ಶ್ರೀನಗರ: ಹಿಮಾಲಯದ ತಪ್ಪಲಲ್ಲಿರುವ ದಕ್ಷಿಣ ಕಾಶ್ಮೀರದ ಗುಹಾದೇವಾಲಯವಾದ ಅಮರನಾಥ ಸನ್ನಿಧಿಗೆ ಭಾನುವಾರ ೧೫ ಸಾವಿರ ಭಕ್ತರು ಭೇಟಿ ನೀಡಿದ್ದಾರೆ. ಈ ಯಾತ್ರೆ ಆರಂಭವಾದಂದಿನಿಂದ ಕಳೆದೆರಡು ದಿನಗಳಲ್ಲಿ ಹಿಮಲಿಂಗದ ದರ್ಶನ ಮಾಡಿದವರ ಸಂಖ್ಯೆ ೨೮ ಸಾವಿರ ದಾಟಿದೆ. ಈ ಯಾತ್ರೆಯಲ್ಲಿ ಸಾವಿರಕ್ಕೂ ಅಧಿಕ ಭದ್ರತಾ ಸಿಬ್ಬಂದಿ, ೮೩ ಮಕ್ಕಳು ಹಾಗೂ ಇಬ್ಬರು ತೃತೀಯ ಲಿಂಗಿಗಳೂ ಸೇರಿದ್ದಾರೆ. ಶನಿವಾರ ಆರಂಭವಾಗಿರುವ ೫೨ ದಿನಗಳ ಅಮರನಾಥ ಯಾತ್ರೆ ಆಗಸ್ಟ್ ೧೯ಕ್ಕೆ ಅಂತ್ಯಗೊಳ್ಳಲಿದೆ. ಕಳೆದ ವರ್ಷ ೪.೫ ಲಕ್ಷ ಯಾತ್ರಿಕರು ಅಮರನಾಥನ ದರ್ಶನ ಮಾಡಿದ್ದರು.
