ತಿಂಗಳಿಗೆ 50,000ಕ್ಕೂ ಹೆಚ್ಚು ಗ್ರಾಹಕರಿಗೆ ಸೇವೆ: ಉಡುಪಿ ಶೈಲಿಯ ಅಸಲಿ ರುಚಿ ಮತ್ತು ಪರಿಚಿತ ಗುಣಮಟ್ಟವನ್ನು ಕಾಯ್ದುಕೊಂಡಿರುವ ವಾಸುದೇವ್ ಅಡಿಗಾಸ್, ಪ್ರಸ್ತುತ ಬೆಂಗಳೂರಿನಲ್ಲಿ ಪ್ರತಿ ತಿಂಗಳು 50,000ಕ್ಕೂ ಅಧಿಕ ಗ್ರಾಹಕರಿಗೆ ತನ್ನ ಸೇವೆ ಒದಗಿಸುತ್ತಿದೆ. ಗ್ರಾಹಕರಿಂದ ದೊರೆಯುತ್ತಿರುವ ನಿರಂತರ ಒಲವು ಹಾಗೂ ಪುನರಾವರ್ತಿತ ಆರ್ಡರ್‌ಗಳ (Repeat Orders) ಆಧಾರದ ಮೇಲೆ, ಕಂಪನಿಯು ಡಿಸೆಂಬರ್ 2026ರೊಳಗೆ ತನ್ನ ವ್ಯವಹಾರವನ್ನು 3 ಪಟ್ಟು ವಿಸ್ತರಿಸುವ ಬೃಹತ್ ಗುರಿಯನ್ನು ಹೊಂದಿದೆ.

ಸ್ಥಾಪಿತ ರೆಸ್ಟೋರೆಂಟ್‌ಗಳಿಗೆ ಹೊಸ ಅವಕಾಶ: ತನ್ನ ಮುಂದಿನ ಹಂತದ ವಿಸ್ತರಣೆಗಾಗಿ ಕೌಝಿನಾ ಸಂಸ್ಥೆಯು ಬೆಂಗಳೂರಿನಲ್ಲಿ ಈಗಾಗಲೇ ಕಾರ್ಯಾಚರಣೆಯಲ್ಲಿರುವ ಸ್ಥಾಪಿತ ರೆಸ್ಟೋರೆಂಟ್‌ಗಳು ಮತ್ತು ಕಮರ್ಷಿಯಲ್ ಕಿಚನ್ ಆಪರೇಟರ್‌ಗಳನ್ನು ಆಹ್ವಾನಿಸಿದೆ. ಆಸಕ್ತ ಪಾಲುದಾರರು ತಮ್ಮ ಅಸ್ತಿತ್ವದಲ್ಲಿರುವ ಕಿಚನ್ ಸಾಮರ್ಥ್ಯ ಹಾಗೂ ಪರವಾನಗಿಗಳಲ್ಲೇ ವಾಸುದೇವ್ ಅಡಿಗಾಸ್ ಮೆನುವನ್ನು ಅಳವಡಿಸಿಕೊಳ್ಳಬಹುದು. ಹೊಸ ಔಟ್‌ಲೆಟ್‌ಗಾಗಿ ಪ್ರತ್ಯೇಕ ಹೂಡಿಕೆ ಮಾಡುವ ಅಗತ್ಯವಿಲ್ಲದೆ, ಹೆಚ್ಚುವರಿ ಡೆಲಿವರಿ ಬೇಡಿಕೆಯನ್ನು ಪಡೆದುಕೊಳ್ಳಲು ಈ ಮಾದರಿಯು ಸಹಕಾರಿಯಾಗಿದೆ. ಇದಕ್ಕೆ ಅಗತ್ಯವಿರುವ ಬ್ರ್ಯಾಂಡ್ ವ್ಯವಸ್ಥೆಗಳು, ಪ್ರಮಾಣೀಕೃತ ಪಾಕವಿಧಾನಗಳು, ಕಚ್ಚಾವಸ್ತುಗಳ ಸೋರ್ಸಿಂಗ್, ಪ್ಯಾಕೇಜಿಂಗ್, ಅಗ್ರಿಗೇಟರ್ ಇಂಟಿಗ್ರೇಶನ್, ತರಬೇತಿ ಮತ್ತು ತಂತ್ರಜ್ಞಾನದ ಸಂಪೂರ್ಣ ಬೆಂಬಲವನ್ನು ಕೌಝಿನಾ ಸಂಸ್ಥೆಯು ಒದಗಿಸಲಿದೆ.

ತಂತ್ರಜ್ಞಾನ ಮತ್ತು ಶಿಸ್ತಿನ ಕಾರ್ಯಾಚರಣೆ: ಈ ಕುರಿತು ಮಾತನಾಡಿದ ಕೌಝಿನಾ ಫುಡ್ ಟೆಕ್‌ನ ಬಿಸಿನೆಸ್ ಡೆವಲಪ್‌ಮೆಂಟ್ ಹೆಡ್ ಶ್ರೀಕಾಂತ್, “ಒಂದು ವರ್ಷದಲ್ಲಿ ವಾಸುದೇವ್ ಅಡಿಗಾಸ್ ಅನ್ನು 0ರಿಂದ 55 ವರ್ಚುವಲ್ ಕಿಚನ್‌ಗಳಿಗೆ ಬೆಳೆಸಿರುವುದು, ವಿಶ್ವಾಸಾರ್ಹ ಪಾಕಶೈಲಿಯ ಬ್ರ್ಯಾಂಡ್‌ಗೆ ತಂತ್ರಜ್ಞಾನ ಮತ್ತು ಸರಿಯಾದ ಪಾಲುದಾರರ ಬೆಂಬಲ ದೊರೆತಾಗ ಸಾಧಿಸಬಹುದಾದ ಯಶಸ್ಸಿಗೆ ಉದಾಹರಣೆಯಾಗಿದೆ. ಬೆಂಗಳೂರು ಈ ವಿಸ್ತರಣೆಯ ಕೇಂದ್ರಬಿಂದುವಾಗಿದ್ದು, ನಗರದ ಮತ್ತಷ್ಟು ಬಲಿಷ್ಠ ರೆಸ್ಟೋರೆಂಟ್ ಆಪರೇಟರ್‌ಗಳು ನಮ್ಮೊಂದಿಗೆ ಕೈಜೋಡಿಸಬೇಕೆಂದು ಆಹ್ವಾನಿಸುತ್ತೇವೆ” ಎಂದರು.

The post ಕೇವಲ ಒಂದೇ ವರ್ಷದಲ್ಲಿ 55 ವರ್ಚುವಲ್ ಕಿಚನ್‌ ವಿಸ್ತರಿಸಿದ ʻವಾಸುದೇವ್ ಅಡಿಗಾಸ್ʼ appeared first on Samyukta Karnataka.

ಪೊಲೀಸರ ಪ್ರಾಥಮಿಕ ತನಿಖೆಯ ಪ್ರಕಾರ, ಭಾನುವಾರ ಮಧ್ಯರಾತ್ರಿಯ ಸುಮಾರಿಗೆ ಮಂಜುನಾಥ್ ಅವರ ನಿವಾಸದಲ್ಲಿ ಘಟನೆ ನಡೆದಿದೆ. ಬಾಡಿಗೆ ಪಾವತಿಸದ ವಿಚಾರವಾಗಿ ಮಂಜುನಾಥ್ ಹಾಗೂ ಇಬ್ಬರು ಬಾಡಿಗೆದಾರರ ನಡುವೆ ಗುಂಡಿನ ದಾಳಿಗೂ ಸುಮಾರು ಒಂದು ಗಂಟೆ ಮೊದಲು ವಾಗ್ವಾದ ನಡೆದಿತ್ತು ಎನ್ನಲಾಗಿದೆ. ಬಳಿಕ ಆರೋಪಿಗಳು ಮಂಜುನಾಥ್ ಅವರ ತಲೆಗೆ ಗುಂಡು ಹಾರಿಸಿದ್ದಾರೆ ಎಂದು ಪೊಲೀಸ್ ಅಧಿಕಾರಿಗಳು ತಿಳಿಸಿದ್ದಾರೆ. ಗುಂಡೇಟಿನಿಂದ ತೀವ್ರವಾಗಿ ಗಾಯಗೊಂಡ ಅವರು ಮೃತಪಟ್ಟಿದ್ದಾರೆ.

ಆರೋಪಿಗಳು ಪರಾರಿ – ಪೊಲೀಸರಿಂದ ಶೋಧ : ಆರೋಪಿಗಳಿಬ್ಬರೂ ಡೆಲಿವರಿ ಕೆಲಸ ಮಾಡುತ್ತಿದ್ದರು ಎಂದು ವರದಿಯಾಗಿದೆ. ಗುಂಡಿನ ದಾಳಿಯ ಬಳಿಕ ಅವರು ಸ್ಥಳದಿಂದ ಪರಾರಿಯಾಗಿದ್ದು, ಅವರನ್ನು ಪತ್ತೆಹಚ್ಚಿ ಬಂಧಿಸಲು ಪೊಲೀಸರು ಶೋಧ ಕಾರ್ಯ ಕೈಗೊಂಡಿದ್ದಾರೆ.

