ಭಾರತದ ಕಾಲೇಜು ವಿದ್ಯಾರ್ಥಿಗಳಿಗೆ ಗೂಗಲ್ ಬಂಪರ್ ಆಫರ್!

ನವದೆಹಲಿ: ಭಾರತೀಯ ಕಾಲೇಜು ವಿದ್ಯಾರ್ಥಿಗಳಿಗೆ ಗೂಗಲ್ ತನ್ನ AI Pro ಯೋಜನೆಯನ್ನು, ಒಂದು ವರ್ಷದ ಉಚಿತ (ರೂ. 19,500 ಮೌಲ್ಯದ) ಚಂದಾದಾರಿಕೆಯನ್ನು ನೀಡುತ್ತಿದೆ. ಈ ಕೊಡುಗೆಯು18 ವರ್ಷ ಮತ್ತು ಅದಕ್ಕಿಂತ ಹೆಚ್ಚಿನ ವಯಸ್ಸಿನ ವಿದ್ಯಾರ್ಥಿಗಳಿಗೆ ಮಾತ್ರ ಮಾನ್ಯವಾಗಿರುತ್ತದೆ.

ರೂ. 19,500 ಮೌಲ್ಯದ AI Pro ಯೋಜನೆಯು 12 ತಿಂಗಳು ಉಚಿತವಾಗಿದ್ದು, ಯೋಜನೆಯು ಗೂಗಲ್‌ನ ಸುಧಾರಿತ ಎಐ ಪರಿಕರಗಳಿಗೆ ಪ್ರವೇಶವನ್ನು ನೀಡುತ್ತದೆ. ಇದನ್ನು ವಿದ್ಯಾರ್ಥಿಗಳು ಮನೆ ಕೆಲಸ, ಬರವಣಿಗೆ ಮತ್ತು ವಿಡಿಯೋ ತಯಾರಿಕೆಯ ಸಹಾಯಕ್ಕೆ ಪಡೆಯಬಹುದು.

18 ವರ್ಷ ಅಥವಾ ಅದಕ್ಕಿಂತ ಹೆಚ್ಚಿನ ವಯಸ್ಸಿನ ಭಾರತೀಯ ವಿದ್ಯಾರ್ಥಿಗಳು ಯೋಜನೆಗೆ ಉಚಿತ ಪ್ರವೇಶವನ್ನು ಪಡೆಯಬಹುದಾಗಿದ್ದು. ಚಂದಾದಾರಿಕೆಯು ಜೆಮಿನಿ 2.5 Pro ಮತ್ತು Veo 3 ನಂತಹ ವ್ಯಾಪಕ ಶ್ರೇಣಿಯ ಪ್ರೀಮಿಯಂ ವೈಶಿಷ್ಟ್ಯಗಳನ್ನು ಒಳಗೊಂಡಿದೆ.

ಇದು ಅದರ ವೀಡಿಯೊ ಜನರೇಷನ್ AI ಮಾದರಿಯಾಗಿದೆ. ಈ ಯೋಜನೆಯು ಜಿ-ಮೇಲ್, ಡಾಕ್ಸ್ ಮತ್ತು ಇತರ ಗೂಗಲ್ ಅಪ್ಲಿಕೇಶನ್‌ಗಳಲ್ಲಿ 2ಟಿಬಿ ಕ್ಲೌಡ್ ಸಂಗ್ರಹಣೆ ಮತ್ತು ಎಐ ವೈಶಿಷ್ಟ್ಯಗಳನ್ನು ಸಹ ಒಳಗೊಂಡಿದೆ.

ಈ ಯೋಜನೆಯನ್ನು ಪಡೆಯಲು ವಿದ್ಯಾರ್ಥಿಯು 18 ವರ್ಷ ಅಥವಾ ಅದಕ್ಕಿಂತ ಹೆಚ್ಚಿನ ವಯಸ್ಸಿನವರಾಗಿರಬೇಕು. ಭಾರತದ ನಿವಾಸಿಯಾಗಿರಬೇಕು, ವೈಯಕ್ತಿಕ ಗೂಗಲ್ ಖಾತೆಯನ್ನು ಬಳಸಿ (ಮೇಲ್ವಿಚಾರಣೆ ಮಾಡಲಾದ ಖಾತೆಗಳು ಅರ್ಹವಲ್ಲ), ಮಾನ್ಯವಾದ ಶಾಲಾ ಇಮೇಲ್ ಅಥವಾ ದಾಖಲಾತಿಯ ಪುರಾವೆಯನ್ನು ಒದಗಿಸ ಬೇಕು, ಗೂಗಲ್‌ ಪೆಮೆಂಟ್‌ ಖಾತೆಯನ್ನು ಹೊಂದಿರಬೇಕು.

