ಚನ್ನಗಿರಿ ತಾಲ್ಲೂಕಿನ ಚಿಕ್ಕಕೋಗಲೂರು ಗ್ರಾಮದ ರೇಖಾ (36) ಶಿಕ್ಷೆಗೊಳಗಾದವರು. 2023ರ ಮಾರ್ಚ್ 21ರಂದು ರಾತ್ರಿ ಪತಿ ಶಾಂತಕುಮಾರ ಮಲಗಿದ್ದಾಗ ರೇಖಾ ಕೊಡಲಿಯಿಂದ ತಲೆಗೆ ಹೊಡೆದಿದ್ದರು. ತೀವ್ರವಾಗಿ ಗಾಯಗೊಂಡ ಶಾಂತಕುಮಾರ ಅವರನ್ನು ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ಚಿಕಿತ್ಸೆ ಫಲಕಾರಿಯಾಗದೆ ಅದೇ ವರ್ಷದ ಆಗಸ್ಟ್ 25ರಂದು ಅವರು ಮೃತಪಟ್ಟಿದ್ದರು.

ಈ ಸಂಬಂಧ ಸಂತೆಬೆನ್ನೂರು ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿತ್ತು. ತನಿಖಾಧಿಕಾರಿ ಸಿಪಿಐ ಲಿಂಗನಗೌಡ ನೆಗಳೂರು ತನಿಖೆ ನಡೆಸಿ, ಸಾಕ್ಷ್ಯಾಧಾರ ಹಾಗೂ ವೈದ್ಯಕೀಯ ದಾಖಲೆಗಳ ಆಧಾರದಲ್ಲಿ ರೇಖಾ ವಿರುದ್ಧ ನ್ಯಾಯಾಲಯಕ್ಕೆ ದೋಷಾರೋಪಣಾ ಪಟ್ಟಿ ಸಲ್ಲಿಸಿದ್ದರು.

ಪ್ರಕರಣದ ವಿಚಾರಣೆ ನಡೆಸಿದ ನ್ಯಾಯಾಧೀಶ ಕೃಷ್ಣಮೂರ್ತಿ ಆರ್. ಪಡಸಲಗಿ ಅವರು ಆರೋಪ ಸಾಬೀತಾದ ಹಿನ್ನೆಲೆಯಲ್ಲಿ ಜೀವಾವಧಿ ಶಿಕ್ಷೆ ವಿಧಿಸಿದ್ದಾರೆ. ಸರ್ಕಾರಿ ಅಭಿಯೋಜಕ ಜಯ್ಯಪ್ಪ ಕೆ. ವಾದ ಮಂಡಿಸಿದ್ದರು.

The post ಪತಿಯನ್ನು ಕೊಲೆಗೈದ ಪತ್ನಿಗೆ ಜೀವಾವಧಿ ಶಿಕ್ಷೆ, ₹50 ಸಾವಿರ ದಂಡ appeared first on Samyukta Karnataka.

ಗ್ರಾಮದಿಂದ ಸುಮಾರು 4 ಕಿ.ಮೀ. ದೂರದಲ್ಲಿರುವ ಜಮೀನಿನಲ್ಲಿ ಇಸ್ಮಾಯಿಲ್‌ಸಾಬ ಸಾಲಸೂಲ ಮಾಡಿ ಕಬ್ಬು ಬೆಳೆದಿದ್ದರು. ಇನ್ನೇನು 20 ದಿನಗಳಲ್ಲಿ ಕಬ್ಬು ಕಟಾವಿಗೆ ಬರುವ ಹಂತದಲ್ಲಿತ್ತು. ಅಷ್ಟರಲ್ಲೇ ವಿದ್ಯುತ್ ತಂತಿ ತಗುಲಿ ಬೆಂಕಿ ಹೊತ್ತಿಕೊಂಡಿರುವ ಸುದ್ದಿ ತಿಳಿದ ರೈತ ಕುಟುಂಬ ಜಮೀನಿನತ್ತ ಧಾವಿಸಿದೆ. ಆದರೆ, ಅಷ್ಟರಲ್ಲಾಗಲೇ ಕಬ್ಬು ಸಂಪೂರ್ಣ ಸುಟ್ಟು ಭಸ್ಮವಾಗಿತ್ತು.

ಕೈಗೆ ಬಂದ ತುತ್ತು ಬಾಯಿಗೆ ಬರದಂತಾಗಿದ್ದು, ರೈತ ಕುಟುಂಬ ಕಣ್ಣೀರಿಡುವಂತಾಗಿದೆ. ಸಾಲ ಮಾಡಿ ಬೆಳೆದ ಕಬ್ಬು ಬೆಂಕಿಗೆ ಆಹುತಿಯಾಗಿರುವುದರಿಂದ ಲಕ್ಷಾಂತರ ರೂಪಾಯಿ ನಷ್ಟವಾಗಿದೆ. ಸಕ್ಕರೆ ಕಾರ್ಖಾನೆಗಳೂ ಇನ್ನೂ ಆರಂಭವಾಗಿಲ್ಲ. ಸುಟ್ಟುಹೋದ ಕಬ್ಬನ್ನು ಏನು ಮಾಡಬೇಕು ಎಂಬುದೇ ತಿಳಿಯುತ್ತಿಲ್ಲ ಎಂದು ರೈತರು ಅಳಲು ತೋಡಿಕೊಂಡಿದ್ದಾರೆ.

ಕೆಇಬಿ ನಿರ್ಲಕ್ಷ್ಯದ ಆರೋಪ: ಈ ಭಾಗದಲ್ಲಿ ವಿದ್ಯುತ್ ಶಾರ್ಟ್ ಸರ್ಕ್ಯೂಟ್‌ನಿಂದಾಗಿ ಹಲವು ರೈತರು ಉತ್ತಮ ಕಬ್ಬಿನ ಬೆಳೆ ಕಳೆದುಕೊಂಡಿದ್ದಾರೆ ಎನ್ನಲಾಗಿದೆ. ಜೋತುಬಿದ್ದ ವಿದ್ಯುತ್ ತಂತಿಗಳನ್ನು ಸರಿಪಡಿಸಬೇಕು, ವಾಲಿರುವ ವಿದ್ಯುತ್ ಕಂಬಗಳನ್ನು ದುರಸ್ತಿಪಡಿಸಬೇಕು ಎಂದು ರೈತರು ಹಲವು ಬಾರಿ ಸಂಬಂಧಿಸಿದ ಅಧಿಕಾರಿಗಳಿಗೆ ಮನವಿ ಮಾಡಿದರೂ ಪ್ರಯೋಜನವಾಗಿಲ್ಲ ಎಂಬ ಆರೋಪ ಕೇಳಿಬಂದಿದೆ.

ರೈತರ ಸಮಸ್ಯೆಗಳಿಗೆ ಸ್ಪಂದಿಸಬೇಕಾದ ವಿದ್ಯುತ್ ಇಲಾಖೆ ಅಧಿಕಾರಿಗಳು ನಿರ್ಲಕ್ಷ್ಯ ವಹಿಸುತ್ತಿದ್ದಾರೆ. ಮುನ್ನೆಚ್ಚರಿಕೆ ಕ್ರಮಗಳನ್ನು ಕೈಗೊಂಡಿದ್ದರೆ ಇಂತಹ ಅನಾಹುತಗಳನ್ನು ತಪ್ಪಿಸಬಹುದಿತ್ತು ಎಂದು ರೈತರು ಆಕ್ರೋಶ ವ್ಯಕ್ತಪಡಿಸಿದ್ದಾರೆ.

ತಡವಾಗಿ ಬರುವ ಅಗ್ನಿಶಾಮಕ ದಳದ ವಿರುದ್ಧ ಅಸಮಾಧಾನ: ಕಬ್ಬು ಸಂಪೂರ್ಣ ಸುಟ್ಟುಹೋದ ಬಳಿಕ ಸ್ಥಳಕ್ಕೆ ಆಗಮಿಸುವ ಅಗ್ನಿಶಾಮಕ ದಳದಿಂದ ರೈತರಿಗೆ ಯಾವ ಪ್ರಯೋಜನವೂ ಆಗುತ್ತಿಲ್ಲ ಎಂಬ ಅಸಮಾಧಾನ ವ್ಯಕ್ತವಾಗಿದೆ. ಈ ಭಾಗದಲ್ಲಿ ಬೆಂಕಿ ಅವಘಡ ಸಂಭವಿಸಿದರೆ ಸುಮಾರು 25 ಕಿ.ಮೀ. ದೂರದಿಂದ ಅಗ್ನಿಶಾಮಕ ವಾಹನ ಬರಬೇಕಿದೆ. ವಾಹನ ಸ್ಥಳಕ್ಕೆ ತಲುಪುವಷ್ಟರಲ್ಲಿ ಬೆಳೆ ಸಂಪೂರ್ಣ ಭಸ್ಮವಾಗುವುದು ಸಾಮಾನ್ಯವಾಗಿದೆ ಎಂದು ಸ್ಥಳೀಯ ರೈತರು ಬೇಸರ ವ್ಯಕ್ತಪಡಿಸಿದ್ದಾರೆ.