ಈ ಸಂಬಂಧ ವೈಟ್‌ಫೀಲ್ಡ್ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ಘಟನೆಗೆ ಸಂಬಂಧಿಸಿದ ಹೆಚ್ಚಿನ ವಿವರಗಳನ್ನು ಪೊಲೀಸರು ಸಂಗ್ರಹಿಸುತ್ತಿದ್ದಾರೆ. ಬಾಡಿಗೆ ಹಣದ ವಿವಾದವೇ ಹತ್ಯೆಗೆ ಕಾರಣವೇ ಎಂಬುದೂ ಸೇರಿದಂತೆ ಪ್ರಕರಣದ ಎಲ್ಲ ಆಯಾಮಗಳ ಬಗ್ಗೆ ತನಿಖೆ ಮುಂದುವರಿದಿದೆ.

• ವಾಟ್ಸ್‌ಆ್ಯಪ್‌, ಟೆಲಿಗ್ರಾಂ ಬಳಕೆಗೆ ಸಿಮ್‌-ಬೈಂಡಿಂಗ್‌ ನಿಯಮ ಜಾರಿ?
• ಫ್ರಾನ್ಸ್‌ನಲ್ಲಿ ಮೊದಲ ಮಾನವ ಶಾಮೊಂಡಾ ವೈರಸ್ ಪ್ರಕರಣ ಪತ್ತೆ: ಸಾರ್ವಜನಿಕರಿಗೆ ಸದ್ಯಕ್ಕೆ ಅಪಾಯವಿಲ್ಲ ಎಂದ ಅಧಿಕಾರಿಗಳು
• ಸೌದಿಯಲ್ಲಿ ಸಿಲುಕಿದ 4,000 ಭಾರತೀಯ ಯಾತ್ರಿಕರು: ವಿಶೇಷ ವಿಮಾನಕ್ಕೆ ಓವೈಸಿ ಆಗ್ರಹ
• ಹುಬ್ಬಳ್ಳಿಯಲ್ಲಿ ಗಾಳಿಪಟದ ಮಾಂಜಾ ದಾರಕ್ಕೆ ಮಹಿಳೆ ಬಲಿ
• ಚಿತ್ರದುರ್ಗದಲ್ಲಿ ಭೀಕರ ರಸ್ತೆ ಅಪಘಾತ: ಬಸ್–ಲಾರಿ ಮುಖಾಮುಖಿ ಡಿಕ್ಕಿಗೆ ಬಾಲಕ ಸೇರಿ ಇಬ್ಬರು ಸಾವು

The post ಮಧ್ಯರಾತ್ರಿ ಗುಂಡಿನ ಸದ್ದು: ಬೆಂಗಳೂರಿನಲ್ಲಿ ವಕೀಲನಿಗೆ ಗುಂಡಿಕ್ಕಿ ಹತ್ಯೆ appeared first on Samyukta Karnataka.

ಖ್ಯಾತ ನಟಿ ನಂದಿತಾ ಶ್ವೇತಾ ಹಾಗೂ ‘ಮಿಸ್ ಯೂನಿವರ್ಸ್ ಆಂಧ್ರ ಪ್ರದೇಶ 2026’ ಫಸಿಹಾ ನೌಮಾನ್ ಅವರ ವಿಶೇಷ ಉಪಸ್ಥಿತಿಯಲ್ಲಿ ಪ್ರದರ್ಶನಕ್ಕೆ ಚಾಲನೆ ನೀಡಲಾಯಿತು. ಈ ಸಂದರ್ಭದಲ್ಲಿ ಆಭರಣ ಉದ್ಯಮದ ಗಣ್ಯರು, ವಿನ್ಯಾಸಕರು ಹಾಗೂ ಆಹ್ವಾನಿತ ಅತಿಥಿಗಳು ಪಾಲ್ಗೊಂಡಿದ್ದರು.

ಚಿನ್ನ, ವಜ್ರದಿಂದ ಲ್ಯಾಬ್-ಗ್ರೋನ್ ವಜ್ರದವರೆಗೆ ವೈವಿಧ್ಯಮಯ ಸಂಗ್ರಹ : ಮುಂಬರುವ ಮದುವೆ ಸಮಾರಂಭಗಳು, ಹಬ್ಬಗಳು ಮತ್ತು ವಿಶೇಷ ಸಂದರ್ಭಗಳನ್ನು ಗಮನದಲ್ಲಿಟ್ಟುಕೊಂಡು ಆಯೋಜಿಸಿರುವ ಈ ಮೇಳದಲ್ಲಿ 50,000ಕ್ಕೂ ಹೆಚ್ಚು ಆಭರಣ ವಿನ್ಯಾಸಗಳನ್ನು ಪ್ರದರ್ಶಿಸಲಾಗುತ್ತಿದೆ. ಚಿನ್ನ, ವಜ್ರ, ಪ್ಲಾಟಿನಂ ಮತ್ತು ಅಮೂಲ್ಯ ರತ್ನಗಳಿಂದ ತಯಾರಿಸಲಾದ ಆಭರಣಗಳು ಗ್ರಾಹಕರ ಗಮನ ಸೆಳೆಯುತ್ತಿವೆ.

ಸಾಂಪ್ರದಾಯಿಕ ಆಭರಣಗಳಾದ ಕುಂದನ್, ಜಡಾವ್, ಪೋಲ್ಕಿ ಹಾಗೂ ಆಂಟಿಕ್ ವಿನ್ಯಾಸಗಳ ಜೊತೆಗೆ ಆಧುನಿಕ ಶೈಲಿಯ ಆಭರಣಗಳಿಗೂ ಮೇಳದಲ್ಲಿ ಅವಕಾಶ ಕಲ್ಪಿಸಲಾಗಿದೆ. ಬೆಳ್ಳಿ ಆಭರಣಗಳು ಮತ್ತು ಲ್ಯಾಬ್-ಗ್ರೋನ್ ವಜ್ರಗಳಿಂದ ತಯಾರಿಸಿದ ವಿನ್ಯಾಸಗಳು ಸಹ ಪ್ರದರ್ಶನದ ಪ್ರಮುಖ ಆಕರ್ಷಣೆಗಳಾಗಿವೆ.

ದೇಶದ ಪ್ರಮುಖ ನಗರಗಳ ವಿನ್ಯಾಸಕರ ಸಮಾಗಮ : ಬೆಂಗಳೂರು ಮಾತ್ರವಲ್ಲದೆ ಮುಂಬೈ, ದೆಹಲಿ, ಜೈಪುರ, ಹೈದರಾಬಾದ್, ಸೂರತ್ ಮತ್ತು ಅಹಮದಾಬಾದ್ ಸೇರಿದಂತೆ ದೇಶದ ವಿವಿಧ ನಗರಗಳ ಹೆಸರಾಂತ ಆಭರಣ ವಿನ್ಯಾಸಕರು ಹಾಗೂ ಬ್ರ್ಯಾಂಡ್‌ಗಳು ತಮ್ಮ ಸಂಗ್ರಹಗಳನ್ನು ಪ್ರದರ್ಶಿಸುತ್ತಿವೆ. ಸಾಂಪ್ರದಾಯಿಕ ಭಾರತೀಯ ಆಭರಣ ಕಲೆಯೊಂದಿಗೆ ಸಮಕಾಲೀನ ವಿನ್ಯಾಸಗಳನ್ನೂ ಒಂದೇ ವೇದಿಕೆಯಲ್ಲಿ ವೀಕ್ಷಿಸಲು ಗ್ರಾಹಕರಿಗೆ ಅವಕಾಶ ದೊರೆಯುತ್ತಿದೆ.

ಆಭರಣ ಖರೀದಿಗೆ ಮೂರು ದಿನಗಳ ಅವಕಾಶ : ಅಕ್ಟೋಬರ್ 16, 17 ಮತ್ತು 18ರಂದು ನಡೆಯುವ ಈ ಪ್ರದರ್ಶನದಲ್ಲಿ ಗ್ರಾಹಕರು ವಿವಿಧ ವಿನ್ಯಾಸಗಳನ್ನು ಹೋಲಿಕೆ ಮಾಡಿ ವೀಕ್ಷಿಸುವುದರ ಜೊತೆಗೆ ಆಯ್ದ ಆಭರಣಗಳನ್ನು ಮುಂಗಡವಾಗಿ ಕಾಯ್ದಿರಿಸುವ ಅವಕಾಶವನ್ನೂ ಪಡೆಯಬಹುದು ಎಂದು ಆಯೋಜಕರು ತಿಳಿಸಿದ್ದಾರೆ.

ಮದುವೆಗೆ ಬೇಕಾದ ಆಭರಣಗಳು, ಹಬ್ಬದ ವಿಶೇಷ ಸಂಗ್ರಹಗಳು ಅಥವಾ ಆಧುನಿಕ ವಿನ್ಯಾಸಗಳನ್ನು ಹುಡುಕುತ್ತಿರುವವರಿಗೆ ಈ ಮೇಳ ಉಪಯುಕ್ತವಾಗಬಹುದು. ಒಂದೇ ಸ್ಥಳದಲ್ಲಿ ಹಲವು ನಗರಗಳ ವಿನ್ಯಾಸಕರು ಮತ್ತು ಬ್ರ್ಯಾಂಡ್‌ಗಳ ಸಂಗ್ರಹಗಳನ್ನು ನೋಡುವ ಅವಕಾಶವೇ ‘ಏಷ್ಯಾ ಜುವೆಲ್ಸ್ ಶೋ 2026’ರ ಪ್ರಮುಖ ಆಕರ್ಷಣೆಯಾಗಿದೆ.

