ನಾಯಿಗಳ ಸ್ಥಳಾಂತರಕ್ಕೆ ಕೂಡಿ ಬರದ ಮಹೂರ್ತ

ಎಲ್ಲಾ ಬೀದಿ ನಾಯಿಗಳನ್ನು ಆಶ್ರಯ ತಾಣಗಳಿಗೆ ಸ್ಥಳಾಂತರಿಸಬೇಕೆಂದು ಇತ್ತೀಚಿಗೆ ಸುಪ್ರೀಂಕೋರ್ಟ್ ನಿರ್ದೇಶನ ನೀಡಿತ್ತಾದ್ದಾರೂ, ಇವರೆಗೂ ಗ್ರೇಟರ್ ಬೆಂಗಳೂರು ಪ್ರಾಧಿಕಾರ (ಜಿಬಿಎ) ಯಾವುದೇ ಪರಿಣಾಮಕಾರಿ ಕ್ರಮಗಳನ್ನು ಕೈಗೊಂಡಿಲ್ಲ ಎಂಬ ಆರೋಪ ಬಲವಾಗಿ ಕೇಳಿಬರುತ್ತಿದೆ.

ಆಸ್ಪತ್ರೆಗಳು, ಶಾಲೆಗಳು, ಕಾಲೇಜುಗಳು ಮತ್ತು ಉದ್ಯಾನವನಗಳಂತಹ ಸಾರ್ವಜನಿಕ ಸ್ಥಳಗಳಲ್ಲಿರುವ ಬೀದಿ ನಾಯಿಗಳನ್ನು ಆಶ್ರಯ ತಾಣಗಳಿಗೆ ಸ್ಥಳಾಂತರಿಸಬೇಕೆಂದು ಸುಪ್ರೀಂ ಕೋರ್ಟ್ ನಿರ್ದೇಶಿಸಿತ್ತು. ಆದರೆ ಇದುವರೆಗೂ ಹೆಚ್ಚಿನ ಮಟ್ಟದಲ್ಲಿ ಪ್ರಾಣಿಗಳ ಜನನ ನಿಯಂತ್ರಣ (ಎಬಿಸಿ) ಸೇರಿದಂತೆ ನೂರು ನಾಯಿಗಳನ್ನು ಸಹ ಆಶ್ರಯ ತಾಣಗಳಲ್ಲಿ ಇರಿಸಲು ಜಿಬಿಎ ಮುಂದಾಗಿಲ್ಲ.

ಪ್ರಸ್ತುತದಲ್ಲಿ ಸುಮಾರು 8 ಕೇಂದ್ರಗಳು, ಪ್ರಾಣಿ ಜನನ ನಿಯಂತ್ರಣ (ಎಬಿಸಿ) ಕಾರ್ಯಕ್ರಮಗಳು ಜರುಗುತ್ತಿವೆಯಷ್ಟೇ ಆದರೆ ಇವುಗಳಲ್ಲಿ ಕೆಲವು ಇತರ ವೀಕ್ಷಣಾ ಕೇಂದ್ರಗಳಿವೆ.

ಆದಾಗ್ಯೂ, ಸ್ಥಳಾವಕಾಶದ ಕೊರತೆಯು ಎಬಿಸಿ ಪ್ರಗತಿಯನ್ನು ನಿಧಾನಗೊಳಿಸಿದೆ. ನಾಯಿಗಳನ್ನು ಸಾಕಲು ವೀಕ್ಷಣಾ ಕೇಂದ್ರಗಳನ್ನು ಸ್ಥಾಪಿಸಲು ಯಾರಾದರೂ ನಮಗೆ ಸ್ಥಳಾವಕಾಶ ನೀಡಿದರೆ, ನಾವು ತಕ್ಷಣ ಕಾರ್ಯಪ್ರವೃತ್ತರಾಗಬಹುದು. ನಮ್ಮ ಅಧಿಕಾರಿಗಳು ಸೂಕ್ತ ಸ್ಥಳಗಳನ್ನು ಹುಡುಕಲು ಪ್ರಯತ್ನಿಸುತ್ತಿದ್ದಾರೆ.

ಪಾಲಿಕೆಗಳ ಆಯುಕ್ತರು ಅಧಿಕಾರಿಗಳಿಗೆ ಸಮೀಕ್ಷೆ ನಡೆಸಿ ಸ್ಥಳಾಂತರಿಸಬೇಕಾದ ನಾಯಿಗಳನ್ನು ಗುರುತಿಸುವಂತೆಯೂ ಕೇಳಿದ್ದಾರೆ. ಇದರಿಂದ ಅವರು ಅವುಗಳನ್ನು ಸಾಕಲು ಅಗತ್ಯವಿರುವ ಮೂಲಸೌಕರ್ಯಗಳ ಯೋಜನೆ ರೂಪಿಸಿ ಅನುಷ್ಠಾನಗೊಳಿಸಲು ಸಹಕಾರಿಯಾಗಲಿದೆ ಎಂದು ಗ್ರೇಟರ್ ಬೆಂಗಳೂರು ಪ್ರಾಧಿಕಾರದ ಮುಖ್ಯ ಆಯುಕ್ತ ಮಹೇಶ್ವರ ರಾವ್ ಅವರು ತಿಳಿಸಿದ್ದಾರೆ.