ಬೆಂಕಿ ಕಾಣಿಸಿಕೊಂಡ ತಕ್ಷಣ ಅಗ್ನಿಶಾಮಕ ದಳ ಸ್ಥಳಕ್ಕೆ ತಲುಪುವ ವ್ಯವಸ್ಥೆ ಕಲ್ಪಿಸಬೇಕು. ಬೆಳೆ ನಾಶವಾದ ಬಳಿಕ ಬಂದು ಮಾಹಿತಿ ಸಂಗ್ರಹಿಸುವುದರಿಂದ ರೈತರಿಗೆ ಯಾವುದೇ ಪ್ರಯೋಜನವಿಲ್ಲ ಎಂದು ಅವರು ಹೇಳಿದ್ದಾರೆ.

ಶಾಸಕರ ಸೂಚನೆಗೂ ಅಧಿಕಾರಿಗಳು ಡೋಂಟ್‌ಕೇರ್‌?: ವಾರದ ಹಿಂದೆ ಈ ಭಾಗದಲ್ಲಿ ಸುಮಾರು 20 ಎಕರೆ ಕಬ್ಬು ಬೆಂಕಿಗೆ ಆಹುತಿಯಾದ ಸಂದರ್ಭದಲ್ಲಿ ಕ್ಷೇತ್ರದ ಶಾಸಕ ಭೀಮಸೇನ ಚಿಮ್ಮನಕಟ್ಟಿ ಸ್ಥಳಕ್ಕೆ ಭೇಟಿ ನೀಡಿ ರೈತರ ಅಹವಾಲು ಆಲಿಸಿದ್ದರು. ಘಟನೆಯ ದಿನವೇ ಸಂಬಂಧಿಸಿದ ಅಧಿಕಾರಿಗಳ ಸಭೆ ನಡೆಸಿ, ಇಂತಹ ಅವಘಡಗಳು ಮರುಕಳಿಸದಂತೆ ಮುನ್ನೆಚ್ಚರಿಕೆ ವಹಿಸುವಂತೆ ಕಟ್ಟುನಿಟ್ಟಿನ ಸೂಚನೆ ನೀಡಿದ್ದರು.

ಆದರೆ, ಶಾಸಕರ ಸೂಚನೆಯ ಬಳಿಕವೂ ವಿದ್ಯುತ್ ಅವಘಡಗಳು ಮುಂದುವರಿದಿರುವುದು ಅಧಿಕಾರಿಗಳ ಕಾರ್ಯವೈಖರಿಯ ಬಗ್ಗೆ ಪ್ರಶ್ನೆ ಮೂಡಿಸಿದೆ. ರೈತರ ಬೆಳೆಗಳಿಗೆ ರಕ್ಷಣೆ ಒದಗಿಸಲು ಅಧಿಕಾರಿಗಳು ಇನ್ನಾದರೂ ಎಚ್ಚೆತ್ತುಕೊಳ್ಳುತ್ತಾರೆಯೇ ಎಂಬುದನ್ನು ಕಾದು ನೋಡಬೇಕಿದೆ.

The post ವಿದ್ಯುತ್ ತಂತಿ ತಗುಲಿ 2.33 ಎಕರೆ ಕಬ್ಬು ಭಸ್ಮ: ರೈತ ಕಂಗಾಲು appeared first on Samyukta Karnataka.

ತಿಂಗಳಿಗೆ 50,000ಕ್ಕೂ ಹೆಚ್ಚು ಗ್ರಾಹಕರಿಗೆ ಸೇವೆ: ಉಡುಪಿ ಶೈಲಿಯ ಅಸಲಿ ರುಚಿ ಮತ್ತು ಪರಿಚಿತ ಗುಣಮಟ್ಟವನ್ನು ಕಾಯ್ದುಕೊಂಡಿರುವ ವಾಸುದೇವ್ ಅಡಿಗಾಸ್, ಪ್ರಸ್ತುತ ಬೆಂಗಳೂರಿನಲ್ಲಿ ಪ್ರತಿ ತಿಂಗಳು 50,000ಕ್ಕೂ ಅಧಿಕ ಗ್ರಾಹಕರಿಗೆ ತನ್ನ ಸೇವೆ ಒದಗಿಸುತ್ತಿದೆ. ಗ್ರಾಹಕರಿಂದ ದೊರೆಯುತ್ತಿರುವ ನಿರಂತರ ಒಲವು ಹಾಗೂ ಪುನರಾವರ್ತಿತ ಆರ್ಡರ್‌ಗಳ (Repeat Orders) ಆಧಾರದ ಮೇಲೆ, ಕಂಪನಿಯು ಡಿಸೆಂಬರ್ 2026ರೊಳಗೆ ತನ್ನ ವ್ಯವಹಾರವನ್ನು 3 ಪಟ್ಟು ವಿಸ್ತರಿಸುವ ಬೃಹತ್ ಗುರಿಯನ್ನು ಹೊಂದಿದೆ.

ಸ್ಥಾಪಿತ ರೆಸ್ಟೋರೆಂಟ್‌ಗಳಿಗೆ ಹೊಸ ಅವಕಾಶ: ತನ್ನ ಮುಂದಿನ ಹಂತದ ವಿಸ್ತರಣೆಗಾಗಿ ಕೌಝಿನಾ ಸಂಸ್ಥೆಯು ಬೆಂಗಳೂರಿನಲ್ಲಿ ಈಗಾಗಲೇ ಕಾರ್ಯಾಚರಣೆಯಲ್ಲಿರುವ ಸ್ಥಾಪಿತ ರೆಸ್ಟೋರೆಂಟ್‌ಗಳು ಮತ್ತು ಕಮರ್ಷಿಯಲ್ ಕಿಚನ್ ಆಪರೇಟರ್‌ಗಳನ್ನು ಆಹ್ವಾನಿಸಿದೆ. ಆಸಕ್ತ ಪಾಲುದಾರರು ತಮ್ಮ ಅಸ್ತಿತ್ವದಲ್ಲಿರುವ ಕಿಚನ್ ಸಾಮರ್ಥ್ಯ ಹಾಗೂ ಪರವಾನಗಿಗಳಲ್ಲೇ ವಾಸುದೇವ್ ಅಡಿಗಾಸ್ ಮೆನುವನ್ನು ಅಳವಡಿಸಿಕೊಳ್ಳಬಹುದು. ಹೊಸ ಔಟ್‌ಲೆಟ್‌ಗಾಗಿ ಪ್ರತ್ಯೇಕ ಹೂಡಿಕೆ ಮಾಡುವ ಅಗತ್ಯವಿಲ್ಲದೆ, ಹೆಚ್ಚುವರಿ ಡೆಲಿವರಿ ಬೇಡಿಕೆಯನ್ನು ಪಡೆದುಕೊಳ್ಳಲು ಈ ಮಾದರಿಯು ಸಹಕಾರಿಯಾಗಿದೆ. ಇದಕ್ಕೆ ಅಗತ್ಯವಿರುವ ಬ್ರ್ಯಾಂಡ್ ವ್ಯವಸ್ಥೆಗಳು, ಪ್ರಮಾಣೀಕೃತ ಪಾಕವಿಧಾನಗಳು, ಕಚ್ಚಾವಸ್ತುಗಳ ಸೋರ್ಸಿಂಗ್, ಪ್ಯಾಕೇಜಿಂಗ್, ಅಗ್ರಿಗೇಟರ್ ಇಂಟಿಗ್ರೇಶನ್, ತರಬೇತಿ ಮತ್ತು ತಂತ್ರಜ್ಞಾನದ ಸಂಪೂರ್ಣ ಬೆಂಬಲವನ್ನು ಕೌಝಿನಾ ಸಂಸ್ಥೆಯು ಒದಗಿಸಲಿದೆ.