• ವಾಟ್ಸ್‌ಆ್ಯಪ್‌, ಟೆಲಿಗ್ರಾಂ ಬಳಕೆಗೆ ಸಿಮ್‌-ಬೈಂಡಿಂಗ್‌ ನಿಯಮ ಜಾರಿ?
• ಫ್ರಾನ್ಸ್‌ನಲ್ಲಿ ಮೊದಲ ಮಾನವ ಶಾಮೊಂಡಾ ವೈರಸ್ ಪ್ರಕರಣ ಪತ್ತೆ: ಸಾರ್ವಜನಿಕರಿಗೆ ಸದ್ಯಕ್ಕೆ ಅಪಾಯವಿಲ್ಲ ಎಂದ ಅಧಿಕಾರಿಗಳು
• ಸೌದಿಯಲ್ಲಿ ಸಿಲುಕಿದ 4,000 ಭಾರತೀಯ ಯಾತ್ರಿಕರು: ವಿಶೇಷ ವಿಮಾನಕ್ಕೆ ಓವೈಸಿ ಆಗ್ರಹ
• ಹುಬ್ಬಳ್ಳಿಯಲ್ಲಿ ಗಾಳಿಪಟದ ಮಾಂಜಾ ದಾರಕ್ಕೆ ಮಹಿಳೆ ಬಲಿ
• ಚಿತ್ರದುರ್ಗದಲ್ಲಿ ಭೀಕರ ರಸ್ತೆ ಅಪಘಾತ: ಬಸ್–ಲಾರಿ ಮುಖಾಮುಖಿ ಡಿಕ್ಕಿಗೆ ಬಾಲಕ ಸೇರಿ ಇಬ್ಬರು ಸಾವು

The post ಬೆಂಗಳೂರಿನಲ್ಲಿ ‘ಏಷ್ಯಾ ಜುವೆಲ್ಸ್ ಶೋ 2026’ ಆರಂಭ appeared first on Samyukta Karnataka.

ಪ್ರಖ್ಯಾತ ವಿದುಷಿ ಡಾ. ಸುಪರ್ಣ ವೆಂಕಟೇಶ ಅವರ ವಿದ್ಯಾರ್ಥಿಯಾಗಿ, ಶ್ರದ್ಧೆಯಿಂದ ನಾಟ್ಯವನ್ನು ಕಲಿತ ಈ ಕಲಾವಿದೆ ರಂಗಾರೋಹಣ ಸಮಾರಂಭಕ್ಕೆ ಐಸಿಸಿಆರ್ ದಕ್ಷಿಣ ವಲಯ ನಿರ್ದೇಶಕ ನಿಷಿ ಬಾಲಾ, ಖ್ಯಾತ ನೃತ್ಯ ಕಲಾವಿದ ವಿದ್ವಾನ್ ಪಾರ್ಶ್ವನಾಥ ಉಪಾಧ್ಯೆ ಮತ್ತು ಡಾನ್ಸ್ ಇಂಡಿಯಾ ಮ್ಯಾಗಜಿನ್ ಸಂಪಾದಕ ವಿಕ್ರಂ ಕುಮಾರ್ ಅವರು ಮುಖ್ಯ ಅತಿಥಿಗಳಾಗಿ ಆಗಮಿಸಲಿದ್ದಾರೆ ತಾಂತ್ರಿಕ ನಿರ್ದೇಶಕ ಸಾಯಿ ವೆಂಕಟೇಶ್ ಹಾಗೂ ಪಾಲಕರಾದ ವೈ.ಎಂ. ಜಗದೀಶ್ ಮತ್ತು ಶ್ರೀದೇವಿ ಜಗದೀಶ್ ಉಪಸ್ಥಿತರಿರುತ್ತಾರೆ.

ಹಿಮ್ಮೇಳ ಕಲಾವಿದರು: ಮೋನಿಷಾ ರಂಗಪ್ರವೇಶಕ್ಕೆ ನಟವಾಂಗದಲ್ಲಿ ಗುರು ಸುಪರ್ಣಾ ವೆಂಕಟೇಶ, ಗಾಯನದಲ್ಲಿ ಶ್ರೀಕಾಂತ ಗೋಪಾಲಕೃಷ್ಣನ್, ಮೃದಂಗದಲ್ಲಿ ವಿದ್ವಾನ್ ವಿದ್ಯಾಶಂಕರ್ ಪಿಟೀಲಿನಲ್ಲಿ ಕಿಕ್ಕೇರಿ ಜಯರಾಮ್, ಕೊಳಲು ವಾದನದಲ್ಲಿ ಮತ್ತೂರು ಶ್ರೀನಿಧಿ ಸಹಕಾರ ನೀಡಲಿದ್ದಾರೆ.

ಹೊಮ್ಮುತ್ತಿದೆ ಉಭಯ ನರ್ತನಾಸಕ್ತಿ: ಕಥಕ್ ಮತ್ತು ಭರತನಾಟ್ಯ ಕ್ಷೇತ್ರದಲ್ಲಿ ಅತ್ಯುನ್ನತವಾದ ಸಾಧನೆಗಳನ್ನು ಮಾಡಬೇಕೆಂದು ಸಂಕಲ್ಪ ತೊಟ್ಟಿರುವ ಮೋನಿಷಾ ಅವರು ತಮ್ಮ ಮೂರನೇ ವರ್ಷದಿಂದಲೇ ನೃತ್ಯ ಕಲಿಕೆಗೆ ಅಡಿ ಇಟ್ಟರು. ಕಥಕ್‌ನಲ್ಲಿ ಮಾಯಾರಾವ್, ಶ್ವೇತಾ ವೆಂಕಟೇಶ್ ಮತ್ತು ದುರ್ಗಾ ಆರ್ಯ ಅವರಲ್ಲಿ ಕಲಿಕೆಯನ್ನು ನಡೆಸಿದರು. ಪುಣೆಯ ತಿಲೋಕ ಮಹಾರಾಷ್ಟ್ರ ವಿದ್ಯಾಪೀಠದಿಂದ ಸ್ನಾತಕೋತ್ತರ ಪದವಿ ಪಡೆದರು.

ಭರತನಾಟ್ಯದಲ್ಲಿ ಗುರು ಸುಪರ್ಣಾ ಅವರ ಗರಡಿಯಲ್ಲಿ ಪಳಗಿದರು. ಬೆಂಗಳೂರು ವಿವಿ ಯಿಂದ ಭರತನಾಟ್ಯದಲ್ಲಿ ಎಂಎ ಪದವೀಧರರಾದರು. ನೃತ್ಯದಲ್ಲಿ ದೂರದರ್ಶನದ ಬಿ ಹೈ ಗ್ರೇಡ್ ಕಲಾವಿದೆ ಆಗಿರುವುದೂ ಬಹು ವಿಶೇಷ.

ಶೈಕ್ಷಣಿಕ ರಂಗದಲ್ಲಿಯೂ ಸಾಧನೆ: ಶೈಕ್ಷಣಿಕ ರಂಗದಲ್ಲಿಯೂ ಮೋನಿಷಾ ಅತ್ಯುನ್ನತ ಸಾಧನೆ ಮಾಡಿದ್ದಾರೆ. ಇಂಗ್ಲೆಂಡಿನ ನೋಟಿಂಗ್ ಹ್ಯಾಮ್ ಟ್ರೆಂಟ್ ವಿವಿಯಿಂದ ಇಂಟರ್ನ್ಯಾಷನಲ್ ಬಿಜಿನೆಸ್ ಹಾನರ್ಸ್ ಪದವಿಗೆ ಭಾಜನರಾಗಿದ್ದಾರೆ. ಎಲ್ಲೇ ಇದ್ದರೂ, ಯಾವುದೇ ವಿವಿಯಲ್ಲಿ ಪದವಿಗಳನ್ನು ಪಡೆದರೂ ಕಲೆಗೆ ಮಾತ್ರ ಇವರ ಬದ್ಧತೆ ಅನನ್ಯವಾಗಿದೆ ಎಂಬುದು ಗಮನೀಯ.

