ಬೆಂಗಳೂರು: ಇಂಡಿಯನ್ ಪ್ರೀಮಿಯರ್ ಲೀಗ್ (ಐಪಿಎಲ್) 2025 ರ ಸೀಸನ್‌ಗೆ ಮುನ್ನ ವಿರಾಟ್ ಕೊಹ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡವನ್ನು ಇಂದು ಸೇರಿಕೊಂಡಿದ್ದಾರೆ. ಇ
ಇತ್ತೀಚೆಗೆ ಚಾಂಪಿಯನ್ಸ್ ಟ್ರೋಫಿಯಲ್ಲಿ ಭಾರತದ ವಿಜಯೋತ್ಸವದಲ್ಲಿ ಕೊಹ್ಲಿ ಭಾಗವಹಿಸಿದ್ದರು. 36 ವರ್ಷದ ಅವರು ಐದು ಪಂದ್ಯಗಳಲ್ಲಿ 218 ರನ್ ಗಳಿಸುವ ಮೂಲಕ ಪಂದ್ಯಾವಳಿಯಲ್ಲಿ ಭಾರತದ ಪರ ಅತಿ ಹೆಚ್ಚು ರನ್‌ಗಳಿಸಿದವರಲ್ಲಿ ಒಬ್ಬರಾಗಿ ಹೊರಹೊಮ್ಮಿದರು. ಕೆಲವು ದಿನಗಳು ಮೈದಾನದಿಂದ ಹೊರಗುಳಿದಿದ್ದ , ಕೊಹ್ಲಿ ಐಪಿಎಲ್ 2025 ರ ತರಬೇತಿ ಅವಧಿಗಳಿಗಾಗಿ ತಮ್ಮ ಆರ್‌ಸಿಬಿ ತಂಡದ ಸಹ ಆಟಗಾರರೊಂದಿಗೆ ಸೇರಲು ಬೆಂಗಳೂರಿಗೆ ಆಗಮಿಸಿದರು. ವಿರಾಟ್ ಅವರ ಆಗಮನದ ವೀಡಿಯೊಗಳು ಸಾಮಾಜಿಕ ಜಾಲತಾನದಲ್ಲಿ ಸಕತ್‌ ವೈರಲ್ ಆಗುತ್ತಿವೆ. ಐಪಿಎಲ್ 2025 ರ ಸೀಸನ್‌ನ ಆರಂಭಿಕ ಪಂದ್ಯದಲ್ಲಿ ಮಾರ್ಚ್ 22 ರಂದು ಐಕಾನಿಕ್ ಈಡನ್ ಗಾರ್ಡನ್ಸ್‌ನಲ್ಲಿ ಆರ್‌ಸಿಬಿ ಹಾಲಿ ಚಾಂಪಿಯನ್ ಕೋಲ್ಕತ್ತಾ ನೈಟ್ ರೈಡರ್ಸ್ (ಕೆಕೆಆರ್) ತಂಡವನ್ನು ಎದುರಿಸಲಿದೆ. ಅಭಿಮಾನಿಗಳು ಈ ಹಣಾಹಣಿಯನ್ನು ಕುತೂಹಲದಿಂದ ನಿರೀಕ್ಷಿಸುತ್ತಿದ್ದಾರೆ, ಆರ್‌ಸಿಬಿ ಅಭಿಯಾನಕ್ಕೆ ಬಲವಾದ ಆರಂಭವನ್ನು ನೀಡಲು ಎದುರು ನೋಡುತ್ತಿದೆ.