ತಂತ್ರಜ್ಞಾನ ಮತ್ತು ಶಿಸ್ತಿನ ಕಾರ್ಯಾಚರಣೆ: ಈ ಕುರಿತು ಮಾತನಾಡಿದ ಕೌಝಿನಾ ಫುಡ್ ಟೆಕ್‌ನ ಬಿಸಿನೆಸ್ ಡೆವಲಪ್‌ಮೆಂಟ್ ಹೆಡ್ ಶ್ರೀಕಾಂತ್, “ಒಂದು ವರ್ಷದಲ್ಲಿ ವಾಸುದೇವ್ ಅಡಿಗಾಸ್ ಅನ್ನು 0ರಿಂದ 55 ವರ್ಚುವಲ್ ಕಿಚನ್‌ಗಳಿಗೆ ಬೆಳೆಸಿರುವುದು, ವಿಶ್ವಾಸಾರ್ಹ ಪಾಕಶೈಲಿಯ ಬ್ರ್ಯಾಂಡ್‌ಗೆ ತಂತ್ರಜ್ಞಾನ ಮತ್ತು ಸರಿಯಾದ ಪಾಲುದಾರರ ಬೆಂಬಲ ದೊರೆತಾಗ ಸಾಧಿಸಬಹುದಾದ ಯಶಸ್ಸಿಗೆ ಉದಾಹರಣೆಯಾಗಿದೆ. ಬೆಂಗಳೂರು ಈ ವಿಸ್ತರಣೆಯ ಕೇಂದ್ರಬಿಂದುವಾಗಿದ್ದು, ನಗರದ ಮತ್ತಷ್ಟು ಬಲಿಷ್ಠ ರೆಸ್ಟೋರೆಂಟ್ ಆಪರೇಟರ್‌ಗಳು ನಮ್ಮೊಂದಿಗೆ ಕೈಜೋಡಿಸಬೇಕೆಂದು ಆಹ್ವಾನಿಸುತ್ತೇವೆ” ಎಂದರು.

The post ಕೇವಲ ಒಂದೇ ವರ್ಷದಲ್ಲಿ 55 ವರ್ಚುವಲ್ ಕಿಚನ್‌ ವಿಸ್ತರಿಸಿದ ʻವಾಸುದೇವ್ ಅಡಿಗಾಸ್ʼ appeared first on Samyukta Karnataka.

ಸೋಮವಾರ ಸಂಜೆ ನಗರದ ಖಾಸಗಿ ಹೋಟೆಲ್ ನಲ್ಲಿ ಹೈಕೋರ್ಟ್ ಪೀಠ ಹೋರಾಟ ಸಮಿತಿಯ ಅಧ್ಯಕ್ಷ ಬಿ.ಎಂ. ಹನುಮಂತಪ್ಪ ಅವರ ನೇತೃತ್ವದ ವಕೀಲರ ನಿಯೋಗವು ಸಚಿವ ಕೆ.ಎಸ್.ಬಸವಂತಪ್ಪ ಅವರನ್ನು ಭೇಟಿ ಮಾಡಿ ಚರ್ಚೆ ನಡೆಸಿತು.

ಈ ಸಂದರ್ಭದಲ್ಲಿ ಮಾತನಾಡಿದ ಸಚಿವ ಕೆ.ಎಸ್.ಬಸವಂತಪ್ಪ, ಜಿಲ್ಲಾ ಉಸ್ತುವಾರಿ ಸಚಿವ ಎಸ್.ಎಸ್. ಮಲ್ಲಿಕಾರ್ಜುನ್ ಅವರ ಸಮ್ಮುಖದಲ್ಲಿ ಮುಖ್ಯಮಂತ್ರಿ ಅವರನ್ನು ಭೇಟಿ ಮಾಡಿ ಈ ಕುರಿತು ಚರ್ಚಿಸಲು ವ್ಯವಸ್ಥೆ ಮಾಡಲಾಗುವುದು ಎಂದು ಭರವಸೆ ನೀಡಿದರು. ದಾವಣಗೆರೆಯಲ್ಲಿ ಹೈಕೋರ್ಟ್ ಪೀಠ ಸ್ಥಾಪನೆಗೆ ಆಗ್ರಹಿಸಿ ನಡೆಯುತ್ತಿರುವ ಹೋರಾಟ ನಡೆಸಲಾಗುತ್ತದೆ.

ದಾವಣಗೆರೆಯಲ್ಲಿ ಹೈಕೋರ್ಟ್ ಪೀಠ ಸ್ಥಾಪನೆಯಾದರೆ ಈ ಭಾಗದ ಅಕ್ಕಪಕ್ಕದ ಜಿಲ್ಲೆಗಳ ಜನರು ಬೆಂಗಳೂರಿಗೆ ಹೋಗಿ ಬರುವ ಸಮಸ್ಯೆ ತಪ್ಪುತ್ತದೆ. ಹೀಗಾಗಿ ದಾವಣಗೆರೆಯಲ್ಲಿ ಹೈಕೋರ್ಟ್ ಪೀಠ ಸ್ಥಾಪನೆಗೆ ಅಗತ್ಯ ಹಾಗೂ ಈ ಬೇಡಿಕೆಯನ್ನು ಈಡೇರಿಸಲು ಕೈಗೊಳ್ಳಬೇಕಾದ ಕ್ರಮಗಳ ಕುರಿತು ನಿಯೋಗವು ಸಚಿವರ ಗಮನ ಸೆಳೆಯಿತು. ಈ ವೇಳೆ ವಕೀಲರು ಮತ್ತು ಸಾರ್ವಜನಿಕರ ಬಹುದಿನಗಳ ಬೇಡಿಕೆಗೆ ಸಹಕಾರ ನೀಡುವುದಾಗಿ ಭರವಸೆ ನೀಡಿದರು.

ಇದೇ ಸಂದರ್ಭದಲ್ಲಿ ಶಾಸಕ ಸಮರ್ಥ್ ಶಾಮನೂರು ಅವರೊಂದಿಗೂ ವಕೀಲರ ನಿಯೋಗವು ಮಾತುಕತೆ ನಡೆಸಿತು. ದಾವಣಗೆರೆಯಲ್ಲಿ ಹೈಕೋರ್ಟ್ ಪೀಠ ಸ್ಥಾಪನೆಯಾಗುವವರೆಗೆ ಎಲ್ಲ ಹಂತಗಳಲ್ಲಿಯೂ ಸಂಘಟಿತವಾಗಿ ಪ್ರಯತ್ನ ಮುಂದುವರಿಸುವ ಸಂಕಲ್ಪವನ್ನು ಹೋರಾಟ ಸಮಿತಿ ವ್ಯಕ್ತಪಡಿಸಿತು.

ಸಭೆಯಲ್ಲಿ ವಕೀಲರ ಸಂಘದ ನಿಕಟಪೂರ್ವ ಅಧ್ಯಕ್ಷ ಎಲ್.ಎಚ್. ಅರುಣ್ ಕುಮಾರ್, ಲೋಕಿಕೆರೆ ಸಿದ್ದಪ್ಪ, ಜಿಲ್ಲಾ ವಕೀಲರ ಸಂಘದ ಕಾರ್ಯದರ್ಶಿ ಎಸ್. ಮಂಜುನಾಥ್, ಬಸವರಾಜ್ ಉಚ್ಚಂಗಿದುರ್ಗ, ಎಸ್. ಬಸವರಾಜ್, ಆಂಜನೇಯ ಗುರೂಜಿ, ರಾಜಪ್ಪ, ಎಲ್. ಶ್ಯಾಮ್, ವಿ. ಗೋಪಾಲ್ ಸೇರಿದಂತೆ ಹಲವು ವಕೀಲರು ಉಪಸ್ಥಿತರಿದ್ದರು.

• ದಸರಾ ರಜೆ ಎಫೆಕ್ಟ್‌: ಮಲೆನಾಡಿನ ಹೋಂಸ್ಟೇಗಳಿಗೆ ಫುಲ್‌ ಡಿಮ್ಯಾಂಡ್‌, ರೂಮ್‌ ಸಿಗೋದು ಕಷ್ಟ!
• ಅಯೋಧ್ಯೆ ರಾಮನ ದರ್ಶನಕ್ಕೆ ಅರ್ಜಿ ಸಲ್ಲಿಸಬೇಕು! ಏನಿದು ಹೊಸ ವ್ಯವಸ್ಥೆ?
• ಮೈಸೂರು: ಜಂಬೂಸವಾರಿಗೆ ಕ್ಷಣಗಣನೆ
• ಆಯುಧಪೂಜೆಯಿಂದ ಡಿಜಿಟಲ್ ಜ್ಞಾನವರೆಗೆ ವಿಜಯದಶಮಿ : ನವ್ಯಲೋಕದ ಆರಂಭ
• ಷೇರು, ಚಿನ್ನ, ಆಸ್ತಿ ಬೆಲೆ ಏರಿಕೆ ನಡುವೆ ಈ ದಸರಾ ನಿಮ್ಮ ಹೂಡಿಕೆ ಎಲ್ಲಿ?

The post ದಾವಣಗೆರೆ ಹೈಕೋರ್ಟ್ ಪೀಠ ಹೋರಾಟಕ್ಕೆ ಸಚಿವ ಬಸವಂತಪ್ಪ ಬೆಂಬಲ appeared first on Samyukta Karnataka.