ವಿವಿಧೆಡೆ ಕಲಾ ಪ್ರದರ್ಶನ: ಪದವಿ ಮತ್ತು ಪ್ರತಿಭೆಗಳಿಗೆ ಅನ್ವರ್ಥವಾಗಿರುವ ಮೋನಿಷಾ ಅವರು ದೇಶ- ವಿದೇಶದ ಪ್ರತಿಷ್ಠಿತ ವೇದಿಕೆಗಳಲ್ಲಿ ಕಲಾ ಪ್ರದರ್ಶನ ಮಾಡಿದ್ದಾರೆ. ಐಸಿಸಿಆರ್ ಸಹಯೋಗದೊಂದಿಗೆ ರಷ್ಯಾದಲ್ಲಿ ಕಲಾ ಪ್ರದರ್ಶನ ನೀಡಿರುವ ಇವರು, ಉಡುಪಿಯ ಕೃಷ್ಣ ಮಠ, ಉಚ್ಚಿಲ್ ಬ್ರಹ್ಮ ಕಲಶ ಉತ್ಸವ, ಅಮರಾವತಿ ನಾಟ್ಯ ಉತ್ಸವ, ಚೆನ್ನೈನ ಮಾರ್ಗಾಳಿ ಉತ್ಸವ ಮತ್ತು ನವರಾತ್ರಿ ಉತ್ಸವಗಳಲ್ಲಿ ತಮ್ಮ ಕಲಾ ಪ್ರೌಢಿಮೆಯನ್ನು ಬಿಂಬಿಸಿದ್ದಾರೆ. ‘ಸ್ಥಿತಿಗತಿ ಡಾನ್ಸ್ ಕಂಪನಿ’ ಎಂಬ ಹೊಸ ಪರಿಕ್ರಮ ಆರಂಭಿಸಿರುವ ಈಕೆ, ಹತ್ತಾರು ಯುವ ಕಲಾವಿದರಿಗೆ ವೇದಿಕೆ ಪ್ರದರ್ಶನಕ್ಕಾಗಿ ವಿಶೇಷ ತರಬೇತಿಯನ್ನು ನೀಡುವ ನಿಟ್ಟಿನಲ್ಲಿ ಹೊಸ ಹೊಸ ಹೆಜ್ಜೆಗಳನ್ನು ಇಡುತ್ತಿದ್ದಾರೆ. ಕಥಕ್‌ನಲ್ಲಿ ಈಗಾಗಲೇ ರಂಗಪ್ರವೇಶ ಮಾಡಿರುವ ಇವರು ಭರತನಾಟ್ಯ ರಂಗದಲ್ಲಿ ಇನ್ನೊಂದು ಮೈಲಿಗಲ್ಲು ಸ್ಥಾಪಿಸಲು ಈಗ ಅಣಿ ಆಗಿರುವುದು ವಿಶೇಷ ಎನಿಸಿದೆ.

The post 16ರಂದು ಯುವ ಕಲಾವಿದೆ ಮೋನಿಷಾ ಐಸಿರಿ ರಂಗ ಪ್ರವೇಶ appeared first on Samyukta Karnataka.

ಫೈನಲ್ ಪಂದ್ಯದಲ್ಲಿ ಸೂಪರ್ ರಾಯಲ್ಸ್ ತಂಡವನ್ನು ಮಣಿಸಿದ ಬ್ರದರ್ಸ್ 11, ಚಾಂಪಿಯನ್ ಟ್ರೋಫಿ ಹಾಗೂ 40 ಸಾವಿರ ರೂ. ನಗದು ಬಹುಮಾನವನ್ನು ತನ್ನದಾಗಿಸಿಕೊಂಡಿತು.

ಡಿವಿ ಬ್ರದರ್ಸ್ ಆಯೋಜಿಸಿದ್ದ ಈ ಟೂರ್ನಿಯಲ್ಲಿ ಒಟ್ಟು 12 ತಂಡಗಳು ಭಾಗವಹಿಸಿದ್ದವು. ಲೀಗ್ ಹಂತದ ಪಂದ್ಯಗಳನ್ನು ತಲಾ ನಾಲ್ಕು ಓವರ್‌ಗಳಿಗೆ ಹಾಗೂ ಕ್ವಾರ್ಟರ್‌ಫೈನಲ್‌ನಿಂದ ಮುಂದಿನ ಹಂತದ ಪಂದ್ಯಗಳನ್ನು ತಲಾ ಐದು ಓವರ್‌ಗಳಿಗೆ ಸೀಮಿತಗೊಳಿಸಲಾಗಿತ್ತು.

ಅಂತಿಮ ಹಣಾಹಣಿಯಲ್ಲಿ ಬ್ರದರ್ಸ್ 11 ಮತ್ತು ಸೂಪರ್ ರಾಯಲ್ಸ್ ತಂಡಗಳು ಮುಖಾಮುಖಿಯಾದವು. ಜಿದ್ದಾಜಿದ್ದಿನಿಂದ ಕೂಡಿದ್ದ ಪಂದ್ಯದಲ್ಲಿ ಉತ್ತಮ ಆಟ ಪ್ರದರ್ಶಿಸಿದ ಬ್ರದರ್ಸ್ 11 ಗೆಲುವು ಸಾಧಿಸಿ ಪ್ರಶಸ್ತಿಯನ್ನು ಮುಡಿಗೇರಿಸಿಕೊಂಡಿತು. ಸೂಪರ್ ರಾಯಲ್ಸ್ ತಂಡ ರನ್ನರ್‌ಅಪ್ ಸ್ಥಾನ ಪಡೆದುಕೊಂಡಿತು.

ಟೂರ್ನಿಯಲ್ಲಿ ದ್ವಿತೀಯ ಸ್ಥಾನ ಪಡೆದ ಸೂಪರ್ ರಾಯಲ್ಸ್ ತಂಡಕ್ಕೆ 20 ಸಾವಿರ ರೂ. ನಗದು ಬಹುಮಾನ ನೀಡಲಾಯಿತು. ಮೂರನೇ ಸ್ಥಾನ ಪಡೆದ ಲಾಜಿಕ್ಸ್ ತಂಡ 10 ಸಾವಿರ ರೂ. ಬಹುಮಾನ ಪಡೆದುಕೊಂಡಿತು. ನಾಲ್ಕನೇ ಸ್ಥಾನ ಗಳಿಸಿದ ಆರ್‌ಸಿಬಿ ತಂಡಕ್ಕೆ ಪದಕ ಹಾಗೂ ಟ್ರೋಫಿ ನೀಡಿ ಗೌರವಿಸಲಾಯಿತು.

ವಿಶ್ವ ಪವರ್‌ಲಿಫ್ಟರ್ ಭರತ್ ಕುಮಾರ್ ಟೂರ್ನಿಯ ನೇತೃತ್ವ ವಹಿಸಿದ್ದರು. ಎನ್‌ಒಸಿ ರಾಜ್ಯ ಮುಖ್ಯಸ್ಥ ರಾಜೇಶ್, ರಾಷ್ಟ್ರೀಯ ರೆಫರಿ ಶ್ರೀಧರ್ ಹಾಗೂ ಒಮಗೋ ಹೆಲ್ತ್‌ಕೇರ್ ಕಂಪನಿಯ ವ್ಯವಸ್ಥಾಪಕ ಜೈ ಜಗದೀಶ್ ಸೇರಿದಂತೆ ಇನ್ನಿತರರು ಉಪಸ್ಥಿತರಿದ್ದರು.

The post 3ನೇ ವೆಂಕಿ ಕಪ್ ಕ್ರಿಕೆಟ್ ಟೂರ್ನಿ: ಬ್ರದರ್ಸ್ 11 ಚಾಂಪಿಯನ್ appeared first on Samyukta Karnataka.

ಗದಗ ಜಿಲ್ಲೆ ಶಿರಹಟ್ಟಿಯ ಭಾವೈಕ್ಯತಾ ಫಕೀರೇಶ್ವರ ಮಠದ ಶ್ರೀ ದಿಂಗಾಲೇಶ್ವರ ಸ್ವಾಮೀಜಿ ನೇತೃತ್ವದಲ್ಲಿ ಉತ್ತರ ಕರ್ನಾಟಕ, ಕಲ್ಯಾಣ ಕರ್ನಾಟಕ ಭಾಗದ 25 ಕ್ಕೂ ಹೆಚ್ಚು ಮಠಗಳ ಸ್ವಾಮೀಜಿಗಳ ನಿಯೋಗ ಉದ್ದೇಶಿಸಿ ಗೃಹಕಚೇರಿ ಕೃಷ್ಣಾದಲ್ಲಿ ಶನಿವಾರ ಮಾತನಾಡಿದರು.

“ಈ ಹಿಂದೆ ವೀರಶೈವ, ಲಿಂಗಾಯತ ಬೇರೆ ಮಾಡಲು ಹೋದಾಗ ಸಮುದಾಯದ ಗುರುಗಳ ಕ್ಷಮೆ ಕೇಳಿದ್ದೆ. ನಾವು ಸೂಜಿಯಂತೆ ಹೊಲಿಯುವ ಕೆಲಸ ಮಾಡುತ್ತೇವೆ. ಕತ್ತರಿಯಂತೆ ಕತ್ತರಿಸುವ ಕೆಲಸ ಮಾಡುವುದಿಲ್ಲ. ನಮ್ಮದು ಸಮಾಜ ಒಗ್ಗೂಡಿಸುವ ಧರ್ಮ. ವಿಭಜನೆ ಮಾಡುವುದಲ್ಲ. ಒಗ್ಗಟ್ಟಿನಲ್ಲಿ ಶಕ್ತಿ ಇದೆ” ಎಂದು ಹೇಳಿದರು.

