Advertisement
ಬೇಕಾದ ಸಾಮಗ್ರಿಗಳು: ಕೆಸುವಿನ ಎಲೆ ೧೦, ಅಕ್ಕಿ ೨ ಪಾವು, ಉದ್ದು ೧/೪ ಪಾವು, ಕೊತ್ತಂಬರಿ ಬೀಜ ೨ ಚಮಚ, ಮೆಂತ್ಯ ೧ ಚಮಚ, ಒಣಮೆಣಸು ೧೦, ಬೆಲ್ಲದ ಅಚ್ಚು ೧/೨, ತೆಂಗಿನಕಾಯಿ ೧, ನಿಂಬೆ ಗಾತ್ರದ ಹುಣಸೆಹಣ್ಣು.
ಮಾಡುವ ವಿಧಾನ:
ಅಕ್ಕಿಯನ್ನು ೨- ೩ ಗಂಟೆಗಳ ಕಾಲ ನೆನೆಸಿಡಿ. ಉದ್ದು, ಮೆಂತ್ಯ, ಕೊತ್ತಂಬರಿ ಬೀಜ, ಒಣಮೆಣಸು ಎಲ್ಲವನ್ನೂ ಹುರಿದು ಹುಣಸೆಹಣ್ಣು, ಅರ್ಧಭಾಗ ಕಾಯಿತುರಿ ಸೇರಿಸಿ ರುಬ್ಬಿಕೊಳ್ಳಿ. ಅಕ್ಕಿಯನ್ನು ತರಿತರಿಯಾಗಿ ರುಬ್ಬಿ ಇದಕ್ಕೆ ಬೆರೆಸಿ. ರುಚಿಗೆ ತಕ್ಕಷ್ಟು ಉಪ್ಪು ಹಾಕಿ ೫-೬ ಗಂಟೆಗಳ ಕಾಲ ಬದಿಗಿಡಿ. ನಂತರ ಸಣ್ಣಗೆ ಕತ್ತರಿಸಿದ ಕೆಸುವಿನ ಎಲೆಗಳನ್ನು ಬೆರೆಸಿ ಇಡ್ಲಿ ತಟ್ಟೆಯಲ್ಲಿ ಬೇಯಿಸಿ. ಬೆಂದ ನಂತರ ಕೆಳಗಿಳಿಸಿ ಸಣ್ಣಗೆ ತುಂಡು ಮಾಡಿದ ಬೆಲ್ಲ, ಉಪ್ಪು, ಅರಿಷಿಣ, ಕಾಯಿತುರಿ ಬೆರೆಸಿ ಒಗ್ಗರಣೆ ಹಾಕಿ ಗೊಟಾಯಿಸಿ.
ಕೆ.ಲೀಲಾ ಶ್ರೀನಿವಾಸ್, ಹರಪನಹಳ್ಳಿ