ದೇವರಗುಡ್ಡದಲ್ಲಿ ನವರಾತ್ರಿಯ ಘಟಸ್ಥಾಪನೆಯಿಂದ ಆರಂಭವಾಗುವ ಸಂಪ್ರದಾಯದಂತೆ, ಪ್ರಧಾನ ಗೊರವಯ್ಯ ಒಂಬತ್ತು ದಿನಗಳ ಕಾಲ ಕಠಿಣ ಉಪವಾಸ ವ್ರತ ಆಚರಿಸುತ್ತಾರೆ. ಬಳಿಕ ದಸರಾ ಸಂದರ್ಭದಲ್ಲಿ ನಡೆಯುವ ಕಾರ್ಣಿಕೋತ್ಸವದಲ್ಲಿ ಬಿಲ್ಲನ್ನೇರಿ ನುಡಿ ಹೇಳುತ್ತಾರೆ. ಈ ಧಾರ್ಮಿಕ ಆಚರಣೆಯು ಮಾಲತೇಶ ಸ್ವಾಮಿಯ ಭಕ್ತರ ನಂಬಿಕೆ ಮತ್ತು ಸ್ಥಳೀಯ ಸಂಸ್ಕೃತಿಯೊಂದಿಗೆ ಆಳವಾಗಿ ಬೆಸೆದುಕೊಂಡಿದೆ.

‘ಕೆಂಪು ಕೋಟಿಯ ಮೇಲೆ ಮುತ್ತು ಚೆಲ್ಲಿತಲೇ ಪರಾಕ್’ ಎಂಬ ನುಡಿ : ಈ ಭಾರಿಯ ಕಾರ್ಣಿಕ ‘ಕೆಂಪು ಕೋಟಿಯ ಮೇಲೆ ಮುತ್ತು ಚೆಲ್ಲಿತಲೇ ಪರಾಕ್’ ಎಂಬ ಕಾರ್ಣಿಕ ನುಡಿಯನ್ನು ಪ್ರಮುಖವಾಗಿ ಉಲ್ಲೇಖಿಸಲಾಗಿದೆ. ಈ ನುಡಿಯ ಅರ್ಥದ ಬಗ್ಗೆ ಭಕ್ತರು ಮತ್ತು ಸ್ಥಳೀಯರು ತಮ್ಮದೇ ಆದ ಧಾರ್ಮಿಕ, ಸಾಮಾಜಿಕ ಅಥವಾ ರಾಜಕೀಯ ವ್ಯಾಖ್ಯಾನಗಳನ್ನು ನೀಡುವ ಸಾಧ್ಯತೆಯಿದೆ.

ದೇವರಗುಡ್ಡದ ಕಾರ್ಣಿಕ ನುಡಿಗಳು ಹಿಂದಿನ ವರ್ಷಗಳಲ್ಲಿಯೂ ಜನರ ಗಮನ ಸೆಳೆದಿವೆ. 2024ರಲ್ಲಿ ‘ಆಕಾಶದತ್ತ ಚಿಗುರಿತಲೇ, ಬೇರು ಮುದ್ದಾತಲೇ ಪರಾಕ್’ ಎಂಬ ನುಡಿ ಪ್ರಸಿದ್ಧವಾಗಿತ್ತು. ಆ ಸಂದರ್ಭದಲ್ಲಿ ಮಳೆ, ಬೆಳೆ ಮತ್ತು ರಾಜಕೀಯದ ಕುರಿತು ವಿವಿಧ ವ್ಯಾಖ್ಯಾನಗಳು ಪ್ರಕಟವಾಗಿದ್ದವು.

ಭಕ್ತರ ನಂಬಿಕೆಯ ಕೇಂದ್ರವಾದ ಐತಿಹಾಸಿಕ ಕ್ಷೇತ್ರ : ಹಾವೇರಿ ಜಿಲ್ಲೆಯ ರಾಣೇಬೆನ್ನೂರು ತಾಲ್ಲೂಕಿನ ದೇವರಗುಡ್ಡದಲ್ಲಿರುವ ಶ್ರೀ ಮಾಲತೇಶ ಸ್ವಾಮಿ ದೇವಸ್ಥಾನವು ದಸರಾ ಸಮಯದಲ್ಲಿ ವಿಶೇಷ ಧಾರ್ಮಿಕ ಚಟುವಟಿಕೆಗಳಿಗೆ ಸಾಕ್ಷಿಯಾಗುತ್ತದೆ. ಕಾರ್ಣಿಕೋತ್ಸವದ ವೇಳೆ ಗೊರವಯ್ಯ ಬಿಲ್ಲನ್ನೇರಿ ನುಡಿ ಹೇಳುವ ಸಂಪ್ರದಾಯ ಈ ಕ್ಷೇತ್ರದ ಪ್ರಮುಖ ಆಕರ್ಷಣೆಯಾಗಿದೆ. ಭಕ್ತರು ಈ ನುಡಿಯನ್ನು ಶ್ರದ್ಧೆಯಿಂದ ಆಲಿಸಿ, ತಮ್ಮ ನಂಬಿಕೆಯಂತೆ ಅದರ ಅರ್ಥವನ್ನು ಗ್ರಹಿಸುತ್ತಾರೆ.

• ದಸರಾ ರಜೆ ಎಫೆಕ್ಟ್‌: ಮಲೆನಾಡಿನ ಹೋಂಸ್ಟೇಗಳಿಗೆ ಫುಲ್‌ ಡಿಮ್ಯಾಂಡ್‌, ರೂಮ್‌ ಸಿಗೋದು ಕಷ್ಟ!
• ಅಯೋಧ್ಯೆ ರಾಮನ ದರ್ಶನಕ್ಕೆ ಅರ್ಜಿ ಸಲ್ಲಿಸಬೇಕು! ಏನಿದು ಹೊಸ ವ್ಯವಸ್ಥೆ?
• ಮೈಸೂರು: ಜಂಬೂಸವಾರಿಗೆ ಕ್ಷಣಗಣನೆ
• ಆಯುಧಪೂಜೆಯಿಂದ ಡಿಜಿಟಲ್ ಜ್ಞಾನವರೆಗೆ ವಿಜಯದಶಮಿ : ನವ್ಯಲೋಕದ ಆರಂಭ
• ಷೇರು, ಚಿನ್ನ, ಆಸ್ತಿ ಬೆಲೆ ಏರಿಕೆ ನಡುವೆ ಈ ದಸರಾ ನಿಮ್ಮ ಹೂಡಿಕೆ ಎಲ್ಲಿ?

The post ದೇವರಗುಡ್ಡ ಮಾಲತೇಶ ಸ್ವಾಮಿ ಕಾರ್ಣಿಕ : ಕೆಂಪು ಕೋಟಿಯ ಮೇಲೆ ಮುತ್ತು ಚೆಲ್ಲಿತಲೇ ಪರಾಕ್ appeared first on Samyukta Karnataka.

ಧಾರವಾಡ: ಕಬ್ಬಿಗೆ ನ್ಯಾಯಯುತ ಬೆಲೆ ಹಾಗೂ ಸಕ್ಕರೆಯ ಕನಿಷ್ಠ ಮಾರಾಟ ಬೆಲೆ (MSP) ಘೋಷಿಸುವಂತೆ ಆಗ್ರಹಿಸಿ ನಡೆಯುತ್ತಿದ್ದ ಕಬ್ಬು ಬೆಳೆಗಾರರ ಹೋರಾಟಕ್ಕೆ ತಾತ್ಕಾಲಿಕ ವಿರಾಮ ನೀಡಲಾಗಿದೆ. ಕೇಂದ್ರ ಸರ್ಕಾರಕ್ಕೆ ನವೆಂಬರ್ 26ರವರೆಗೆ ಗಡುವು ನೀಡಲಾಗಿದ್ದು, ಅಷ್ಟರೊಳಗೆ ಬೇಡಿಕೆಗಳಿಗೆ ಸ್ಪಂದಿಸದಿದ್ದರೆ ಮುಂದಿನ ಹೋರಾಟದ ಬಗ್ಗೆ ನಿರ್ಧಾರ ಕೈಗೊಳ್ಳಲಾಗುವುದು ಎಂದು ರಾಜ್ಯ ರೈತ ಸಂಘದ ಅಧ್ಯಕ್ಷ ಚೂನಪ್ಪ ಪೂಜೇರಿ ತಿಳಿಸಿದ್ದಾರೆ.

ಉತ್ತರ ಕರ್ನಾಟಕದ ಕಬ್ಬು ಬೆಳೆಗಾರರು ಕಬ್ಬಿನ ಬೆಲೆ ನಿಗದಿ, ಸಕ್ಕರೆಯ ಕನಿಷ್ಠ ಮಾರಾಟ ಬೆಲೆ ಹೆಚ್ಚಳ ಮತ್ತು ಎಥೆನಾಲ್ ಖರೀದಿ ನೀತಿಯಲ್ಲಿ ಬದಲಾವಣೆ ಸೇರಿದಂತೆ ವಿವಿಧ ಬೇಡಿಕೆಗಳನ್ನು ಮುಂದಿಟ್ಟುಕೊಂಡು ಪ್ರತಿಭಟನೆ ನಡೆಸುತ್ತಿದ್ದಾರೆ. ಕಬ್ಬು ಅರೆಯುವ ಋತು ಆರಂಭವಾಗುವಲ್ಲಿ ವಿಳಂಬವಾಗುತ್ತಿರುವುದರಿಂದ ಬೆಳೆಗಾರರು ಆತಂಕದಲ್ಲಿದ್ದಾರೆ.