“ಬಾಳೆಹೊನ್ನೂರು ಮಠ ಸೇರಿದಂತೆ ಅನೇಕ ಮಠಗಳಿಗೆ ಭೇಟಿ ಕೊಟ್ಟಿದ್ದೇನೆ. ಅಲ್ಲಿನ ಆಚಾರ ವಿಚಾರ ಗಮನಿಸಿದ್ದೇನೆ. ನಾನು ವೀರ ಗಂಗಾಧರ ಅಜ್ಜಯ್ಯನವರ ಹೆಸರಲ್ಲಿ ಪ್ರಮಾಣ ವಚನ ಸ್ವೀಕಾರ ಮಾಡಿದ್ದೇನೆ. ಇದಕ್ಕೆ ಇಡೀ ದೇಶದ ನಾಯಕರು ಅಚ್ಚರಿಪಟ್ಟರು” ಎಂದರು.

“ಚೆನ್ನೈನ ಆಸ್ಪತ್ರೆಯಲ್ಲಿ ಸಿದ್ದಗಂಗಾ ಶ್ರೀಗಳಿಗೆ ಮುಸ್ಲಿಂ ವೈದ್ಯರು ಶಸ್ತ್ರಚಿಕಿತ್ಸೆ ನಡೆಸಿದರು. ಆಗ ನಾನು ಧರ್ಮ, ಜಾತಿ ಎಂಬುದು ಮಾನವೀಯತೆಯಲ್ಲಿ ಇದೆ. ಎಲ್ಲರೂ ಒಂದೇ ಎಂದು ಹೇಳಿದಾಗ ಬಹಳ ಜನ ಟೀಕೆ ಮಾಡಿದರು. ಆದರೆ ನಾನು ತಲೆ ಕೆಡಿಸಿಕೊಳ್ಳಲಿಲ್ಲ” ಎಂದರು.

ದಸರಾ ಉದ್ಘಾಟನೆಗೆ ಗವಿಶ್ರೀಗಳು ಒಪ್ಪಿಲ್ಲವೆಂದು ಸುಳ್ಳುಸುದ್ದಿ: “ದಸರಾ ಉದ್ಘಾಟನೆಯನ್ನು ಕೊಪ್ಪಳ ಗವಿಸಿದ್ದೇಶ್ವರ ಮಠಗಳ ಶ್ರೀಗಳು ನೆರವೇರಿಸಲಿದ್ದಾರೆ. ಆ ಮಠದ ಕೆಲಸ ನೋಡಿದ್ದೇನೆ. ಅವರ ವ್ಯಕ್ತಿತ್ವ ದೊಡ್ಡದು. ಅವರನ್ನು ಇಡೀ ರಾಜ್ಯ ಒಪ್ಪಿದೆ. ಸ್ವಾಮಿಗಳೂ ಉದ್ಘಾಟನೆಗೆ ಒಪ್ಪಿದ್ದಾರೆ. ಅವರ ಜತೆ ಮಾತಾಡಿಯೇ ಅವರ ಹೆಸರನ್ನು ಅಂತಿಮಗೊಳಿಸಲಾಯಿತು. ಆದರೆ ಕೆಲವರು ಇದರಲ್ಲೂ ರಾಜಕೀಯ ಮಾಡಲು ನೋಡಿದರು. ಸ್ವಾಮಿಗಳು ಒಪ್ಪಿಲ್ಲವೆಂದು ಸುಳ್ಳು ಸುದ್ದಿ ಹಬ್ಬಿಸಿದರು” ಎಂದರು.

“ನನಗೆ ಸಿಕ್ಕಿರೋ ಅವಕಾಶದಲ್ಲಿ ಜನರ ಹೃದಯ ಗೆದ್ದು, ಕೆಲಸ ಮಾಡುವೆ. ಅದೇ ನನ್ನ ಗುರಿ. ಗುರುಗಳೆಲ್ಲರೂ ಮಾಡಿರುವ ಆಶೀರ್ವಾದ ನನಗೆ ಮಾತ್ರವಲ್ಲ, ಇಡೀ ಸರಕಾರಕ್ಕೆ ಇದೆ” ಎಂದರು.

The post ನಮ್ಮದು ಸಮಾಜ ಒಗ್ಗೂಡಿಸುವ ಧರ್ಮ, ವಿಭಜನೆ ಮಾಡುವುದಲ್ಲ appeared first on Samyukta Karnataka.

ಸ್ಫೋಟದ ವೇಳೆ ಪಾದಚಾರಿ ಮಾರ್ಗದಲ್ಲಿ ನಡೆದುಕೊಂಡು ಹೋಗುತ್ತಿದ್ದ ವ್ಯಕ್ತಿಯೊಬ್ಬರು ಬಿದ್ದು ಕೈಗಳಿಗೆ ಗಂಭೀರ ಸುಟ್ಟ ಗಾಯಗಳಿಗೆ ಒಳಗಾಗಿದ್ದಾರೆ. ಮತ್ತೊಬ್ಬ ಪಾದಚಾರಿಗೂ ಸಣ್ಣಪುಟ್ಟ ಗಾಯಗಳಾಗಿವೆ. ಸಮೀಪದಲ್ಲಿದ್ದ ವಿದ್ಯಾರ್ಥಿನಿಯೊಬ್ಬರು ಯಾವುದೇ ಗಾಯಗಳಿಲ್ಲದೆ ಪಾರಾಗಿದ್ದಾರೆ. ಈ ದೃಶ್ಯಗಳು ಸಾಮಾಜಿಕ ಜಾಲತಾಣದಲ್ಲಿ ವೇರಲ್‌ ಆಗದೆ.

ಘಟನೆಯು ಯಲಹಂಕ ಓಲ್ಡ್ ಟೌನ್ ಪೊಲೀಸ್ ಠಾಣೆ ವ್ಯಾಪ್ತಿಯಲ್ಲಿ ನಡೆದಿದ್ದು, ಸ್ಥಳಕ್ಕೆ ಪೊಲೀಸರು ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ. ಟ್ರಾನ್ಸ್‌ಫಾರ್ಮರ್ ಸ್ಫೋಟಕ್ಕೆ ನಿಖರ ಕಾರಣವೇನು ಎಂಬುದು ಇನ್ನಷ್ಟೇ ತನಿಖೆಯಿಂದ ಸ್ಪಷ್ಟವಾಗಬೇಕಿದೆ. ಸದ್ಯಕ್ಕೆ ವಿದ್ಯುತ್ ಉಪಕರಣದ ವೈಫಲ್ಯಕ್ಕೆ ಕಾರಣವಾಗಿರುವ ಅಂಶಗಳ ಕುರಿತು ಪರಿಶೀಲನೆ ನಡೆಯುತ್ತಿದೆ.

ಘಟನೆಯ ದೃಶ್ಯವನ್ನು ರಸ್ತೆಯಲ್ಲಿ ಸಂಚರಿಸುತ್ತಿದ್ದ ವ್ಯಕ್ತಿಯೊಬ್ಬರ ಡ್ಯಾಶ್‌ಕ್ಯಾಮ್ ಕ್ಯಾಮೆರಾ ಸೆರೆಹಿಡಿದಿದೆ. ಸ್ಫೋಟ ಸಂಭವಿಸುತ್ತಿದ್ದಂತೆ ಸ್ಥಳದಲ್ಲಿ ಆತಂಕದ ವಾತಾವರಣ ನಿರ್ಮಾಣವಾಗಿದ್ದು, ಕೆಲವೇ ಕ್ಷಣಗಳಲ್ಲಿ ಸಾರ್ವಜನಿಕರು ಸ್ಥಳದತ್ತ ಧಾವಿಸಿದ್ದಾರೆ. ಮಕ್ಕಳನ್ನು ಶಾಲೆಗೆ ಕರೆದೊಯ್ಯುತ್ತಿದ್ದ ಕಾರಣ ಕಾರಿನಿಂದ ಹೊರಬರಲು ಸಾಧ್ಯವಾಗಲಿಲ್ಲ ಎಂದು ಡ್ಯಾಶ್‌ಕ್ಯಾಮ್ ದೃಶ್ಯ ಹಂಚಿಕೊಂಡ ವ್ಯಕ್ತಿ ತಿಳಿಸಿದ್ದಾರೆ.

ಈ ಘಟನೆ ಪಾದಚಾರಿ ಮಾರ್ಗಗಳಲ್ಲಿ ಅಳವಡಿಸಿರುವ ವಿದ್ಯುತ್ ಟ್ರಾನ್ಸ್‌ಫಾರ್ಮರ್‌ಗಳ ಸುರಕ್ಷತೆ ಕುರಿತು ಮತ್ತೊಮ್ಮೆ ಪ್ರಶ್ನೆಗಳನ್ನು ಹುಟ್ಟುಹಾಕಿದೆ. ವಿಶೇಷವಾಗಿ ಶಾಲಾ ಮಕ್ಕಳು, ಪಾದಚಾರಿಗಳು ಮತ್ತು ಸಾರ್ವಜನಿಕರು ಹೆಚ್ಚಿನ ಸಂಖ್ಯೆಯಲ್ಲಿ ಸಂಚರಿಸುವ ಪ್ರದೇಶಗಳಲ್ಲಿ ಇಂತಹ ವಿದ್ಯುತ್ ಮೂಲಸೌಕರ್ಯಗಳ ಸುರಕ್ಷತೆ, ನಿರ್ವಹಣೆ ಮತ್ತು ರಕ್ಷಣಾತ್ಮಕ ವ್ಯವಸ್ಥೆಗಳ ಬಗ್ಗೆ ಪರಿಶೀಲನೆ ಅಗತ್ಯ ಎಂಬ ಚರ್ಚೆ ಆರಂಭವಾಗಿದೆ.

