ಸೋಮವಾರ ಪೇಶಾವರದಲ್ಲಿ ಫ್ರಂಟಿಯರ್ ಕಾರ್ಪ್ಸ್ ಪ್ರಧಾನ ಕಚೇರಿಯ ಮೇಲೆ ಬಂದೂಕುಧಾರಿಗಳು ದಾಳಿ ನಡೆದಿತ್ತು. ಈ ದಾಳಿಯಲ್ಲಿ ಆರು ಜನ ಬಲಿಯಾಗಿದ್ದಾರೆ. ನಂತರ ಗುಂಡಿನ ಚಕಮಕಿ ಮತ್ತು ಸ್ಫೋಟಗಳು ಸಂಭವಿಸಿದೆ. ಕೇಂದ್ರ ಪ್ರದೇಶದಾದ್ಯಂತ ಜೋರಾದ ಸ್ಫೋಟಗಳ ಸದ್ದು ಕೇಳಿಬರುತ್ತಿದ್ದಂತೆ ಪಡೆಗಳು ಪ್ರತಿದಾಳಿ ನಡೆಸಿತ್ತು ಎಂದು ಪೋಲಿಸರು ಸ್ಪಷ್ಟನೆ ನೀಡಿದ್ದಾರೆ.
ಕೇಂದ್ರ ಪೇಶಾವರದಲ್ಲಿ ದಾಳಿ ಬಯಲು: “ಎಫ್‌ಸಿ ಪ್ರಧಾನ ಕಚೇರಿಯ ಮೇಲೆ ದಾಳಿ ನಡೆಯಿತು. ಇದಕ್ಕೆ ಪ್ರತಿಕ್ರಿಯಿಸಿದ ಪೊಲೀಸ್‌ರು “ಪ್ರದೇಶವನ್ನು ಸುತ್ತುವರಿಯಲಾಗುತ್ತಿದೆ” ಎಂದು ಅಧಿಕಾರಿ ಮಿಯಾನ್ ಸಯೀದ್ ಅಹ್ಮದ್ ಡಾನ್‌ಗೆ ತಿಳಿಸಿದರು. “ಈ ಪ್ರದೇಶದಲ್ಲಿ ಹಲವಾರು ಸ್ಫೋಟಗಳು ಸಂಭವಿಸಿವೆ” ಮತ್ತು ಭದ್ರತಾ ಸಿಬ್ಬಂದಿ ಸುತ್ತಮುತ್ತಲಿನ ಬೀದಿಗಳನ್ನು ಮುಚ್ಚುತ್ತಿದ್ದಾರೆ ಎಂದು ಅವರು ಹೇಳಿದರು.
ದಾಳಿ ಪ್ರಾರಂಭವಾದ ಸ್ವಲ್ಪ ಸಮಯದ ನಂತರ, ಎಫ್‌ಸಿ ಚೌಕ್ ಮುಖ್ಯ ಸದರ್ ಬಳಿ ಹೊಗೆ ಏರುತ್ತಿರುವುದನ್ನು ಮತ್ತು ಹೆಚ್ಚುವರಿ ಸ್ಫೋಟಕವಾಗುತ್ತಿರುವಿಕೆಯ ಮಾಹಿತಿಯನ್ನ ತೋರಿಸುವ ವೀಡಿಯೊಗಳು ಸಾಮಾಜೀಕ ಜಾಲ ತಾಣಗಳಲ್ಲಿ ಹರಿಬಿಟ್ಟಿದ್ದರು.
ಭದ್ರತಾ ಪಡೆಗಳಿಗೆ ಹಿಂಸಾತ್ಮಕ ವರ್ಷ: ಸೋಮವಾರದ ದಾಳಿಯು ಈ ವರ್ಷ ಪಾಕಿಸ್ತಾನದ ಭದ್ರತಾ ಸ್ಥಾಪನೆಗಳ ಮೇಲೆ ನಡೆದ ಮಾರಕ ದಾಳಿಗಳ ಸರಣಿಗೆ ಸೇರ್ಪಡೆಯಾಗಿದೆ. ಕ್ವೆಟ್ಟಾದಲ್ಲಿರುವ ಅರೆಸೈನಿಕ ಪ್ರಧಾನ ಕಚೇರಿಯ ಹೊರಗೆ ಸಂಭವಿಸಿದ ಪ್ರಬಲ ಕಾರ್ ಬಾಂಬ್ ದಾಳಿಯಲ್ಲಿ ಕನಿಷ್ಠ ಹತ್ತು ಜನರು ಸಾವನ್ನಪ್ಪಿದರು.