ಕಟಾವಿಗೆ ಸಿದ್ಧವಾಗಿರುವ ಕಬ್ಬು ಹೊಲಗಳಲ್ಲೇ ಉಳಿದರೆ ಅದರ ತೂಕ ಹಾಗೂ ಸಕ್ಕರೆ ಅಂಶ ಕಡಿಮೆಯಾಗುವ ಸಾಧ್ಯತೆಯಿದ್ದು, ರೈತರ ಆದಾಯಕ್ಕೂ ಹೊಡೆತ ಬೀಳಬಹುದು ಎಂಬುದು ಅವರ ಕಳವಳ.

ಟನ್ ಕಬ್ಬಿಗೆ ₹5,500 ಬೆಲೆಗೆ ಆಗ್ರಹ : ಕಬ್ಬು ಬೆಳೆಗಾರರು ಪ್ರತಿ ಟನ್‌ಗೆ ₹5,500 ದರ ನಿಗದಿಪಡಿಸಬೇಕು ಹಾಗೂ ಸಕ್ಕರೆಯ ಕನಿಷ್ಠ ಮಾರಾಟ ಬೆಲೆಯನ್ನು ಪ್ರತಿ ಕೆಜಿಗೆ ₹31ರಿಂದ ₹60ಕ್ಕೆ ಹೆಚ್ಚಿಸಬೇಕು ಎಂದು ಒತ್ತಾಯಿಸುತ್ತಿದ್ದಾರೆ. ಜೊತೆಗೆ ಕಬ್ಬು ಆಧಾರಿತ ಎಥೆನಾಲ್ ಖರೀದಿಗೆ ಸಂಬಂಧಿಸಿದ ನೀತಿಯನ್ನು ಮರುಪರಿಶೀಲಿಸಬೇಕು, ಕಬ್ಬಿನ ತೂಕ ಮತ್ತು ಸಕ್ಕರೆ ಚೇತರಿಕೆ ಪ್ರಮಾಣ ನಿರ್ಧಾರದಲ್ಲಿ ಪಾರದರ್ಶಕತೆ ಇರಬೇಕು ಹಾಗೂ ರೈತರಿಗೆ ಸಕಾಲದಲ್ಲಿ ಹಣ ಪಾವತಿಯಾಗಬೇಕು ಎಂಬ ಬೇಡಿಕೆಗಳನ್ನೂ ಮುಂದಿಟ್ಟಿದ್ದಾರೆ.

ಇತ್ತೀಚೆಗೆ ಕೇಂದ್ರ ಸಚಿವ ಪ್ರಲ್ಹಾದ ಜೋಶಿ ಅವರ ನೇತೃತ್ವದಲ್ಲಿ ರೈತ ಮುಖಂಡರೊಂದಿಗೆ ಸಂಧಾನ ಸಭೆ ನಡೆದಿದ್ದು, ಬೇಡಿಕೆಗಳನ್ನು ಕೇಂದ್ರ ಸರ್ಕಾರದ ಸಮಿತಿಯ ಮುಂದೆ ಮಂಡಿಸಿ ಪರಿಹಾರ ಕಂಡುಕೊಳ್ಳಲು ಪ್ರಯತ್ನಿಸುವುದಾಗಿ ಸಚಿವರು ಭರವಸೆ ನೀಡಿದ್ದಾರೆ ಎಂದು ವರದಿಯಾಗಿದೆ. ರೈತ ಮುಖಂಡರು ರೈತ ಸಮೂಹದ ಅಭಿಪ್ರಾಯ ಪಡೆದು ಮುಂದಿನ ಹೋರಾಟದ ರೂಪುರೇಷೆ ನಿರ್ಧರಿಸುವುದಾಗಿ ತಿಳಿಸಿದ್ದಾರೆ.

ಬೇಡಿಕೆ ಈಡೇರದಿದ್ದರೆ ಮತ್ತೆ ಹೋರಾಟ? : ರೈತರ ಮುಂದಿನ ನಡೆ ಕೇಂದ್ರದ ಸ್ಪಂದನೆ ಮತ್ತು ರೈತ ಸಂಘಟನೆಗಳ ನಿರ್ಧಾರವನ್ನು ಅವಲಂಬಿಸಿದೆ. ಈ ನಡುವೆ ರಾಜ್ಯ ಸರ್ಕಾರವೂ ರೈತರು, ಸಕ್ಕರೆ ಕಾರ್ಖಾನೆಗಳ ಪ್ರತಿನಿಧಿಗಳು ಮತ್ತು ಅಧಿಕಾರಿಗಳ ಸಭೆ ನಡೆಸುವ ಬಗ್ಗೆ ಭರವಸೆ ನೀಡಿದೆ.

ಕಬ್ಬು ಬೆಳೆಗಾರರ ಸಮಸ್ಯೆಗೆ ಶಾಶ್ವತ ಪರಿಹಾರ ಸಿಗಬೇಕು, ನ್ಯಾಯಯುತ ಬೆಲೆ ನಿಗದಿಯಾಗಬೇಕು ಮತ್ತು ವಿಳಂಬವಿಲ್ಲದೆ ಕಬ್ಬು ಅರೆಯುವಿಕೆ ಆರಂಭವಾಗಬೇಕು ಎಂಬುದು ರೈತರ ಪ್ರಮುಖ ಆಗ್ರಹವಾಗಿದೆ. ನವೆಂಬರ್ 26ರ ಗಡುವಿನೊಳಗೆ ಕೇಂದ್ರ ಸರ್ಕಾರ ಯಾವ ನಿರ್ಧಾರ ಕೈಗೊಳ್ಳಲಿದೆ ಎಂಬುದರ ಮೇಲೆ ಮುಂದಿನ ಹೋರಾಟದ ದಿಕ್ಕು ನಿರ್ಧಾರವಾಗುವ ಸಾಧ್ಯತೆಯಿದೆ.

• ದಸರಾ ರಜೆ ಎಫೆಕ್ಟ್‌: ಮಲೆನಾಡಿನ ಹೋಂಸ್ಟೇಗಳಿಗೆ ಫುಲ್‌ ಡಿಮ್ಯಾಂಡ್‌, ರೂಮ್‌ ಸಿಗೋದು ಕಷ್ಟ!
• ಅಯೋಧ್ಯೆ ರಾಮನ ದರ್ಶನಕ್ಕೆ ಅರ್ಜಿ ಸಲ್ಲಿಸಬೇಕು! ಏನಿದು ಹೊಸ ವ್ಯವಸ್ಥೆ?
• ಮೈಸೂರು: ಜಂಬೂಸವಾರಿಗೆ ಕ್ಷಣಗಣನೆ
• ಆಯುಧಪೂಜೆಯಿಂದ ಡಿಜಿಟಲ್ ಜ್ಞಾನವರೆಗೆ ವಿಜಯದಶಮಿ : ನವ್ಯಲೋಕದ ಆರಂಭ
• ಷೇರು, ಚಿನ್ನ, ಆಸ್ತಿ ಬೆಲೆ ಏರಿಕೆ ನಡುವೆ ಈ ದಸರಾ ನಿಮ್ಮ ಹೂಡಿಕೆ ಎಲ್ಲಿ?

The post ಕಬ್ಬು ರೈತರ ಹೋರಾಟಕ್ಕೆ ತಾತ್ಕಾಲಿಕ ವಿರಾಮ: ಮತ್ತೆ ಕೇಂದ್ರಕ್ಕೆ ಡೆಡ್‌ಲೈನ್ appeared first on Samyukta Karnataka.

ದಾವಣಗೆರೆ: ದೇಶದ ರಾಜಕಾರಣದಲ್ಲಿ ಸ್ಟಿಂಗ್ ಆಪರೇಷನ್ ಒಂದು ದುರಂತ ಇದ್ದಂತೆ, ಇದು ಬಹಳಷ್ಟು ದಶಕಗಳಿಂದ ನಡೆಯುತ್ತಿದೆ. ಯಾರೇ ತಪ್ಪಿತಸ್ಥರು ಇದ್ದರೂ ಅವರಿಗೆ ತಕ್ಕದಾದ ಶಿಕ್ಷೆ ಆಗಬೇಕು. ಸಂತ್ರಸ್ತರಿಗೆ ಪರಿಹಾರ ಕೊಡುವಂತಾಗಬೇಕು. ಇದು ಹೊಸದಲ್ಲ ಮೊದಲಿನಿಂದ ನಡೆಯುತ್ತಿದೆ. ಸರ್ಕಾರ ಈ ಕೂಡಲೇ ಕಾನೂನು ಕ್ರಮಕ್ಕೆ ಮುಂದಾಗಬೇಕು ಎಂದು ಮಾಜಿ ಸಚಿವ ಕುಮಾರ್ ಬಂಗಾರಪ್ಪ ಹೇಳಿದರು.