ಬೀದಿ ನಾಯಿಗಳನ್ನು ಪತ್ತೆಹಚ್ಚಲು ಮತ್ತು ಅವುಗಳಿಗೆ ಸಂತಾನಹರಣ ಶಸ್ತ್ರಚಿಕಿತ್ಸೆ ಮಾಡಲಾಗಿದೆಯೇ ಎಂದು ಗುರುತಿಸಲು, ಬೀದಿ ನಾಯಿಗಳಿಗೆ ಮೈಕ್ರೋಚಿಪ್ ಮಾಡುವುದರಿಂದ ಹಿಡಿದು ನಾಯಿಗಳಲ್ಲಿ ಆಕ್ರಮಣಕಾರಿ ನಡವಳಿಕೆಯನ್ನು ಕಡಿಮೆ ಮಾಡಲು ಸಹಾಯ ಮಾಡಲು ಇನ್ನಿತರೆ ಉಪಕ್ರಮಗಳಿವೆಯೇ ಎಂಬುದರ ಕುರಿತಾಗಿ ಬಿಬಿಎಂಪಿ ಹಲವಾರು ಕ್ರಮಗಳನ್ನು ಘೋಷಿಸಿತ್ತು.

ಆದರೂ ಅವುಗಳಲ್ಲಿ ಯಾವುದೂ ಇನ್ನೂ ಕಾರ್ಯರೂಪಕ್ಕೆ ಬಂದಿಲ್ಲ. ಮೈಕ್ರೋಚಿಪ್ ತಂತ್ರಜ್ಞಾನವು ನಾಯಿಯ ವಾಸಸ್ಥಳ, ಲಸಿಕೆ ಹಾಕಿದ ದಿನಾಂಕ, ಸಂತಾನಹರಣ ಶಸ್ತ್ರಚಿಕಿತ್ಸೆಯ ದಿನಾಂಕ ಮತ್ತು ಇತರ ಅಂಶಗಳನ್ನು ಸಂಗ್ರಹಿಸುವ ಸಾಮರ್ಥ್ಯವನ್ನು ಹೊಂದಿದೆ.

ಬೀದಿ ನಾಯಿಗಳಿಗೆ ನಿಯಮಿತವಾಗಿ ಆಹಾರವನ್ನು ನೀಡುವ ಗುರಿಯನ್ನು ಹೊಂದಿರುವ ಸಮುದಾಯ ಆಹಾರ ಉಪಕ್ರಮ. ಅವುಗಳಿಗೆ ಆಹಾರ ನೀಡುವುದರಿಂದ ಅವುಗಳ ಆಕ್ರಮಣಶೀಲತೆಯನ್ನು ಕಡಿಮೆ ಮಾಡಲು ಸಹಾಯವಾಗುತ್ತದೆ ಎಂಬುದನ್ನು ಜಿಬಿಎ ಮೂಲಗಳು ತಿಳಿಸಿವೆ.

“ಟೆಂಡರ್‌ಗೆ ಸ್ಪಂದನೆ ಸಿಗುತ್ತಿಲ್ಲ ನಾಯಿಗಳ ಆಶ್ರಯ ತಾಣಗಳು ಸೇರಿದಂತೆ ಇತರೆ ವಿಚಾರಗಳ ಸಂಬಂಧ ಟೆಂಡರ್‌ಗಳಿಗೆ ಉತ್ತಮ ಪ್ರತಿಕ್ರಿಯೆ ಸಿಗಲಿಲ್ಲ. ಈಗಾಗಲೇ ಎರಡು ಬಾರಿ ಟೆಂಡರ್‌ಗಳನ್ನು ಆಹ್ವಾನಿಸಲಾಗಿದ್ದರೂ, ಈ ಕಾರ್ಯಗಳನ್ನು ಕೈಗೆತ್ತಿಕೊಳ್ಳಲು ನಮಗೆ ಇದುವರೆಗೂ ಅರ್ಹ ಏಜೆನ್ಸಿ ಸಿಗಲಿಲ್ಲ. ಆದ್ದರಿಂದ ಪಾಲಿಕೆಗಳೆ ಈ ಬಗ್ಗೆ ಹೆಚ್ಚಿನ ಗಮನವಹಿಸಲು ಮುಂದಾಗಲಿವೆ.” ಹಿರಿಯ ಅಧಿಕಾರಿ ಬಿಬಿಎ”