ಇದೇ ವೇಳೆ, ಬೆಂಗಳೂರಿನ ಮತ್ತೊಂದು ಭಾಗವಾದ ಬೆನ್ನಿಗಾನಹಳ್ಳಿಯಲ್ಲಿ ಅಕ್ಟೋಬರ್ 6ರಂದು ಟ್ರಾನ್ಸ್‌ಫಾರ್ಮರ್ ಸ್ಫೋಟಗೊಂಡು ನಾಲ್ವರು ಗಾಯಗೊಂಡಿದ್ದ ಘಟನೆ ಕೂಡ ವರದಿಯಾಗಿದೆ. ಈ ಘಟನೆಯಲ್ಲಿ ಭಾರೀ ವಿದ್ಯುತ್ ಲೋಡ್ ಪ್ರಾಥಮಿಕ ಕಾರಣವಾಗಿರಬಹುದು ಎಂದು ಪೊಲೀಸರು ಶಂಕಿಸಿದ್ದು, ನಿಖರ ಕಾರಣ ತನಿಖೆಯಿಂದ ತಿಳಿದುಬರಬೇಕಿದೆ.

ಬಾಗಲೂರು ಕ್ರಾಸ್ ಘಟನೆಯ ಹಿನ್ನೆಲೆಯಲ್ಲಿ ವಿದ್ಯುತ್ ಉಪಕರಣಗಳ ಸುರಕ್ಷತೆ ಹಾಗೂ ಸಾರ್ವಜನಿಕರು ಓಡಾಡುವ ಪಾದಚಾರಿ ಮಾರ್ಗಗಳಲ್ಲಿ ಟ್ರಾನ್ಸ್‌ಫಾರ್ಮರ್‌ಗಳ ಅಳವಡಿಕೆ ಮತ್ತು ನಿರ್ವಹಣೆ ಕುರಿತು ಸಂಬಂಧಿತ ಇಲಾಖೆಗಳು ಪರಿಶೀಲನೆ ನಡೆಸುವ ಅಗತ್ಯ ಎದುರಾಗಿದೆ

• ವಾಟ್ಸ್‌ಆ್ಯಪ್‌, ಟೆಲಿಗ್ರಾಂ ಬಳಕೆಗೆ ಸಿಮ್‌-ಬೈಂಡಿಂಗ್‌ ನಿಯಮ ಜಾರಿ?
• ಫ್ರಾನ್ಸ್‌ನಲ್ಲಿ ಮೊದಲ ಮಾನವ ಶಾಮೊಂಡಾ ವೈರಸ್ ಪ್ರಕರಣ ಪತ್ತೆ: ಸಾರ್ವಜನಿಕರಿಗೆ ಸದ್ಯಕ್ಕೆ ಅಪಾಯವಿಲ್ಲ ಎಂದ ಅಧಿಕಾರಿಗಳು
• ಸೌದಿಯಲ್ಲಿ ಸಿಲುಕಿದ 4,000 ಭಾರತೀಯ ಯಾತ್ರಿಕರು: ವಿಶೇಷ ವಿಮಾನಕ್ಕೆ ಓವೈಸಿ ಆಗ್ರಹ
• ಹುಬ್ಬಳ್ಳಿಯಲ್ಲಿ ಗಾಳಿಪಟದ ಮಾಂಜಾ ದಾರಕ್ಕೆ ಮಹಿಳೆ ಬಲಿ
• ಚಿತ್ರದುರ್ಗದಲ್ಲಿ ಭೀಕರ ರಸ್ತೆ ಅಪಘಾತ: ಬಸ್–ಲಾರಿ ಮುಖಾಮುಖಿ ಡಿಕ್ಕಿಗೆ ಬಾಲಕ ಸೇರಿ ಇಬ್ಬರು ಸಾವು

The post ಬೆಂಗಳೂರಿನ ಪಾದಚಾರಿ ಮಾರ್ಗದಲ್ಲಿದ್ದ ಟ್ರಾನ್ಸ್‌ಫಾರ್ಮರ್ ಸ್ಫೋಟದ Video ವೈರಲ್‌ appeared first on Samyukta Karnataka.

ಬೆಂಗಳೂರಿನ ನಯನ ಸಭಾಂಗಣದಲ್ಲಿ ವಿದ್ವಾನ್ ಭರತ್ ನಾರಾಯಣ ಅವರ ಭೈರವಿ ನಾಟ್ಯಶಾಲೆಯ ವತಿಯಿಂದ ಆಯೋಜನೆಗೊಂಡಿದ್ದ ವಾರ್ಷಿಕ ‘ರಂಗರಾಮ ಮಹೋತ್ಸವ’ ಉದ್ಘಾಟಿಸಿ ಅವರು ಮಾತನಾಡಿದರು. ಕಲಾವಿದರು ಪರಸ್ಪರ ಸಹಕಾರದಿಂದ ಅಭಿವೃದ್ಧಿ ಹೊಂದಬೇಕು. ಶಿಷ್ಯ ಸಮೂಹವನ್ನು ಬೆಳೆಸಬೇಕು. ಈ ನಿಟ್ಟಿನಲ್ಲಿ ಇತರ ಗುರುಗಳು ಮತ್ತು ಅವರ ಶಿಷ್ಯರಿಗೂ ವೇದಿಕೆ ನೀಡಬೇಕು. ಆಗ ಕಲಿಕಾರ್ಥಿಗಳಿಗೆ ಸ್ಫೂರ್ತಿ ದೊರಕುತ್ತದೆ ಎಂದರು.

ವಿದ್ವಾನ್ ಭರತ್ ನಾರಾಯಣ ಅವರು ಭೈರವಿ ನಾಟ್ಯಶಾಲೆ ವತಿಯಿಂದ ಹೊಸ ಹೊಸ ಪ್ರಯೋಗಗಳ ಮೂಲಕ ನೃತ್ಯ ಕಲಾರಂಗಕ್ಕೆ ವಿಶೇಷ ಕೊಡುಗೆಗಳನ್ನು ನೀಡುತ್ತಿದ್ದಾರೆ. ಅವರ ಅಜ್ಜಿ ಮತ್ತು ತಾತನ ಸ್ಮರಣಾರ್ಥ ಪ್ರತಿ ವರ್ಷವೂ ‘ರಂಗರಾಮ ಮಹೋತ್ಸವ’ ಆಯೋಜನೆ ಮಾಡುತ್ತಿದ್ದಾರೆ. ಹಿರಿಯರ ಸ್ಮರಣಾರ್ಥ ಭರತ್ ಅವರು ಮಾಡುತ್ತಿರುವ ಯತ್ನಗಳು ಸಾರ್ಥಕವಾಗಲಿ. ನಾಡಿಗೆ ಉತ್ತಮ ಯುವ ಕಲಾವಿದರು ಪ್ರಾಪ್ತವಾಗಲಿ ಎಂದು ಸೀತಾ ಕೋಟೆ ಆಶಿಸಿದರು. ತಮ್ಮ ಗುರುಗಳಾದ ಕರ್ನಾಟಕ ಕಲಾ ತಿಲಕ. ನಾಟ್ಯಾಚಾರ್ಯ ಮುರಳೀಧರ ರಾವ್‌ರವರ ಜೀವನ ಮತ್ತು ಸಾಧನೆಗಳನ್ನು ನೆನೆದು ಭಾವುಕರಾದರು.

ಗುರು-ಶಿಷ್ಯ ಪರಂಪರೆ ಮುಂದುವರಿಯಬೇಕು: ವಿದುಷಿ ನಯನಾ ಶಿವರಾಮ್ ಮಾತನಾಡಿ, ಗುರು-ಶಿಷ್ಯ ಪರಂಪರೆ ಮುಂದುವರಿಯಬೇಕು. ಪುರಾತನ ನೃತ್ಯ ಶೈಲಿಗಳನ್ನು ಉಳಿಸಿ ಬೆಳೆಸಲು ಇಂಥ ಉತ್ಸವಗಳು ಅತ್ಯಗತ್ಯ ಎಂದರು. ಗುರುವಿನೊಂದಿಗೆ ಶಿಷ್ಯರು ಎಷ್ಟು ಧನ್ಯತೆ ಮತ್ತು ಅನುಸರಣೆ ಉಳಿಸಿಕೊಳ್ಳುತ್ತಾರೋ ಅಷ್ಟರ ಮಟ್ಟಿಗೆ ಜ್ಞಾನ ವೃದ್ಧಿಯಾಗುತ್ತದೆ. ಈ ನಿಟ್ಟಿನಲ್ಲಿ ಭರತ್ ಅವರ ಗುರುಭಕ್ತಿ ಅನನ್ಯವಾಗಿದೆ ಎಂದವರು ಹೇಳಿದರು.