ನಗರದಲ್ಲಿ ಸುದ್ದಿಗಾರರೊಂದಿಗೆ ಮಾತನಾಡಿ, ಸ್ಟಿಂಗ್ ಆಪರೇಷನ್ ಬಗ್ಗೆ ಮುಖ್ಯ ಮಂತ್ರಿಗಳು ಹೆಚ್ಚಿನ ಗಮನ ಹರಿಸಬೇಕು. ಅವರವರ ಪಕ್ಷದಲ್ಲೇ ಹಿರಿಯರು ಸೇರಿ ಇದಕ್ಕೆ ಇತಿಶ್ರೀ ಆಡಬೇಕು. ಇಲ್ಲವಾದ್ರೆ ಆ ಪಕ್ಷ ವ್ಯಕ್ತಿ ಕುಟುಂಬಕ್ಕೆ ಕಪ್ಪು ಮಸಿ ಬಳಿದಂತಾಗುತ್ತದೆ. ವಿಷಯ ಕೋರ್ಟ್ನಲ್ಲಿ ಇರುವುದರಿಂದ ಇದರ ಬಗ್ಗೆ ಹೆಚ್ಚು ಮಾತನಾಡುವುದಿಲ್ಲ. ಸೀರಿಯಸ್ ಆಗಿ ತನಿಖೆ ಆಗಬೇಕಾದ ಅವಶ್ಯಕತೆ ಇದೆ ಎಂದರು.

ರಾಜ್ಯದಲ್ಲಿ ಬರ ತಾಂಡವವಾಡುತ್ತಿದೆ. ಬರದ ವಿಚಾರ ಬಿಟ್ಟು ಸ್ಟಿçಂಗ್ ಯಾಕೆ ಮಾತಾಡುತ್ತೇವೆ. ಹಳ್ಳಿಗಳಲ್ಲಿ ಕುಡಿಯುವ ನೀರು ಸಿಗುತ್ತಿಲ್ಲ ಬೆಳೆ ಒಣಗಿ ಹೋಗುತ್ತಿವೆ. ಸ್ಟಿಂಗ್‌ಗಿAತ ಬರ ಸೀರಿಯಸ್ ವಿಚಾರ ಅದರ ಬಗ್ಗೆ ಗಮನ ಕೊಡಬೇಕು. ಕೇಂದ್ರಕ್ಕೆ ರಾಜ್ಯ ಸರ್ಕಾರ ಈ ಕೂಡಲೇ ಬರದ ಬಗ್ಗೆ ವರದಿ ಸಲ್ಲಿಸಿ ಸೌಲಭ್ಯ ಪಡೆಯಬೇಕು ಎಂದು ತಿಳಿಸಿದರು.

ನದಿ ಜೋಡಣೆ ಕಾರ್ಯವಾಗಲಿ : ಈ ಬಾರಿ ಅಡಿಕೆ, ತೆಂಗು ಸೇರಿದಂತೆ ಇತರೆ ಬೆಳೆಗಳ ಬೆಲೆ ಕುಸಿತ ಕಂಡರೆ ಸುಧಾರಿಸಿಕೊಳ್ಳಲು ಇನ್ನೂ ಹತ್ತು ವರ್ಷ ಬೇಕಾಗುತ್ತೆ. ನದಿ ಜೋಡಣೆ ಮಾಡುವ ಅವಶ್ಯಕತೆ ಇದೆ. ಕೆರೆಗಳಲ್ಲಿನ ಹೂಳು ತೆಗೆಸಿ ಕೆರೆ ತುಂಬಿಸುವ ಯೋಜನೆಗಳನ್ನು ಸರ್ಕಾರ ಸಕಾರಗೊಳಿಸಬೇಕು. ಇಲ್ಲದಿದ್ರೆ ಯಾವ ರಾಜ್ಯನು ಉದ್ಧಾರ ಆಗುವುದಿಲ್ಲ. ಬರದಲ್ಲೇ ಒದ್ದಾಡಬೇಕಾಗುತ್ತದೆ ಎಂದರು.

ಬಿಜೆಪಿಗೆ ಯತ್ನಾಳ್ ಬಂದ್ರೇ ಒಳ್ಳೆಯದೇ : ಇತ್ತೀಚೆಗಷ್ಟೇ ಯತ್ನಾಳ್ ಹಾಗೂ ಬಿಜೆಪಿ ರಾಜ್ಯಾಧ್ಯಕ್ಷ ಬಿ.ವೈ ವಿಜಯೇಂದ್ರ ಜೊತೆಗೆ ನಿಂತು ಮಾತನಾಡುವ ಪೋಟೋ ವೈರಲ್ ಆಗಿದೆ. ನಾನು ಫೋಟೋ ನೋಡಿದೆ ಒಳ್ಳೆಯದು, ಎಲ್ಲರೂ ಒಂದಾದ್ರೆ ಪಕ್ಷಕ್ಕೆ ಒಳ್ಳೆಯದು ತಾನೇ. ದೆಹಲಿ ನಾಯಕರು ಈ ಬಗ್ಗೆ ತೀರ್ಮಾನ ಕೈಗೊಳ್ಳುತ್ತಾರೆ. ನಾನೇನು ಮಾತನಾಡುವುದಿಲ್ಲ. ವರಿಷ್ಟರು ಎಲ್ಲವನ್ನು ನೋಡುತ್ತಿರುತ್ತಾರೆ ಎಂದರು.

ರಾಜಕೀಯ ನಾಯಕರು ಈ ಪಕ್ಷದಿಂದ ಆ ಪಕ್ಷಕ್ಕೆ ಹೋಗ್ತಾರೆ ಎಂದು ವದಂತಿ ಇರುವುದು ಸಾಮಾನ್ಯ. ನಾನು ಬಿಜೆಪಿಯಲ್ಲಿ ಇದ್ದೇನೆ. ಮುಂದೆಯೂ ಇಲ್ಲೇ ಇರುತ್ತೇನೆ ಎಂದು ಹೇಳಿದರು.

• ದಸರಾ ರಜೆ ಎಫೆಕ್ಟ್‌: ಮಲೆನಾಡಿನ ಹೋಂಸ್ಟೇಗಳಿಗೆ ಫುಲ್‌ ಡಿಮ್ಯಾಂಡ್‌, ರೂಮ್‌ ಸಿಗೋದು ಕಷ್ಟ!
• ಅಯೋಧ್ಯೆ ರಾಮನ ದರ್ಶನಕ್ಕೆ ಅರ್ಜಿ ಸಲ್ಲಿಸಬೇಕು! ಏನಿದು ಹೊಸ ವ್ಯವಸ್ಥೆ?
• ಮೈಸೂರು: ಜಂಬೂಸವಾರಿಗೆ ಕ್ಷಣಗಣನೆ
• ಆಯುಧಪೂಜೆಯಿಂದ ಡಿಜಿಟಲ್ ಜ್ಞಾನವರೆಗೆ ವಿಜಯದಶಮಿ : ನವ್ಯಲೋಕದ ಆರಂಭ
• ಷೇರು, ಚಿನ್ನ, ಆಸ್ತಿ ಬೆಲೆ ಏರಿಕೆ ನಡುವೆ ಈ ದಸರಾ ನಿಮ್ಮ ಹೂಡಿಕೆ ಎಲ್ಲಿ?

The post ಸ್ಟಿಂಗ್ ಆಪರೇಷನ್‌ಗಿಂತ ಬರದ ಸಮಸ್ಯೆ ಗಂಭೀರ: ಯತ್ನಾಳ್-ವಿಜಯೇಂದ್ರ ಒಂದಾದರೆ ಒಳ್ಳೆಯದು appeared first on Samyukta Karnataka.

ನಗರದಲ್ಲಿ ಸೋಮವಾರ ಪತ್ರಿಕಾಗೋಷ್ಠಿಯಲ್ಲಿ ಮಾತನಾಡಿದ ಅವರು, ಪ್ರಸ್ತುತ ಅವಧಿಗೆ ಕಾಂಗ್ರೆಸ್ ಪಕ್ಷದ ಅಭ್ಯರ್ಥಿ ಮೋಹನ ಲಿಂಬಿಕಾಯಿ ಅವರ ಬಗ್ಗೆ ಶಿಕ್ಷಕರು, ಪದವೀಧರರು ಒಲವು ತೋರಿದ್ದಾರೆ. ರಾಜ್ಯ ಸರ್ಕಾರದ ಪ್ರಗತಿಪರ ಕಾರ್ಯ ಹಾಗೂ ಅಭ್ಯರ್ಥಿಯ ಸಾಧನೆ ಗುರುತಿಸಿ ಅವರನ್ನು ಗೆಲ್ಲಿಸುವಲ್ಲಿ ಮುಂದಾಗಬೇಕು ಎಂದು ಹೇಳಿದರು.

