ಹುಬ್ಬಳ್ಳಿ: ಪ್ರಯಾಣಿಕರ ಹೆಚ್ಚುವರಿ ದಟ್ಟಣೆಯನ್ನು ನಿರ್ವಹಿಸಲು, ರೈಲ್ವೆ ಮಂಡಳಿ ಬೇಸಿಗೆ ಅವಧಿಯಲ್ಲಿ ವಿಶೇಷ ರೈಲುಗಳ ಸಂಚಾರ ವ್ಯವಸ್ಥೆ ಮಾಡಲಾಗಿದೆ ಎಂದು ನೈಋತ್ಯ ರೈಲ್ವೆ ವಲಯ ತಿಳಿಸಿದೆ.
ಮೈಸೂರ-ಅಜ್ಮೀರ್ ಎಕ್ಸಪ್ರೆಸ್
ಮೈಸೂರು-ಅಜ್ಮೀರ್ ಎಕ್ಸಪ್ರೆಸ್ (ರೈಲು ಸಂಖ್ಯೆ ೦೬೨೮೧/೦೬೨೮೨) ಬೇಸಿಗೆ ವಿಶೇಷ (ಒಟ್ಟು ೧೧ ಟ್ರಿಪ್ ಗಳು):
ಈ ರೈಲು (ರೈಲು ಸಂಖ್ಯೆ -೦೬೨೮೧) ಮೈಸೂರಿನಿಂದ ಪ್ರತಿ ಶನಿವಾರ ಏಪ್ರಿಲ್ (೫, ೧೨, ೧೯, ೨೬), ಮೇ (೩,೧೦,೧೭,೨೪,೩೧) ಮತ್ತು ಜೂನ್(೭,೧೪)ರಂದು ಬೆಳಿಗ್ಗೆ ೮ ಕ್ಕೆ ಹೊರಟು, ಸೋಮವಾರ ಬೆಳಿಗ್ಗೆ ೬:೫೫ಕ್ಕೆ ಅಜ್ಮೀರ್ ತಲುಪುತ್ತದೆ.
ಅಜ್ಮೀರ್‌ನಿಂದ ರೈಲು (ರೈಲು ಸಂಖ್ಯೆ ೦೬೨೮೨) ಪ್ರತಿ ಸೋಮವಾರ ಏಪ್ರಿಲ್ (೭,೧೪,೨೧,೨೮), ಮೇ (೫,೧೨,೧೯,೨೬), ಮತ್ತು ಜೂನ್ (೨,೯,೧೬)ರಂದು ಸಂಜೆ ೦೬:೫೦ಕ್ಕೆ ಹೊರಟು, ಬುಧವಾರ ಸಂಜೆ ೫:೩೦ಕ್ಕೆ ಮೈಸೂರು ತಲುಪುತ್ತದೆ.
ಈ ರೈಲುಗಳು ಹಾಸನ, ಅರಸೀಕೆರೆ, ಬೀರೂರು, ಚಿಕ್ಕಜಾಜೂರು, ಚಿತ್ರದುರ್ಗ, ರಾಯದುರ್ಗ, ಬಳ್ಳಾರಿ ಕಂಟೋನ್ಮೆಂಟ್, ಹೊಸಪೇಟೆ ಜಂಕ್ಷನ್, ಕೊಪ್ಪಳ, ಗದಗ, ಎಸ್‌ಎಸ್‌ಎಸ್ ಹುಬ್ಬಳ್ಳಿ, ಧಾರವಾಡ, ಲೋಂಡಾ, ಬೆಳಗಾವಿ, ಗೋಕಾಕ್ ರಸ್ತೆ, ಘಟಪ್ರಭಾ, ರಾಯಬಾಗ, ಕುಡಚಿ, ಮಿರಜ್, ಸಾಂಗ್ಲಿ, ಪುಣೆ, ಲೋನಾವಾಲಾ, ಕಲ್ಯಾಣ್, ವಸಾಯಿ ರೋಡ್, ಸೂರತ್, ವಡೋದರಾ, ರತ್ಲಾಂ, ಮಂದಸೋರ್, ನಿಮಾಚ್, ಚಿತ್ತೌರ್ಗಢ್, ಭಿಲ್ವಾರಾ, ಬಿಜೈನಗರ, ನಾಸಿರಾಬಾದ್ ನಿಲ್ದಾಣಗಳಲ್ಲಿ ನಿಲುಗಡೆಗೊಳ್ಳಲಿದೆ.
ಈ ರೈಲು ೧೪ ಎಸಿ ೩ ಟೈರ್ ಬೋಗಿಗಳು, ೪ ಜನರಲ್ ಸೆಕೆಂಡ್ ಕ್ಲಾಸ್ ಮತ್ತು ೨ ಸೆಕೆಂಡ್ ಕ್ಲಾಸ್ ಲಗೇಜ್ ಕಮ್ ಗಾರ್ಡ್ ಕೋಚ್ ಸೇರಿದಂತೆ ೨೦ ಬೋಗಿಗಳನ್ನು ಒಳಗೊಂಡಿರುತ್ತದೆ.
