪ್ರಾ ತಮ್ಮ ಮೊದಲ ಪ್ರಯತ್ನದಲ್ಲೇ 84.85 ಮೀಟರ್ ದೂರ ಎಸೆದು ನೇರವಾಗಿ ಫೈನಲ್‌ಗೆ ಪ್ರವೇಶಿಸಿದರು. ಅರ್ಹತಾ ಮಾನದಂಡ 83 ಮೀಟರ್ ಆಗಿದ್ದು, ನೀರಜ್ ಇದನ್ನು ಸುಲಭವಾಗಿ ಮೀರಿ ಕ್ವಾಲಿಫೈ ಆದ ಪ್ರಥಮ ಆಟಗಾರರಾಗಿದ್ದಾರೆ.
ನೀರಜ್ ಅವರ ಸಾಧನೆ: ಈ ಬಾರಿ ಚೋಪ್ರಾ ತಮ್ಮ “Defending Champion” ಪಟ್ಟವನ್ನು ಕಾಪಾಡಿಕೊಳ್ಳಲು ಬಲವಾದ ಹೆಜ್ಜೆ ಇಟ್ಟಿದ್ದಾರೆ. ವಿಶ್ವ ಚಾಂಪಿಯನ್‌ಶಿಪ್‌ನಲ್ಲಿ ಅವರು ಕಳೆದ ಬಾರಿ ಚಿನ್ನ ಗೆದ್ದಿದ್ದು, ಭಾರತಕ್ಕೆ ಐತಿಹಾಸಿಕ ಕ್ಷಣವಾಗಿತ್ತು. ಈಗಲೂ ಅವರು ತಮ್ಮ ಮೊದಲ ಪ್ರಯತ್ನದಲ್ಲಿಯೇ ಫೈನಲ್ ಪ್ರವೇಶಿಸಿ ತಮ್ಮ ದಿಟ್ಟ ಆಕಾಂಕ್ಷೆಯನ್ನು ತೋರಿಸಿದ್ದಾರೆ.
ಜೂಲಿಯನ್ ವೆಬರ್ ತಮ್ಮ ಎರಡನೇ ಪ್ರಯತ್ನದಲ್ಲಿ 87.21 ಮೀ ಎಸೆತವನ್ನು ದಾಖಲಿಸಿ ನೀರಜ್ ನಂತರ ಫೈನಲ್‌ಗೆ ಅರ್ಹತೆ ಪಡೆದರೆ, ಡೇವಿಡ್ ವೆಗ್ನರ್ 85.67 ಮೀ. ದೂರ ಎಸೆದು ಫೈನಲ್ ಪ್ರವೇಶಿಸಿದರು. ಎ ವಿಭಾಗದಿಂದ ಒಟ್ಟು 3 ಮಂದಿ ನೇರವಾಗಿ ಫೈನಲ್ ಟಿಕೆಟ್‌ ಗಳಿಸಿದರು. ಪಾಕಿಸ್ತಾನದ ಅರ್ಶದ್ ನದೀಮ್ ಸೇರಿದಂತೆ ಪ್ರಮುಖ ಪ್ರತಿಸ್ಪರ್ಧಿಗಳೂ ಫೈನಲ್ ಪ್ರವೇಶಿಸುವ ನಿರೀಕ್ಷೆಯಿದೆ. ಫೈನಲ್ ಹಂತದಲ್ಲಿ ಉತ್ಸಾಹಭರಿತ ಜಾವೆಲಿನ್ ಪೈಪೋಟಿ ಕಂಡುಬರುವ ಸಾಧ್ಯತೆ ಇದೆ.
ಅಭಿಮಾನಿಗಳ ಪ್ರತಿಕ್ರಿಯೆ: ನೀರಜ್ ಅವರ ಸಾಧನೆಯಿಂದ ಭಾರತಾದ್ಯಂತ ಕ್ರೀಡಾಭಿಮಾನಿಗಳು ಹರ್ಷೋದ್ಗಾರ ವ್ಯಕ್ತಪಡಿಸಿದ್ದಾರೆ. ಸಾಮಾಜಿಕ ಜಾಲತಾಣಗಳಲ್ಲಿ ಶುಭಾಶಯಗಳ ಮಹಾಪೂರ ಹರಿಯುತ್ತಿದ್ದು, “ಚಿನ್ನ ಮತ್ತೆ ಭಾರತಕ್ಕೇ” ಎಂಬ ನಂಬಿಕೆ ಹೆಚ್ಚಾಗಿದೆ.