ಪಶ್ಚಿಮ ಪದವೀಧರ ಕ್ಷೇತ್ರದ ನಾಲ್ಕು ಜಿಲ್ಲೆಯಲ್ಲಿ ಒಟ್ಟು 97,400 ಮತದಾರರು ಇದ್ದಾರೆ. ಧಾರವಾಡ ಜಿಲ್ಲೆಯಲ್ಲಿ 35 ಸಾವಿರ, ಹಾವೇರಿಯಲ್ಲಿ 24 ಸಾವಿರ, ಉತ್ತರ ಕನ್ನಡದಲ್ಲಿ 16 ಸಾವಿರ ಮತ್ತು ಗದಗ ಜಿಲ್ಲೆಯಲ್ಲಿ 21 ಸಾವಿರ ಮತದಾರರು ಇದ್ದಾರೆ. ಈಗಾಗಲೇ ಎಲ್ಲ ಕಡೆ ಪಕ್ಷದ ಮುಖಂಡರು ಪ್ರಚಾರ ಮಡೆಸುತ್ತಿದ್ದು, ಗೆಲುವಿನ ಮುನ್ಸೂಚನೆ ದೊರೆತಿದೆ.

ರಾಜ್ಯ ಸರ್ಕಾರದ ಪಂಚ ಗ್ಯಾರಂಟಿ ಯೋಜನೆಯು ಜನಪ್ರಿಯತೆಗೆ ಕಾರಣವಾಗಿದೆ. ಪದವೀಧರರಿಗೆ ಕೌಶಲಾಭಿವೃದ್ಧಿ ಯೋಜನೆಯನ್ನು ಜಾರಿಗೆ ತಂದಿದೆ. ಖಾಲಿ ಹುದ್ದೆ ಭರ್ತಿ ಮಾಡಿಕೊಳ್ಳಲು ಸರ್ಕಾರ ಮುಂದಾಗಿದೆ. ಉದ್ಯೋಗ ಮೇಳ ಆಯೋಜಿಸಿ, ಉದ್ಯೋಗ ನೀಡುತ್ತಿದೆ. ಪದವೀಧರರ ಹಾಗೂ ನೌಕರರ ಹಿತಾಸಕ್ತಿ ಕಾಪಾಡಲು ಸದಾ ಸಿದ್ಧವಿದೆ. ಯುವನಿಧಿ ಯೋಜನೆಯಡಿ ಪದವೀಧರರಿಗೆ ಧನ ಪ್ರೋತ್ಸಾಹ ನೀಡಲಾಗುತ್ತಿದೆ ಎಂದರು.

ಕಾಂಗ್ರೆಸ್ ಯಾವಾಗಲೂ ಪದವೀಧರರ ಮತ್ತು ಶಿಕ್ಷಕರ ಪರವಿದ್ದು, ಕಾಂಗ್ರೆಸ್ ಸರ್ಕಾರದ ಅವಧಿಯಲ್ಲಿ ಸಾಕಷ್ಟು ಯೋಜನೆಗಳನ್ನು ಜಾರಿಗೆ ತಂದಿದೆ. ಈ ನಿಟ್ಟಿನಲ್ಲಿ ಒಪಿಎಸ್ ಮರು ಜಾರಿಗೆ ಸಮಿತಿ ರಚಿಸಿದ್ದು, ಸಮಿತಿ ತನ್ನ ವರದಿಯನ್ನು ಶೀಘ್ರದಲ್ಲಿ ನೀಡಲಿದ್ದು, ನಮ್ಮ ಸರ್ಕಾರ ಒಪಿಎಸ್ ಜಾರಿಗೆ ಬದ್ಧವಾಗಿದೆ. ರಾಜ್ಯದಾದ್ಯಂತ 56,452 ಉದ್ಯೋಗ ಭರ್ತಿಗೆ ಈಗಾಗಲೇ ಕ್ರಮ ವಹಿಸಿದೆ ಎಂದು ಹೇಳಿದರು.

ಪ್ರೌಢಶಾಲಾ ಮುಖ್ಯಶಿಕ್ಷಕರ ಸಂಘದ ಅಧ್ಯಕ್ಷ ಟಿ.ಆರ್. ಶಿರೋಳ, ವಿ.ಎಸ್. ಚೌಕಿಮಠ, ಎಂ.ಎಂ. ಗಿರಣಿವಡ್ಡರ ಇದ್ದರು.

• ದಸರಾ ರಜೆ ಎಫೆಕ್ಟ್‌: ಮಲೆನಾಡಿನ ಹೋಂಸ್ಟೇಗಳಿಗೆ ಫುಲ್‌ ಡಿಮ್ಯಾಂಡ್‌, ರೂಮ್‌ ಸಿಗೋದು ಕಷ್ಟ!
• ಅಯೋಧ್ಯೆ ರಾಮನ ದರ್ಶನಕ್ಕೆ ಅರ್ಜಿ ಸಲ್ಲಿಸಬೇಕು! ಏನಿದು ಹೊಸ ವ್ಯವಸ್ಥೆ?
• ಮೈಸೂರು: ಜಂಬೂಸವಾರಿಗೆ ಕ್ಷಣಗಣನೆ
• ಆಯುಧಪೂಜೆಯಿಂದ ಡಿಜಿಟಲ್ ಜ್ಞಾನವರೆಗೆ ವಿಜಯದಶಮಿ : ನವ್ಯಲೋಕದ ಆರಂಭ
• ಷೇರು, ಚಿನ್ನ, ಆಸ್ತಿ ಬೆಲೆ ಏರಿಕೆ ನಡುವೆ ಈ ದಸರಾ ನಿಮ್ಮ ಹೂಡಿಕೆ ಎಲ್ಲಿ?

The post ಒಪಿಎಸ್ ಮರುಜಾರಿಗೆ ಸರ್ಕಾರ ಬದ್ಧ: ಬಸವರಾಜ ಗುರಿಕಾರ appeared first on Samyukta Karnataka.

ಮೃತರನ್ನು ಅಜ್ಜಂಪುರ ತಾಲೂಕಿನ ಮಾಕನಹಳ್ಳಿ ಗ್ರಾಮದ ನಿವಾಸಿ ಸುನೀಲ್ (38) ಎಂದು ಗುರುತಿಸಲಾಗಿದೆ. ತಾಲೂಕಿನ ಹುಣಸಘಟ್ಟ ಗ್ರಾಮದ ಬಳಿ ಈ ಘಟನೆ ಸಂಭವಿಸಿದೆ.

ಸುನೀಲ್ ಅವರು ತಮ್ಮ ತೋಟದಲ್ಲಿ ಅಡಿಕೆ ಬೆಳೆ ಬೆಳೆಯಲು ವಿವಿಧ ಬ್ಯಾಂಕ್‌ಗಳು ಹಾಗೂ ಖಾಸಗಿ ಹಣಕಾಸು ಸಂಸ್ಥೆಗಳಿಂದ ₹10 ಲಕ್ಷಕ್ಕೂ ಅಧಿಕ ಸಾಲ ಪಡೆದಿದ್ದರು ಎನ್ನಲಾಗಿದೆ. ಆದರೆ, ಈ ಬಾರಿ ಮಳೆಯ ಕೊರತೆಯಿಂದ ಅಡಿಕೆ ತೋಟದ ಬೆಳೆ ತೀವ್ರ ಹಾನಿಗೊಳಗಾಗಿದ್ದು, ತೋಟವನ್ನು ಉಳಿಸಿಕೊಳ್ಳಲು ಅವರು ಸಾಕಷ್ಟು ಪ್ರಯತ್ನಿಸಿದ್ದರು ಎಂದು ತಿಳಿದುಬಂದಿದೆ.

ಮಳೆಯ ಅಭಾವದಿಂದ ಬೆಳೆ ನಿರೀಕ್ಷಿತ ಮಟ್ಟದಲ್ಲಿ ಕೈಕೊಟ್ಟ ಪರಿಣಾಮ ಆದಾಯ ಕುಂಠಿತಗೊಂಡಿತ್ತು. ಮತ್ತೊಂದೆಡೆ, ಪಡೆದಿದ್ದ ಸಾಲವನ್ನು ಮರುಪಾವತಿಸುವ ಚಿಂತೆಯೂ ಅವರನ್ನು ಕಾಡುತ್ತಿತ್ತು ಎನ್ನಲಾಗಿದೆ. ಬೆಳೆ ನಷ್ಟ ಹಾಗೂ ಆರ್ಥಿಕ ಸಂಕಷ್ಟದಿಂದ ಅವರು ತೀವ್ರವಾಗಿ ನೊಂದಿದ್ದರು ಎಂದು ತಿಳಿದುಬಂದಿದೆ.