ಮೂರನೇ ವ್ಯಕ್ತಿಯ ಪ್ಲಾಟ್‌ಫಾರ್ಮ್‌ಗಳ ಮೂಲಕ ಚಂದಾದಾರರಾಗಬಾರದು. ಮೊದಲ ವರ್ಷಕ್ಕೆ ಈ ಕೊಡುಗೆ ಸಂಪೂರ್ಣವಾಗಿ ಉಚಿತವಾಗಿದ್ದರೂ, ಪ್ರಮಾಣಿತ ದರಗಳಲ್ಲಿ ಸ್ವಯಂಚಾಲಿತ ಬಿಲ್ಡಿಂಗ್ ಅನ್ನು ತಪ್ಪಿಸಲು ವಿದ್ಯಾರ್ಥಿಗಳು ಪ್ರಾಯೋಗಿಕ ಅವಧಿ ಮುಗಿಯುವ ಮೊದಲು ರದ್ದುಗೊಳಿಸಬೇಕು.

ಈ ಯೋಜನೆ ಜೆಮಿನಿ 2.5 ಪ್ರೊ, ಡೀಪ್ ರಿಸರ್ಚ್ ಮತ್ತು 2ಟಿಬಿ ಕ್ಲೌಡ್ ಸ್ಟೋರೇಜ್‌ನಂತಹ ಪರಿಕರಗಳನ್ನು ಒಳಗೊಂಡಿದೆ. ವರ್ಷಪೂರ್ತಿ ಉಚಿತ ಪ್ರವೇಶವನ್ನು ಪಡೆಯಲು ವಿದ್ಯಾರ್ಥಿಗಳು SheerID ಮೂಲಕ ಪರಿಶೀಲಿಸಬೇಕು ಮತ್ತು ವೈಯಕ್ತಿಕ ಜಿ-ಮೇಲ್ ಖಾತೆಗಳೊಂದಿಗೆ ನೋಂದಾಯಿಸಿಕೊಳ್ಳಬೇಕು.

ಹೋಮ್‌ವರ್ಕ್ ಮತ್ತು ಪರೀಕ್ಷಾ ತಯಾರಿ, 1500 ಪುಟಗಳವರೆಗಿನ ಪಠ್ಯಪುಸ್ತಕಗಳನ್ನು ಎಐ ಸಹಾಯದಿಂದ ವಿಶ್ಲೇಷಿಸಬಹುದು. ಪರೀಕ್ಷೆಯ ಸಮಯದಲ್ಲಿ ಸಹಾಯ ಮಾಡಲು ಇದನ್ನು ಬಳಸಬಹುದು. ಸಂಕೀರ್ಣ ವಿಷಯಗಳನ್ನು ಅರ್ಥಮಾಡಿಕೊಳ್ಳಲು ಇದು ಉಪಯುಕ್ತವಾಗಿದೆ. ಬರವಣಿಗೆಯ ಪರಿಕರಗಳು, ಪ್ರಬಂಧಗಳನ್ನು ಸುಧಾರಿಸಲು ಮತ್ತು ವಿಚಾರಗಳನ್ನು ಸಂಘಟಿಸಲು ಇದು ಉಪಯುಕ್ತವಾಗಿದೆ.

ಕಲಿಕೆಯ ಜೊತೆಗೆ ಸಂಶೋಧನೆ, ಉದ್ಯೋಗ ಸಂದರ್ಶನ ತಯಾರಿ ಮತ್ತು ಸೃಜನಶೀಲ ಕಲ್ಪನೆಯವರೆಗೆ ವ್ಯಾಪಕ ಶ್ರೇಣಿಯ ಬಳಕೆಯ ಸಂದರ್ಭಗಳಲ್ಲಿ ವಿದ್ಯಾರ್ಥಿಗಳನ್ನು ಬೆಂಬಲಿಸಲು AI Pro ಯೋಜನೆಯನ್ನು ವಿನ್ಯಾಸಗೊಳಿಸಲಾಗಿದೆ. ಸೆಪ್ಟೆಂಬರ್ 15 ನೋಂದಾಯಿಸಲು ಕೊನೆಯ ದಿನ.