ಬೆಳಗಾವಿ: ಜಗದೀಶ ಶೆಟ್ಟರ್‌ಗೆ ಬೆಳಗಾವಿ ಕರ್ಮಭೂಮಿ ಆಗಿದ್ದರೆ ಮೊದಲು ಬೆಳಗಾವಿಯಲ್ಲಿನ ಅವರ ಅಡ್ರೆಸ್‌ ಹೇಳಲಿ. ಅಡ್ರೆಸ್‌ ಇಲ್ಲದೇ ಬೆಳಗಾವಿ ಅವರ ಕರ್ಮಭೂಮಿ ಆಗಲು ಹೇಗೆ ಸಾಧ್ಯ ಎಂದು ಸಚಿವೆ ಲಕ್ಷ್ಮೀ ಹೆಬ್ಬಾಳ್ಕರ್‌ ಪ್ರಶ್ನಿಸಿದ್ದಾರೆ.
ಬೆಳಗಾವಿಯಲ್ಲಿ ಮಾಧ್ಯಮದವರೊಂದಿಗೆ ಮಾತನಾಡಿದ ಅವರು, ಹುಬ್ಬಳ್ಳಿ-ಧಾರವಾಡದಲ್ಲಿ 6 ಬಾರಿ ಗೆದ್ದು ಶೆಟ್ಟರ್‌ ಅವರನ್ನು ಈಗ ಜನ ತಿರಸ್ಕಾರ ಮಾಡಿದ್ದಾರೆ. ಅಲ್ಲಿನ ಜನರೇ ಬೇಡ ಎಂದು ಅವರನ್ನು ಹೊರ ಹಾಕಿದ್ದಾರೆ. ಹೀಗಿದ್ದಾಗ ಕರ್ಮಭೂಮಿ ಎಂದು ಹೇಳಿಕೊಂಡು ಬೆಳಗಾವಿಯ ಮುಗ್ಧ ಜನರನ್ನು ಮೂರ್ಖರನ್ನಾಗಿ ಮಾಡಲು ಸಾಧ್ಯವಿಲ್ಲ ಎಂದಿದ್ದಾರೆ.