ಸಾಲದ ಹೊರೆ ಮತ್ತು ಬೆಳೆ ನಷ್ಟದ ಚಿಂತೆಯಿಂದ ಮನನೊಂದಿದ್ದ ಸುನೀಲ್, ಹುಣಸಘಟ್ಟ ಗ್ರಾಮದ ಬಳಿ ಹರಿಯುವ ಭದ್ರಾ ನಾಲೆಗೆ ಹಾರಿದ್ದಾರೆ ಎನ್ನಲಾಗಿದೆ. ಇದನ್ನು ಗಮನಿಸಿದ ಸ್ಥಳೀಯರು ತಕ್ಷಣ ಕಾರ್ಯಪ್ರವೃತ್ತರಾಗಿ ಅವರನ್ನು ರಕ್ಷಿಸಿ, ಹೆಚ್ಚಿನ ಚಿಕಿತ್ಸೆಗಾಗಿ ತರೀಕೆರೆ ತಾಲೂಕು ಆಸ್ಪತ್ರೆಗೆ ದಾಖಲಿಸಿದ್ದರು. ಆದರೆ, ಆಸ್ಪತ್ರೆಯಲ್ಲಿ ವೈದ್ಯರು ಚಿಕಿತ್ಸೆ ನೀಡಿದರೂ ಫಲಕಾರಿಯಾಗದೆ ಸುನೀಲ್ ಮೃತಪಟ್ಟಿದ್ದಾರೆ.

ಘಟನೆಯಿಂದ ಮಾಕನಹಳ್ಳಿ ಗ್ರಾಮದಲ್ಲಿ ಶೋಕದ ವಾತಾವರಣ ನಿರ್ಮಾಣವಾಗಿದೆ. ಕೃಷಿ ವೆಚ್ಚ ಹೆಚ್ಚಳ, ಮಳೆಯ ಅನಿಶ್ಚಿತತೆ, ಬೆಳೆ ನಷ್ಟ ಹಾಗೂ ಸಾಲ ಮರುಪಾವತಿಯ ಒತ್ತಡದಿಂದ ರೈತರು ಎದುರಿಸುತ್ತಿರುವ ಸಂಕಷ್ಟದ ಬಗ್ಗೆ ಈ ಘಟನೆ ಮತ್ತೊಮ್ಮೆ ಗಮನ ಸೆಳೆದಿದೆ.

• ದಸರಾ ರಜೆ ಎಫೆಕ್ಟ್‌: ಮಲೆನಾಡಿನ ಹೋಂಸ್ಟೇಗಳಿಗೆ ಫುಲ್‌ ಡಿಮ್ಯಾಂಡ್‌, ರೂಮ್‌ ಸಿಗೋದು ಕಷ್ಟ!
• ಅಯೋಧ್ಯೆ ರಾಮನ ದರ್ಶನಕ್ಕೆ ಅರ್ಜಿ ಸಲ್ಲಿಸಬೇಕು! ಏನಿದು ಹೊಸ ವ್ಯವಸ್ಥೆ?
• ಮೈಸೂರು: ಜಂಬೂಸವಾರಿಗೆ ಕ್ಷಣಗಣನೆ
• ಆಯುಧಪೂಜೆಯಿಂದ ಡಿಜಿಟಲ್ ಜ್ಞಾನವರೆಗೆ ವಿಜಯದಶಮಿ : ನವ್ಯಲೋಕದ ಆರಂಭ
• ಷೇರು, ಚಿನ್ನ, ಆಸ್ತಿ ಬೆಲೆ ಏರಿಕೆ ನಡುವೆ ಈ ದಸರಾ ನಿಮ್ಮ ಹೂಡಿಕೆ ಎಲ್ಲಿ?

The post ಆರ್ಥಿಕ ಸಂಕಷ್ಟ: ಭದ್ರಾ ನಾಲೆಗೆ ಹಾರಿದ ರೈತ ಚಿಕಿತ್ಸೆ ಫಲಿಸದೆ ಸಾವು appeared first on Samyukta Karnataka.

ಪೊಲೀಸರ ಪ್ರಾಥಮಿಕ ತನಿಖೆಯ ಪ್ರಕಾರ, ಭಾನುವಾರ ಮಧ್ಯರಾತ್ರಿಯ ಸುಮಾರಿಗೆ ಮಂಜುನಾಥ್ ಅವರ ನಿವಾಸದಲ್ಲಿ ಘಟನೆ ನಡೆದಿದೆ. ಬಾಡಿಗೆ ಪಾವತಿಸದ ವಿಚಾರವಾಗಿ ಮಂಜುನಾಥ್ ಹಾಗೂ ಇಬ್ಬರು ಬಾಡಿಗೆದಾರರ ನಡುವೆ ಗುಂಡಿನ ದಾಳಿಗೂ ಸುಮಾರು ಒಂದು ಗಂಟೆ ಮೊದಲು ವಾಗ್ವಾದ ನಡೆದಿತ್ತು ಎನ್ನಲಾಗಿದೆ. ಬಳಿಕ ಆರೋಪಿಗಳು ಮಂಜುನಾಥ್ ಅವರ ತಲೆಗೆ ಗುಂಡು ಹಾರಿಸಿದ್ದಾರೆ ಎಂದು ಪೊಲೀಸ್ ಅಧಿಕಾರಿಗಳು ತಿಳಿಸಿದ್ದಾರೆ. ಗುಂಡೇಟಿನಿಂದ ತೀವ್ರವಾಗಿ ಗಾಯಗೊಂಡ ಅವರು ಮೃತಪಟ್ಟಿದ್ದಾರೆ.

ಆರೋಪಿಗಳು ಪರಾರಿ – ಪೊಲೀಸರಿಂದ ಶೋಧ : ಆರೋಪಿಗಳಿಬ್ಬರೂ ಡೆಲಿವರಿ ಕೆಲಸ ಮಾಡುತ್ತಿದ್ದರು ಎಂದು ವರದಿಯಾಗಿದೆ. ಗುಂಡಿನ ದಾಳಿಯ ಬಳಿಕ ಅವರು ಸ್ಥಳದಿಂದ ಪರಾರಿಯಾಗಿದ್ದು, ಅವರನ್ನು ಪತ್ತೆಹಚ್ಚಿ ಬಂಧಿಸಲು ಪೊಲೀಸರು ಶೋಧ ಕಾರ್ಯ ಕೈಗೊಂಡಿದ್ದಾರೆ.

ಈ ಸಂಬಂಧ ವೈಟ್‌ಫೀಲ್ಡ್ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ಘಟನೆಗೆ ಸಂಬಂಧಿಸಿದ ಹೆಚ್ಚಿನ ವಿವರಗಳನ್ನು ಪೊಲೀಸರು ಸಂಗ್ರಹಿಸುತ್ತಿದ್ದಾರೆ. ಬಾಡಿಗೆ ಹಣದ ವಿವಾದವೇ ಹತ್ಯೆಗೆ ಕಾರಣವೇ ಎಂಬುದೂ ಸೇರಿದಂತೆ ಪ್ರಕರಣದ ಎಲ್ಲ ಆಯಾಮಗಳ ಬಗ್ಗೆ ತನಿಖೆ ಮುಂದುವರಿದಿದೆ.

• ದಸರಾ ರಜೆ ಎಫೆಕ್ಟ್‌: ಮಲೆನಾಡಿನ ಹೋಂಸ್ಟೇಗಳಿಗೆ ಫುಲ್‌ ಡಿಮ್ಯಾಂಡ್‌, ರೂಮ್‌ ಸಿಗೋದು ಕಷ್ಟ!
• ಅಯೋಧ್ಯೆ ರಾಮನ ದರ್ಶನಕ್ಕೆ ಅರ್ಜಿ ಸಲ್ಲಿಸಬೇಕು! ಏನಿದು ಹೊಸ ವ್ಯವಸ್ಥೆ?
• ಮೈಸೂರು: ಜಂಬೂಸವಾರಿಗೆ ಕ್ಷಣಗಣನೆ
• ಆಯುಧಪೂಜೆಯಿಂದ ಡಿಜಿಟಲ್ ಜ್ಞಾನವರೆಗೆ ವಿಜಯದಶಮಿ : ನವ್ಯಲೋಕದ ಆರಂಭ
• ಷೇರು, ಚಿನ್ನ, ಆಸ್ತಿ ಬೆಲೆ ಏರಿಕೆ ನಡುವೆ ಈ ದಸರಾ ನಿಮ್ಮ ಹೂಡಿಕೆ ಎಲ್ಲಿ?

The post ಮಧ್ಯರಾತ್ರಿ ಗುಂಡಿನ ಸದ್ದು: ಬೆಂಗಳೂರಿನಲ್ಲಿ ವಕೀಲನಿಗೆ ಗುಂಡಿಕ್ಕಿ ಹತ್ಯೆ appeared first on Samyukta Karnataka.