ಹಾಗೇ ಹಲವಾರು ಜನರು ಗಾಯಗೊಂಡಿದ್ದರು. ಇದು ಹೆಚ್ಚುತ್ತಿರುವ ಭದ್ರತಾ ಬಿಕ್ಕಟ್ಟನ್ನು ಒತ್ತಿಹೇಳುತ್ತದೆ. ಕ್ವೆಟ್ಟಾದಲ್ಲಿ ರಾಜಕೀಯ ರ್ಯಾಲಿಯನ್ನು ಗುರಿಯಾಗಿಸಿಕೊಂಡು ಆತ್ಮಾಹುತಿ ಬಾಂಬರ್ ನಡೆಸಿದ ದಾಳಿಯಲ್ಲಿ 11 ಜನರು ಸಾವನ್ನಪ್ಪಿದರು ಮತ್ತು 40 ಕ್ಕೂ ಹೆಚ್ಚು ಜನರು ಗಾಯಗೊಂಡಿದ್ದರು. ಇದೇ ಸಮಯದಲ್ಲಿ ನೂರಾರು ಬಲೂಚಿಸ್ತಾನ್ ರಾಷ್ಟ್ರೀಯ ಪಕ್ಷದ ಬೆಂಬಲಿಗರು ಸೇರಿದ್ದರು.
ಪಾಕಿಸ್ತಾನಿ ಪಡೆಗಳು ಈ ಪ್ರದೇಶದಲ್ಲಿ ಬೇರೂರಿರುವ ಬಂಡಾಯದ ವಿರುದ್ಧ ಹೋರಾಡುತ್ತಲೇ ಇವೆ. ಅಧಿಕೃತ ಅಂಕಿಅಂಶಗಳ ಪ್ರಕಾರ, 2024 ರಲ್ಲಿ ಬಲೂಚಿಸ್ತಾನದಲ್ಲಿನ ಸಂಘರ್ಷವು 782 ಜನರನ್ನು ಬಲಿ ತೆಗೆದುಕೊಂಡಿದೆ.
ಉಗ್ರಗಾಮಿ ದಾಳಿಗಳ ಅಲೆ: ವಾಯುವ್ಯ ಮತ್ತು ನೈಋತ್ಯದಲ್ಲಿ ಉಗ್ರಗಾಮಿ ಕಾರ್ಯಚಟುವಟಿಕೆ ತೀವ್ರಗೊಂಡಿತ್ತು. ಮಾರ್ಚ್‌ನಲ್ಲಿ ಬಲೂಚ್ ಲಿಬರೇಶನ್ ಆರ್ಮಿ ರೈಲನ್ನು ಅಪಹರಿಸಿ ಕರ್ತವ್ಯದಲ್ಲಿದ್ದ ಸೈನಿಕರನ್ನು ಕೊಂದಿದ್ದರು. ಜನವರಿಯಿಂದ ಬನ್ನುದಲ್ಲಿ ಆರು ಸೈನಿಕರ ಸಾವು ಸೇರಿದಂತೆ ವಿವಿಧ ದಾಳಿಗಳಲ್ಲಿ 430 ಕ್ಕೂ ಹೆಚ್ಚು ಜನರು, ಅವರಲ್ಲಿ ಹೆಚ್ಚಿನವರು ಭದ್ರತಾ ಸಿಬ್ಬಂದಿ ಸಾವನ್ನಪ್ಪಿದ್ದಾರೆ.
ಉಗ್ರರ ದಾಳಿ ಯತ್ನಕ್ಕೆ ಪೊಲೀಸರು, ಸೇನೆ ಹಾಗೂ ಎಫ್‌ಸಿ ಸಿಬ್ಬಂದಿ ತ್ವರಿತವಾಗಿ ತಿರುಗೇಟು ನೀಡಿದ್ದು, ಒಂದು ಗಂಟೆಯಲ್ಲೇ ಐವರು ಉಗ್ರರನ್ನು ಹತ್ಯೆ ಮಾಡಲಾಗಿದೆ ಎಂದು ಪೊಲೀಸ್ ಇನ್‌ಸ್ಪೆಕ್ಟರ್ ಜನರಲ್ ಝುಲ್ಟಿಕರ್ ಹಮೀದ್ ಮಾಧ್ಯಮಗಳೊಂದಿಗೆ ಹೇಳಿದ್ದಾರೆ.