ಗಮನಸೆಳೆದ ಮಾರ್ಗಂ: ವಿದುಷಿ ನಯನಾ ಶಿವರಾಮ್ ಅವರ ಮಾರ್ಗಂ ಪ್ರದರ್ಶನ ವಿಶೇಷವಾಗಿ ಗಮನ ಸೆಳೆಯಿತು. ನಂತರ ಭೈರವಿ ನಾಟ್ಯಶಾಲೆ, ಸೃಜನ ಸೆಂಟರ್ ಫಾರ್ ಪರ್ಫಾರ್ಮಿಂಗ್ ಆರ್ಟ್ಸ್, ಕಲಾಗೌರಿ ನೃತ್ಯಾಲಯ ಹಾಗೂ ಶ್ರೀಕಂಠೇಶ್ವರ ಕಲಾಕೇಂದ್ರದ ವಿದ್ಯಾರ್ಥಿಗಳ ನರ್ತನ ಪ್ರದರ್ಶನ ಮನಸೂರೆಗೊಂಡಿತು. 60ಕ್ಕೂ ಹೆಚ್ಚು ಯುವ ಕಲಾವಿದರಿಗೆ ಉತ್ಸವ ವೇದಿಕೆ ನೀಡಿದ್ದು ಗಮನಾರ್ಹವಾಗಿತ್ತು.

ಕಾರ್ಯಕ್ರಮ ಆಯೋಜಕರಾದ ವಿದ್ವಾನ್ ಭರತ್ ನಾರಾಯಣ, ವಿದುಷಿಯರಾದ ಗೌರಿ ಸಾಗರ್, ಪೃಥ್ವಿ ಪಾರ್ಥಸಾರಥಿ ಮತ್ತು ವಿ. ಸುಮತಿ ಇತರರು ಹಾಜರಿದ್ದರು.

The post ಯುವ ಪ್ರತಿಭೆಗಳಿಗೆ ವೇದಿಕೆಯಾದ ‘ರಂಗರಾಮ ಮಹೋತ್ಸವ’ appeared first on Samyukta Karnataka.

ಗೃಹ ಕಚೇರಿ ಕೃಷ್ಣಾದಲ್ಲಿ ಬೆಂಗಳೂರು ಮಹಾನಗರ ಪ್ರದೇಶದ ಆರ್ಥಿಕ ಅಭಿವೃದ್ಧಿ ಕುರಿತಾದ ಸಲಹಾ ಸಮಿತಿ ಸಭೆಯಲ್ಲಿ ಮಾತನಾಡಿದ ಅವರು, 2047ರ ಅವಧಿಗೆ ರಾಜ್ಯದ ಆರ್ಥಿಕತೆ 1 ಟ್ರಿಲಿಯನ್ ಡಾಲರ್ ತಲುಪುವ ಗುರಿಯನ್ನು ಹೊಂದಲಾಗಿದೆ. 2037ರ ಅವಧಿಗೆ ರಾಜ್ಯದ ಆರ್ಥಿಕತೆ 400-420 ಬಿಲಿಯನ್ ಡಾಲರ್ ತಲುಪುವ ಯೋಜನೆ ರೂಪಿಸಲಾಗಿದೆ. ಇದಕ್ಕೆ ಪೂರಕವಾಗಿ ಬೆಂಗಳೂರು ಮಹಾನಗರ ಪ್ರದೇಶ ವ್ಯಾಪ್ತಿ (ಬಿಎಂಆರ್)ಯಲ್ಲಿ ಸುಗಮ ಸಂಚಾರ ವ್ಯವಸ್ಥೆ, ವಸತಿ, ಕೈಗಾರಿಕಾ ಅಭಿವೃದ್ಧಿಗೆ ರೂಪುರೇಷೆಯನ್ನು ಸಿದ್ಧಪಡಿಸಲಾಗುತ್ತಿದೆ. ಬಿಎಂಆರ್ ವ್ಯಾಪ್ತಿಯಲ್ಲಿ 9 ಹೊಸ ಇಂಟಿಗ್ರೇಟೆಡ್ ಕೈಗಾರಿಕಾ ಟೌನ್‌ಶಿಪ್ ರೂಪಿಸಬೇಕಾಗಿದೆ ಎಂದು ವಿವರಿಸಿದರು.

7,900 ಎಕರೆ ಜಾಗವನ್ನು ಈಗಾಗಲೇ ಸ್ವಾಧೀನಪಡಿಸಲಾಗಿದ್ದು, 5,600 ಸ್ವಾಧೀನ ಪ್ರಕ್ರಿಯೆ ಚಾಲನೆಯಲ್ಲಿದೆ. ನಮ್ಮ ಸರ್ಕಾರ ಈಗಾಗಲೇ ಎಐ ಸಿಟಿಯನ್ನು ನಿರ್ಮಿಸುವ ಘೋಷಣೆ ಮಾಡಿದ್ದು, ಸಿಂಗಾಪುರದ ಪುಂಗಾಲ್ ಮಾದರಿಯಲ್ಲಿ ಎಐ ಸಿಟಿ ನಿರ್ಮಿಸಬೇಕಾಗಿದೆ. ಎಐ ವಿಶ್ವವಿದ್ಯಾಲಯ ಸ್ಥಾಪಿಸಲು ಜಾಗ ಅಗತ್ಯವಿದ್ದು, ಲಭ್ಯ ಸ್ಥಳಗಳನ್ನು ಗುರುತಿಸುವ ಕಾರ್ಯ ನಡೆಸಬೇಕು ಎಂದು ಸೂಚಿಸಿದರು.

ಅಭಿವೃದ್ಧಿಗೆ ಮಾಸ್ಟರ್ ಪ್ಲಾನ್: ಹಿಂದಿನ ಸಭೆಯಲ್ಲಿ ತೀರ್ಮಾನಿಸಿದಂತೆ ಭವಿಷ್ಯವನ್ನು ಗಮನದಲ್ಲಿಟ್ಟುಕೊಂಡು ಸಂಪೂರ್ಣ ಬೆಂಗಳೂರು ನಗರ ಜಿಲ್ಲೆಯ ಪ್ರದೇಶವನ್ನು BWSSB ಅಡಿ ಸೇರ್ಪಡೆಗೊಳಿಸಿ ಕುಡಿಯುವ ನೀರು ಮತ್ತು ಒಳಚರಂಡಿ ವ್ಯವಸ್ಥೆ ಹಂತ ಹಂತವಾಗಿ ಅಭಿವೃದ್ಧಿ ಪಡಿಸಲು ಉದ್ದೇಶಿಸಿದೆ. ಆ ಮೂಲಕ ಜಿಲ್ಲೆಯಾದ್ಯಂತ ನೀರು ವಿತರಣಾ ಸಾಮರ್ಥ್ಯ ಹಾಗೂ ಒಳಚರಂಡಿ ವ್ಯವಸ್ಥೆಯನ್ನು ಸಮರ್ಪಕವಾಗಿ ಅಭಿವೃದ್ಧಿ ಪಡಿಸಲು ಸಾಧ್ಯವಾಗುವುದು. ಇದರೊಂದಿಗೆ ಜಿಲ್ಲೆಯ ಸಂಪೂರ್ಣ ರಸ್ತೆ ಜಾಲವನ್ನು ಗುರುತಿಸಿ, ಅಭಿವೃದ್ಧಿಗೆ ಯೋಜನೆ ರೂಪಿಸಲು ಕ್ರಮ ಕೈಗೊಳ್ಳಲಾಗುವುದು ಎಂದು ಸಚಿವ ಕೃಷ್ಣ ಬೈರೇಗೌಡ ವಿವರಿಸಿದರು. ಇದಕ್ಕೆ ಪೂರಕವಾಗಿ ಬೆಂಗಳೂರು ನಗರ ಜಿಲ್ಲೆಯ ಎಲ್ಲ ಪ್ರದೇಶಗಳನ್ನು ನಗರ ಸ್ಥಳೀಯ ಸಂಸ್ಥೆ ವ್ಯಾಪ್ತಿಗೆ ತರಲಾಗುವುದು ಎಂದು ಸಿಎಂ ತಿಳಿಸಿದರು.

ಸುಗಮ ಸಂಚಾರ ವ್ಯವಸ್ಥೆ: ಬೆಂಗಳೂರು ನಗರ ಹಾಗೂ ಬೆಂಗಳೂರು ಹೊರವಲಯದಲ್ಲಿ ಸುಗಮ ಸಂಚಾರವನ್ನು ಖಾತ್ರಿಪಡಿಸಲು ಸಂಚಾರ ವ್ಯವಸ್ಥೆಯ ವಿಸ್ತೃತ ಯೋಜನೆ ಸಿದ್ಧಪಡಿಸಲಾಗಿದೆ. 2037ರ ವೇಳೆಗೆ ಹೆಚ್ಚುವರಿ 312 ಕಿ.ಮೀ. ಮೆಟ್ರೋ ಸಂಪರ್ಕ ವಿಸ್ತರಿಸಲು ಉದ್ದೇಶಿಸಿದೆ. 72 ಕಿ.ಮೀ. ಹೆಚ್ಚುವರಿ ಸಬ್ ಅರ್ಬನ್ ರೈಲು ಸಂಪರ್ಕ ಯೋಜನೆ, 210 ಕಿ.ಮೀ. ಹೆಚ್ಚುವರಿ 10 ಹಬ್‌ಗಳನ್ನು ಸಂಪರ್ಕಿಸುವ ವರ್ತುಲ ರಸ್ತೆ ನಿರ್ಮಾಣ, ಪಿಆರ್ಆರ್ ಹಂತ 2ನ್ನು ನೈಸ್ ರಸ್ತೆಯೊಂದಿಗೆ ಜೋಡಿಸುವ ಪ್ರಸ್ತಾವನೆ ಕುರಿತು ಸಭೆಯಲ್ಲಿ ಚರ್ಚಿಸಲಾಯಿತು.