ಬೆಂಗಳೂರು ಎಸ್‌ಎಂವಿಟಿ-ಭಗತ್ ಕಿ ಕೋಥಿ ರೈಲು
ಬೆಂಗಳೂರು ಎಸ್‌ಎಂವಿಟಿ-ಭಗತ್ ಕಿ ಕೋಥಿ(ರೈಲು ಸಂಖ್ಯೆ-ರೈಲು ಸಂಖ್ಯೆ ೦೬೫೫೭/೦೬೫೫೮) ಈ ಬೇಸಿಗೆ ವಿಶೇಷ ರೈಲು ಒಟ್ಟು ೮ ಟ್ರಿಪ್ ಸಂಚರಿಸಲಿದೆ.
ಎಸ್‌ಎಂವಿಟಿ ಬೆಂಗಳೂರಿಂದ (ರೈಲು ಸಂಖ್ಯೆ ೦೬೫೫೭) ಏಪ್ರಿಲ್ (೫, ೧೨, ೧೯, ೨೬) ಹಾಗೂ ಮೇ (೩, ೧೦, ೧೭, ೨೪) ರಂದು ಸಂಜೆ ೭:೦೦ ಗಂಟೆಗೆ ಹೊರಟು, ಸೋಮವಾರ ಮಧ್ಯಾಹ್ನ ೧:೪೦ ಕ್ಕೆ ಭಗತ್ ಕಿ ಕೋಥಿಯನ್ನು ತಲುಪಲಿದೆ.
ಪುನಃ ಆ ಕಡೆಯಿಂದ ರೈಲು (ರೈಲು ಸಂಖ್ಯೆ ೦೬೫೫೮) ಭಗತ್ ಕಿ ಕೋಥಿಯಿಂದ ಏಪ್ರಿಲ್ (೭, ೧೪, ೨೧, ೨೮) ಹಾಗೂ ಮೇ (೫, ೧೨, ೧೯, ೨೬) ರಂದು ರಾತ್ರಿ ೧೧:೧೦ ಕ್ಕೆ ಹೊರಟು, ಬುಧವಾರ ಮಧ್ಯಾಹ್ನ ೩:೩೦ ಕ್ಕೆ ಎಸ್‌ಎಂವಿಟಿ ಬೆಂಗಳೂರು ತಲುಪಲಿದೆ.
ಈ ರೈಲುಗಳು ತುಮಕೂರು, ಅರಸೀಕೆರೆ, ಬೀರೂರು, ದಾವಣಗೆರೆ, ಹಾವೇರಿ, ಹುಬ್ಬಳ್ಳಿ, ಧಾರವಾಡ, ಬೆಳಗಾವಿ, ಗೋಕಾಕ್ ರಸ್ತೆ, ಘಟಪ್ರಭಾ, ರಾಯಬಾಗ, ಕುಡಚಿ, ಮಿರಜ್, ಸಾಂಗ್ಲಿ, ಕರಡ್, ಸತಾರಾ, ಪುಣೆ, ಲೋನಾವಾಲಾ, ಕಲ್ಯಾಣ್, ವಸಾಯಿ ರೋಡ್, ಸೂರತ್, ವಡೋದರಾ, ಸಬರಮತಿ, ಮಹೇಸಾನಾ, ಭಿಲ್ಡಿ, ರಾಣಿವಾರ, ಮಾರ್ವಾರ್, ಬಿನ್ಮಲ್ ಮೊದ್ರನ್, ಜಲೋರ್, ಮೊಕಲ್ಸರ್, ಸಂಧಾರಿ ಜಂಕ್ಷನ್, ಲುನಿ ನಿಲ್ದಾಣಗಳಲ್ಲಿ ನಿಲುಗಡೆಗೊಳ್ಳಲಿದೆ.
ಈ ರೈಲು ಒಟ್ಟು ೨೧ ಬೋಗಿಗಳನ್ನು ಹೊಂದಿದ್ದು, ಇದರಲ್ಲಿ ೧೯ ಎಸಿ ಕೋಚ್‌ಗಳು ಮತ್ತು ೨ ಸೆಕೆಂಡ್ ಕ್ಲಾಸ್ ಲಗೇಜ್ ಕಮ್ ಗಾರ್ಡ್ ಕೋಚ್‌ಗಳು ಒಳಗೊಂಡಿರುತ್ತವೆ.
ಪ್ರತಿ ನಿಲ್ದಾಣದಲ್ಲಿ ವಿವರವಾದ ಆಗಮನ ಮತ್ತು ನಿರ್ಗಮನ ಸಮಯಕ್ಕಾಗಿ, ಪ್ರಯಾಣಿಕರು ಅಧಿಕೃತ ರೈಲ್ವೆ ವೆಬ್ಸೈಟ್ ಪರಿಶೀಲಿಸಿ ಅಥವಾ 139 ಅನ್ನು ಡಯಲ್ ಮಾಡಬಹುದು.