ಬೆಂಗಳೂರು-ತುಮಕೂರು, ಬೆಂಗಳೂರು-ಮೈಸೂರು ಮತ್ತು ಬೆಂಗಳೂರು-ಕೆಜಿಎಫ್ ಮೂರು ಕಾರಿಡಾರ್ ಗಳನ್ನು ಸಂಪರ್ಕಿಸುವ 270 ಕಿ.ಮೀ. ವ್ಯಾಪ್ತಿಯ ಆರ್ ಆರ್ ಟಿಎಸ್ ರಸ್ತೆ ನಿರ್ಮಾಣ, ಪ್ರಸ್ತಾವಿತ ಮುಂಬೈ-ಬೆಂಗಳೂರು ಹೈಸ್ಪೀಡ್ ರೈಲನ್ನು ಮೈಸೂರುವರೆಗೆ ವಿಸ್ತರಿಸುವ ಬಗ್ಗೆ ಸಭೆಯಲ್ಲಿ ಅಭಿಪ್ರಾಯಗಳು ವ್ಯಕ್ತವಾದವು.

ನೀರಿನ ಸೌಲಭ್ಯ: ಬಿಎಂಆರ್ ವ್ಯಾಪ್ತಿಯಲ್ಲಿ 2037 ರ ವೇಳೆಗೆ 3,600 ಎಂಎಲ್‌ಡಿ ನೀರಿನ ಅಗತ್ಯವಿದೆ. ಕುಡಿಯಲು ಹಾಗೂ ಕೈಗಾರಿಕೆಗೆ ಅಗತ್ಯವಾದ ನೀರನ್ನು ಒದಗಿಸುವ ಕುರಿತು ಯೋಜನೆ ರೂಪಿಸುವ ಕುರಿತು ಚರ್ಚಿಸಲಾಯಿತು. ಮುಂದಿನ 10 ವರ್ಷಗಳಲ್ಲಿ ನಗರದ ಕುಡಿಯುವ ಹಾಗೂ ಕೈಗಾರಿಕಾ ಅಗತ್ಯತೆಗಳನ್ನು ಗಮನಿಸಿ, ಸಂಸ್ಕರಿಸಿದ ನೀರಿನ ಮರುಬಳಕೆ, ಕೆರೆಗಳನ್ನು ತುಂಬಿಸುವುದು ಸೇರಿದಂತೆ ಮುಂತಾದ ಯೋಜನೆಗಳಿಗೆ ಆದ್ಯತೆ ನೀಡುವಂತೆ ಸಿಎಂ ಸೂಚನೆ ನೀಡಿದರು.

The post ಸಂಪೂರ್ಣ ಬೆಂಗಳೂರು ವ್ಯವಸ್ಥಿತ ಅಭಿವೃದ್ಧಿಗೆ ಮಾಸ್ಟರ್ ಪ್ಲಾನ್ appeared first on Samyukta Karnataka.

ಕೇಂದ್ರ ವಸತಿ ಮತ್ತು ನಗರ ವ್ಯವಹಾರಗಳ ಸಚಿವರಾದ ಮನೋಹರ್ ಲಾಲ್ ಖಟ್ಟರ್ ಅವರ ಅಧ್ಯಕ್ಷತೆಯಲ್ಲಿ ನಡೆದ ಸ್ವಚ್ಛ ಭಾರತ ಮಿಷನ್–ನಗರ 2.0ರ ಹೊಸ ಕಾರ್ಯಕ್ರಮಗಳನ್ನು ಬಲಪಡಿಸುವ ಕುರಿತು ನಡೆದ ವೀಡಿಯೊ ಸಂವಾದ ಸಭೆಯಲ್ಲಿ ಡಾ. ಯತೀಂದ್ರ ಸಿದ್ದರಾಮಯ್ಯ ಅವರು ಭಾಗವಹಿಸಿದರು.

ಈ ಸಂದರ್ಭದಲ್ಲಿ ‘ಪ್ರಗತಿ 50’ ಉಪಕ್ರಮಕ್ಕೆ ಚಾಲನೆ ನೀಡಿರುವುದನ್ನು ಸ್ವಾಗತಿಸಿದ ಸಚಿವರು, ರಾಜ್ಯದ ಬೆಂಗಳೂರು ಮತ್ತು ಮೈಸೂರು ನಗರಗಳು ಯೋಜನೆಗೆ ಆಯ್ಕೆಯಾಗಿರುವುದಕ್ಕೆ ಅಭಿನಂದನೆ ಸಲ್ಲಿಸಿದರು. ಇದೇ ವೇಳೆ ರಾಜ್ಯದ ನಗರಾಭಿವೃದ್ಧಿ ಕ್ಷೇತ್ರಕ್ಕೆ ಸಂಬಂಧಿಸಿದ ವಿವಿಧ ಯೋಜನೆಗಳು ಹಾಗೂ ಪ್ರಮುಖ ಬೇಡಿಕೆಗಳ ಕುರಿತು ಕೇಂದ್ರ ಸಚಿವರೊಂದಿಗೆ ಚರ್ಚಿಸಿದರು.

ಮಾದರಿ ನಗರಗಳ ಅಭಿವೃದ್ಧಿ ಸೇರಿದಂತೆ ವಿವಿಧ ಪ್ರಮುಖ ನಗರಾಭಿವೃದ್ಧಿ ಯೋಜನೆಗಳ ಯಶಸ್ವಿ ಅನುಷ್ಠಾನಕ್ಕೆ ಕೇಂದ್ರ ಸರ್ಕಾರದ ಅನುದಾನದ ಪಾಲು ಅತ್ಯಂತ ಅಗತ್ಯವಾಗಿದ್ದು, ಬಾಕಿ ಇರುವ ಕೇಂದ್ರದ ಪಾಲಿನ ಅನುದಾನವನ್ನು ಶೀಘ್ರವಾಗಿ ಬಿಡುಗಡೆ ಮಾಡುವಂತೆ ಡಾ. ಯತೀಂದ್ರ ಸಿದ್ದರಾಮಯ್ಯ ಅವರು ಸಭೆಯಲ್ಲಿ ಮನವಿ ಮಾಡಿದರು.

ರಾಜ್ಯದ ನಗರಾಭಿವೃದ್ಧಿ ಯೋಜನೆಗಳಿಗೆ ಹೆಚ್ಚುವರಿ ಅನುದಾನ ಬಿಡುಗಡೆ ಸೇರಿದಂತೆ ಇತರ ಅಭಿವೃದ್ಧಿ ವಿಷಯಗಳ ಕುರಿತು ಪ್ರತ್ಯೇಕವಾಗಿ ಚರ್ಚಿಸಲು ಕೇಂದ್ರ ಸಚಿವರೊಂದಿಗೆ ಭೇಟಿಗೆ ಸಮಯ ಕೋರಲಾಗಿದ್ದು, ಶೀಘ್ರದಲ್ಲೇ ಭೇಟಿಗೆ ಸಮಯ ನಿಗದಿಪಡಿಸುವುದಾಗಿ ಕೇಂದ್ರ ಸಚಿವರು ಭರವಸೆ ನೀಡಿದರು.

ಉನ್ನತ ಮಟ್ಟದ ವೀಡಿಯೊ ಸಂವಾದ ಸಭೆಯಲ್ಲಿ ವಿವಿಧ ರಾಜ್ಯಗಳ ನಗರಾಭಿವೃದ್ಧಿ ಸಚಿವರು, ಕೇಂದ್ರ ವಸತಿ ಮತ್ತು ನಗರ ವ್ಯವಹಾರಗಳ ಸಚಿವಾಲಯದ ಕಾರ್ಯದರ್ಶಿಗಳಾದ ಸತ್ಯೇಂದ್ರ ಸಿಂಗ್ ಹಾಗೂ ಸ್ವಚ್ಛ ಭಾರತ ಮಿಷನ್ ರಾಷ್ಟ್ರೀಯ ನಿರ್ದೇಶಕರಾದ ಡಾ. ಶಾಲಿನಿ ಪಾಂಡೆ ಸೇರಿದಂತೆ ಹಿರಿಯ ಅಧಿಕಾರಿಗಳು ಉಪಸ್ಥಿತರಿದ್ದರು.

The post ‘ಪ್ರಗತಿ 50’ ಯೋಜನೆಗೆ ಬೆಂಗಳೂರು, ಮೈಸೂರು ಆಯ್ಕೆ appeared first on Samyukta Karnataka.